ລິ້ງ ສຳຫລັບເຂົ້າຫາ

logo-print

ລະບົບເລເຊີ ໃນຍຸກອະວະກາດຂອງ ອິສຣາແອລ ສາມາດຍິງໃສ່ ປຸມເປົ້າລະເບີດ ທີ່ຍິງຂ້າມຊາຍແດນ ມາຈາກເຂດກາຊາ


Israel Laser Defense -- USAGM
please wait

No media source currently available

0:00 0:02:38 0:00

ປຸມເປົ້າລະເບີດທີ່ຍິງຂ້າມຊາຍແດນມາຈາກເຂດກາຊາ

ທ່າມກາງຄວາມເຄັ່ງຕຶງທີ່ເພີ່ມຂຶ້ນລະຫວ່າງລັດຖະບານອິສຣາແອລກັບລັດຖະບານຮາມາສຂອງເຂດກາຊາ (Gaza) ຢູ່ນີ້, ຊາວປາແລສຕານຍ໌ ໄດ້ນຳເອົາອຸປະກອນຈຸດເພີງຫຼາຍຮ້ອຍເຄື່ອງ ບັນຈຸໃສ່ກັບປຸມເປົ້າໃຫຍ່ ຫຼື ບາລລູນ ປ່ອຍຂ້າມຊາຍແດນເຂົ້າໄປໃນອິສຣາແອລ. ດຽວນີ້, ອິສຣາແອລ ໄດ້ພັດທະນາລະບົບປ້ອງກັນແບບໃຊ້ແສງເລເຊີ - ເຊິ່ງເປັນລະບົບອັນທຳອິດຂອງໂລກ - ທີ່ຍິງພວກບາລລູນພວກນີ້ລົງໄດ້. Linda Gradstein ມີລາຍງານ ມາຈາກເມືອງ Kibbutz Kisufim ທີ່ຢູ່ໃກ້ຊາຍແດນຂອງ ອິສຣາແອລກັບເຂດກາຊາ ຊຶ່ງບົວສະຫວັນ ຈະນໍາມາສະເໜີທ່ານໃນ ອັນດັບຕໍ່ໄປ.


ໃນຂະນະທີ່ປຸມເປົ້າໃຫຍ່ທີ່ມີສີສັນງົດງາມໂດຍທົ່ວໄປແລ້ວ ຈະເຫັນຢູ່ໃນງານບຸນ, ພວກເດັກນ້ອຍອິສຣາແອລທີ່ອາໄສຢູ່ໃກ້ຊາຍແດນກັບເຂດກາຊາ (Gaza) ໄດ້ຖືກສອນວ່າ ບໍ່ໃຫ້ໄປຈັບປຸມເປົ້າທີ່ຢູ່ເທິງພື້ນດິນຈັກເທື່ອ ເພາະວ່າມັນມີແນວໂນ້ມທີ່ຈະມີວັດຖຸລະເບີດຕິດມານຳ.

ລະເບີດປຸມເປົ້າ ທີ່ຖືກປ່ອຍອອກໄປຈາກເຂດກາຊາໄດ້ເຮັດໃຫ້ເກີດໄຟໄໝ້ຢູ່ໃນທົ່ງທີ່ແຫ້ງແລ້ງຫລາຍສິບແຫ່ງຢູ່ໃນພາກໃຕ້ຂອງອິສຣາແອລ.

ວິສະວະກອນຊາວອິສຣາແອລໄດ້ພັດທະນາລະບົບທີ່ໃຊ້ແສງເລເຊີໃໝ່ທີ່ມີຊື່ວ່າລາຮັບ ອໍ (Lahav Or), ຫຼື ໄລທ໌ ເບລດ (Light Blade) ... ເພື່ອຍິງແສງເລເຊີໃສ່ປຸມເປົ້າທັງຫຼາຍໃຫ້ແຕກ ກ່ອນທີ່ມັນຈະລົດລົງຢູ່ໃນອິສຣາແອລ.
ນາຍພົນໂຄບີ ຊາບທາຍ (Kobi Shabtai), ຫົວໜ້າຕຳ ຫຼວດຊາຍແດນຂອງອິສຣາແອລ ກ່າວເປັນພາສາອັງກິດວ່າ:
“ລະບົບນີ້ປອດໄພຫລາຍ. ທ່ານສາມາດຍິງໄດ້ ແລະມັນໄປຖືກແຕ່ເປົ້າມັນ ເທົ່ານັ້ນ ແລະມັນກໍ່ບໍ່ເປັນອັນຕະລາຍຕໍ່ຜູ້ໃດເລີຍ, ບໍ່ເປັນອັນຕະລາຍຕໍ່ ເຮືອບິນທີ່ບິນໄປຢູ່ເທິງທ້ອງຟ້າ ຫລືອຸປະກອນອື່ນໆ ທີ່ພວກເຮົາມີຢູ່ເທິງອາກາດ. ນີ້ແມ່ນລະບົບເລເຊີແບບດຽວເທົ່ານັ້ນທີ່ຮູ້ວິທີເຮັດແນວນັ້ນ.”

