ເຈົ້າເມືອງ ໆໂຂງ ຢືນຢັນວ່າ ໂຄງການກໍ່ສ້າງ ເຂື່ອນດອນສະຫົງ
ເທິງແມ່ນໍ້າຂອງ ໃນແຂວງຈໍາປາສັກ ຈະສົ່ງຜົນປະໂຫຍດ ຢ່າງ
ຫຼວງຫຼາຍ ຕໍ່ການພັດທະນາ ຄວາມເປັນຢູ່ ຂອງປະຊາຊົນລາວ
ທ່ານ ສະນັ່ນສີພາ ພົມມະຈັນ ເຈົ້າເມືອງໆໂຂງ ແຂວງຈໍາປາສັກ ຖະແຫຼງຢືນຢັນວ່າ ໂຄງການສ້າງເຂື່ອນດອນສະຫົງເທິງແນວແມ່ນໍ້າຂອງຢູ່ເຂດສີພັນດອນ-ຄອນພະເພັງ ໃນແຂວງຈໍາປາສັກ ຈະສົ່ງຜົນປະໂຫຍດຢ່າງຫຼວງຫຼາຍຕໍ່ການພັດທະນາເພື່ອຍົກລະ ດັບ ສະພາບຊີວິດຄວາມເປັນຢູ່ທີ່ດີຂຶ້ນຂອງປະຊາຊົນລາວໃນເຂດເມືອງໂຂງ.
ທັງນີ້ ໂດຍນອກຈາກການກໍ່ສ້າງເຂື່ອນດອນສະຫົງຈະເປັນການເພີ່ມຄວາມອາດສາ ມາດ ຂອງການຜະລິດພະລັງງານໄຟຟ້າໃນລາວແລ້ວ ກຸ່ມລົງທຶນໃນໂຄງການກໍຍັງຈະດໍາເນີນ ການພັດທະນາພື້ນຖານໂຄງການຕ່າງໆ ຢູ່ບັນດາບ້ານທີ່ຢູ່ໃກ້ກັບໂຄງການ ທັງຍັງຈະມີ ການຈັດສັນອາຊີບຄົງທີ່ ເພື່ອທົດແທນອາຊີບການປະມົງ ອີກດ້ວຍ ດັ່ງທີ່ ທ່ານສະນັ່ນ ສີພາ ໄດ້ໃຫ້ການຊີ້ແຈງວ່າ:
“ຖ້າໂຄງການດັ່ງກ່າວໄດ້ຮັບການຈັດຕັ້ງປະຕິບັດນີ້ ກໍແມ່ນຈະໄດ້ນໍາເອົາຜົນປະໂຫຍດທີ່ໃຫຍ່ຫຼວງຫັ້ນຫຼ່ະມາໃຫ້ແກ່ປະຊາຊົນຊາວເມືອງໂຂງ ເພາະໂຄງ ການດັ່ງກ່າວນີ້ ຈະມີໂຄງການອື່ນໆທີ່ເປັນໂຄງການຍ່ອຍ ເປັນຕົ້ນໂຄງການຮ່າງພື້ນຖານຢູ່ບັນດາບ້ານໃກ້ຄຽງກັບໂຄງການ ເຊັ່ນເສັ້ນທາງ ແລ້ວກະມີຂົວ ຂ້າມແມ່ນໍ້າຂອງ ຈາກກຸ່ມເວີນຄາມ-ບ້ານ ບຶງງາມ ໄປຫາ ບ້ານດອນສະຄໍາ ແລະກະການກໍ່ສ້າງໂຮງໝໍ ແລະກະໂຄງການຈັດສັນອາຊີບຄົງທີ່ໃຫ້ແກ່ປະ ຊາຊົນ.”
