ການເຈລະຈາທາງດ້ານການເມືອງ ລະຫວ່າງລັດຖະບານ ຊີເຣຍ ແລະ ພວກຕໍ່ຕ້ານແມ່ນ ມີກຳນົດທີ່ຈະເລີ້ມຄືນອີກຢ່າງເປັນທາງ ການໃນວັນພຸດມື້ນີ້, ເຖິງແມ່ນວ່າຈະບໍ່ມີພັກຝ່າຍທີ່ສຳຄັນເຂົ້າ ຮ່ວມນຳກໍຕາມ.
ໂຄສົກຂອງທູດພິເສດ ທ່ານນາງ Jessy Chahine ໄດ້ກ່າວວ່າ ທູດພິເສດສະຫະປະຊາ ຊາດ ຮັບຜິດຊອບເລື່ອງຊີເຣຍ ທ່ານ Staffan de Mistura ແລະ ກຸ່ມຂອງທ່ານ “ແມ່ນພ້ອມແລ້ວ”
ທີ່ຈະຕ້ອນຮັບບັນດາຜູ້ເຂົ້າຮ່ວມໃນນະຄອນ ເຈນີວາ.
ແນວໃດກໍຕາມ, ທ່ານນາງໄດ້ກ່າວເພີ່ມເຕີມວ່າຜູ້ເຂົ້າຮ່ວມເພີ່ມ
ເຕີມຈະບໍ່ເດີນທາງມາຮອດ ຈົນກວ່າວັນທີ 13 ຫຼື 14 ມີນາ. ອົງ
ການສະຫະປະຊາຊາດໄດ້ກ່າວວ່າ ການຈັດແຈງກ່ຽວກັບເລື່ອງ
ນີ້ແມ່ນມີສ່ວນພາໃຫ້ມີການຊັກຊ້າ.
ໃນຖະແຫຼງການສະບັບໜຶ່ງຕໍ່ວີໂອເອ ກຸ່ມຕໍ່ຕ້ານທີ່ສຳຄັນຂອງ
ຊີເຣຍໄດ້ກ່າວວ່າ ຕົນຈະບໍ່ເຂົ້າຮ່ວມໃນການເລີ່ມຕົ້ນຂອງການ
ເຈລະຈາ.
ໂຄສົກຂອງກຸ່ມດັ່ງກ່າວໄດ້ກ່າວວ່າ “ຄະນະກຳມະການ ເຈລະ
ຈາລະດັບສູງ ຫຼື HNC ແມ່ນກຳລັງປຶກສາຫາລືກັນວ່າຈະເຂົ້າ ຮ່ວມໃນການເຈລະຈາສັບປະດານີ້ຫຼືບໍ່,” ໂຄສົກ ໄດ້ກ່າວເພີ່ມເຕີມວ່າ ບໍ່ມີຕົວແທນຂອງກຸ່ມ HNC ຄົນໃດ ຈະເດີນທາງໄປນະຄອນ ເຈນີວາ ໃນວັນພຸດມື້ນີ້.
ລັດຖະບານ ຊີເຣຍ ກໍໄດ້ກ່າວວ່າ ພວກເຂົາເຈົ້າຈະບໍ່ເຂົ້າຮ່ວມຈົນກວ່າເວລາຕໍ່ມາ, ເຊິ່ງ ເປັນການສະແດງໃຫ້ເຫັນວ່າ ການເຈລະຈາເຊິ່ງໜ້າກັນຈະບໍ່ດຳເນີນໄປຢ່າງເຕັມທີ່ໃນ
ວັນທີ 14 ມີນານີ້.
ກະຊວງການຕ່າງປະເທດສະຫະລັດໄດ້ກ່າວວ່າ ພວກເຂົາເຈົ້າບໍ່ໄດ້ເປັນຫ່ວງຫຼາຍເກີນ
ໄປ ກ່ຽວກັບການເປີດການເຈລະຈາຄືນໃໝ່ທີ່ມີການຊັກຊ້ານີ້, ມັນເປັນສະຖານະການ ທີ່ຄ້າຍຄືກັບສິ່ງທີ່ເຄີຍເກີດຂຶ້ນ ເມື່ອການເຈລະຈາໄດ້ໄຂຂຶ້ນ ໃນເດືອນກຸມພາທີ່ຜ່ານມາ.
