ການສ້າງຕັ້ງລັດຖະບານໃນອະນາຄົດຂອງ ຍີ່ປຸ່ນ ໄດ້ຕົກຢູ່ໃນຄວາມວຸ້ນວາຍ ໃນວັນຈັນມື້ນີ້ ລຸນຫຼັງຜູ້ລົງຄະແນນສຽງໄດ້ລົງໂທດລັດຖະບານປະສົມທີ່ເຕັມ ໄປດ້ວຍເລື້ອງລາວທີ່ບໍ່ດີຂອງນາຍົກລັດຖະມົນຕີ ທ່ານ ຊິເກຣຸ ອິຊິບະ ໃນການ ເລືອກຕັ້ງເມື່ອທ້າຍອາທິດແລ້ວນີ້, ສົ່ງຜົນເຮັດໃຫ້ບໍ່ມີພັກໃດມີອຳນາດທີ່ແຈ່ມ ແຈ້ງ ໃນການນໍາພາປະເທດທີ່ມີລະບົບເສດຖະກິດທີ່ໃຫຍ່ອັນດັບ 4 ຂອງໂລກ ແຫ່ງນີ້.
ຄວາມບໍ່ແນ່ນອນ ໄດ້ສົ່ງຜົນເຮັດໃຫ້ຄ່າຂອງເງິນເຢນຫຼຸດລົງສູ່ລະດັບຕໍ່າສຸດໃນ ຮອບສາມເດືອນ ໃນຂະນະທີ່ບັນດານັກວິເຄາະກະກຽມມາເປັນເວລາຫຼາຍມື້, ຫຼືອາດຈະເປັນເວລາຫຼາຍອາທິດ ກ່ຽວກັບບັນຫາຄວາມຂັດແຍ້ງທາງດ້ານການ ເມືອງ ເພື່ອສ້າງຕັ້ງລັດຖະບານ ແລະ ອາດຈະມີການປ່ຽນແປງຜູ້ນໍາໄດ້.
ສິ່ງດັ່ງກ່າວ ເກີດຂຶ້ນໃນຂະນະທີ່ປະເທດແຫ່ງນີ້ປະເຊີນກັບບັນຫາຕ່າງໆທາງ ດ້ານເສດຖະກິດ, ແລະສະຖານະການຄວາມເຄັ່ງຕຶງທາງດ້ານຄວາມໝັ້ນຄົງ ເຊິ່ງເກີດຈາກການຮຸກຮານທາງດ້ານອາວຸດນິວເຄລຍ ໂດຍ ຈີນ ແລະ ເກົາຫຼີເໜືອ, ແລະນຶ່ງອາທິດກ່ອນບັນດາຜູ້ມີສິດລົງຄະແນນສຽງຂອງສະຫະລັດ ຈະໄປປ່ອນບັດໃນເຂດເລືອກຕັ້ງຕ່າງໆທີ່ບໍ່ສາມາດຄາດເດົາໄດ້.
“ພວກເຮົາບໍ່ສາມາດອະນຸຍາດໃຫ້ຢຸດການເຄື່ອນໄຫວໄດ້ແມ່ນແຕ່ຊ່ວງເວລາ ໜ້ອຍດຽວ ໃນຂະນະທີ່ພວກເຮົາປະເຊີນກັບສະຖານະການທີ່ຫຍຸ້ງຍາກຫຼາຍ ຢ່າງ ທັງໃນສະພາບແວດລ້ອມ, ດ້ານຄວາມໝັ້ນຄົງ ແລະດ້ານເສດຖະກິດຂອງ ພວກເຮົາ,” ທ່ານ ອິຊິບະ ກ່າວຢູ່ທີ່ການຖະແຫຼງຂ່າວໃນວັນຈັນມື້ນີ້ ໂດຍໃຫ້ ຄໍາໝັ້ນວ່າຍັງຈະສືບຕໍ່ດໍາລົງຕໍາແໜ່ງໃນຖານະນາຍົກລັດຖະມົນຕີ.
