ແຕ່ລະປີ ພໍເຖິງເດືອນພຶດສະພາ ກ່ອນຈະເລີ້ມຕົ້ນລະດູຮ້ອນ
ບັນດານັກຮຽນຂັ້ນມັດທະຍົມ ນັກສຶກສາ ມະຫາວິທະຍາໄລ
ແລະຫລາຍໆຂັ້ນ ຫລາຍແສນຄົນ ພາກັນສໍາເລັດ ການສຶກ
ສາຈາກສະຖາບັນຕ່າງໆທົ່ວ ສະຫະລັດ. ຢູ່ໃນ ຈໍານວນດັ່ງ
ກ່າວນີ້ມີ ບັນດາລູກຫລານລາວ-ອາເມຣິກັນ ທີ່ເກີດໃຫຍ່ຢູ່
ໃນສະຫະລັດ. ເຂົາເຈົ້າເປັນເຍົາວະຊົນ-ອາເມຣິກັນ ຍຸກ
ໃໝ່ ນອກຈາກຈະສ້າງຜົນສຳເລັດໃຫ້ແກ່ຕົນເອງແລ້ວ ຍັງ
ໄດ້ສ້າງຊື່ສຽງ ກຽດຕິຍົດມາສູ່ຄອບຄົວແລະປະຊາຄົມລາວ-
ອາເມຣິກັນອີກດ້ວຍ.
ສະຫະລັດ ອາເມຣິກາ ເປັນປະເທດທີ່ເປີດໂອກາດໃຫ້ທຸກໆ
ຄົນ ໄດ້ມີໂອກາດ ບໍ່ພໍພຽງແຕ່ທາງດ້ານການສຶກສາຮໍ່າຮຽນ
ເທົ່ານັ້ນ ແຕ່ໃນອີກຫລາຍໆດ້ານ ທີ່ຂື້ນຢູ່ກັບຜູ້ສະແຫວງຫາ
ໂອກາດ. ບັນດາເຍົາວະຊົນລາວ-ອາເມຣິກາ ຜູ້ສໍາເລັດການສຶກສາເຫລົ່ານີ້ໄດ້ເລີ້ມພື້ນ
ຖານການສຶກສາມາຕັ້ງແຕ່ມື້ເກີດ ແລະໄດ້ຖືກລ້ຽງດູເບິ່ງແຍງຈາກຜູ້ປົກຄອງຢ່າງໃກ້ສິດ
ແລະສິ່ງແວດລ້ອມປະກອບໄປດ້ວຍ ອຸປະກອນການສຶກສາສະໄໝໃໝ່.
ລະບົບການສຶກສາໃນ ສະຫະລັດ ມີທັງໂຮງຮຽນສາທາລະນະ ແລະເອກກະຊົນ. ໂດຍ
ທົ່ວໄປແລ້ວ ໂຮງຮຽນມັດທະຍົມ ຫລື High School ນັ້ນບໍ່ໄດ້ເສຍຄ່າຮຽນ ແຕ່ຖ້າ
ເປັນໂຮງຮຽນເອກກະຊົນ ຕ້ອງໄດ້ເສຍຄ່າຮຽນສູງເກືອບ 30 ພັນໂດລາຕໍ່ປີ.
ນັກຮຽນມັດທະຍົມຈະຕ້ອງຮຽນຈົບກ່ອນອາຍຸ 18 ປີ ແຕ່ວ່ານັກຮຽນທີ່ສະຫລຽວສະ
ຫລາດ ຫລາຍຄົນສາມາດຮຽນຈົບກ່ອນກໍາໜົດນັ້ນອີກ. ການຕຽມໄປເຂົ້າມະຫາວິ
ທະຍາໄລ ເປັນເລື້ອງໃຫຍ່ ແລະສຳຄັນທີ່ສຸດໃນຊີວິດຂອງນັກຮຽນ. ເຂົາເຈົ້າຕ້ອງຮູ້
ຈັກຕົນເອງກ່ອນລ່ວງໜ້າວ່າ ຈະຮຽນວິຊາຫຍັງ ຈະໄປເຂົ້າມະຫາວິທະຍາໄລໃດ
ເພື່ອຕຽມຍົກຍ້າຍອອກຈາກຄອບຄົວ ໄປໃຊ້ຊີວິດຂອງຕົນເອງ ເປັນຄັ້ງທໍາອິດ.