ແສງເລເຊີໄດ້ຖືກພັດທະນາຂຶ້ນມາໂດຍບໍລິສັດກໍ່ຕັ້ງໃໝ່ຊື່ວ່າ OptiDefense ຂອງອິສຣາແອລ ແລະດຳເນີນງານໂດຍກອງທັບອິສຣາແອລຮ່ວມກັນກັບຕຳຫຼວດຊາຍແດນ. ລະບົບດັ່ງກ່າວໄດ້ສະແດງໃຫ້ເຫັນວ່າ ສາມາດຍິງ ໝາກປຸມເປົ້າໄລຍະສັ້ນ ແລະເຮືອບິນບໍ່ມີຄົນຂັບໄດ້ຢ່າງຖືກຕ້ອງແມ້ນຢໍາເຖິງ 90 ເປີເຊັນ.

ທ່ານນາງ ນິໂຄລ ຝຣັ່ງໂກ (Nicole Franco) ສິບເອກຢູ່ໃນກະຊວງປ້ອງກັນ ປະເທດຂອງອິສຣາແອລ ຫລື IDF ເວົ້າເປັນພາສາອັງກິດວ່າ:
“ລະບົບທີ່ວ່ານີ້ກວດພົບທຸກໆການເຄື່ອນໄຫວຢູ່ໃນອາກາດ. ເມື່ອມັນກວດພົບການເຄື່ອນໄຫວ, ພວກເຮົາຈະເຂົ້າໄປໃນຈຸດປະສານງານທີ່ມັນບອກ. ພວກເຮົາເບິ່ງວ່າມັນແມ່ນນົກ ຫລື ປຸມເປົ້າ ຫລື ເຮືອບິນບໍ່ມີຄົນຂັບ. ແລະຖ້າຫາກວ່າມັນແມ່ນເຮືອບິນບໍ່ມີຄົນຂັບ ຫຼືປຸມເປົ້າ, ພວກເຮົາກໍສົ່ງຂໍ້ມູນທັງໝົດ ແລະຈຸດໝາຍ ກັບຄືນໄປຫາພາກສ່ວນນີ້ ເຊິ່ງແມ່ນ 'ລາຮັບ ອໍ' ('Lahav Or'). ພວກເຂົາມີໜ້າທີ່ໃນການຕາມຫາເປົ້າໝາຍ ແລະຍິງມັນດ້ວຍແສງເລເຊີ."

ທ່ານ ອາມີ ອິສຊາຢາ (Ami Ishaya) ຜູ້ບໍລິຫານຂອງບໍລິສັດ OptiDefense ກ່າວວ່າ ລະບົບຂອງອິສຣາແອລ, ເຊິ່ງມີມູນຄ່າຫລາຍລ້ານໂດລາ ສຳລັບອຸປະກອນເລເຊີແຕ່ລະອັນ, ມີຂໍ້ໄດ້ປຽບດ້ານການຄ້າທີ່ຕ່າງໝູ່ ກວ່າລະບົບເລເຊີອັນອື່ນໆຢູ່ ໃນຕະຫຼາດ.

ທ່ານ ອາມີ ອິສຊາຢາ (Ami Ishaya) ກ່າວວ່າ:
“ສິ່ງທີ່ເປັນເອກະລັກຂອງລະບົບນີ້ ເມື່ອທຽບໃສ່ລະບົບຂອງສະຫະລັດ ແລະທຸກສິ່ງທຸກຢ່າງແລ້ວ ກໍແມ່ນເລື້ອງຄວາມປອດໄພ. ພວກເຮົາໃຊ້ແສງເລເຊີສະເພາະອັນນຶ່ງ ແລະເລນກ້ອງພິເສດທີ່ແນສຸມໃສ່, ສະນັ້ນພວກເຮົາມີໄລຍະສັ້ນຂອງຄວາມປອດໄພ, ສະນັ້ນພວກເຮົາບໍ່ມີການຂັດແຍ້ງກັບອັນໃດທັງໝົດທີ່ບິນຢູ່. ອັນນີ້ແມ່ນດີເລີດທີ່ຈະປະຕິບັດງານຢູ່ໃນເຂດຕົວເມືອງຕ່າງໆ, ໃນກອງທັບອາກາດ, ໃນແຜນຍຸດທະສາດ, ແມ່ນແຕ່ຢູ່ໃນງານສາທາລະນະ ຫຼືໃນສະໜາມກິລາຕ່າງໆ ກໍໃຊ້ໄດ້.”

