ລິ້ງ ສຳຫລັບເຂົ້າຫາ

ນາຍົກຍີ່ປຸ່ນ ສະເໜີທີ່ຈະລາອອກ ໃນໄວໆນີ້

  • ໄພສານ ວໍຣະຈັກ

ນາຍົກລັດຖະມົນຕີຍີ່ປຸ່ນທ່ານ Naoto Kan ພວມຍ່າງອອກຈາກກອງປະຊຸມຄົບຄະນະຂອງສະພາຕໍ່າລຸນຫຼັງທີ່ໄດ້ ລອດພົ້ນ ຈາກການລົງມະຕິບໍ່ໄວ້ວາງໃຈ ກ່ຽວກັບການຮັບມືຂອງທ່ານ ກັບໄພພິບັດທຳມະຊາດ ແລະວິກິດການ ນິວເຄລຍທີ່ຕິດຕາມມາ (2 ມິຖຸນາ 2011)

ນາຍົກລັດຖະມົນຕີຍີ່ປຸ່ນທ່ານ Naoto Kan ໄດ້ສະເໜີ
ທີ່ຈະລາອອກ ໃນໄລຍະສອງສາມເດືອນຂ້າງໜ້ານີ້ ໃນ
ການຖະແຫລງ ຫຼາຍໆຊົ່ວໂມງ ກ່ອນການລົງມະຕິ​ບໍ່​ໄວ້​
ວາ​ງໃຈ​ໃນສະພາແຫ່ງຊາດ ທີ່ປະສົບກັບຄວາມລົ້ມແຫຼວ
ໃນການທີ່ຈະຍຸບລັດຖະບານຂອງທ່ານນັ້ນ.

ທ່ານ Kan ກ່າວຕໍ່ກອງປະຊຸມ ຂອງພັກປະຊາທິປະໄຕ
ຍີ່ປຸ່ນຂອງທ່ານ ໃນວັນພະຫັດມື້ນີ້ວ່າທ່ານຢາກຈະມອບ
ອຳນາດໃຫ້ແກ່ພວກລຸ້ນໜຸ່ມນ້ອຍ ເວລາໃດທີ່ຊ່ອງທາງ​
ໃນການຮັບມື ກັບຜົນກະທົບຂອງແຜ່ນດິນໄຫວໃນວັນທີ
11 ມີນາ ມີຄວາມຈະແຈ້ງຕື່ມຂຶ້ນ.

ທ່ານ Kan ພວມຖືກກົດດັນໃຫ້ລາອອກທ່າມກາງຄວາມ
ບໍ່ພໍໃຈໃນຂອບເຂດທີ່ກວ້າງຂວາງຂອງປະຊາຊົນ ກ່ຽວ
ກັບການຮັບມືຂອງທ່ານໃນການມ້ຽນມັດ ລຸນຫຼັງທີ່ໄດ້ເກີດໄພແຜ່ນດິນໄຫວ ແລະຜົນກະທົບ ຈາກວິກິດການທີ່ໂຮງໄຟຟ້ານິວເຄລຍ Fukushima. ສະມາຊິກຂອງພັກຫຼາຍສິບຄົນ​ໄດ້ກ່າວວ່າ ເຂົາເຈົ້າຈະເຂົ້າຮ່ວມກັບພັກຝ່າຍຄ້ານໃນການລົງມະຕິບໍ່ໄວ້ວາງໃຈລັດຖະບານ ຊຶ່ງພາໃຫ້ ພວກນັກວິເຄາະບໍ່ແນ່ໃຈວ່າ ຍັດຕິດັ່ງກ່າວຈະຜ່ານຫຼືບໍ່.

ແຕ່ວ່າໃນທີ່ສຸດ​ແລ້ວສະມາຊິກຂອງພັກປະຊາທິປະໄຕຍີ່ປຸ່ນສ່ວນໃຫຍ່ກໍໄດ້ໃຫ້ການສະໜັບ
ສະໜຸນຕໍ່ທ່ານ Kan ແລະຍັດຕິບໍ່ໄວ້ວາງໃຈລັດຖະບານ ກໍໄດ້ຮັບການປະລາໄຊດ້ວຍຄະ
ແນນສຽງ 293 ຕໍ່ 152. ທ່ານ Kan ​ໄດ້​ເວົ້າວ່າ ທ່ານຈະຍຸບສະພາ ແລະສັ່ງໃຫ້ມີການ
ເລືອກຕັ້ງໃໝ່ ຖ້າການລົງມະຕິ​ຫາກ​ຜ່ານ​ສະພາ.

XS
SM
MD
LG