ຢູ່ໃນຊ່ວງເວລານີ້ ພວກນັກຮຽນຍິງ ແລະຊາຍ ຕ່າງກໍພາກັນມີຄວາມຕື່ນເຕັ້ນ ທີ່ຈະ
ເປັນອິດສະລະຈາກຜູ້ປົກຄອງ ໃນຂະນະດຽວກັນ ພໍ່ແມ່ກໍມີຄວາມເປັນຫ່ວງຄິດເຖິງ
ພວກລູກໆ ແຕ່ກໍຕ້ອງໄດ້ເລີ້ມປົດປ່ອຍໃຫ້ເຂົາເຈົ້າເປັນອິດສະລະ ແລະຮຽນຮູ້ເອົາ
ຄວາມຮັບຜິດຊອບການຢູ່ດ້ວຍຕົນເອງ.
ກ່ອນບັນດານັກຮຽນຈະຖືກມະຫາວິທະຍາໄລ ແຫ່ງໃດແຫ່ງນຶ່ງ ຮັບເອົາ ເຂົາເຈົ້າຕ້ອງ
ໄດ້ຜ່ານການກວດສອບຄື ຕ້ອງມີລະດັບຄະແນນການຮຽນດີ ທີ່ມະຫາ ວິທະຍາໄລຕ້ອງ
ການ. ເພາະສະນັ້ນ ການທີ່ພໍ່ແມ່ມີເງິນຈ່າຍຄ່າຮຽນໃຫ້ ບໍ່ໄດ້ໝາຍຄວາມວ່າ ນັກຮຽນ
ຈະສາມາດເຂົ້າຮຽນໄດ້.
ການສຶກສາຂັ້ນມະຫາວິທະຍາໄລ ມີລາຄາຮຽນບໍ່ເທົ່າກັນ ໂດຍທົ່ວໄປແລ້ວຈະຕ້ອງໄດ້
ໃຊ້ເງິນຄ່າຮຽນຢູ່ຢ່າງໜ້ອຍ 50 ພັນໂດລາໃນລະຍະສີ່ປີ ຫລືທຽບເທົ້າກັບ ປະລິນຍາຕີ.
ແຕ່ຖ້າຫາກເປັນ ມະຫາວິທະຍາໄລ ທີ່ມີຊື່ສຽງ ຄ່າຮຽນຈະຕົກຢູ່ຢ່າງໜ້ອຍ 50 ພັນ
ໂດລາຕໍ່ປີ. ເພາະສະນັ້ນ ບັນດານັກຮຽນເຫລົ່ານີ້ ຕ້ອງໄດ້ຮັກສາລະດັບຄະແນນການ
ຮຽນຂອງເຂົາເຈົ້າໄວ້ ຢູ່ໃນລະດັບທີ່ ມະຫາວິທະຍາໄລ ຕ້ອງການນັ້ນຢູ່ສະເໝີ ຖ້າບໍ່ດັ່ງ
ນັ້ນຕ້ອງໄດ້ຖືກໃຫ້ລາອອກ.
ການເງິນທີ່ນຳມາໃຊ້ຈ່າຍຄ່າຮຽນທັງໝົດນີ້ ມາຈາກການອູ້ມຊູຈາກຜູ້ປົກຄອງ ຢືມເງິນ
ຈາກທະນາຄານ ແລະຈາກການທ້ອນຫອມທຶນການຮຽນ ມາແຕ່ມື້ເຂົາເຈົ້າເກີດ. ນັກ
ຮຽນຄົນໃດສາມາດທໍາຄະແນນໄດ້ສູງຢູ່ຕະຫລອດ ນັກຮຽນຄົນນັ້ນຖືວ່າ ເປັນນັກຮຽນ
ທີ່ດີເດັ່ນ ແລະມີໂອກາດໄດ້ຮັບທຶນຮຽນທັງໝົດໂດຍບໍ່ໄດ້ເສຍຄ່າຮຽນ.
