ເຈົ້າໜ້າທີ່ອະວຸໂສ ກະຊວງການຕ່າງປະເທດ ສະຫະລັດ ທ່ານ
ນຶ່ງກ່າວວ່າ ໄດ້ມີການ “ຫຼຸດລົງຢ່າງຫຼວງຫຼາຍ” ໃນປະລິມານ
ການ ສົ່ງຂໍ້ຄວາມຂອງພວກລັດອິສລາມຫຼື IS ຜ່ານສື່ສັງຄົມໃນ
ໄລຍະສອງສາມເດືອນທີ່ຜ່ານມານີ້.
ລັດຖະມົນຕີຊ່ວຍວ່າການກະຊວງການຕ່າງປະເທດສະຫະລັດ
ຮັບຜິດຊອບກ່ຽວກັບ ກິດຈະການ ດ້ານການທູດ ແລະ ປະຊາ
ສຳພັນ ທ່ານ Richard Stengel ກ່າວວ່າ ທ່ານຄິດວ່າ “ປະ
ລິມານແມ່ນກຳລັງມີການຜັນແປ” ແລະຈຳນວນຂໍ້ຄວາມໂຕ້
ຕອບແມ່ນເລີ່ມທີ່ຈະມີຫຼາຍກວ່າຈຳນວນຂໍ້ຄວາມທາງສື່ສັງຄົມ
ຈາກພວກ IS ໃນທົ່ວໂລກ. ພວກ IS ໄດ້ໃຊ້ສື່ສັງຄົມຢ່າງມີປະສິດທິຜົນທີ່ສຸດ. ໃນຂະນະ
ທີ່ຄົນສ່ວນໃຫຍ່ໄດ້ອ່ານ ຫຼື ເຫັນພາບ ກ່ຽວກັບການຕັດຫົວແລະການຂ້າຄົນໃນສື່ສັງຄົມ,
ພວກເຂົາເຈົ້າ ອາດຈະບໍ່ຄຸ້ນເຄີຍປານໃດ ກັບການເຜີຍແຜ່ ການໂຄສະນາຊວນເຊື່ອສະ
ໜັບສະໜູນພວກ IS ຫຼາຍພັນສະບັບໂດຍສົ່ງເສີມກິດຈະກຳທີ່ເປັນຄືກັບລັດຖະບານຂອງ
ພວກເຂົາ ແລະ ການແປຄວາມໝາຍຂອງສາສະໜາອິສລາມ.
ແລະ ໃນປະຈຸບັນນີ້, ສະຫະລັດ ແລະ ປະເທດອື່ນໆແມ່ນຍັງບໍ່ທັນໄດ້ກີດກັ້ນການກະຈາຍຂໍ້ຄວາມຂອງພວກ IS ຢ່າງມີປະສິດທິຜົນເທື່ອ. ໃນບົດຂ່າວເດືອນ ມິຖຸນາ ຂອງໜັງສືພິມ The New York Times ປະກາດວ່າ ພວກ IS “ແມ່ນກຳລັງໄດ້ຮັບໄຊຊະນະສົງຄາມ
ສື່ສັງຄົມ.” ບົດຂ່າວດັ່ງກ່າວໄດ້ອ້າງເຖິງ ການປະເມີນຜົນພາຍໃນ ຂອງກະຊວງການຕ່າງປະເທດ.
ສະມາຊິກສະພາສູງ Cory Booker ໄດ້ຮຽກຮ້ອງໃຫ້ມີຄວາມພະຍາ ຍາມຂຽນຂໍ້ຄວາມຕໍ່ຕ້ານພວກ IS. ທ່ານກ່າວວ່າ “ເປັນຕາຢາກຫົວ,”, “ຂຽນຊ້ຳສາມເທື່ອ. ຂຽນຊ້ຳ
ສອງເທື່ອ..”
ແຕ່ທ່ານ Stengel ກ່າວວ່າ ບັນດາສະມາຊິກສະພາ ເຊັ່ນທ່ານ Booker ແມ່ນໄດ້ຂາດ ການຮັບຮູ້ໃນປະລິມານຂອງຂໍ້ຄວາມຕໍ່ຕ້ານພວກ IS ທີ່ຖືກສົ່ງອອກໄປໃນພາສາອາຣັບ.
ຂໍ້ຄວາມຂອງພວກ IS ທີ່ໄດ້ຖືກສົ່ງອອກໄປ 95 ເປີເຊັນແມ່ນພາສາ ອາຣັບ. ຂ້າພະເຈົ້າບໍ່ ແນ່ໃຈວ່າມີຜູ້ຊາຍ ແລະ ແມ່ຍິງຂອງພວກເຮົາ ຈັກຄົນໃນລັດຖະສະພາທີ່ອ່ານສື່ສັງຄົມ ໃນພາສາ ອາຣັບໄດ້. ພວກເຂົາ ເຈົ້າກໍເບິ່ງສື່ສັງຄົມທີ່ເປັນພາສາອັງກິດ ດັ່ງທີ່ພວກເຮົາໃຊ້ ກັນນັ້ນແຫຼະ,” ເຊິ່ງທ່ານໄດ້ກ່າວຕໍ່ນັກຂ່າວ ວີໂອເອປະຈຳກະຊວງການຕ່າງປະເທດ Pam Dockins ໃນວັນສຸກທີຜ່ານມານີ້.
