ລິ້ງ ສຳຫລັບເຂົ້າຫາ

logo-print

ພິທີ ໄວ້ອາໄລ ແກ່ດວງວິນຍານ ທະຫານ ສະຫະລັດ ທີ່ເສຍຊີວິດ ໃນສົງຄາມ (ວີດີໂອ)


ທະຫານກອງກຽດຕິຍົດ ຢູ່ໃນພິທີໄວ້ອາໄລ ແກ່ດວງວິນຍານ ​ຂອງ​ພວກທະຫານ ​ທີ່ເສຍຊີວິດ ໃນສົງຄາມ ທີ່​ຂຸມ​ຝັງ​ສົບ​ ທະຫານນິລະນາມ ​ໃກ້ໆນະຄອນຫລວງວໍຊິງຕັນ ດີ.ຊີ
ເນຶ່ອງ​ໃນວັນ​ລະນຶກ​ເຖິງ ດວງ​ວິນ​ຍານ ຂອງທະຫານ​ ຜ່ານ​ເສິກ
ຫຼື Memorial Day ​ໃນ​ວັນ​ຈັນ​ສັບປະດາ​ນີ້ ລາຍການ​ຊີວິດ
​ຊາວ​ລາວຂອງ ​ວີ​ໂອ​ເອ ໃນ​ແລງ​ວັນ​ພະຫັດ​ມື້​ນີ້ ຈຶ່ງຈະນຳ​ເອົາ
​ການ​ສຳພາດກັບສິບ​ຕີ ວົງ​ໄຊ​ສິດ ລິດ​ຍຸວົງ ທະຫານກອງທັບ
ເຮືອ ສະຫະລັດ ມາສະ​ເໜີ​ທ່ານ​. ທ່ານວົງ​ໄຊ​ສິດເປັນ​ນາ​ຍ
ຊ່າງແປງ​ເຮືອບິນ​ ​ໃນກອງ​ທັບ​ເຮື​ອ ​ໄດ້​ຮັບ​ໃຊ້ໜ້າ​ທີ່​ມາ​ໄດ້
15 ປີ​ແລ້ວ ເພື່ອເປັນການພັກຜ່ອນຢ່ອນ​ສະໝອງຜູ້ກ່ຽວ
ໄດ້​ສ້າງ​ຮູບ​ເງົາ​ ໃຫ້​ໂຄງການ​ຂອງທະຫານ ແລະໄດ້​ກາຍ​
ເປັນຜູ້​ນຶ່ງໃນຈຳນວນ 52 ຄົນທີ່ຖືກ​ຄະນະ​ກຳມະການ
​ເລືອກ​ເອົາ​ຜົນງານ​ເຂົ້າມາ​ແຂ່ງ​ຂັນ​ໃນສົກ​ປີທີ 8 ​ໃນ​ ​ວັນ
ລະນຶກ​ເຖິງ​ ດວງ​ວິນ​ຍານຂອງ ທະຫານຜ່ານ​ເສິກ ທີ່​ນະ
ຄອ​ນຫລວງວໍ​ຊິງ​ຕັນ ດີ​.ຊີ ຫວ່າງ​ສັບປະດາ​ທີ່​ຜ່ານ​ມາ​ນີ້.
ຄວາມ​ເປັນມາຂອງ ສິບ​ຕີ ວົງໄຊສິດ ລິດ​ຍຸວົງ ​ມີຢ່າງ​ໃດ​ ​ເຊີນ​ທ່ານ​ພົບ​ກັບ ກິ່ງ​ສະຫວັນ ​ໄດ້ໃນ​ອັນ​ດັບ​ຕໍ່​ໄປ.
ທະຫານກອງກຽດຕິຍົດ
ທະຫານກອງກຽດຕິຍົດ


