ລິ້ງ ສຳຫລັບເຂົ້າຫາ

logo-print

ຍີ່ປຸ່ນ ອະນຸມັດ ງົບປະມານ 42 ພັນລ້ານໂດລາ ສຳຫລັບປ້ອງກັນປະເທດ


Japan Unveils Largest Ever Defense Budget
please wait

No media source currently available

0:00 0:03:34 0:00

ຍີ່ປຸ່ນ ປະກາດ​ໃນ​ວັນ​ພຸດ ​ອາທິດ​ທີ່​ຜ່ານ​ມາ​ນີ້ວ່າ ງົບປະມານ​
ປ້ອງກັນ​ປະ​ເທດ​ຂອງ​ຕົນ​ໃນ​ປີ​ໜ້າ​ນີ້ ຈະ​ເພີ້​ມຂື້ນ​ເກືອບ 42
ພັນ​ລ້ານ​ໂດ​ລາ ຊຶ່ງ​ເປັນການ​ອະນຸມັດ​ງົບປະມານ​ໃຫຍ່ສຸດ ທີ່​
ບໍ່​ເຄີຍ​ມີ​ມາ​ກ່ອນ. ນາຍົກລັດຖະມົນຕີ Shinzo Abe ​ໄດ້​ຖືກ
​ເລືອກໃຫ້ເຂົ້າຮັບຕຳແໜ່ງ ​ຄືນ​ໃໝ່​ ຢ່າງ​ງາຍ​ດາຍໃນ​ເດືອນ
​ແລ້ວ​ນີ້ ຫລັງຈາກໄດ້ຮຽກໃຫ້ມີການ ເລືອກຕັ້ງກ່ອນກຳນົດ.
ທ່ານ Abe ກ່າວ​ວ່າ ທ່ານ​ຈະ​ໃຊ້ສິດອຳນາດ ດັ່ງກ່າວ ​ເພື່ອ​
ຊຸກຍູ້ຕໍ່​ໄປ ກ່ຽວ​ກັບ​ການ​ປ່ຽນ​ແປງທາງດ້ານ​ທະຫານທີ່ ເປັນ
ບັນຫາໂຕ້ແຍ້ງ ຊຶ່ງໄດ້​ພາໃຫ້​ເກີດມີ​ຄວາມໂກດ​ແຄ້ນຂຶ້ນ
ແລ້ວ ຢູ່ທີ່ປັກ​ກິ່ງ. Henry Ridgwell ມີລາຍ​ງານ​ກ່ຽວກັບ
ເລື່ອງນີ້ຈາກລອນ​ດອນ ຊຶ່ງ ກິ່ງ​ສະຫວັນ ຈະ​ນຳ​ມາສະ
​ເໜີ​ທ່ານ.

ງົບປະມານ​ດ້ານປ້ອງ​ກັນ​ປະ​ເທດທີ່ສູງເປັນ​ປະຫວັດ​ການແບບທີ່ບໍ່ເຄີຍ​ມີມາ​ກ່ອນ ຈະນຳ
​ໄປ​ໃຊ້​ຈ່າຍ ໃນການ​ຊື້ເຮືອບິນ​ສັງ​ເກດ​ການສອດແນມ ເຮືອບິນ​ລົບອາຍພົ່ນ F-35 ທີ່​ເຣ
ດາ​ ຈັບ​ບໍ່​ໄດ້ ພ້ອມ​ດ້ວຍລົດ​ສະເທີນນ້ຳສະເທີນບົກ ​ແລະເຮືອບິນ​ບໍ່ມີຄົນຂັບ.

ທ່ານ Alessio Patalano ຈາກກະຊວງປ້ອງກັນປະເທດອັງກິດທີ່ກຳ ລັງສຶກສາຢູ່
Kings Collge ​ໃນ​ນະຄອນ​ລອນ​ດອນກ່າວວ່າ ການລົງ ທຶນທາງທະຫານຂອງ​ໂຕ​ກຽວ ແມ່ນມີ​ຈຸດປະສົງ​ເພື່ອຕອບໂຕ້ ​ຕໍ່ໄພ​ຂົ່ມ​ຂູ່ທາງ​ດ້ານ​ຄວາມ​ໝັ້ນຄົງ ທີ່ພວມມີການປ່ຽນ
ແປງຢູ່ໃນຂົງ​ເຂດ.