ການຫາປາ ໃນແມ່ນໍ້າສະຫົງ ອັນເປັນວິຖິຊີວິດປະຈໍາວັນ
ແຕ່ຢ່າງໃດກໍຕາມ ໂຄງການສ້າງເຂື່ອນດອນສະຫົງກໍຍັງຈະຕ້ອງ
ປະເຊີນກັບ ການຖືກຄັດຄ້ານ ຈາກບັນດາອົງການອະນຸລັກສິ່ງ
ແວດລ້ອມຢ່າງກວ້າງຂວາງ ໂດຍລ່າສຸດ 103 ອົງການທີ່ເຄຶ່ອນ
ໄຫວຢູ່ໃນໄທ ກໍໄດ້ຮ່ວມກັນສົ່ງຈົດໝາຍເຖິງ ທ່ານ ວິເຊດ ກະ
ເສມທອງສີ ລັດຖະມົນຕີວ່າການກະຊວງຊັບພະຍາກອນທໍາມະ
ຊາດ ແລະສິ່ງແວດລ້ອມຂອງໄທ ເພື່ອຂໍໃຫ້ໃຊ້ສິດໃນຖານະຜູ້
ແທນຂອງລັດຖະບານໄທ ໃນຄະນະກໍາມາທິ ການແມ່ນໍ້າຂອງ
MRC ເພື່ອຍັບຢັ້ງໂຄງການເຂື່ອນດອນສະຫົງໃນລາວຢ່າງຮີບ
ດ່ວນທີ່ສຸດ.
ທັງນີ້ ໂດຍບັນດາອົງການອະນຸລັກ ໄດ້ໃຫ້ເຫດຜົນວ່າການກໍ່ສ້າງເຂື່ອນດອນສະຫົງຈະ ສົ່ງຜົນກະທົບຕໍ່ການປະມົງໃນເຂດຕອນລຸ່ມຂອງແມ່ນໍ້າຂອງ ຢ່າງກວ້າງຂວາງ ເນື່ອງ ຈາກວ່າເຂື່ອນຈະປິດຮູນໍ້າສະຫົງ ອັນເປັນເສັ້ນທາງສັນຈອນສໍາຄັນທີ່ສຸດຂອງປາ ລະ ຫວ່າງເຂດສີພັນດອນ ກັບທະເລສາບໃຫຍ່ໃນກໍາປູເຈຍ ທີ່ຖືເປັນແຫຼ່ງປະມົງນໍ້າຈືດທີ່ມີ ຂະໜາດໃຫຍ່ທີ່ສຸດຂອງໂລກ.
ຍິ່ງໄປກວ່ານັ້ນ ການສ້າງເຂື່ອນດອນສະຫົງ ກໍຍັງຈະທໍາລາຍອາຊີບປະມົງ ແລະກະເສດຕະກໍາຂອງປະຊາຊົນ ທັງໃນລາວ ກໍາປູເຈຍ ແລະຫວຽດນາມ ທີ່ຈະສົ່ງຜົນກະທົບ ຕໍ່ເນື່ອງເຖິງຄວາມໝັ້ນຄົງດ້ານສະບຽງອາຫານຂອງປະຊາຊົນຫຼາຍສິບລ້ານຄົນອີກດ້ວຍ ເພາະ ສະນັ້ນຈຶ່ງມີຄວາມຈໍາເປັນຢ່າງຍິ່ງທີ່ລັດຖະບານໄທຈະຕ້ອງໃຊ້ສິດຍັບຢັ້ງດັ່ງກ່າວ ລວມທັງຈະຕ້ອງກົດດັນລັດຖະບານລາວເພື່ອໃຫ້ນໍາໂຄງການເຂື່ອນດອນສະຫົງ ສູ່ກະບວນການປຶກສາຫາລື ໃນ MRC ດ້ວຍ ເນື່ອງຈາກວ່າ ໃນລະຍະທີ່ຜ່ານມາ ລັດ ຖະບານລາວໄດ້ດໍາເນີນການພຽງແຕ່ແຈ້ງໃຫ້ປະເທດສະມາຊິກ MRC ດ້ວຍກັນໄດ້ຮັບຊາບເທົ່ານັ້ນ.
ກ່ອນໜ້ານີ້ 19 ອົງການພັນທະມິດເພື່ອປົກປ້ອງແມ່ນໍ້າຂອງ ຫຼື Save the Mekong River ກໍໄດ້ຮ່ວມກັນສົ່ງຈົດໝາຍເຖິງນາຍົກລັດຖະມົນຕີລາວ ໄທ ກໍາປູເຈຍ ແລະຫວຽດນາມ ເພື່ອຮຽກຮ້ອງຂໍໃຫ້ຍົກເລີກໂຄງການເຂື່ອນດອນສະຫົງ ທີ່ຈະກໍ່ສ້າງເທິງແນວແມ່ນໍ້າຂອງໃນແຂວງຈໍາປາສັກຂອງລາວ ເມື່ອວັນທີ 1 ພະຈິກ ທີ່ຜ່ານມາ ໂດຍໃຫ້ເຫດຜົນຢ່າງດຽວກັນນີ້.