ລະບົບດັ່ງກ່າວໄດ້ສະແດງໃຫ້ເຫັນວ່າ ສາມາດຍິງໝາກປຸມເປົ້າໄລຍະສັ້ນ ແລະເຮືອບິນບໍ່ມີຄົນຂັບ ໄດ້ຢ່າງຖືກຕ້ອງແມ້ນຢໍາຢູ່ 90 ເປີເຊັນ.

ລະບົບເຫລົ່ານີ້ແມ່ນມີຈຸດປະສົງໃຊ້ສຳລັບບັນຫາຢູ່ໃນໄລຍະອັນສັ້ນໆ ເຊັ່ນ: ໝາກປຸມເປົ້າ. ແຕ່ໃນທີ່ສຸດບັນດານັກອອກແບບກ່າວວ່າ ແສງເລເຊີ ທີ່ວ່ານີ້ ສາມາດຖືກນຳໄປໃຊ້ເພື່ອຕ້ານ…ໄພຂົ່ມຂູ່ຂອງການໂຈມຕີດ້ວຍ ເຮືອບິນບໍ່ມີຄົນຂັບທີ່ຢູ່ໄລຍະໄກກວ່ານັ້ນ ທີ່ມາຈາກກຸ່ມເຮສໂບລາ (Hezbollah) ໃນເລບານອນ, ຫຼືບາງທີ ແມ່ນກະທັ້ງມາຈາກອີຣ່ານ ກໍອາດ ໃຊ້ໄດ້.

ອ່ານຂ່າວນີ້ເພີ້ມເປັນພາສາອັງກິດຢູ່ລຸ່ມນີ້

Amid an escalation of tensions between Israel and Gaza’s Hamas government, Palestinians have launched hundreds of incendiary devices carried by balloons over the border into Israel. Now, Israel has developed a laser defense system – the first of its kind in the world – to shoot them down.

Linda Gradstein reports from Kibbutz Kisufim near Israel’s border with Gaza.

While bunches of colorful balloons are usually festive, Israeli children living near the Gaza border are taught never to touch balloons on the ground because they are likely to be attached to explosives.

The balloon bombs launched from Gaza have sparked dozens of fires in the dry summer fields of southern Israel.

Israeli engineers have developed a new laser system called Lahav Or, or Light Blade,... to pop the balloons before they can land inside Israel.

General Kobi Shabtai, Israeli Border Police Chief (in English)):
“This system is very safe. You can shoot and it’s hitting only the target and it’s not dangerous to nobody, not to airplanes moving in the sky or other equipment that we have in the air. This is the only laser system that knows how to do it.”

The laser was developed by the Israeli start-up OptiDefense and is operated by the Israeli Army together with the Border Police. The system has shown 90 percent accuracy in shooting down short-range balloons and drones.

Nicole Franco, IDF Sergeant (In English):
“The system detects every movement in the air. When it detects a movement, we go into the coordinates it said. We see if it’s a bird or a balloon or a drone. And if it’s a drone or a balloon, we send all the information and the coordinates back to this part which is the ‘Lahav Or’. They’re in charge of tracking down the target and shooting it with the laser.”

OptiDefense executive Ami Ishaya says the Israeli system, which costs a million dollars for each laser device, has distinct commercial advantages over other laser systems on the market.

Ami Ishaya, OptiDefense, (in English):
“The unique thing about this system as compared to the US systems and everything is the safety aspect. We use a specific laser and special focusing optics, so we have very short safety distances, so we don’t have conflicts with everything flying. This is excellent to operate in urban areas, in the air force, in a strategic plan, even in public events or stadiums.”

The system has shown 90 percent accuracy in shooting down short-range balloons and drones.

These systems are meant for short range problems like the balloons. But eventually, the designers say the lasers could be deployed against....the threat of longer-range drone attacks coming from Hezbollah in Lebanon, or perhaps even from Iran.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG