ປະທານາທິບໍດີຂອງເຂດປົກຄອງຕົນເອງຊາວເຄີດ ໄດ້ຮ້ອງຂໍໃຫ້
ສະພາກະກຽມການລົງປະຊາມະຕິ ເພື່ອປະກາດເອກະລາດ.
ທ່ານ Massoud Barzani ກ່າວຕໍ່ສະພາຂອງຂົງເຂດ ໃນຄຳປາ
ໄສເມື່ອວັນພະຫັດວານນີ້ວ່າ ມັນເຖິງເວລາແລ້ວ ທີ່ຈະຕັດສິນໃຈ
ກ່ຽວກັບການຊີ້ຊະຕາກຳຂອງຕົນເອງ ແລະບໍ່ຈຳເປັນ ຕ້ອງລໍຖ້າ
ໃຫ້ຜູ້ອື່ນ ມາຕັດສິນໃຈໃຫ້ພວກເຮົາ.
ທ່ານ Barzani ຮ້ອງຂໍໃຫ້ພວກສະມາຊິກສະພາສ້າງຕັ້ງຄະນະ
ກຳມະການຂຶ້ນ ເພື່ອຈັດການລົງປະຊາມະຕິແລະກຳນົດວັນເວ
ລາໃນການປ່ອນບັດດັ່ງກ່າວ.
ການຮຽກຮ້ອງທີ່ວ່ານີ້ ໄດ້ມີຂຶ້ນບໍ່ເທົ່າໃດມື້ ຫລັງຈາກສະພາແຫ່ງຊາດ ຂອງອີຣັກ ໄດ້ສິ້ນສຸດ ການປະຊຸມຄັ້ງທຳອິດນັບຕັ້ງແຕ່ໄດ້ຖືກເລືອກໃຫ້ເຂົ້າຮັບຕຳແໜ່ງ ໂດຍບໍ່ສາມາດເລືອກເອົາ ນາຍົກລັດຖະມົນຕີຄົນໃໝ່ ຂອງປະເທດໄດ້.
ນາຍົກລັດຖະມົນຕີອີຣັກ ທ່ານ Nouri al-Maliki ໄດ້ຖືກໂຈມຕີ ໂດຍມີການຮຽກຮ້ອງເພີ້ມ ຂຶ້ນໃຫ້ທ່ານລາອອກ ແລະປ່ອຍໃຫ້ສະພາແຫ່ງຊາດອີຣັກ ເລືອກເອົານາຍົກລັດຖະມົນຕີ ຄົນໃໝ່. ມາຈົນຮອດປັດຈຸບັນ ທ່ານກໍບໍ່ໄດ້ສະແດງ ຮ່ອງຮອຍໃດໆ ໃຫ້ເຫັນເລີຍວ່າ ທ່ານ ຈະລົງຈາກຕຳແໜ່ງ.
ພາບເຫດການ ຈາກ ອີຣັກ
ລັດຖະບານທ່ານໂອບາມາ ຍັງສືບຕໍ່ຢືນຢັນວ່າ ອີຣັກຕ້ອງເປັນອັນນຶ່ງອັນດຽວກັນ ຖ້າຈະ ເອົາຊະນະຄວາມວຸ້ນວາຍ ທີ່ໄດ້ສັງຫານໄປແລ້ວ ຫຼາຍພັນຄົນ ແລະຂົ່ມຂູ່ວ່າ ຈະເຮັດໃຫ້ ລັດຖະບານໄດ້ຮັບຄວາມປາໄຊນັ້ນ.