ແຕ່ຢ່າງໃດກໍຕາມ ທ່ານວີລະພົນ ວີລະວົງ ລັດຖະມົນຕີຊ່ວຍວ່າການກະຊວງພະລັງ ງານ ແລະບໍ່ແຮ່ ກໍໄດ້ໃຫ້ການຢືນຢັນກັບ VOA ວ່າ ໂຄງການເຂື່ອນດອນສະຫົງໄດ້ ຜ່ານການສຶກສາອອກແບບກໍ່ສ້າງ ຢ່າງໄດ້ມາດຕະຖານສາກົນໃນທຸກດ້ານແລ້ວ ຈຶ່ງເຊື່ອ ໝັ້ນວ່າ ເຂື່ອນດອນສະຫົງຈະບໍ່ສົ່ງຜົນກະທົບຕໍ່ສິ່ງແວດລ້ອມໃນເຂດຕອນລຸ່ມແມ່ນໍ້າຂອງຢ່າງແນ່ນອນ.
ທາງດ້ານບໍລິສັດ Mega First Corporation Berhad ຈາກມາເລເຊຍ ຜູ້ລົງທຶນໃນໂຄງການ ກໍຖະແຫຼງຢືນຢັນວ່າ ໄດ້ຕັດສິນໃຈລົງທຶນເຖິງ 600 ລ້ານໂດລ່າ ເພື່ອດໍາເນີນການກໍ່ສ້າງເຂື່ອນດອນສະຫົງ ຂະໜາດ 260 MW ໃຫ້ສໍາເລັດພາຍໃນປີ 2016.
ວີດີໂອ: ບັນດາຊ່ຽວຊານກ່າວວ່າ ເຂື່ອນດອນສະຫົງຈະສົ່ງຜົນກະທົບຕໍ່ສັດນໍ້າ:
ເທິງແມ່ນໍ້າຂອງ ໃນແຂວງຈໍາປາສັກ ຈະສົ່ງຜົນປະໂຫຍດ ຢ່າງ
ຫຼວງຫຼາຍ ຕໍ່ການພັດທະນາ ຄວາມເປັນຢູ່ ຂອງປະຊາຊົນລາວ
ທ່ານ ສະນັ່ນສີພາ ພົມມະຈັນ ເຈົ້າເມືອງໆໂຂງ ແຂວງຈໍາປາສັກ ຖະແຫຼງຢືນຢັນວ່າ ໂຄງການສ້າງເຂື່ອນດອນສະຫົງເທິງແນວແມ່ນໍ້າຂອງຢູ່ເຂດສີພັນດອນ-ຄອນພະເພັງ ໃນແຂວງຈໍາປາສັກ ຈະສົ່ງຜົນປະໂຫຍດຢ່າງຫຼວງຫຼາຍຕໍ່ການພັດທະນາເພື່ອຍົກລະ ດັບ ສະພາບຊີວິດຄວາມເປັນຢູ່ທີ່ດີຂຶ້ນຂອງປະຊາຊົນລາວໃນເຂດເມືອງໂຂງ.