ໃນສົກປີ 2013 ບັນດານັກຮຽນ ນັກສຶກສາ ລາວ-ອາເມຣິກັນ ທີ່ປະສົບຜົນສໍາເລັດໃນ
ການຮຽນ ດັ່ງໂຕຢ່າງຕໍ່ລົງໄປນີ້:
ນາງວິດາຣັດ ແກ້ວນະຄອນ (Estelle) ອາຍຸ 17 ປີ ລູກ ສາວດຽວຂອງ ທ່ານວິໄຊ ແລະ
ຍານາງນ້ອຍ ຢູ່ທີ່ລັດເທັກຊັສ. ນາງ Estelle ຮຽນຈົບຈາກມັດທະຍົມ ແລະ ກໍາລັງຕຽມ
ເຂົ້າ ມະຫາວິທະຍາໄລເທັກຊັສ ໃນເດືອນກັນຍາ ຈະມາເຖິງນີ້. ນາງມີຄວາມຫວັງ ທີ່
ຈະເປັນ ດ້ອກເຕີທົ່ວໆໄປ ໃນອານາຄົດຂ້າງໝ້ານີ້ ແລະໄດ້ກ່າວຕໍ່ ວີໂອເອ ວ່າ:
Estelle (ກາງ) ທ່ານ ວິໄຊ ແລະຍານາງນ້ອຍ ແກ້ວນະຄອນ
ນອກຈາກນັ້ນແລ້ວ Estelle ຍັງເປັນນາງແບບໃຫ້ບໍລິສັດຂາຍລົດ
ເປັນປະຈໍາອັນເປັນລາຍໄດ້ສ່ວນໂຕ ແລະທ້ອນເພື່ອການສຶກສາ.
ນາງມາລາ ສີຫາລາດ (Marla) ອາຍຸ 22 ປີ ລູກສາວດຽວຂອງ ທ່ານສຸຣິຈັນ ແລະຍານາງ
ແກ້ວມະນີວັນ ສີຫາລາດ ຢູ່ທີ່ລັດເວີຈີເນຍ. ນາງມາລາ ຮຽນຈົບປະລິນຍາຕີຝ່າຍ ຈິດຕະ
ວິທະຍາ ຫລື Psychology ຈາກມະຫາວິທະຍາໄລ Virginia Tech ປັດຈຸບັນນີ້ກໍາລັງ
ພັກຜ່ອນ ແລະຈະຮຽນຕໍ່ເອົາ ປະລິນຍາໂທ ໃນບໍ່ຊ້ານີ້. ວິຊາການຮຽນຈິດຕະວິທະຍາ
ມີຄວາມສຳຄັນທີ່ໃຊ້ໄດ້ຢູ່ໃນໜ້າທີ່ວຽກການອັນສຳຄັນຫລາຍໆຢ່າງ ເຊັ່ນວ່າ ທະນາຍ
ຄວາມຝ່າຍປ້ອງກັນການກະທໍາຜິດ ດ້ານສັງຄົມວິທະຍາ ໂດຍສະເພາະຢ່າງຍິງແລ້ວແມ່ນ
ວິຊາດ້ານການອ່ານຈິດໃຈ ແລະພິກໄຫວຂອງມະນຸດ. ນາງມາລາ ໄດ້ອະພິບາຍກ່ຽວກັບ
ວິຊາຈິດຕະວິທະຍາ ວ່າ:
ນາງມາລາ (ກາງ) ຍານາງ ແກ້ວມະນີວັນ ແລະ ສຸຣິຈັນ ສີຫາຣາດ
ທ້າວທັມມະພອນ ໄຊຍະສິດເສນາ (Timmy) ອາຍຸ 27 ປີ ລູກ
ຊາຍຫລ້າຂອງທ່ານສົມພອນແລະຍານາງບົວໄຂ ໄຊຍະສິດ
ເສນາ. ທ້າວທັມມະພອນ ຮຽນຈົບຝ່າຍ ຂໍ້ມູນຂ່າວສານ ເທັກໂນ