ສະບາຍດີ ທ່ານ​ຜູ້​ຟັງ​ທີ່​ເຄົາລົບ ເນຶ່ອງ​ໃນວັນລ​ະ​ລຶກ​ເຖິງ ດວງ
​ວິນ​ຍານຂອງທະຫານ​ຜ່ານ​ເສິກຫລື Memorial Day ​ໃນ​ວັນ
​ຈັນ​ທີ່​ຜ່ານ​ມາ​ນີ້ ຂ້າພະ​ເຈົ້າຈະຂໍ​ແນະນຳ​ໃຫ້ທ່ານ​ຮູ້ຈັກ​ກັບ ສິບ​
ຕີ ວົງ​ໄຊ​ສິດ ລິດ​ຍຸວົງ ທະຫານກອງທັບ​ເຮືອ ​ນາຍຊ່າງສ້ອມ​
ແປງ​ເຮືອ​ບີນລົບ​ ສະຫະລັດ ​ທັງ​ເປັນ​ນັກ​ສ້າງ​ຮູບ​ເງົາສະໝັກ​ຫຼິ້ນ
ນຳ. ​ແຕ່​ກ່ອນ​ອຶ່ນ ​ເຮົາມາທຳ​ຄວາມ​ເຂົ້າ​ໃຈກັນ ເຖິງຄວາມ​ເປັນ​
ມາ​ຂອງ​ ວັນ​ລະລຶກ​ເຖິງດວງ​ວິນ​ຍານຂອງ ທະຫານ​ຜ່ານ​ເສິກ ສະຫະລັດ.

Memorial Day ຫລື ວັນໃຫ້ກຽດ​ແກ່​ດວງ​ວິນ​ຍານ​ຂອງທະຫານ
​ຜ່ານ​ເສິກ ​ທີ່ສະລະ​ຊີບເພື່ອຊາດ ແມ່ນ​ວັນພັກ​ລັດຖະ​ການ​ປະຈຳ​ປີ ທີ່​ສຳຄັນ ຊຶ່ງໄດ້​ລິ​
ເລີ້ມກັ​ນ​ມາແຕ່​ປີ 1866 ຫລັງຈ​າກ ສົງ​ຄາມ​ກາງ​ເມືອງ ທີ່ຮ້ອງວ່າ Civil War ຈາກ​ປີ 1861 ຫາ 1865. ເວ​ລາ​ນັ້ນ ສະ​ຫະ​ລັດຢູ່​ພາຍ​ໃຕ້​ການ​ປົກ​ຄອງ​ຂອງປະ​ທາ​ນາ​ທິ​ບໍ​ດີ Abraham Lincoln ປະ​ທາ​ນາ​ທິ​ບໍ​ດີ ຄົນ​ທີ 16 ຂອງ​ປະ​ເທດ.

ຫລັງ​ຈາກ​ສົງ​ຄາມ​ກາງເມືອງໄດ້​ສິ້ນສຸດ​ລົງ ໂດຍທີ່ຝ່າຍເໝືອ​ໄດ້​ຮັບໄຊ​ຊະ​ນະ ​ແລະນັບ
ຕັ້ງ​ແຕ່​ນັ້ນ​ມາ​ ຄົນຜີວດຳ ທີ່ເຄີຍ​ຕົກເປັນ​ຂ້າ​ທາດ ​ກໍໄດ້​ຖືກປົດ​ປ່ອຍ​ໃຫ້​ເປັນ​ອິດ​ສະ​ລະ​. ເພື່ອ​ລະ​ນຶກ​ເຖິງ​ບັນ​ດາ​ທະ​ຫານ ທີ່ເສຍຊີວິດ​ຢູ່​ໃນ​ສົງ​ຄາມ​ດັ່ງ​ກ່າວ ຈຶ່ງ​ໄດ້​ມີ​ການຈັດ​ຕັ້ງ ວັນລະນຶກ​ເຖິງດວງ​ວິນຍານ​ຂອງຜູ້ທີ່​ໄດ້​ສະລະ​ຊີບ​ເພື່ອ​ຊາດ​ຂື້ນ​ມາ ຈົນ​ໄດ້​ກາຍ​ມາເປັນ
​ວັນພັກ​ລັດຖະ​ກາ​ນຂອງຊາດຊຶ່ງຕົກ​ໃສ່ທ້າຍ​ສັບ​ປະ​ດາທີສາມ​ຂອງເດືອນພຶດສະພາ ​ຄື​ໃຫ້​ໄດ້​ພັກວັນເສົາອາທິດ ​ແລະ​ຈັນສາມ​ມື້​ຕິດ​ກັນທຸກໆປີ​ແລະໄດ້​ປະກາດອອກເປັນ​ທາງ​ການ ໃນ​ປີ 1971.