ທັງນີ້ ໂດຍນອກຈາກການກໍ່ສ້າງເຂື່ອນດອນສະຫົງຈະເປັນການເພີ່ມຄວາມອາດສາ ມາດ ຂອງການຜະລິດພະລັງງານໄຟຟ້າໃນລາວແລ້ວ ກຸ່ມລົງທຶນໃນໂຄງການກໍຍັງຈະດໍາເນີນ ການພັດທະນາພື້ນຖານໂຄງການຕ່າງໆ ຢູ່ບັນດາບ້ານທີ່ຢູ່ໃກ້ກັບໂຄງການ ທັງຍັງຈະມີ ການຈັດສັນອາຊີບຄົງທີ່ ເພື່ອທົດແທນອາຊີບການປະມົງ ອີກດ້ວຍ ດັ່ງທີ່ ທ່ານສະນັ່ນ ສີພາ ໄດ້ໃຫ້ການຊີ້ແຈງວ່າ:
“ຖ້າໂຄງການດັ່ງກ່າວໄດ້ຮັບການຈັດຕັ້ງປະຕິບັດນີ້ ກໍແມ່ນຈະໄດ້ນໍາເອົາຜົນປະໂຫຍດທີ່ໃຫຍ່ຫຼວງຫັ້ນຫຼ່ະມາໃຫ້ແກ່ປະຊາຊົນຊາວເມືອງໂຂງ ເພາະໂຄງ ການດັ່ງກ່າວນີ້ ຈະມີໂຄງການອື່ນໆທີ່ເປັນໂຄງການຍ່ອຍ ເປັນຕົ້ນໂຄງການຮ່າງພື້ນຖານຢູ່ບັນດາບ້ານໃກ້ຄຽງກັບໂຄງການ ເຊັ່ນເສັ້ນທາງ ແລ້ວກະມີຂົວ ຂ້າມແມ່ນໍ້າຂອງ ຈາກກຸ່ມເວີນຄາມ-ບ້ານ ບຶງງາມ ໄປຫາ ບ້ານດອນສະຄໍາ ແລະກະການກໍ່ສ້າງໂຮງໝໍ ແລະກະໂຄງການຈັດສັນອາຊີບຄົງທີ່ໃຫ້ແກ່ປະ ຊາຊົນ.”
ແຕ່ຢ່າງໃດກໍຕາມ ໂຄງການສ້າງເຂື່ອນດອນສະຫົງກໍຍັງຈະຕ້ອງ
ປະເຊີນກັບ ການຖືກຄັດຄ້ານ ຈາກບັນດາອົງການອະນຸລັກສິ່ງ
ແວດລ້ອມຢ່າງກວ້າງຂວາງ ໂດຍລ່າສຸດ 103 ອົງການທີ່ເຄຶ່ອນ
ໄຫວຢູ່ໃນໄທ ກໍໄດ້ຮ່ວມກັນສົ່ງຈົດໝາຍເຖິງ ທ່ານ ວິເຊດ ກະ
ເສມທອງສີ ລັດຖະມົນຕີວ່າການກະຊວງຊັບພະຍາກອນທໍາມະ
ຊາດ ແລະສິ່ງແວດລ້ອມຂອງໄທ ເພື່ອຂໍໃຫ້ໃຊ້ສິດໃນຖານະຜູ້
ແທນຂອງລັດຖະບານໄທ ໃນຄະນະກໍາມາທິ ການແມ່ນໍ້າຂອງ
MRC ເພື່ອຍັບຢັ້ງໂຄງການເຂື່ອນດອນສະຫົງໃນລາວຢ່າງຮີບ
ດ່ວນທີ່ສຸດ.
ທັງນີ້ ໂດຍບັນດາອົງການອະນຸລັກ ໄດ້ໃຫ້ເຫດຜົນວ່າການກໍ່ສ້າງເຂື່ອນດອນສະຫົງຈະ ສົ່ງຜົນກະທົບຕໍ່ການປະມົງໃນເຂດຕອນລຸ່ມຂອງແມ່ນໍ້າຂອງ ຢ່າງກວ້າງຂວາງ ເນື່ອງ ຈາກວ່າເຂື່ອນຈະປິດຮູນໍ້າສະຫົງ ອັນເປັນເສັ້ນທາງສັນຈອນສໍາຄັນທີ່ສຸດຂອງປາ ລະ ຫວ່າງເຂດສີພັນດອນ ກັບທະເລສາບໃຫຍ່ໃນກໍາປູເຈຍ ທີ່ຖືເປັນແຫຼ່ງປະມົງນໍ້າຈືດທີ່ມີ ຂະໜາດໃຫຍ່ທີ່ສຸດຂອງໂລກ.
