DOHA —
ທ່ານ ຈອນ ແຄຣີ ລັດຖະມົນຕີຕ່າງປະເທດສະຫະລັດ
ເວົ້າວ່າຫ້ອງການ ທາລິບານທີ່ເປີດຂຶ້ນໃໝ່ໆໃນປະເທດ
Qatar ນັ້ນ ອາດສາມາດເປັນບາດ ກ້າວສໍາຄັນໄດ້ໃນ
ຂັ້ນຕອນການສ້າງຄວາມປອງດອງຂອງກຸ່ມດັ່ງກ່າວ ກັບ
ລັດຖະບານອັຟການີສຖານ ແຕ່ທ່ານແຄຣີ ກໍໄດ້ເຕືອນວ່າ
ຫ້ອງການດັ່ງກ່າວສາມາດຖືກປິດລົງໄດ້ ຖ້າຫາກການ
ເຈລະຈາສັນຕິພາບ ບໍ່ຄືບໜ້າ.
ໃນເລື້ອງຂອງການເຈລະຈາສັນຕິພາບນັ້ນ ທ່ານແຄຣີ ເວົ້າ
ວ່າເສັ້ນທາງຢູ່ຂ້າງໜ້າແມ່ນຈະລໍາບາກ ຖ້າຫາກມີເສັ້ນທາງນັ້ນແທ້.
ນັກການທູດລະດັບສູງສຸດຂອງສະຫະລັດ ໄດ້ເດີນທາງໄປໂດຮາ ເພື່ອເຂົ້າຮ່ວມກອງປະຊຸມຂອງ ກຸ່ມເພື່ອນມິດນາໆຊາດຂອງຊີເຣຍ ໃນວັນເສົາວານນີ້.
ໄດ້ມີການກໍານົດໃຫ້ ໂດຮາ ເມືອງຫຼວງຂອງ Qatar ເປັນບ່ອນເຈລະຈາກັນລະຫວ່າງຜູ້ຕາງໜ້າກຸ່ມທາລິບານ ແລະເຈົ້າໜ້າທີ່ອາວຸໂສສະຫະລັດ ແຕ່ກອງປະຊຸມດັ່ງກ່າວບໍ່ສາມາດເລີ່ມຂຶ້ນໄດ້ເມື່ອວັນພະຫັດຜ່ານມາຕາມທີ່ກໍານົດກັນໄວ້.
ທ່ານ ຮາມິດ ກາຊາຍ ປະທານາທິບໍດີອັຟການີສຖານ ທີ່ປະກົດວ່າບໍ່ພໍໃຈ ຕໍ່ການເປີດຫ້ອງການທາງການເມືອງຂອງກຸ່ມທາລິບານທີ່ເມືອງໂດຮານັ້ນ ໄດ້ຄັດຄ້ານ ແລະກ່າວວ່າ ລັດຖະບານຂອງທ່ານບໍ່ຂໍສະໜັບສະໜຸນການເຈລະຈາດັ່ງກ່າວ.
ເວລານີ້ຍັງບໍ່ມີຂ່າວເທື່ອວ່າ ເມື່ອໃດການເຈລະຈາກັນລະຫວ່າງສະຫະລັດ ກັບກຸ່ມທາລິບານຈະເລີ່ມຂຶ້ນໃໝ່ ແລະກໍຄາດວ່າ ທ່ານ ຈອນ ແຄຣີ ຈະໄດ້ພົບປະກັບຜູ້ຕາງໜ້າຂອງກຸ່ມທາລິບານໃນປະເທດຄາຕ້າ ແຕ່ຢ່າງໃດ ກໍດີ ເຈົ້າໜ້າທີ່ອະເມຣິກັນໃຫ້ຂໍ້ສັງເກດວ່າ ທ່ານ James Dobbins ທູດພິເສດສະຫະລັດປະຈໍາອັຟການີສຖານແລະປາກີສຖານ ໄດ້ເດີນທາງໄປເຖິງເມືອງໂດຮາ ໃນວັນເສົາວານນີ້ແລ້ວ.
ຂະນະດຽວກັນ ທີ່ອັຟການີສຖານ ຕໍາຫຼວດສອງຄົນຖືກສັງຫານ ຫຼັງຈາກພວກຫົວຕໍ່ສູ້ທີ່ສົງໄສວ່າ ເປັນກຸ່ມທາລິບານໄດ້ໂຈມຕີດ່ານຮັກສາຄວາມປອດໄພຫລາຍໆແຫ່ງ ຢູ່ແຂວງ Kunduz ທາງພາກເໜືອຂອງປະເທດເມື່ອວັນເສົາວານນີ້.
ເຈົ້າໜ້າທີ່ເວົ້າວ່າ ພວກທີ່ສົງໄສວ່າເປັນກະບົດ18 ຄົນ ຖືກຂ້າຕາຍໃນການຍິງຕໍ່ສູ້ກັນກັບກໍາລັງຮັກສາຄວາມປອດໄພ.