ໂລຈີ ຫລື Information Technology ຈາກມະຫາວິທະ ຍາໄລ George Mason University ທີ່ລັດເວີຈີເນຍ. ປັດຈຸບັນນີ້ກໍາລັງເຮັດວຽກໃຫ້ແກ່ ກະຊວງການຄ້າ ຂອງລັດຖະບານກາງສະຫະລັດ ທີ່ ນະຄອນຫລວງ ວໍຊິງຕັນ. ທັມມະພອນ ມີໜ້າທີ່ແກ້ໄຂ ແລະປົກປ້ອງການລັກລອບເຂົ້າມາເຈາະເອົາຂໍ້ມູນຈາກ ຄອມພິມເຕີ ທ່ານ ໄດ້ໂອ້ລົມກັບ ວີໂອເອ ວ່າ:
ທ້າວທັມມະພອນ (ກາງ) ພ້ອມດ້ວຍຄອບຄົວ ໄຊຍະສິດເສນາ
ນາງຈີນຕະນາ ພັນທະນຸສີ (Nina) ອາຍຸ 24 ປີ ລູກສາວກົກ
ຂອງ ທ່ານແອ ແລະຍານາງເພັດດາວອນ ພັນທະນຸສີ. Nina
ສຳເລັດປະລິນຍາໂທ ຝ່າຍວິສະວະກອນ ຈາກມະຫາວິທະຍາ
ໄລ Embry-riddle Aeronautical ຊຶ່ງເປັນມະຫາວິທະຍາໄລ ເອກກະຊົນທີ່ເກົ່າແກ່
ມີຊື່ສຽງດ້ານການບິນ ແລະອະວະກາດ ຢູທີ່ລັດ Florida. ປັດຈຸບັນນີ້ ນາງໄດ້ເລີ້ມເຮັດ
ວຽກໃຫ້ແກ່ ກະຊວງປ້ອງກັນປະເທດ ຝ່າຍ ລູກສອນໄຟ ຂີປະນາວຸດ. ນາງ Nina ໄດ້
ກ່າຕໍ່ ວີໂອເອ ວ່າ :
ນາງຈີນຕະນາ (ກາງ) ຍານາງ ເພດດາວອນ ແລະທ່ານແອ ພັນທະນູສີ
ຜົນສຳເລັດການສຶກສາໃນວິຊາການຕ່າງໆເຫລົ່ານີ້ ໄດ້ນຳພາ
ເຂົາເຈົ້າມາສູ່ໜ້າທີ່ວຽກການອັນສໍາຄັນຢູ່ໃນວົງການຂອງ ລັດ
ຖະບານ ແລະເອກກະຊົນ. ຈາກຄວາມດຸໝັ່ນ ອົດທົນສະຫລຽວ
ສະຫລາດ ບັດນີ້ເຂົາເຈົ້າ ພາກັນໃຊ້ຊີວິດຢ່າງສະໜຸກສະໜານ ກັບໝາກຜົນ ອັນເປັນລາຍໄດ້ປະຈຳປີທີ່ຢູ່ໃນຂັ້ນເລີ້ມຕົ້ນຢ່າງ ໜ້ອຍ 90,000 ໂດລາຕໍ່ປີ.
ບັນດານັກຮຽນຂັ້ນມັດທະຍົມ ນັກສຶກສາ ມະຫາວິທະຍາໄລ
ແລະຫລາຍໆຂັ້ນ ຫລາຍແສນຄົນ ພາກັນສໍາເລັດ ການສຶກ
ສາຈາກສະຖາບັນຕ່າງໆທົ່ວ ສະຫະລັດ. ຢູ່ໃນ ຈໍານວນດັ່ງ
ກ່າວນີ້ມີ ບັນດາລູກຫລານລາວ-ອາເມຣິກັນ ທີ່ເກີດໃຫຍ່ຢູ່
ໃນສະຫະລັດ. ເຂົາເຈົ້າເປັນເຍົາວະຊົນ-ອາເມຣິກັນ ຍຸກ
ໃໝ່ ນອກຈາກຈະສ້າງຜົນສຳເລັດໃຫ້ແກ່ຕົນເອງແລ້ວ ຍັງ
ໄດ້ສ້າງຊື່ສຽງ ກຽດຕິຍົດມາສູ່ຄອບຄົວແລະປະຊາຄົມລາວ-
ອາເມຣິກັນອີກດ້ວຍ.