ທ່ານ Patalano ກ່າວວ່າ “ທັງໃນດ້ານລູກສອນໄຟຂອງ​ ເກົາຫລີ​ເໜືອ ​ແລະ​ການ
ສ່ຽງໄພໃນດ້ານນິວ​ເຄລຍ ພ້ອມ​ໆທັງການ​ເຄຶ່ອ​ນ​ໄຫວ​ຂອງ​ຈີນ. ​ມັນເປັນ​ຄວາ​ມ
ຮູ້ສຶກເພີ້ມຂຶ້ນເລື້ອຍໆວ່າ ​ມີຄວາມເຄັ່ງ​ຕືງ​ຢູ່ໃນ​ເອ​ເຊຍຕາ​ເວັນ​ອອກ. ສຳລັບ
​ຍີ່ປຸ່ນ​ແລ້ວ ​ຕົ້ນຕໍ​ກໍ​ຄື ການຄຳ້ປະກັນ​ ໃຫ້ມີການປ້ອງກັນໂດຍການໃຊ້ອາວຸດ ທຳ
ມະດາໃຫ້​ດີ​ຂື້ນ ທີ່ອາດຈະເກີດຂຶ້ນ ​ຢູ່ຕາມບັນດາໝູ່​ເກາະໝູ່ດອນຕ່າງໆ ​ທາງ​
ພາກ​ຕາ​ເວັນ​ຕົກ​ສຽງ​ໃຕ້​ຂອງ​ປະເທດ.”

ຍີ່ປຸ່ນ ​ແລະ​ຈີນ ​ໄດ້ຜິດ​ຖຽງ​ກັນ​ກ່ຽວກັບເລື້ອງກຳມະ​ສິດ ​ຂອງ​ໝູ່​ເກາະ ຢູ່​ໃນທະ​ເລ​ຈີນ​ຕາ
​ເວັນ​ອອກ ທີ່ຍີ່ປຸ່ນເອີ້ນວ່າ Senkakus ​ແລະຈີນຮ້ອງວ່າ Diaoyus. ໝູ່​ເກາະ​ເຫລົ່າ​ນີ້ໄດ້​
ຖືກ​ຄວບ​ຄຸມ​ໂດຍໂຕ​ກຽວ ​ແຕ່ວ່າ ກຳ​ປັ່ນ​ລົບແລະ​ເຮືອບິນ​ຈີນ ໄດ້​ເຂົ້າ​ໄປ​ໃນ​ຂົງ​ເຂດ​ດັ່ງ
ກ່າວຊຳ້ແລ້ວ​ຊຳ້ອີກ. ທ່ານ Jonathan Fenby ນັກວິ​ເຄາະ​ກ່ຽວ​ກັບ​ຈີນ ​ແລະ​ອະດີດ
​ບັນນາທິການຂອງໜັງສືພິມ South China Morning Post ກ່າວວ່າ ການ​ຜິດຖຽງກັນ ແມ່ນມີຫລາຍ​ໄປ ກວ່າ​ສິ່ງທີ່ປາກົດໃຫ້ເຫັນ​ຢູ່​ໃນ​ແຜນ​ທີ່.

​ທ່ານ Fenby ເວົ້າວ່າ "ເປັນຄວາມຮູ້ສຶກທີ່ໜ້າຢ້ານກົວ ທີ່ຕ້ອງມີການໂຕ້​ຖຽງ​ກັນ
ກ່ຽວ​ກັບໝູ່​ເກາະໝູ່ດອນ​ ທີ່ບໍ່​ມີ​ຄົນ​ຢູ່​ຈຳນວນນ້ອຍໆຈຸນຶ່ງ ນອກ​ຝັ່ງ​ທະ​ເລ​ຍີ່ປຸ່ນ.
​ແຕ່ມັນ​ເປັນການສະແດງໃຫ້ເຫັນກ່ຽວກັບການແຂ່ງຂັນກັນທີ່ໃຫຍ່ກວ່າ​ນັ້ນ​ ຢູ່
ໃນ​ເຂດເອ​ເຊຍ​ຕາ​ເວັນ​ອອກ ບ່ອນ​ທີ່​ຈີນ​ຕ້ອງໄດ້ຢືນຢັນ​ຕົນ​ເອງ ຢາກໃຫ້ທ່າທີ
ຂອງຕົນຢູ່່​ໃນຂົງ​ເຂດເປັນທີ່ຮັບຮູ້.”

ງົບປະມານ​ການໃຊ້​ຈ່າຍ ດ້ານ​ປ້ອງ​ກັນ​ປະ​ເທດ ​ຂອງ​ຍີ່​ປຸ່ນ ແມ່ນເປັນສ່ວນນຶ່ງ ຂອງງົບ
ປະມານປະຈຳປີທັງໝົດ 814 ລ້ານ​ໂດ​ລາ​ ອັນເປັນ​ພາກ​ສ່ວນ​ນຶ່ງຂອງ ນາຍົກລັດຖະມົນ
ຕີ Shinzo Abe ທີ່ຊຸກຍູ້​ໃຫ້ສ້າງກອງທັບ ທີ່ມີ​ບົດບາດເພີ້​ມ ຂື້ນ. ຫຼັງ​ຈາກ​ການ​ຖືກເລືອກ
​ຕັ້ງ ໃຫ້ເຂົ້າຮັບຕຳແໜ່ງ​ຄືນໃໝ່ ​ໃນ​ເດືອນ​ແລ້ວ​ນີ້ ທ່ານ Abe ກ່າວ​ວ່າ ທ່ານ​ໄດ້​ມີ​ຄຳ​ສັ່ງ​
ໃຫ້​ເສີມຂະຫຍາຍ ກຳລັງ​ປ້ອງຕົວຂອງ​ ​ຍີ່ປຸ່ນ.

ທ່ານ Abe ກ່າວວ່າ "ຂ້າພະເຈົ້າຈະສືບຕໍ່ພົວພັນກົບການທູດຂອງໂລກ ປ້ອງກັນ
ຜົນປະໂຫຍດແຫ່ງຊາດ ແລະຄຸ້ມຄອງຊີວິດປະຊາຊົນຂອງພວກເຮົາ ແລະ ເພື່ອ
ໃຫ້ເປັນທີ່ແນ່ໃຈວ່າ ເຂົາເຈົ້າຈະມີຊີວິດຢູ່ຢ່າງມີຄວາມສຸກ.”

ນາຍົກລັດຖະມົນຕີ Abe ​ໄດ້​ໃຫ້​ຄຳ​ໝັ້ນ​ສັນຍາວ່າ ຈະ​ປ່ຽນ​ແປງລັດຖະທຳ​ມະ ນູນທີ່ຮັກ
ສັນຕິຂອງຍີ່​ປຸ່ນ ​ໂດຍໃຫ້ມີກຳລັງ​ທະຫານຢ່າງເປັນ​ປົກ​ກະຕິ.

ຈີນ ​ໄດ້​ເຕືອນ ນາຍົກລັດຖະມົນຕີ Abe ​ໃຫ້​ປະຕິບັດ​ຢ່າງ​ລະມັດລະວັງ ​ແລະ​ກ່າວ​ຫາ
ຍີ່ປຸ່ນ ວ່າ ​ບໍ່ໄດ້ຊົດໃຊ້ຫຼືແກ້ໄຂການກໍ່ໂທດກຳທາງ​ທະຫານໃນອະດີດ ທີ່ຜ່ານ​ມາ.