ຍິ່ງໄປກວ່ານັ້ນ ການສ້າງເຂື່ອນດອນສະຫົງ ກໍຍັງຈະທໍາລາຍອາຊີບປະມົງ ແລະກະເສດຕະກໍາຂອງປະຊາຊົນ ທັງໃນລາວ ກໍາປູເຈຍ ແລະຫວຽດນາມ ທີ່ຈະສົ່ງຜົນກະທົບ ຕໍ່ເນື່ອງເຖິງຄວາມໝັ້ນຄົງດ້ານສະບຽງອາຫານຂອງປະຊາຊົນຫຼາຍສິບລ້ານຄົນອີກດ້ວຍ ເພາະ ສະນັ້ນຈຶ່ງມີຄວາມຈໍາເປັນຢ່າງຍິ່ງທີ່ລັດຖະບານໄທຈະຕ້ອງໃຊ້ສິດຍັບຢັ້ງດັ່ງກ່າວ ລວມທັງຈະຕ້ອງກົດດັນລັດຖະບານລາວເພື່ອໃຫ້ນໍາໂຄງການເຂື່ອນດອນສະຫົງ ສູ່ກະບວນການປຶກສາຫາລື ໃນ MRC ດ້ວຍ ເນື່ອງຈາກວ່າ ໃນລະຍະທີ່ຜ່ານມາ ລັດ ຖະບານລາວໄດ້ດໍາເນີນການພຽງແຕ່ແຈ້ງໃຫ້ປະເທດສະມາຊິກ MRC ດ້ວຍກັນໄດ້ຮັບຊາບເທົ່ານັ້ນ.
ກ່ອນໜ້ານີ້ 19 ອົງການພັນທະມິດເພື່ອປົກປ້ອງແມ່ນໍ້າຂອງ ຫຼື Save the Mekong River ກໍໄດ້ຮ່ວມກັນສົ່ງຈົດໝາຍເຖິງນາຍົກລັດຖະມົນຕີລາວ ໄທ ກໍາປູເຈຍ ແລະຫວຽດນາມ ເພື່ອຮຽກຮ້ອງຂໍໃຫ້ຍົກເລີກໂຄງການເຂື່ອນດອນສະຫົງ ທີ່ຈະກໍ່ສ້າງເທິງແນວແມ່ນໍ້າຂອງໃນແຂວງຈໍາປາສັກຂອງລາວ ເມື່ອວັນທີ 1 ພະຈິກ ທີ່ຜ່ານມາ ໂດຍໃຫ້ເຫດຜົນຢ່າງດຽວກັນນີ້.
ແຕ່ຢ່າງໃດກໍຕາມ ທ່ານວີລະພົນ ວີລະວົງ ລັດຖະມົນຕີຊ່ວຍວ່າການກະຊວງພະລັງ ງານ ແລະບໍ່ແຮ່ ກໍໄດ້ໃຫ້ການຢືນຢັນກັບ VOA ວ່າ ໂຄງການເຂື່ອນດອນສະຫົງໄດ້ ຜ່ານການສຶກສາອອກແບບກໍ່ສ້າງ ຢ່າງໄດ້ມາດຕະຖານສາກົນໃນທຸກດ້ານແລ້ວ ຈຶ່ງເຊື່ອ ໝັ້ນວ່າ ເຂື່ອນດອນສະຫົງຈະບໍ່ສົ່ງຜົນກະທົບຕໍ່ສິ່ງແວດລ້ອມໃນເຂດຕອນລຸ່ມແມ່ນໍ້າຂອງຢ່າງແນ່ນອນ.
ທາງດ້ານບໍລິສັດ Mega First Corporation Berhad ຈາກມາເລເຊຍ ຜູ້ລົງທຶນໃນໂຄງການ ກໍຖະແຫຼງຢືນຢັນວ່າ ໄດ້ຕັດສິນໃຈລົງທຶນເຖິງ 600 ລ້ານໂດລ່າ ເພື່ອດໍາເນີນການກໍ່ສ້າງເຂື່ອນດອນສະຫົງ ຂະໜາດ 260 MW ໃຫ້ສໍາເລັດພາຍໃນປີ 2016.
ວີດີໂອ: ບັນດາຊ່ຽວຊານກ່າວວ່າ ເຂື່ອນດອນສະຫົງຈະສົ່ງຜົນກະທົບຕໍ່ສັດນໍ້າ:
