ຍີ່ປຸ່ນ ຈະເອົາກຳປັ່ນທີ່ໃຊ້ແລ້ວ ໃຫ້ຫວຽດນາມ 6 ລຳ ອັນເປັນ
ສ່ວນນຶ່ງຂອງການຊ່ອຍເຫຼືອຊຸດນຶ່ງ ເພື່ອຊ່ວຍປັບປຸງຄວາມໝັ້ນ
ຄົງທາງທະເລ ໃຫ້ແກ່ປະເທດເອເຊຍຕາອອກສຽງໃຕ້ແຫ່ງນັ້ນ.
ການຊ່ອຍເຫຼືອດັ່ງກ່າວໄດ້ຖືກລົງນາມກັນ ໃນວັນສຸກວານນີ້
ໂດຍລັດຖະມົນຕີກະຊວງການຕ່າງປະເທດຍີ່ປຸ່ນ ທ່ານ Fumio
Kishida ທີ່ກຳລັງຢ້ຽມຢາມຫວຽດນາມ ກັບ ລັດຖະມົນຕີກະຊວງ
ແຜນການແລະການລົງທຶນ ທ່ານ Bui Quang Vinh ຊຶ່ງມີມູນຄ່າ
ປະມານ 5 ລ້ານດອລລ່າ. ພ້ອມກັບເຮືອເຫລົ່ານັ້ນ ຍີ່ປຸ່ນຈະໃຫ້
ການເຝິກອົບຮົມ ແລະອຸປະກອນເພື່ອຊ່ອຍໃນຄວາມພະຍາຍາມ
ເຝົ້າເບິ່ງ ຂອງກອງທະຫານຍາມຝັ່ງ ແລະພາກສ່ວນການປະມົງ
ຂອງຫວຽດນາມ.
ການຊ່ອຍເຫຼືອນີ້ມີຂຶ້ນ ໃນຂະນະທີ່ສາຍພົວພັນລະຫວ່າງຫວຽດນາມ ກັບຈີນ ໄດ້ຕົກລົງ
ສູ່ຈຸດຕ່ຳທີ່ສຸດ ໃນຮອບຫລາຍປີ ອັນເປັນຜົນສືບເນື່ອງມາຈາກ ການຕິດຕັ້ງຖານເຈາະນ້ຳ
ມັນຂະຫນາດໃຫຍ່ຂອງຈີນ ໃນຕົ້ນເດືອນພຶດສະພາທີ່ຜ່ານມາ ຢູ່ໃກ້ໝູ່ເກາະ Paracel
ທີ່ຫວຽດ ນາມກໍອ້າງເອົາກຳມະສິດເຊັ່ນດຽວກັນນັ້ນ.
ຈີນໄດ້ອ້າງເອົາກຳມະສິດ ໃນເກືອບວ່າທັງໝົດ ຂອງທະເລຈີນໃຕ້ ຊຶ່ງເຮັດໃຫ້ຈີນຂັດ
ແຍ້ງກັນກັບ ປະເທດອື່ນໆໃນຂົງເຂດ ຮວມທັງຍີ່ປຸ່ນນຳ.