ໃນ​ວັນພັກ Momorial Day ນີ້ ຊາວ​ອາ​ເມ​ຣິ​ກັນຫຼາຍ​ຄົນ ຕ່າງກໍ​ພາ​ກັນເດີນ​ທາງ​ໄປ
​ພັກ​ຜ່ອນຢູ່​ຕາມແຄມ​ທະ​ເລ ຊຸມແຊວກິນ​ປິກ​ນິກ ຢູ່​ຕາມ​ສວນ​ສາ​ທາ​ລະ​ນະ ​ໄປນອນ
​ປ່າ ​ຢ້ຽມ​ຢາມ​ຍາດ​ຕິ​ພີ່​ນ້ອງ ແລະ ຊຸ​ມ​ແຊວ​ກັນຢູ່ຕາມ​ບ້ານ​ເຮືອນ​ຂອງໃຜ​ລາວ. ສະ
​ເພາະ​ຢູ່​ໃນ​ສຸສານແຫ່ງ​ຊາດ ​ໄດ້ມີການຈັດ​ພິທີໄວ້ອາ​ໄລຂຶ້ນຢ່າງສະງ່າຜ່າ​ເຜີຍ ມີ​ກອງ​
ກຽດຕິຍົດ ຈາກທະຫານ​ທຸກ​ເຫລົ່າ ມີການ​ຍິງ​ປືນ​ໃຫຍ່ 21 ​ນັດ ​ຊຶ່ງປີ​ນີ້ ​ໄດ້​ມີປະທານາ
ທິບໍດີ ບາຣັກ ​ໂອ​ບາ​ມາ ​ພ້ອມ​ດ້ວຍບັນ​ດາ​ເຈົ້າ​ໜ້າ​ທີ່ ຂັ້ນ​ສູງ​ຂອງ ລັດຖະບານ​ເຂົ້າ​ຮ່ວມ
ໃຫ້​ກຽດ.​
CN- America Remembers its Fallen Troops
please wait

No media source currently available

0:00 0:01:25 0:00

​ພິທີສະຫລອງ​ວັນ​ລະນຶກ​ເຖິງ ທະຫານ​ເສ​ຍຊິວິດ​ໃນ​ສົງຄາມ ​ໄດ້​ວິວັດທະນາມາ​ເລື້ອຍໆ
ໃນ​ປີ 1988 ​ໄດ້​ ​ມີນັກ​ລົບ​ເກົ່າ​ກຸ່ມ​ນຶ່ງເລີ້ມກໍ່​ໂຕ​ຂຶ້ນ​ມາ​ແລະຕັ້ງ​ຊື່ວ່າ Rolling Thunder​. ແຕ່ລະ​ປີ​ ພວກ​ນີ້ຈະ​ພາ​ກັນ ເດີນທາງ​ມາ​ຈາກ​ທົ່ວ ສະຫະລັດ ມາ​ເຕົ້າ​ໂຮມ​ກັນ​ຢູ່ວໍ​ຊິງ
ຕັນ ​ເພື່ອ​ຂີ່​ລົດ​ໂມ​ໂຕ​ໄຊຈຳນວນປະ​ມານ 90,000 ຄັນ ​ເຂົ້າ​ຮ່ວມການສ​ວນສະໜາມ
ຢ່າງມືດ​ຟ້າມົວ​ຝົນ. ນອກ​ນັ້ນກໍ​ຈະມີ​ການ​ເດີນ​ສວນສະໜາມ​ຢູ່​ຕາມ​ເມືອງ​ຕ່າງໆ ​ແລະ
​ໃນ​ການ​ປະກອບສ່ວນໃນ​ພິທີ​ລະລຶກ​ນີ້ ກໍ​ແມ່ນ​ການ​ແຂ່ງຂັນກັນສ້າງ​ຮູບ​ເງົາ ກ່ຽວ​ກັບ
​ທະຫານ​ຜ່ານ​ເສິກ ຊຶ່ງ​ເປັນ​ໂຄງການ​ພິ​ເສດ​ຂອງ​ທະຫານ ສະຫະລັດ ​ເພຶ່ອຊຸກ​ຍູ້​ສົ່ງ​
ເສີ​ມ​ ​ແລະ​ໃຫ້​ກຳລັງ​ໃຈ​ແກ່ ທະຫານໆ​ຂອງ​ຊາດ​ຊຶ່ງ​ຕົກ​ມາ​ເຖິງ​ປີ​ນີ້ກໍ ແມ່ນປີ​ທີ່ 8 ​ແລ້ວ.

ໂຄງການ​ສ້າງ​ຮູບ​ເງົາ​ຂອງທະຫານ GI (Government Issue ຫລື General
Issue) ແມ່ນ​ຊື່​ທົ່ວໄປ​ຂອງ ​ບັນດາເຫ​ລົ່າທະຫານບົກ ທະຫານເຮືອ ທະຫານ​ອາກາດ
ທະຫານ​ມາຣິນ ​ແລະ​ທະຫານ​ຍາມ​ຝັ່ງ. ແຕ່ລະ​ປີຈະ​ມີ​ຫລາຍ​ຮ້ອຍເລື້ອງ​ທີ່​ສົ່ງ​ເຂົ້າ​ມາ​
ປະ​ກວດ. ​ປີ​ນີ້ ​ໄດ້​ມີ 52 ​ເລື້ອງ​ດີ​ເດັ່ນ​ ຊ່ຶງໃນ​ນັ້ນ​ກໍມີ ຜົນງານ​ຂອງ ສິບ​ຕີ ວົງ​ໄຊ​ສິດ ລິດ
​ຍຸວົງ​ເລື້ອງ​ນ່ຶງ ຊຶ່ງ​ເປັນ​ທັງຜູ້ສ້າງ ​ແລະກຳກັບ​ການສະ​ແດງ​ ແລະການ​ຮ້ອງ​ເພງ​ລູກທົ່ງ
ອາ​ເມຣິກັນ.
ສິບຕີ ວົງໄຊສິດ ລິດຍຸວົງ (Troy) ທະຫານກອງທັບເຮືອ ສະຫະລັດ
ສິບຕີ ວົງໄຊສິດ ລິດຍຸວົງ (Troy) ທະຫານກອງທັບເຮືອ ສະຫະລັດ




ສິບ​ຕີ ວົງ​ໄຊ​ສິດ ມີ​ຊື່​ຫລີ້ນ​ວ່າ ຕອຍ ທ່ານເປັນ​ລູກ​ຊາຍ​ກົກຂອງ​ ອ້າ​ຍນ້ອງ​ສອງ​ຄົນ
​ຂອງ ທ່ານ ບຸນ​ທອງ ​ແລະ​ຍາ​ນາງ​ສົມ​ມັກ ລິດຍຸ​ວົງ. ຕອຍ ເກີດ​ຢູ່​ເມືອງ​ປາ​ກເຊ ປະ​ເທດ
ລາວ ​ເດີນທາງ​ເຂົ້າ​ມາສະຫະລັດ ກັບ​ຄອບຄົວ​ໃນ​ປີ 1980 ​ເວລາ​ອາຍຸ​ໄດ້ນຶ່ງ​ປີ. ຫລັງ​
ຈາກຮຽນ​ ຢູ່​ມະຫາວິທະຍາ​ໄລໄດ້ສອງ​ປີ​ແລ້ວ ຜູ້ກ່ຽວກໍໄດ້​ໄປ​ສະໝັກ​ເຂົ້າ​ຮັບ​ໃຊ້​ໃນ
​ກອງທັບ​ເຮືອ ສະຫະລັດ ​ເປັນ​ນາຍ​ຊ່າງແປງ​ເຮືອບິນ​ລົບມາ​ໄດ້ 15 ປີ​ແລ້ວ ​ແລະ​ມີ​ກຳ
ໜົດ​ຈະ​ອອກ​ກິນ​ເບັ້ຍບຳນານ​ໃນ​ອີກ 5 ປີຂ້າ​ງໜ້າ​ນີ້. ໃນ​ເວລາ​ຫວ່າງ ​ຕອຍ ມີ​ຄວາມ
​ສົນໃຈຢາກສ້າງ​ຮູບ​ເງົາ ຊຶ່ງຜູ້ກ່ຽວໄດ້ເລົ່າ​ຊິວິດ​ຄວາມເປັນ​ມາ​ສູ່ ວີ​ໂອ​ເອ ​ຟັງ​ດັງ​ນີ້ :

