ທາງການຍີ່ປຸ່ນກໍາລັງຕໍ່ສູ້ເພື່ອປ້ອງກັນບໍ່ໃຫ້ເກີດໄພພິບັດໃນ
ໂຮງໄຟຟ້ານິວເຄລຍແຫ່ງທີສອງ ທີ່ໄດ້ຮັບຄວາມເສຍຫາຍ
ຈາກໄພແຜ່ນດິນໄຫວທີ່ມີຄວາມແຮງ 8.9 Richterໃນວັນ
ສຸກຜ່ານມານີ້.
ໂຄສົກລັດຖະບານກ່າວໃນວັນອາທິດມື້ນີ້ວ່າ ພວກແລ່ນ
ໂຮງໄຟຟ້າກໍາລັງພາກັນສີດນໍ້າເຂົ້າໃສ່ເຄື່ອງປະຕິກອນໄຟ
ຟ້າໝາຍເລກ 3 ທີ່ເມືອງ Fukushima ໃນຂະນະດຽວກັນ
ກໍຄ່ອຍໆປ່ອຍອາຍນໍ້າທີ່ມີລັງສີປະລະມະນູໃນລະດັບຕໍ່າໆອອກມາ ໃນຄວາມພະຍາຍາມເພື່ອຫລີກລ່ຽງ ບໍ່ໃຫ້ເກີດການລະລາຍຂອງເຕົາແຍກນິວເຄລຍ.
ນອກນັ້ນ ທາງການຍັງປໍ້ານໍ້າທະເລເຂົ້າໃສ່ໂຮງໄຟຟ້ານີວເຄລຍໝາຍເລກສອງເຊ່ນກັນ. ຝາອ້ອມໂຮງໄຟຟ້າແຫ່ງນີ້ໄດ້ຖືກທໍາລາຍ ເວລາໂຮງໄຟຟ້າລະເບີດຂຶ້ນໃນວັນເສົາວານນີ້ ແຕ່ໂຄງສ້າງຂອງອາຄານ ຍັງດີຢູ່.
ໃນເຊົ້າວັນອາທິດມື້ນີ້ ໂຄສົກລັດຖະບານຍີ່ປຸ່ນທ່ານນຶ່ງກ່າວວ່າ ລະດັບກໍາມັນຕະພາບລັງສີຢູ່ນອກໂຮງໄຟຟ້າ ໄດ້ເພີ່ມຂຶ້ນເປັນເວລາສັ້ນໆ ສູງເຖິງ 2 ເທົ່າຂອງກໍານົດທີ່ຖືກຕ້ອງຕາມກົດໝາຍຂອງຍີ່ປຸ່ນ. ກ່ອນໜ້ານັ້ນ ທາງການຂອງຍີ່ປຸ່ນໄດ້ບອກປະຊາຊົນຈໍານວນຫລາຍກວ່າ 2 ແສນຄົນໃຫ້ອົບພະຍົບອອກຈາກຂົງເຂດດັ່ງກ່າວ. ທາງການກ່າວວ່າ ຢ່າງນ້ອຍມີຜູ້ຄົນ 19 ຄົນແລ້ວ ໄດ້ຖືກເຜີຍແບໃສ່ກໍາມັນຕະພາບລົງສີ ແລະອາດມີຫລາຍກວ່າ 160 ຄົນ ທີ່ໄດ້ຖືກກໍາມັນຕະພາບລັງສີໄປແລ້ວ.
ພວກນັກຂ່າວວິໂອເອທີ່ຢູ່ໃກ້ກັບໂຮງໄຟຟ້ານີວເຄລຍກ່າວວ່າ ການສັ່ນສະເທືອນຂອງແຜ່ນ ດິນໄຫວຍັງສືບຕໍ່ມີຢູ່ຕໍ່ມາໃນບໍລິເວນນັ້ນ.
ສະພາວະສຸກເສີນທີ່ໂຮງໄຟຟ້ານີວເຄລຍ ໄດ້ເພິ່ມຄວາມວິຕົກຮ້ອນໃຈໃຫ້ແກ່ພວກພະນັກ ງານຊ່ອຍກູ້ໄພທີ່ກໍາລັງຕໍ່ສູ້ເພື່ອໃຫ້ເຂົ້າໄປເຖິງພວກທີ່ອາດຍັງລອດຊີວິດມາໄດ້ ຈາກໄພແຜ່ນດິນໄຫວແລະຄື້ນຟອງຍັກສຸນາມິທີ່ໄດ້ສ້າງຄວາມເສຍຫາຍຢ່າງໜັກໃຫ້ແກ່ຂົງເຂດທີ່ກວ້າງໃຫຍ່ ໃນພາກຕາເວນັອອກສຽງເໜືອຂອງປະເທດ. ເວລານີ້ ມີທະຫານຍີ່ປຸ່ນຈໍານວນ 1 ແສນຄົນ ກໍາລັງພົວພັນໃນຄວາມພະຍາຍາມຊ່ອຍບັນເທົາທຸກ.
ໃນຂະນະດຽວກັນ ພວກຕໍາຫລວດໃນເຂດແຂວງ Miyagi ທີ່ໄດ້ຮັບການເສຍຫາຍຢ່າງໜັກໃນພາກຕາເວັນອອກສຽງເໜືອ ກ່າວວ່າຈໍານວນຜູ້ເສຍຊີວິຢູ່ທີ່ນັ້ນສາມາດມີກາຍ 10 ພັນຄົນໄດ້. ອົງການຂ່າວ Kyodo ໃຫ້ໂຕເລກໃນວັນອາທິດມື້ນີ້ຂອງຈໍານວນຜູ້ເສຍຊີວິດ ຫລື
ກໍາລັງຫາຍສາບສູນໄປ ໃນທົ່ວປະເທດມາຮອດປັດຈຸບັນນີ້ ວ່າ ມີຢູ່ 2 ພັນຄົນ. ຕໍາຫລວດກ່າວວ່າ ປະຊາຊົນຈໍານວນຫລາຍກວ່າ 215 ພັນຄົນ ຖືກບັງຄັບໃຫ່້ໄປຊອກຫາບ່ອນພັກພາສຸກເສີນ.
