ສານອາຍານາໆຊາດໄດ້ປະຕິເສດຕໍ່ການຮ້ອງຂໍຂອງຊາວເຄັນຢາທີ່ມີຊື່ສຽງ 4 ຄົນທີ່ຢາກໃຫ້
ຍົກເລີກຂໍ້ຫາຕໍ່ພວກເຂົາເຈົ້ານັ້ນ.
ການຕັດສິນດັ່ງກ່າວນີ້ ແມ່ນໝາຍຄວາມວ່າ ຮອງນາຍົກລັດຖະມົນຕີ Uhuru Kenyatta
ສະມາຊິກສະພາ William Ruto ອະດີດຫົວໜ້າລັດຖະກອນພົນລະເຮືອນ ທ່ານ
Francis Muthaura ແລະຜູ້ອຳນວຍການວິທະຍຸ ທ່ານ Joshua arap Sang ຈະຖືກດຳ
ເນີນຄະດີ ໃນຂໍ້ຫາກໍ່ໂທດກຳຕ້ານມະນຸດຊາດ.
ບຸກຄົນທັງ 4 ຖືກກ່າວຫາວ່າ ຊ່ອຍຈັດແຈງໃນການກໍ່ຄວາມຮຸນແຮງທີ່ລະເບີດຂຶ້ນໃນທົ່ວ
ປະເທດເຄັນຢາຫຼັງຈາກການບັນຫາຂັດແຍ້ງໃນການເລືອກຕັ້ງປະທານາທິບໍດີໃນປີ 2007.
ສານອາຍານາໆຊາດໄດ້ສັ່ງໃຫ້ນຳໂຕບຸກຄົນທັງ 4 ຂຶ້ນສານໃນເດືອນມັງກອນຜ່ານມາແຕ່
ຊາວເຄັນຢາທັງ 4 ໄດ້ຍື່ນຂໍອຸທອນ. ການຮັບຟັງຄຳໃຫ້ການ ກ່ອນການດຳເນີນຄະດີຂອງ
ສານໄດ້ສັ່ງໃຫ້ຍົກເລີກການຂໍອຸທອນດັ່ງກ່າວໃນມື້ວັນສຸກວານນີ້.
ການຕັດສິນທີ່ວ່ານີ້ ມີທ່າທາງວ່າ ຈະມີຜົນກະທົບຢ່າງໃຫຍ່ ຕໍ່ທ່ານ Kenyatta ແລະທ່ານ
Ruto ຊຶ່ງບຸກຄົນທັງສອງຕ່າງກໍເຄີຍເວົ້າວ່າ ພວກທ່ານຈະສະມັກເຂົ້າແຂ່ງຂັນເປັນປະທານາ
ທິບໍດີເຄັນຢານັ້ນ.