ສະຫະລັດ ອາເມຣິກາ ເປັນປະເທດທີ່ເປີດໂອກາດໃຫ້ທຸກໆ
ຄົນ ໄດ້ມີໂອກາດ ບໍ່ພໍພຽງແຕ່ທາງດ້ານການສຶກສາຮໍ່າຮຽນ
ເທົ່ານັ້ນ ແຕ່ໃນອີກຫລາຍໆດ້ານ ທີ່ຂື້ນຢູ່ກັບຜູ້ສະແຫວງຫາ
ໂອກາດ. ບັນດາເຍົາວະຊົນລາວ-ອາເມຣິກາ ຜູ້ສໍາເລັດການສຶກສາເຫລົ່ານີ້ໄດ້ເລີ້ມພື້ນ
ຖານການສຶກສາມາຕັ້ງແຕ່ມື້ເກີດ ແລະໄດ້ຖືກລ້ຽງດູເບິ່ງແຍງຈາກຜູ້ປົກຄອງຢ່າງໃກ້ສິດ
ແລະສິ່ງແວດລ້ອມປະກອບໄປດ້ວຍ ອຸປະກອນການສຶກສາສະໄໝໃໝ່.
ລະບົບການສຶກສາໃນ ສະຫະລັດ ມີທັງໂຮງຮຽນສາທາລະນະ ແລະເອກກະຊົນ. ໂດຍ
ທົ່ວໄປແລ້ວ ໂຮງຮຽນມັດທະຍົມ ຫລື High School ນັ້ນບໍ່ໄດ້ເສຍຄ່າຮຽນ ແຕ່ຖ້າ
ເປັນໂຮງຮຽນເອກກະຊົນ ຕ້ອງໄດ້ເສຍຄ່າຮຽນສູງເກືອບ 30 ພັນໂດລາຕໍ່ປີ.
ນັກຮຽນມັດທະຍົມຈະຕ້ອງຮຽນຈົບກ່ອນອາຍຸ 18 ປີ ແຕ່ວ່ານັກຮຽນທີ່ສະຫລຽວສະ
ຫລາດ ຫລາຍຄົນສາມາດຮຽນຈົບກ່ອນກໍາໜົດນັ້ນອີກ. ການຕຽມໄປເຂົ້າມະຫາວິ
ທະຍາໄລ ເປັນເລື້ອງໃຫຍ່ ແລະສຳຄັນທີ່ສຸດໃນຊີວິດຂອງນັກຮຽນ. ເຂົາເຈົ້າຕ້ອງຮູ້
ຈັກຕົນເອງກ່ອນລ່ວງໜ້າວ່າ ຈະຮຽນວິຊາຫຍັງ ຈະໄປເຂົ້າມະຫາວິທະຍາໄລໃດ
ເພື່ອຕຽມຍົກຍ້າຍອອກຈາກຄອບຄົວ ໄປໃຊ້ຊີວິດຂອງຕົນເອງ ເປັນຄັ້ງທໍາອິດ.
ຢູ່ໃນຊ່ວງເວລານີ້ ພວກນັກຮຽນຍິງ ແລະຊາຍ ຕ່າງກໍພາກັນມີຄວາມຕື່ນເຕັ້ນ ທີ່ຈະ
ເປັນອິດສະລະຈາກຜູ້ປົກຄອງ ໃນຂະນະດຽວກັນ ພໍ່ແມ່ກໍມີຄວາມເປັນຫ່ວງຄິດເຖິງ
ພວກລູກໆ ແຕ່ກໍຕ້ອງໄດ້ເລີ້ມປົດປ່ອຍໃຫ້ເຂົາເຈົ້າເປັນອິດສະລະ ແລະຮຽນຮູ້ເອົາ
ຄວາມຮັບຜິດຊອບການຢູ່ດ້ວຍຕົນເອງ.
ກ່ອນບັນດານັກຮຽນຈະຖືກມະຫາວິທະຍາໄລ ແຫ່ງໃດແຫ່ງນຶ່ງ ຮັບເອົາ ເຂົາເຈົ້າຕ້ອງ
ໄດ້ຜ່ານການກວດສອບຄື ຕ້ອງມີລະດັບຄະແນນການຮຽນດີ ທີ່ມະຫາ ວິທະຍາໄລຕ້ອງ
ການ. ເພາະສະນັ້ນ ການທີ່ພໍ່ແມ່ມີເງິນຈ່າຍຄ່າຮຽນໃຫ້ ບໍ່ໄດ້ໝາຍຄວາມວ່າ ນັກຮຽນ
ຈະສາມາດເຂົ້າຮຽນໄດ້.
