ວັນທີ 6 ສິງຫາທີ່ຜ່ານມານີ້ ຄືວ່າເປັນວັນສູນເສຍຄັ້ງຍິ່ງໃຫ່ຍຂອງຊາວອະເມຣິກັນ ກໍຄື
ກອງທະຫານສະຫະລັດໃນການປະຕິບັດງານໜ້າທີ່ໃນສົງຄາມທີ່ Afghanistan ໃນ
ເຫດຮ້າຍເຮືອບິນເຮລິຄອບເຕີຖືກຍິງຕົກ ທີ່ໄດ້ເອົາຊີວິດທະຫານສະຫະລັດໄປ 30 ຄົນ
ພ້ອມກັນບາດດຽວ ຊຶ່ງມີຮວມທັງໜ່ວຍລົບພິເສດ NAVY SEALs 17 ຄົນ. ຈອນ
ດວງດາຣາ ໜຸ່ມລາວອະເມຣິກັນ ໄວ 26 ປີ ກໍແມ່ນນຶ່ງໃນ 30 ຄົນນັ້ນ.
ຈອນ ດວງດາຣາ ເກີດໃນລັດ Iowa ແລະໄດ້ສະມັກເຂົ້າຮັບໃຊ້ເປັນທະຫານເຮືອ
ຫຼັງຈາກຈົບມັດທະຍົມສົມບູນ ຕອນອາຍຸ 19 ປີ ຊຶ່ງມື້ນີ້ ຍາເອື້ອຍ ແສງຈັນ,
ເອື້ອຍ ຈັນສະມຸດ ແລະອ້າຍພັນສຸວັນ ໄດ້ໂອ້ລົມກັບ VOA ເຖິງເບື້ອງຫຼັງຄວາມ
ເປັນມາຂອງຄອບຄົວແລະຂອງຈອນ ຜູ້ເປັນລູກຊາຍ ແລະນ້ອງຊາຍ ສຸດທີ່ຮັກ.
ຂໍເຂີນຮັບຟັງການສໍາພາດດັ່ງກ່າວໄດ້ດ້ວຍການເປີດ Audio file ໄດ້ເລີຍ