ເວົ້າວ່າຫ້ອງການ ທາລິບານທີ່ເປີດຂຶ້ນໃໝ່ໆໃນປະເທດ
Qatar ນັ້ນ ອາດສາມາດເປັນບາດ ກ້າວສໍາຄັນໄດ້ໃນ
ຂັ້ນຕອນການສ້າງຄວາມປອງດອງຂອງກຸ່ມດັ່ງກ່າວ ກັບ
ລັດຖະບານອັຟການີສຖານ ແຕ່ທ່ານແຄຣີ ກໍໄດ້ເຕືອນວ່າ
ຫ້ອງການດັ່ງກ່າວສາມາດຖືກປິດລົງໄດ້ ຖ້າຫາກການ
ເຈລະຈາສັນຕິພາບ ບໍ່ຄືບໜ້າ.
ໃນເລື້ອງຂອງການເຈລະຈາສັນຕິພາບນັ້ນ ທ່ານແຄຣີ ເວົ້າ
ວ່າເສັ້ນທາງຢູ່ຂ້າງໜ້າແມ່ນຈະລໍາບາກ ຖ້າຫາກມີເສັ້ນທາງນັ້ນແທ້.
ນັກການທູດລະດັບສູງສຸດຂອງສະຫະລັດ ໄດ້ເດີນທາງໄປໂດຮາ ເພື່ອເຂົ້າຮ່ວມກອງປະຊຸມຂອງ ກຸ່ມເພື່ອນມິດນາໆຊາດຂອງຊີເຣຍ ໃນວັນເສົາວານນີ້.
ໄດ້ມີການກໍານົດໃຫ້ ໂດຮາ ເມືອງຫຼວງຂອງ Qatar ເປັນບ່ອນເຈລະຈາກັນລະຫວ່າງຜູ້ຕາງໜ້າກຸ່ມທາລິບານ ແລະເຈົ້າໜ້າທີ່ອາວຸໂສສະຫະລັດ ແຕ່ກອງປະຊຸມດັ່ງກ່າວບໍ່ສາມາດເລີ່ມຂຶ້ນໄດ້ເມື່ອວັນພະຫັດຜ່ານມາຕາມທີ່ກໍານົດກັນໄວ້.
ທ່ານ ຮາມິດ ກາຊາຍ ປະທານາທິບໍດີອັຟການີສຖານ ທີ່ປະກົດວ່າບໍ່ພໍໃຈ ຕໍ່ການເປີດຫ້ອງການທາງການເມືອງຂອງກຸ່ມທາລິບານທີ່ເມືອງໂດຮານັ້ນ ໄດ້ຄັດຄ້ານ ແລະກ່າວວ່າ ລັດຖະບານຂອງທ່ານບໍ່ຂໍສະໜັບສະໜຸນການເຈລະຈາດັ່ງກ່າວ.
ເວລານີ້ຍັງບໍ່ມີຂ່າວເທື່ອວ່າ ເມື່ອໃດການເຈລະຈາກັນລະຫວ່າງສະຫະລັດ ກັບກຸ່ມທາລິບານຈະເລີ່ມຂຶ້ນໃໝ່ ແລະກໍຄາດວ່າ ທ່ານ ຈອນ ແຄຣີ ຈະໄດ້ພົບປະກັບຜູ້ຕາງໜ້າຂອງກຸ່ມທາລິບານໃນປະເທດຄາຕ້າ ແຕ່ຢ່າງໃດ ກໍດີ ເຈົ້າໜ້າທີ່ອະເມຣິກັນໃຫ້ຂໍ້ສັງເກດວ່າ ທ່ານ James Dobbins ທູດພິເສດສະຫະລັດປະຈໍາອັຟການີສຖານແລະປາກີສຖານ ໄດ້ເດີນທາງໄປເຖິງເມືອງໂດຮາ ໃນວັນເສົາວານນີ້ແລ້ວ.
ຂະນະດຽວກັນ ທີ່ອັຟການີສຖານ ຕໍາຫຼວດສອງຄົນຖືກສັງຫານ ຫຼັງຈາກພວກຫົວຕໍ່ສູ້ທີ່ສົງໄສວ່າ ເປັນກຸ່ມທາລິບານໄດ້ໂຈມຕີດ່ານຮັກສາຄວາມປອດໄພຫລາຍໆແຫ່ງ ຢູ່ແຂວງ Kunduz ທາງພາກເໜືອຂອງປະເທດເມື່ອວັນເສົາວານນີ້.
ເຈົ້າໜ້າທີ່ເວົ້າວ່າ ພວກທີ່ສົງໄສວ່າເປັນກະບົດ18 ຄົນ ຖືກຂ້າຕາຍໃນການຍິງຕໍ່ສູ້ກັນກັບກໍາລັງຮັກສາຄວາມປອດໄພ.