ຍີ່ປຸ່ນ ໄດ້ປະກາດການລົງໂທດເພີ້ມຕື່ມຕໍ່ຣັດເຊຍ ກ່ຽວກັບ
ຄວາມວຸ້ນ ວາຍຢູ່ໃນຢູເຄຣນ ແລະຮຽກຮ້ອງໃຫ້ມົສກູ ຫາທາງ
ແກ້ໄຂວິກິດການດັ່ງກ່າວ ດ້ວຍວິທີສັນຕິ.
ຫົວໜ້າກອງເລຂາ ປະຈຳຄະນະລັດຖະບານ ທ່ານ Yoshihide
Suga ກ່າວວ່າ ການລົງໂທດຮອບໃໝ່ນີ້ ຈະຈຳກັດຮັດແຄບເພີ້ມ
ຂຶ້ນກ່ຽວກັບການສົ່ງອອກອາວຸດໄປຣັດເຊຍ ຕະຫລອດທັງການ
ຫ້າມຈຳນວນນຶ່ງ ຕໍ່ທະນາຄານຣັດເຊຍ ບໍ່ໃຫ້ອອກຮຸ້ນຫຼັກຊັບ ຢູ່
ໃນຍີ່ປຸ່ນ.
ທ່ານ Suga ເວົ້າວ່າ “ຍີ່ປຸ່ນຈະສືບຕໍ່ປະສານງານ ກັບບັນດາ
ປະເທດໃນກຸ່ມ G7 ແລະ ບັນດາປະຊາຄົມສາກົນ ເພື່ອແກ້ໄຂສະຖານະການ
ໃນຢູເຄຣນ ໂດຍສັນຕິວິທີ ແລະ ໂດຍທາງການທູດ.”
ຍີ່ປຸ່ນໄດ້ປະກາດການລົງໂທດໄປແລ້ວ ສອງຮອບຕໍ່ຣັດເຊຍໃນປີນີ້ ແຕ່ມາດຕະການ
ຈຳກັດຮັດແຄບຮອບຫຼ້າສຸດນີ້ ຈະເຮັດໃຫ້ການລົງໂທດຂອງຍີ່ປຸ່ນ ຢູ່ໃນລະດັບດຽວກັນ
ກັບມາດຕະການທີ່ສະຫະລັດ ແລະສະຫະພາບຢູໂຣບໄດ້ວາງອອກໄວ້ ເມື່ອ 2-3 ອາທິດ
ຜ່ານມານີ້.
ກະຊວງຕ່າງປະເທດຣັດເຊຍ ກ່າວວ່າ ຕົນຮູ້ສຶກເສຍໃຈກ່ຽວກັບການລົງໂທດຮອບໃໝ່
ຂອງຍີ່ປຸ່ນ ໂດຍກ່າວວ່າການຕັດສິນໃຈກ່ຽວກັບການ ລົງໂທດເຫຼົ່ານີ້ ເບິ່ງຄືວ່າປາດສະຈາກເຫດຜົນ ແລະ ເປັນ “ບາດກ້າວທີ່ບໍ່ເປັນມິດເລີຍ.”