ພັກເສລີປະຊາທິປະໄຕ ຫຼື LDP ຂອງ ທ່ານ ອິຊິບະ ແລະຄູ່ຮ່ວມພັນທະມິດ ກຸ່ມນ້ອຍຂອງພວກເຂົາເຈົ້າຄືພັກ ໂກມີອິໂຕະ (Komeito) ໄດ້ 215 ບ່ອນນັ່ງ ໃນສະພາຕ່ຳ, ເຊິ່ງຫຼຸດລົງມາຈາກ 279 ບ່ອນນັ່ງທີ່ເຄີຍໄດ້ໃນກ່ອນໜ້ານັ້ນ, ເນື່ອງຈາກຜູ້ລົງຄະແນນສຽງ ທໍາການລົງໂທດຜູ້ດໍາລົງຕໍາແໜ່ງໃນເລື່ອງ ການສໍ້ໂກງເງິນ ແລະຄ່າຄອງຊີບທີ່ກໍາລັງພົບກັບພາວະວິກິດ. ໃນນັ້ນ, ລັດຖະ ມົນຕີສອງທ່ານຂອງຄະນະລັດຖະບານ ແລະຜູ້ນຳຂອງພັກ ໂຄເມອິໂຕະ, ທ່ານ ເຄອິຈິ ອິຊິອິ (Keiichi Ishii) ເສຍບ່ອນນັ່ງໃນສະພາຂອງພວກທ່ານໄປ.
ຜູ້ຊະນະທີ່ຍິ່ງໃຫຍ່ທີ່ສຸດໃນຄືນນັ້ນຄື ພັກປະຊາທິປະໄຕ ຕາມລັດຖະທໍາມະນູນ ຂອງຍີ່ປຸ່ນ ຫຼື CDPJ, ເຊິ່ງເປັນພັກຝ່າຍຄ້ານຫຼັກ ໂດຍໄດ້ຮັບໄຊຊະນະ ໄປທັງໝົດ 148 ບ່ອນນັ່ງ, ເພີ້ມຂຶ້ນຈາກ 98 ບ່ອນນັ່ງໃນຊ່ວງກ່ອນນັ້ນ, ແຕ່ຍັງນໍາຫຼັງສຽງສ່ວນຫຼາຍທີ່ມີຈໍານວນ 233 ບ່ອນນັ່ງ.
ຕາມການກຳນົດຂອງລັດຖະທຳມະນູນແລ້ວ, ປັດຈຸບັນ, ບັນດາຝ່າຍຕ່າງໆມີເວລາ 30 ມື້ ເພື່ອຊອກຫາກຸ່ມທີ່ສາມາດປົກຄອງປະເທດ, ແລະ ຍັງມີຄວາມບໍ່ແນ່ນອນກ່ຽວກັບ ທ່ານ ອິຊິບະ ຜູ້ທີ່ໄດ້ກາຍມາເປັນນາຍົກລັດຖະມົນຕີບໍ່ຮອດເດືອນ ຈະສາມາດຢູ່ລອດໄດ້ດົນປານໃດ. ບັນດາພັກນ້ອຍໆ ຍັງໄດ້ຮັບຜົນປະໂຫຍດ ແລະ ບົດບາດຂອງພວກເຂົາເຈົ້າໃນການເຈລະຈາທີ່ສາມາດພິສູດໃຫ້ເຫັນຄວາມສຳຄັນ.
ອ່ານຂ່າວດ້ານລຸ່ມນີ້ເປັນພາສາອັງກິດ
TOKYO, Oct 28 (Reuters) - The make-up of Japan's future government was in flux on Monday after voters punished Prime Minister Shigeru Ishiba's scandal-tainted ruling coalition in a weekend election, leaving no party with a clear mandate to lead the world's fourth-largest economy.
The uncertainty sent the yen currency to a three-month low as analysts prepared for days, or possibly weeks, of political wrangling to form a government and potentially a change of leader.
That comes as the country faces economic headwinds, a tense security situation fuelled by an assertive China and nuclear-armed North Korea, and a week before U.S. voters head to the polls in another unpredictable election.
"We cannot allow not even a moment of stagnation as we face very difficult situations both in our security and economic environments," a defiant Ishiba said at a news conference on Monday, pledging to continue as premier.
Ishiba's Liberal Democratic Party (LDP) and its junior coalition partner Komeito took 215 seats in the lower house of parliament, down from 279 seats, as voters punished the incumbents over a funding scandal and a cost-of-living crunch. Two cabinet ministers and Komeito's leader, Keiichi Ishii, lost their seats.
The biggest winner of the night, the main opposition Constitutional Democratic Party of Japan (CDPJ), had 148 seats, up from 98 previously, but also still well short of the 233 majority.
As mandated by the constitution, the parties now have 30 days to figure out a grouping that can govern, and there remains uncertainty over how long Ishiba - who became premier less than a month ago - can survive after the drubbing. Smaller parties also made gains and their role in negotiations could prove key.
ຟໍຣັມສະແດງຄວາມຄິດເຫັນ