ການສຶກສາຂັ້ນມະຫາວິທະຍາໄລ ມີລາຄາຮຽນບໍ່ເທົ່າກັນ ໂດຍທົ່ວໄປແລ້ວຈະຕ້ອງໄດ້
ໃຊ້ເງິນຄ່າຮຽນຢູ່ຢ່າງໜ້ອຍ 50 ພັນໂດລາໃນລະຍະສີ່ປີ ຫລືທຽບເທົ້າກັບ ປະລິນຍາຕີ.
ແຕ່ຖ້າຫາກເປັນ ມະຫາວິທະຍາໄລ ທີ່ມີຊື່ສຽງ ຄ່າຮຽນຈະຕົກຢູ່ຢ່າງໜ້ອຍ 50 ພັນ
ໂດລາຕໍ່ປີ. ເພາະສະນັ້ນ ບັນດານັກຮຽນເຫລົ່ານີ້ ຕ້ອງໄດ້ຮັກສາລະດັບຄະແນນການ
ຮຽນຂອງເຂົາເຈົ້າໄວ້ ຢູ່ໃນລະດັບທີ່ ມະຫາວິທະຍາໄລ ຕ້ອງການນັ້ນຢູ່ສະເໝີ ຖ້າບໍ່ດັ່ງ
ນັ້ນຕ້ອງໄດ້ຖືກໃຫ້ລາອອກ.
ການເງິນທີ່ນຳມາໃຊ້ຈ່າຍຄ່າຮຽນທັງໝົດນີ້ ມາຈາກການອູ້ມຊູຈາກຜູ້ປົກຄອງ ຢືມເງິນ
ຈາກທະນາຄານ ແລະຈາກການທ້ອນຫອມທຶນການຮຽນ ມາແຕ່ມື້ເຂົາເຈົ້າເກີດ. ນັກ
ຮຽນຄົນໃດສາມາດທໍາຄະແນນໄດ້ສູງຢູ່ຕະຫລອດ ນັກຮຽນຄົນນັ້ນຖືວ່າ ເປັນນັກຮຽນ
ທີ່ດີເດັ່ນ ແລະມີໂອກາດໄດ້ຮັບທຶນຮຽນທັງໝົດໂດຍບໍ່ໄດ້ເສຍຄ່າຮຽນ.
ໃນສົກປີ 2013 ບັນດານັກຮຽນ ນັກສຶກສາ ລາວ-ອາເມຣິກັນ ທີ່ປະສົບຜົນສໍາເລັດໃນ
ການຮຽນ ດັ່ງໂຕຢ່າງຕໍ່ລົງໄປນີ້:
ນາງວິດາຣັດ ແກ້ວນະຄອນ (Estelle) ອາຍຸ 17 ປີ ລູກ ສາວດຽວຂອງ ທ່ານວິໄຊ ແລະ
ຍານາງນ້ອຍ ຢູ່ທີ່ລັດເທັກຊັສ. ນາງ Estelle ຮຽນຈົບຈາກມັດທະຍົມ ແລະ ກໍາລັງຕຽມ
ເຂົ້າ ມະຫາວິທະຍາໄລເທັກຊັສ ໃນເດືອນກັນຍາ ຈະມາເຖິງນີ້. ນາງມີຄວາມຫວັງ ທີ່
ຈະເປັນ ດ້ອກເຕີທົ່ວໆໄປ ໃນອານາຄົດຂ້າງໝ້ານີ້ ແລະໄດ້ກ່າວຕໍ່ ວີໂອເອ ວ່າ:
ນອກຈາກນັ້ນແລ້ວ Estelle ຍັງເປັນນາງແບບໃຫ້ບໍລິສັດຂາຍລົດ
ເປັນປະຈໍາອັນເປັນລາຍໄດ້ສ່ວນໂຕ ແລະທ້ອນເພື່ອການສຶກສາ.
ນາງມາລາ ສີຫາລາດ (Marla) ອາຍຸ 22 ປີ ລູກສາວດຽວຂອງ ທ່ານສຸຣິຈັນ ແລະຍານາງ
ແກ້ວມະນີວັນ ສີຫາລາດ ຢູ່ທີ່ລັດເວີຈີເນຍ. ນາງມາລາ ຮຽນຈົບປະລິນຍາຕີຝ່າຍ ຈິດຕະ
ວິທະຍາ ຫລື Psychology ຈາກມະຫາວິທະຍາໄລ Virginia Tech ປັດຈຸບັນນີ້ກໍາລັງ
ພັກຜ່ອນ ແລະຈະຮຽນຕໍ່ເອົາ ປະລິນຍາໂທ ໃນບໍ່ຊ້ານີ້. ວິຊາການຮຽນຈິດຕະວິທະຍາ
ມີຄວາມສຳຄັນທີ່ໃຊ້ໄດ້ຢູ່ໃນໜ້າທີ່ວຽກການອັນສຳຄັນຫລາຍໆຢ່າງ ເຊັ່ນວ່າ ທະນາຍ
ຄວາມຝ່າຍປ້ອງກັນການກະທໍາຜິດ ດ້ານສັງຄົມວິທະຍາ ໂດຍສະເພາະຢ່າງຍິງແລ້ວແມ່ນ
ວິຊາດ້ານການອ່ານຈິດໃຈ ແລະພິກໄຫວຂອງມະນຸດ. ນາງມາລາ ໄດ້ອະພິບາຍກ່ຽວກັບ
ວິຊາຈິດຕະວິທະຍາ ວ່າ:
ທ້າວທັມມະພອນ ໄຊຍະສິດເສນາ (Timmy) ອາຍຸ 27 ປີ ລູກ
ຊາຍຫລ້າຂອງທ່ານສົມພອນແລະຍານາງບົວໄຂ ໄຊຍະສິດ
ເສນາ. ທ້າວທັມມະພອນ ຮຽນຈົບຝ່າຍ ຂໍ້ມູນຂ່າວສານ ເທັກໂນ
ໂລຈີ ຫລື Information Technology ຈາກມະຫາວິທະ ຍາໄລ George Mason University ທີ່ລັດເວີຈີເນຍ. ປັດຈຸບັນນີ້ກໍາລັງເຮັດວຽກໃຫ້ແກ່ ກະຊວງການຄ້າ ຂອງລັດຖະບານກາງສະຫະລັດ ທີ່ ນະຄອນຫລວງ ວໍຊິງຕັນ. ທັມມະພອນ ມີໜ້າທີ່ແກ້ໄຂ ແລະປົກປ້ອງການລັກລອບເຂົ້າມາເຈາະເອົາຂໍ້ມູນຈາກ ຄອມພິມເຕີ ທ່ານ ໄດ້ໂອ້ລົມກັບ ວີໂອເອ ວ່າ:
ນາງຈີນຕະນາ ພັນທະນຸສີ (Nina) ອາຍຸ 24 ປີ ລູກສາວກົກ
ຂອງ ທ່ານແອ ແລະຍານາງເພັດດາວອນ ພັນທະນຸສີ. Nina
ສຳເລັດປະລິນຍາໂທ ຝ່າຍວິສະວະກອນ ຈາກມະຫາວິທະຍາ
ໄລ Embry-riddle Aeronautical ຊຶ່ງເປັນມະຫາວິທະຍາໄລ ເອກກະຊົນທີ່ເກົ່າແກ່
ມີຊື່ສຽງດ້ານການບິນ ແລະອະວະກາດ ຢູທີ່ລັດ Florida. ປັດຈຸບັນນີ້ ນາງໄດ້ເລີ້ມເຮັດ
ວຽກໃຫ້ແກ່ ກະຊວງປ້ອງກັນປະເທດ ຝ່າຍ ລູກສອນໄຟ ຂີປະນາວຸດ. ນາງ Nina ໄດ້
ກ່າຕໍ່ ວີໂອເອ ວ່າ :
ຜົນສຳເລັດການສຶກສາໃນວິຊາການຕ່າງໆເຫລົ່ານີ້ ໄດ້ນຳພາ
ເຂົາເຈົ້າມາສູ່ໜ້າທີ່ວຽກການອັນສໍາຄັນຢູ່ໃນວົງການຂອງ ລັດ
ຖະບານ ແລະເອກກະຊົນ. ຈາກຄວາມດຸໝັ່ນ ອົດທົນສະຫລຽວ
ສະຫລາດ ບັດນີ້ເຂົາເຈົ້າ ພາກັນໃຊ້ຊີວິດຢ່າງສະໜຸກສະໜານ ກັບໝາກຜົນ ອັນເປັນລາຍໄດ້ປະຈຳປີທີ່ຢູ່ໃນຂັ້ນເລີ້ມຕົ້ນຢ່າງ ໜ້ອຍ 90,000 ໂດລາຕໍ່ປີ.