ສິບຕີ ວົງໄຊສິດ (Troy) ລິດຍຸວົງ (ຊ້າຍ) ແລະ ກິ່ງສະຫວັນ ປະຖັມມະວົງ
ສິບຕີ ວົງໄຊສິດ (Troy) ລິດຍຸວົງ (ຊ້າຍ) ແລະ ກິ່ງສະຫວັນ ປະຖັມມະວົງ





ການ​ສ້າງ​ຮູບ​ເງົາ ​ແມ່ນ​ໂຄງການ​ນຶ່ງ​ຂອງ​ກອງທັບ ສະຫະລັດ ​ເພື່ອໃຫ້​ໂອກາ​ດ​ແກ່ ບັນດາ​ທະຫານ ​ໄດ້​ລະບາຍ​ຄວາມຮູ້ສຶກ​ນຶກ​ຄິດ​ ​ໂດ​ຍສະ​ເພາະ​ແມ່ນ ກ່ຽວ​ກັບ​ຊີວິດ​ທະຫານ ຊຶ່ງ ຕອຍ ​ໄດ້​ກ່າວ​ຕໍ່​ອີກ​ວ່າ :
ສິບຕີ ວົງໄຊສິດ (Troy) ແລະເພຶ່ອນດາຣາຮູບເງົາ
ສິບຕີ ວົງໄຊສິດ (Troy) ແລະເພຶ່ອນດາຣາຮູບເງົາ



ເຖິງ​ແມ່ນ​ວ່າ ສິບ​ຕີ ວົງ​ໄຊສິດ ​ຈະໄດ້ມາເຕີບ​ໃຫຍ່​ຢູ່​ໃນ ສະຫະລັດ ​ແຕ່​ອາຍຸ 1 ປີ​ກໍ​ຕາມ ​ແຕ່​ຄວາມ​ເປັນ​ລາວ​ກໍຍັງ​ມີຝັງໂຕຢູ່ ​ເຊັ່​ນວ່າ ສາມາດ​ປາກ​ພາສາ​ລາວ ດ້ວຍ​ສຳ ນຽງ​ປາກ​ເຊ ໄດ້​ເດີນທາງ​ໄປ​ຢ້ຽມຢາມ​ເມືອງ​ລາວ​ຫລາຍ​ຄັ້ງ ແລະ​ມັກ​ອາຫານ​ລາວ ດັ່ງ​ຕອຍ​ໄດ້​ກ່າວ​ມ້ວນທ້າຍ​ວ່າ :
ດາຣາຮູບເງົາ ທ່ານ Gary Sinis ແລະ Vongsaisith (Troy)
ດາຣາຮູບເງົາ ທ່ານ Gary Sinis ແລະ Vongsaisith (Troy)


ນັ້ນ​ແມ່ນ​ການ​ສຳພາດ ກັບສິບ​ຕີ ວົງ​ໄຊ​ສິດ ທະຫານ​ກອງ​ທັບ​ເຮືອ
ສະຫະລັດ. ໂອ​ກາ​ດໜ້າ ຂ້າພະ​ເຈົ້າ ຈະ​ນຳເອົາ​ລາຍ​ງານ ກ່ຽວ​
ກັບຊາວ​ລາວ​ ທີ່​ໜ້າ​ສົນ​ໃຈ​ມາສະ​ເໜີ ທ່ານ​ອີກ ​ໂປດ​ຕິດຕາມຟັງ.








ເບິ່ງຄວາມເຫັນ (6)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG