ລັດຖະບານລາວປະຕິເສດວ່າ ຕົນບໍ່ມີຄວາມຮັບຜິດຊອບຕໍ່ການຫາຍສາບສູນຂອງນັກເຄື່ອນໄຫວດ້ານສັງຄົມທີ່ມີຊື່ສຽງ ແຕ່ກຸ່ມປົກປ້ອງສິດທິມະນຸດບໍ່ເຫັນພ້ອມນໍາ ໂດຍກ່າວວ່າ ພາບທີ່ບັນທຶກໄວ້ໂດຍກ້ອງວົງຈອນປິດ ສະແດງວ່າ ຜູ້ກ່ຽວຖືກເຈົ້າໜ້າທີ່ລາວຈັບຕົວໄປ.
ນັກເຄຶ່ອນໄຫວດັ່ງກ່າວນີ້ ກໍຄືທ່ານ ສົມບັດ ສົມພອນ ຊຶ່ງໄດ້ມີຄົນເຫັນທ່ານ ເທື່ອສຸດທ້າຍເມື່ອວັນເສົາຜ່ານມານີ້ ທີ່ນະຄອນຫຼວງວຽງຈັນ ເວລາລົດຈີ໊ບຂອງທ່ານຖືກເຈົ້າໜ້າທີ່ຢຸດ ຢູ່ນອກປ້ອມຕໍາຫຼວດແຫ່ງນຶ່ງ. ຮູບຈາກກ້ອງວົງຈອນປິດສະແດງໃຫ້ເຫັນວ່າ ທ່ານສົມບັດໄດ້ຖືກນໍາຕົວໄປ ໂດຍຊາຍສອງຄົນ ທີ່ບໍ່ຮູ້ວ່າເປັນໃຜ .
ສີ່ມື້ຫຼັງຈາກການຫາຍສາບສູນຂອງທ່ານສົມບັດ ກະຊວງການຕ່າງປະເທດລາວໄດ້ອອກຖະແຫຼງການສະບັບນຶ່ງທີ່ເວົ້າວ່າ ທາງລັດຖະບານລາວບໍ່ມີຂໍ້ມູນໃດໆກ່ຽວກັບວ່າ ທ່ານສົມບັດຢູ່ບ່ອນໃດໃນເວລານີ້ ແຕ່ກໍຊີ້ແນະວ່າທ່ານສົມບັດ ສົມພອນ ນັກເຄຶ່ອນໄຫວ ໄວ 60 ປີ ອາດຖືກລັກພາຕົວໄປ ຍ້ອນການຂັດແຍ້ງໃນທາງສ່ວນຕົວ ຫຼືໃນດ້ານທຸລະກິດ.
ເພື່ອນມິດຫຼາຍໆຄົນຂອງທ່ານສົມບັດ ຍັງບໍ່ແນ່ໃຈໃນເລຶ່ອງນີ້. ທ່ານສຸໄນ ຜາສຸກ ນັກຄົ້ນຄວ້າອາວຸໂສປະຈໍາກຸ່ມສິ້ງຊອມສິດທິມະນຸດ Human Rights Watch ບອກວີໂອເອວ່າ ຖະແຫຼງການຂອງລັດຖະບານລາວບໍ່ກົງກັບຫຼັກຖານທີ່ພົບເຫັນ. ທ່ານກ່າວກ່ຽວ ກັບເລື່ອງນີ້ວ່າ:
"ໃນຕອນນີ້ ອິງຕາມຄໍາໃຫ້ການ ຂອງຄອບຄົວຂອງຜູ້ກ່ຽວ ພ້ອມທັງ ຫຼັກຖານຕ່າງໆຂອງສະພາບການ ໂຮມທັງຮູບຖ່າຍຂອງ ກ້ອງວົງຈອນປິດນັ້ນ ພວກເຮົາເຊື່ອວ່າ ເຈົ້າໜ້າທີ່ລາວເປັນຜູ້ຮັບຜິດຊອບ ຕໍ່ການຫາຍສາບສູນຂອງທ່ານສົມ ບັດ ແລະຜູ້ກ່ຽວອາດຖືກຄວບຄຸມຕົວໄວ້ ຢູ່ແຫ່ງໃດແຫ່ງນຶ່ງ.”
ທ່ານສຸໄນ ຊີ້ອອກວ່າ ລາວ ຊຶ່ງເປັນປະເທດຄອມມີວນີສທີ່ປົກຄອງໂດຍ ພັກດຽວນັ້ນ ບໍ່ອະນຸໂລມຜ່ອນຜັນໃຫ້ມີການສະແດງອອກເຖິງຄັດຄ້ານລັດຖະບານ ແລະກໍມີປະວັດມາດົນນານ ໃນເລື້ອງການຈັບກຸມຜູ້ຄົນໂດຍພະລະການ ແລະເຮັດໃຫ້ຫຼາຍຄົນຫາຍສາບສູນ.
ທ່ານສຸໄນກ່າວອີກວ່າ ຖ້າຫາກທ່ານສົມບັດ ຖືກລັກພາຕົວໄປ ດັ່ງທີ່ລັດ ຖະບານລາວອ້າງນັ້ນ ລັດຖະບານລາວກໍຄວນຊີ້ແຈງໄດ້ວ່າ ດ້ວຍເຫດໃດ ຕໍາຫຼວດຢູ່ທີ່ດ່ານກວດຈຶ່ງບໍ່ຢຸດ ຄົນຮ້າຍ ບໍ່ໃຫ້ນໍາຕົວທ່ານສົມບັດໜີໄປໄດ້.
ກຸ່ມນັກປັນຍາຊົນຊາວເອເຊຍຈຳນວນ 132 ຄົນ ໄດ້ຂຽນຈົດໝາຍສະບັບນຶ່ງສົ່ງເຖິງເຈົ້າ ໜ້າທີ່ລາວ ໃນວັນພະຫັດມື້ນີ້ ຮຽກຮ້ອງໃຫ້ລັດຖະບານທໍາ ການສືບສວນສອບສວນໂດຍລະອຽດ ຕໍ່ການຫາຍສາບສູນຂອງທ່ານສົມບັດຊຶ່ງເປັນເພື່ອນຮ່ວມງານຂອງພວກເຂົາເຈົ້ານັ້ນ. ນອກນີ້ແລ້ວ ກະຊວງຕ່າງປະເທດສະຫະລັດຍັງໄດ້ຮຽກຮ້ອງໃຫ້ລັດຖະບານລາວຈົ່ງ ເຮັດທຸກວິທີທາງ ເພື່ອຊອກຫານັກເຄື່ອນໄຫວຄົນນີ້ ໃຫ້ພົບ.
ໃນປີ 2005 ທ່ານສົມບັດ ສົມພອນ ໄດ້ຮັບລາງວັນ Ramon Magsay say ສໍາລັບການເປັນຜູ້ນໍາປະຊາຄົມທີ່ດີເດັ່ນ ທີ່ຖືກັນວ່າເປັນລາງວັນໂນເເບລຂອງຂົງເຂດເອເຊຍ ຍ້ອນຄວາມພະຍາຍາມຂອງທ່ານເພື່ອຊຸກຍູ້ສົ່ງເສີມການພັດທະນາທີ່ຍືນຍົງ.
ເພື່ອນມິດຂອງທ່ານສົມບັດ ກ່າວວ່າ ວຽກງານຂອງທ່ານສົມບັດນັ້ນ ບໍ່ໄດ້ມີການພົວພັນໂດຍກົງກັບເລື້ອງການເມືອງ ຫຼືການຕໍ່ຕ້ານລັດຖະບານແຕ່ໃດ ແລະກໍ່ບໍ່ປະກົດວ່າ ຜູ້ກ່ຽວມີສັດຕູເລີຍ.
ນັກເຄຶ່ອນໄຫວດັ່ງກ່າວນີ້ ກໍຄືທ່ານ ສົມບັດ ສົມພອນ ຊຶ່ງໄດ້ມີຄົນເຫັນທ່ານ ເທື່ອສຸດທ້າຍເມື່ອວັນເສົາຜ່ານມານີ້ ທີ່ນະຄອນຫຼວງວຽງຈັນ ເວລາລົດຈີ໊ບຂອງທ່ານຖືກເຈົ້າໜ້າທີ່ຢຸດ ຢູ່ນອກປ້ອມຕໍາຫຼວດແຫ່ງນຶ່ງ. ຮູບຈາກກ້ອງວົງຈອນປິດສະແດງໃຫ້ເຫັນວ່າ ທ່ານສົມບັດໄດ້ຖືກນໍາຕົວໄປ ໂດຍຊາຍສອງຄົນ ທີ່ບໍ່ຮູ້ວ່າເປັນໃຜ .
ສີ່ມື້ຫຼັງຈາກການຫາຍສາບສູນຂອງທ່ານສົມບັດ ກະຊວງການຕ່າງປະເທດລາວໄດ້ອອກຖະແຫຼງການສະບັບນຶ່ງທີ່ເວົ້າວ່າ ທາງລັດຖະບານລາວບໍ່ມີຂໍ້ມູນໃດໆກ່ຽວກັບວ່າ ທ່ານສົມບັດຢູ່ບ່ອນໃດໃນເວລານີ້ ແຕ່ກໍຊີ້ແນະວ່າທ່ານສົມບັດ ສົມພອນ ນັກເຄຶ່ອນໄຫວ ໄວ 60 ປີ ອາດຖືກລັກພາຕົວໄປ ຍ້ອນການຂັດແຍ້ງໃນທາງສ່ວນຕົວ ຫຼືໃນດ້ານທຸລະກິດ.
ເພື່ອນມິດຫຼາຍໆຄົນຂອງທ່ານສົມບັດ ຍັງບໍ່ແນ່ໃຈໃນເລຶ່ອງນີ້. ທ່ານສຸໄນ ຜາສຸກ ນັກຄົ້ນຄວ້າອາວຸໂສປະຈໍາກຸ່ມສິ້ງຊອມສິດທິມະນຸດ Human Rights Watch ບອກວີໂອເອວ່າ ຖະແຫຼງການຂອງລັດຖະບານລາວບໍ່ກົງກັບຫຼັກຖານທີ່ພົບເຫັນ. ທ່ານກ່າວກ່ຽວ ກັບເລື່ອງນີ້ວ່າ:
"ໃນຕອນນີ້ ອິງຕາມຄໍາໃຫ້ການ ຂອງຄອບຄົວຂອງຜູ້ກ່ຽວ ພ້ອມທັງ ຫຼັກຖານຕ່າງໆຂອງສະພາບການ ໂຮມທັງຮູບຖ່າຍຂອງ ກ້ອງວົງຈອນປິດນັ້ນ ພວກເຮົາເຊື່ອວ່າ ເຈົ້າໜ້າທີ່ລາວເປັນຜູ້ຮັບຜິດຊອບ ຕໍ່ການຫາຍສາບສູນຂອງທ່ານສົມ ບັດ ແລະຜູ້ກ່ຽວອາດຖືກຄວບຄຸມຕົວໄວ້ ຢູ່ແຫ່ງໃດແຫ່ງນຶ່ງ.”
ທ່ານສຸໄນ ຊີ້ອອກວ່າ ລາວ ຊຶ່ງເປັນປະເທດຄອມມີວນີສທີ່ປົກຄອງໂດຍ ພັກດຽວນັ້ນ ບໍ່ອະນຸໂລມຜ່ອນຜັນໃຫ້ມີການສະແດງອອກເຖິງຄັດຄ້ານລັດຖະບານ ແລະກໍມີປະວັດມາດົນນານ ໃນເລື້ອງການຈັບກຸມຜູ້ຄົນໂດຍພະລະການ ແລະເຮັດໃຫ້ຫຼາຍຄົນຫາຍສາບສູນ.
ທ່ານສຸໄນກ່າວອີກວ່າ ຖ້າຫາກທ່ານສົມບັດ ຖືກລັກພາຕົວໄປ ດັ່ງທີ່ລັດ ຖະບານລາວອ້າງນັ້ນ ລັດຖະບານລາວກໍຄວນຊີ້ແຈງໄດ້ວ່າ ດ້ວຍເຫດໃດ ຕໍາຫຼວດຢູ່ທີ່ດ່ານກວດຈຶ່ງບໍ່ຢຸດ ຄົນຮ້າຍ ບໍ່ໃຫ້ນໍາຕົວທ່ານສົມບັດໜີໄປໄດ້.
ກຸ່ມນັກປັນຍາຊົນຊາວເອເຊຍຈຳນວນ 132 ຄົນ ໄດ້ຂຽນຈົດໝາຍສະບັບນຶ່ງສົ່ງເຖິງເຈົ້າ ໜ້າທີ່ລາວ ໃນວັນພະຫັດມື້ນີ້ ຮຽກຮ້ອງໃຫ້ລັດຖະບານທໍາ ການສືບສວນສອບສວນໂດຍລະອຽດ ຕໍ່ການຫາຍສາບສູນຂອງທ່ານສົມບັດຊຶ່ງເປັນເພື່ອນຮ່ວມງານຂອງພວກເຂົາເຈົ້ານັ້ນ. ນອກນີ້ແລ້ວ ກະຊວງຕ່າງປະເທດສະຫະລັດຍັງໄດ້ຮຽກຮ້ອງໃຫ້ລັດຖະບານລາວຈົ່ງ ເຮັດທຸກວິທີທາງ ເພື່ອຊອກຫານັກເຄື່ອນໄຫວຄົນນີ້ ໃຫ້ພົບ.
ໃນປີ 2005 ທ່ານສົມບັດ ສົມພອນ ໄດ້ຮັບລາງວັນ Ramon Magsay say ສໍາລັບການເປັນຜູ້ນໍາປະຊາຄົມທີ່ດີເດັ່ນ ທີ່ຖືກັນວ່າເປັນລາງວັນໂນເເບລຂອງຂົງເຂດເອເຊຍ ຍ້ອນຄວາມພະຍາຍາມຂອງທ່ານເພື່ອຊຸກຍູ້ສົ່ງເສີມການພັດທະນາທີ່ຍືນຍົງ.
ເພື່ອນມິດຂອງທ່ານສົມບັດ ກ່າວວ່າ ວຽກງານຂອງທ່ານສົມບັດນັ້ນ ບໍ່ໄດ້ມີການພົວພັນໂດຍກົງກັບເລື້ອງການເມືອງ ຫຼືການຕໍ່ຕ້ານລັດຖະບານແຕ່ໃດ ແລະກໍ່ບໍ່ປະກົດວ່າ ຜູ້ກ່ຽວມີສັດຕູເລີຍ.
