ທຳນຽບຂາວກ່າວວ່າ ຕົນຮູ້ສຶກ “ຜິດຫວັງ” ແຕ່ບໍ່ “ແປກໃຈ” ທີ່
ນຶ່ງໃນບັນດາ ສະມາຊິກຄົນສຳຄັນຂອງພັກເດໂມແຄຣັດ ຢູ່ໃນ
ສະພາສູງສະຫະລັດ ໄດ້ອອກມາຄັດຄ້ານ ຕໍ່ຂໍ້ຕົກລົງນິວເຄລຍ
ກັບອີຣ່ານ.
ໂຄສົກທຳນຽບຂາວທ່ານ Josh Earnest ກ່າວໃນວັນສຸກວານ
ນີ້ວ່າ ສະມາຊິກ ສະພາສູງ Chuck Schumer ໄດ້ມີຄວາມເຫັນ
ທີ່ແຕກຕ່າງກັນ ກັບ ປະທານາທິບໍດີ Barack Obama ເລີ້ມມາ
ແຕ່ປີ 2003 ທີ່ໝາຍເຖິງ ການທີ່ສະມາຊິກ ສະພາສູງ Schumer
ໄດ້ລົງຄະແນນສຽງເຫັນພ້ອມ ກັບການເຮັດສົງຄາມໃນ ອີຣັກພາຍ
ໃຕ້ການນຳພາໂດຍສະຫະລັດ.
ທ່ານ Josh Earnest ໄດ້ກ່າວວ່າ “ດັ່ງນັ້ນ ຂ້າພະເຈົ້າຢາກອະທິບາຍວ່າ ນີ້ເປັນການ
ປະກາດວ່າ ທີ່ບໍ່ເປັນທີ່ແປກໃຈ ແກ່ໃຜທັງໝົດ ຢູ່ທີ່ທຳນຽບຂາວ ເຖິງ ແມ່ນວ່າມັນເປັນທີ່
ຜິດຫວັງກໍຕາມ. ແຕ່ມັນກໍບໍ່ໄດ້ປ່ຽນແປງຄວາມໝັ້ນໃຈຂອງພວກເຮົາ ທີ່ພວກເຮົາຈະສາ
ມາດລະດົມ ເອົາສ່ວນໃຫຍ່ຂອງສະມາຊິກພັກ ເດໂມແຄຣັດ ທີ່ຢູ່ສະພາຕໍ່າ ແລະສະພາສູງ
ໃຫ້ມາສະໜັບສະໜູນຂໍ້ຕົກລົງ ແລະ ຖ້າຫາກວ່າມີຄວາມຈຳເປັນ ກໍຊ່ວຍໃຫ້ການໃຊ້ສິດ
ຍັບຢັ້ງຂອງປະທານາທິບໍດີບໍ່ ຖືກຕ່າວປີ້ນ.
ຢູ່ໃນຖະແຫລງການທີ່ອະທິບາຍເຖິງຄວາມເປັນຫ່ວງນັ້ນ ທ່ານ Schumer ໄດ້ກ່າວວ່າ
ບັນດາລະບົບການກວດກາບໍ່ເປັນທີ່ພຽງພໍ. ທ່ານຍັງໄດ້ສະແດງຄວາມ ເປັນຫ່ວງກ່ຽວ
ກັບເລື້ອງເງິນ ທີ່ໄດ້ຖືກກັກໄວ້ຍ້ອນການລົງໂທດ ທີ່ຈະຖືກປ່ອຍອອກໄປນັ້ນ ຈະອະນຸຍາດ
ໃຫ້ອີຣ່ານ ເພີ້ມການໃຫ້ເງິນສະໜັບສະໜູນບັນດາກຸ່ມພວກຫົວຮຸນແຮງຕ່າງໆຢູ່ໃນທົ່ວຕາ
ເວັນອອກກາງຊຶ່ງຈະເຮັດໃຫ້ຂົງເຂດດັ່ງກ່າວ ບໍ່ມີສະຖຽນລະພາບຕື່ມຂຶ້ນ.
ການຕັດສິນໃຈຂອງ ທ່ານ Schumer ທີ່ຄາດວ່າຈະເຂົ້າເປັນຜູ້ນຳພັກເດໂມແຄຣັດ ຢູ່ໃນ
ສະພາສູງ ໃນປີ 2017 ນັ້ນ ແມ່ນເບິ່ງກັນວ່າ ເປັນການຖອຍຫຼັງຢ່າງຮ້າຍແຮງ ແກ່ລັດຖະ
ບານ ທ່ານ Obama ທີ່ກຳລັງດິ້ນລົນ ເພື່ືອເຮັດໃຫ້ ລັດຖະສະພາ ໜູນຫລັງຂໍ້ຕົກລົງກັບ
ອີຣ່ານ. ໃນວັນພະຫັດທີ່ຜ່ານມານີ້ ສະມາ ຊິກສຳຄັນຂອງພັກເດໂມແຄຣັດອີກຄົນໜຶ່ງ
ຢູ່ໃນສະພາຕ່ຳ ທ່ານ Eliot Engel ກໍໄດ້ປະກາດການຄັດຄ້ານຂອງທ່ານຕໍ່ຂໍ້ຕົກລົງນີ້.
ໃນຂະນະດຽວກັນ ສະຫະລັດ ກ່າວວ່າ ຕົນ “ມີຄວາມເປັນຫ່ວງທີ່ສຸດ” ກ່ຽວກັບ ລາຍງານ
ຂອງສື່ມວນຊົນຕາເວັນຕົກວ່່າ ຜູ້ບັນຊາການກຳລັງ Quds ຂອງອີຣ່ານ ໃນມໍ່ໆມານີ້ ໄດ້ເດີນທາງໄປຢ້ຽມຢາມຣັດເຊຍ ອັນເປັນການລະເມີດຕໍ່ ການຫ້າມເດີນທາງຂອງສະຫະ
ປະຊາຊາດ.
ເອກອັກຄະລັດຖະທູດ ສະຫະລັດ ປະຈຳສະຫະປະຊາຊາດ ທ່ານນາງ Samantha
Power ໃນວັນສຸກວານນີ້ ກ່າວວ່າ ບັນດາເຈົ້າໜ້າທີ່ກຳລັງຊອກຫາລາຍລະອຽດ ກ່ຽວ
ກັບລາຍງານການເດີນທາງດັ່ງກ່າວ.