ຈີນ ​ໄດ້​ຈັດ​ເອົາມື້ນຶ່ງ ໄວ້ອາ​ໄລເປັນ​ຄັ້ງທຳ​ອິດ ​ໃນ​ເດືອນ​ທັນວາຜ່ານມາ ​ເພື່ອ​ໃຫ້​ກຽດ​ແກ່​
ບັນດາ​ຜູ້​ເຄາະ​ຮ້າຍ ຈາກ​ການສັງຫານຂອງກອງທັບ​ຍີ່ປຸ່ນ​ ທີ່ເມືອ​ງ Nanking ​ໃນ​ປີ 1937
ປັກ​ກິ່ງກ່າວ​ວ່າ 300,000 ຄົນ​ໄດ້​ຖືກຂ້າຕາຍ. ທ່ານ Fenby ກ່າວວ່າ ການເປັນ​ຄູ່​ແຂ່ງ​ທີ່
​ມີມາເປັນເວລາຍາວ​ນານ ມີທ່າທາງວ່າຍັງ​ຈະ​ສື​ບຢູຕໍ່​ໄປ.

ທ່ານ Fenby ກ່າວວ່າ “ຂ້າພະ​ເຈົ້າ​ຄິດ​ວ່າ ນີ້​ແມ່ນ​ນຶ່ງ​ຂອງ​ການ​ໂຕ້​ຖຽງຕ່າງໆ ອັນ​
ເປັນ​ບ່ອນ​ທີ່​ບໍ່​ມີ​ຝ່າຍ​ໃດ​ຕ້້ອງການຢາກ​ແກ້​ໄຂ ​ເພາະວ່າ ມັນຮັບໃຊ້ທ່າທີຊາດ
ນິຍົມຢູ່ພາຍໃນປະເທດ ຕາບ​ໃດ​ທີ່​ມັນຍັງ​ຄວບຄຸມໄດ້ຢູ່.”

ສະຫະລັດ ​ໄດ້​ປະກາດ​ຢ່າງແຈ້ງ​ຂາວ​ວ່່າ ຕົນ​ໃຫ້​ການ​ສະໜັບສະໜູນຕໍ່ຜືນແຜນ ດິນອັນ
ຄົບຖ້ວນຂອງຍີ່ປຸ່ນ. ທ່ານ Patalano ກ່າວວ່າ ການ​ເພີ້​ມງົບປະມານໃນ ການ​ໃຊ້ຈ່າຍ
ດ້ານປ້ອງ​ກັນ​ປະ​ເທດ​ຂອງ​ຍີ່ປຸ່ນ ບໍ່​ໄດ້​ຫລຸດຜ່ອນ​ຄວາມ​ສຳຄັນ ໃນ ການເປັນພັນທະ​ມິດ
ລະຫວ່າງ ສະຫະລັດກັບຍີ່​ປຸ່ນ​.

ທ່ານ Patalano ກ່າວວ່າ “ຄວາມ​ຈິງ​ແລ້ວ ມັນ​ແມ່ນກົງກັນຂ້າມ. ມັນ​ຈະ​ເຮັດ​ໃຫ້
ໃນລະບົບຂໍ້ມູນກັບກອງທັບສະຫະລັດ ຢູ່​ໃນ​ລະດັບ​ດຽວກັນ ​ແຕ່​ຍັງ​ຈະ​ອະນຸຍາດ​
ໃຫ້​ ຍີ່ປຸ່ນ ມີ​ໂອກາດ​ເປັນ​ຄູ່​ພາຄີທາງການ ເມືອງ ​ບໍ່​ພຽງ​ແຕ່​ເປັນສະມາຊິກຊັ້ນ​
ນ້ອຍຂອງ​ຄວາມສຳພັນ​ດັ່ງ​ກ່າວ.”

ທ່ານ Patalano ກ່າວ​ວ່າ ການ​ເສີມຂະຫຍາຍຄວາມສຳພັນ​ດ້ານປ້ອງ​ກັນ​ປະ​ເທດກັບ​ຍີ່ປຸ່ນ ແມ່ນໝາກ​ຫົວ​ໃຈ​ ຂອງອັນທີ່ສະຫະລັດ ​ຮ້ອງ​ວ່າ “​ຍຸດ​ທະ​ສາດ​ໃນການຫັນໄປສູ່” ເຂດເອ​ເຊຍ ​ແລະ​ກາ​ນເພີ້​ມງົບ​ປະມານ​ການໃຊ້ຈ່າຍດັ່ງກ່າວນີ້ ຈະໄດ້ຮັບການຕ້ອນຮັບ
ເປັນຢ່າງດີທີ່ວໍຊິ​ງຕັນ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG