ທ່ານ ຈອນ ແຄຣີ ລັດຖະມົນຕີຕ່າງປະເທດສະຫະລັດ ໄດ້ຮຽກຮ້ອງໃຫ້ເທີກີແລະອີສຣາແອລ ຈົ່ງຮື້ຟື້ນຄວາມສໍາພັນທາງການທູດກັນຄືນໃໝ່ຢ່າງໄວ ໂດຍກ່າວວ່າ ແຕ່ລະປະເທດແມ່ນມີບົດບາດສໍາຄັນໃນການຫາທາງແກ້ໄຂ ບັນຫາສໍາຄັນອື່ນໆ ໃນຂົງເຂດຕາເວັນອອກກາງ.
ທ່ານ ແຄຣີ ກໍາລັງຢູ່ທີ່ Istanbul ໃນວັນອາທິດມື້ນີ້ ເພື່ອພົບປະກັບທ່ານ Ahmet Davutoglu ລັດຖະມົນຕີຕ່າງປະເທດເທີກີ ແລະ ນາຍົກລັດຖະມົນຕີ Recept Tayyip Erdogan.
ຢູ່ທີ່ກອງປະຊຸມຖະແຫຼງຂ່າວຮ່ວມກັນກັບລັດຖະມົນຕີຕ່າງປະເທດເທີກີ ຫຼັງຈາການພົບປະກັນນັ້ນ ທ່ານແຄຣີ ເວົ້າວ່າ ມັນສໍາຄັນຫຼາຍສໍາລັບເທີກີ ແລະອີສຣາແອລ ທີ່ຈະຕ້ອງຕົກລົງກັນໃຫ້ໄດ້ໃນໄວໆນີ້ ກ່ຽວກັບຄ່າຊົດເຊີຍຄວາມເສຍຫາຍໃນເຫດການທີ່ໄດ້ເຮັດໃຫ້ທັງສອງປະເທດແຕກແຍກກັນເມື່ອສາມປີກ່ອນນີ້ ເວລາຊາວເທີກີແປດຄົນ ແລະ ຊາວອະເມຣິກັນເຊື້ອ ສາຍເທີກີຄົນນຶ່ງ ເສຍຊີວິດ ໃນເຫດການທີ່ອີສຣາແອລບຸກຂຶ້ນໄປກວດຄົ້ນເຮືອບັນທຸກສໍາພາລະຊ່ວຍເຫຼືອຂະບວນນຶ່ງ ທີ່ມຸ້ງໜ້າໄປຍັງເຂດກາຊານັ້ນ.
ກ່ຽວກັບຂໍ້ຂັດແຍ້ງທີ່ກໍາລັງດໍາເນີນໄປຢູ່ໃນປະເທດຊີເຣຍ ເພື່ອນບ້ານຂອງເທີກີນັ້ນ ທ່ານແຄຣີ ເວົ້າວ່າ ສະຫະລັດແລະເທີກີ ແມ່ນມີເປົ້າໝາຍຄືກັນ ກໍຄືການໂອນອໍານາດຢ່າງສັນຕິຢູ່ໃນຊີເຣຍ. ທ່ານແຄຣີ ເວົ້າວ່າ ເທີກີແມ່ນ ມີນໍ້າໃຈກ້ວາງຂວາງ ໃນການສະໜັບສະໜຸນຂອງຕົນ ຕໍ່ຊາວອົບພະຍົບຊີເຣຍ ຢູ່ພາຍໃນເຂດຊາຍແດນຂອງເທີກີ.
ສະຫະປະຊາຊາດຫຼືຢູແອັນ ປະເມີນວ່າ ມີຊາວຊີເຣຍຫຼາຍກວ່າ 250,000 ຄົນ ທີ່ກໍາ ລັງອາໄສຢູ່ໃນຄ້າຍພັກຊົ່ວຄາວແຫ່ງຕ່າງໆໃນປະເທດເທີກີ ຫຼັງຈາກໄດ້ພາກັນຫຼົບໜີອອກຈາກຊີເຣຍ ໃນໄລຍະສອງປີຜ່ານມານີ້.
(ເບິ່ງວີດີໂອ)
ທ່ານ ແຄຣີ ກໍາລັງຢູ່ທີ່ Istanbul ໃນວັນອາທິດມື້ນີ້ ເພື່ອພົບປະກັບທ່ານ Ahmet Davutoglu ລັດຖະມົນຕີຕ່າງປະເທດເທີກີ ແລະ ນາຍົກລັດຖະມົນຕີ Recept Tayyip Erdogan.
ຢູ່ທີ່ກອງປະຊຸມຖະແຫຼງຂ່າວຮ່ວມກັນກັບລັດຖະມົນຕີຕ່າງປະເທດເທີກີ ຫຼັງຈາການພົບປະກັນນັ້ນ ທ່ານແຄຣີ ເວົ້າວ່າ ມັນສໍາຄັນຫຼາຍສໍາລັບເທີກີ ແລະອີສຣາແອລ ທີ່ຈະຕ້ອງຕົກລົງກັນໃຫ້ໄດ້ໃນໄວໆນີ້ ກ່ຽວກັບຄ່າຊົດເຊີຍຄວາມເສຍຫາຍໃນເຫດການທີ່ໄດ້ເຮັດໃຫ້ທັງສອງປະເທດແຕກແຍກກັນເມື່ອສາມປີກ່ອນນີ້ ເວລາຊາວເທີກີແປດຄົນ ແລະ ຊາວອະເມຣິກັນເຊື້ອ ສາຍເທີກີຄົນນຶ່ງ ເສຍຊີວິດ ໃນເຫດການທີ່ອີສຣາແອລບຸກຂຶ້ນໄປກວດຄົ້ນເຮືອບັນທຸກສໍາພາລະຊ່ວຍເຫຼືອຂະບວນນຶ່ງ ທີ່ມຸ້ງໜ້າໄປຍັງເຂດກາຊານັ້ນ.
ກ່ຽວກັບຂໍ້ຂັດແຍ້ງທີ່ກໍາລັງດໍາເນີນໄປຢູ່ໃນປະເທດຊີເຣຍ ເພື່ອນບ້ານຂອງເທີກີນັ້ນ ທ່ານແຄຣີ ເວົ້າວ່າ ສະຫະລັດແລະເທີກີ ແມ່ນມີເປົ້າໝາຍຄືກັນ ກໍຄືການໂອນອໍານາດຢ່າງສັນຕິຢູ່ໃນຊີເຣຍ. ທ່ານແຄຣີ ເວົ້າວ່າ ເທີກີແມ່ນ ມີນໍ້າໃຈກ້ວາງຂວາງ ໃນການສະໜັບສະໜຸນຂອງຕົນ ຕໍ່ຊາວອົບພະຍົບຊີເຣຍ ຢູ່ພາຍໃນເຂດຊາຍແດນຂອງເທີກີ.
ສະຫະປະຊາຊາດຫຼືຢູແອັນ ປະເມີນວ່າ ມີຊາວຊີເຣຍຫຼາຍກວ່າ 250,000 ຄົນ ທີ່ກໍາ ລັງອາໄສຢູ່ໃນຄ້າຍພັກຊົ່ວຄາວແຫ່ງຕ່າງໆໃນປະເທດເທີກີ ຫຼັງຈາກໄດ້ພາກັນຫຼົບໜີອອກຈາກຊີເຣຍ ໃນໄລຍະສອງປີຜ່ານມານີ້.
(ເບິ່ງວີດີໂອ)
