ລັດຖະມົນຕີ ຕ່າງປະເທດ ສະຫະລັດ ທ່ານ John Kerry
ກ່າວວ່າ ການຕັດສິນໃຈທີ່ເປັນຫລັກໝາຍເພື່ອຕໍ່ສູ້ກັບຄວາມ
ຮ້ອນອົບເອົ້າຂອງໂລກຫວ່າງມໍ່ໆມານີ້ ທີ່ບັນລຸກັນ ລະຫວ່າງ
ສະຫະລັດ ກັບຈີນແມ່ນ “ເປັນປະຫວັດການອັນຍິ່ງໃຫຽ່” ໃນ
ການຕໍ່ສູ້ຕ້ານຄວາມຮ້ອນເອົ້າຂອງໂລກ.
ທ່ານ Kerry ໄດ້ກ່າວໃນວັນພະຫັດວານນີ້ທີ່ ກອງປະຊຸມ
ເລື້ອງການປ່ຽນແປງດິນຟ້າອາກາດ ສະຫະປະຊາຊາດ ທີ່
ນະຄອນ Lima ປະເທດ Peru ບ່ອນທີ່ມີບັນດາຜູ້ຕາງໜ້າ
ຈາກ 200 ປະເທດ ທີ່ໄດ້ເລີ້ມຕໍ່ລອງກັນເລື້ອງດັ່ງກ່າວ ໃນ
ຕົ້ນເດືອນທັນວາ ກ່ຽວກັບສົນທິສັນຍາໃໝ່ ເພື່ອຫລຸດຜ່ອນ
ຄວາມຮ້ອນເອົ້າຂອງໂລກ. ສົນທິສັນຍາໃໝ່ນີ້ ຈະທົດແທນສັນຍາ Kyoto ຊຶ່ງ ເປັນຂໍ້ຕົກ
ລົງຂອງໂລກ ທີ່ໄດ້ໝົດກຳນົດໄປໃນປີ 2012. ກອງປະຊຸມທີ່ ນະຄອນ Lima ໄດ້ວາງ
ເວທີໄວ້ ສຳລັບໃຫ້ບັນລຸສົນທິສັນຍາ ໃນກອງປະຊຸມເດືອນທັນວາປີໜ້າ ທີ່ຈະມີຂື້ນຢູ່
ນະຄອນປາຣີ.
ໃນເດືອນແລ້ວນີ້ ຈີນ ແລະສະຫະລັດ ຜູ້ທຳຄວາມເປື້ອນເປີ້ທີ່ສຸດໃນໂລກ ໄດ້ລົງນາມຂໍ້
ຕົກລົງສະບັບນຶ່ງ. ສະຫະລັດ ໄດ້ໝັ້ນໝາຍການຫລຸດຜ່ອນເຮືອນແກ້ວ ລະຫວ່າງ 26 ເປີ
ເຊັນ ແລະ 28 ພາຍໃນປີ 2025. ແລະປັນເທຶ່ອທຳອິດ ທີ່ ຈີນໄດ້ວາງຕາຕະລາງການປະ
ຕິບັດງານຂອງຕົນ ກ່າວວ່າ ເຮືອນແກ້ວຈະສູງຂື້ນສູງສຸດໃນປີ 2030.
ທ່ານ Kerry ຍັງກ່າວໃນວັນພະຫັດວານນີ້ວ່າ ທຸກໆປະເທດຢູ່ໃນໂລກ ມີຄວາມຮັບຜິດ
ຊອບ ຕໍ່ສູ້ກັບການປ່ຽນແປງດິນຟ້າອາກາດ ບໍ່ພ່ຽງແຕ່ເປັນຜູ້ທຳຄວາມເປື້ອນເປີ້ຢ່າງ
ຫລວງຫລາຍ ຄື ສະຫະລັດ ແລະຈີນ.