ແຜນການດັດແກ້ຮ່າງກົດໝາຍວ່າດ້ວຍການກະຈາຍສຽງຂອງອິນໂດເນເຊຍ ທີ່ໄດ້ວາງແຜນໄວ້ ເຊິ່ງຮວມເຖິງຂໍ້ຈຳກັດຂອງການລາຍງານຂ່າວແບບສືບສວນ ກຳລັງເຮັດໃຫ້ເກີດຄວາມເປັນຫ່ວງໃນກຸ່ມນັກຂ່າວ ແລະນັກວິເຄາະການສະ ແດງອອກຢ່າງເສລີ.
ຮ່າງກົດໝາຍສະບັບດັ່ງກ່າວ ພະຍາຍາມແກ້ໄຂກົດໝາຍວ່າດ້ວຍການກະຈາຍ ສຽງຂອງອິນໂດເນເຊຍປີ 2002. ໃນບັນດາການແກ້ໄຂດັ່ງກ່າວ ລວມມີຂໍ້ຈໍາ ກັດ ກ່ຽວກັບ "ການອອກອາກາດສະເພາະຂອງການສືບສວນທາງດ້ານການ ຂ່າວ", ການອອກອາກາດເນື້ອໃນທີ່ສະແດງເຖິງ "ພຶດຕິກໍາ" ຂອງ LGBTQ, ແລະເນື້ອໃນກ່ຽວກັບອາຊີບຫຼືຕົວເລກທີ່ສະແດງໃຫ້ເຫັນ "ພຶດຕິກໍາທາງລົບ ຫຼື ວິຖີຊີວິດທີ່ສາທາລະນະອາດຈະຮຽນແບບ."
ບົດລົງໂທດສໍາລັບການລະເມີດກົດຫມາຍດັງກ່າວ ອາດຈະລວມມີການເຕືອນ ເປັນລາຍລັກອັກສອນ ຫຼືການຖອນໃບອະນຸຍາດ, ອີງຕາມສະຫະພັນນັກຂ່າວ ສາກົນ.
ບັນດາສະມາຊິກສະພາກ່າວວ່າ ມັນຈຳເປັນຕ້ອງມີການດັດແກ້ ເພື່ອປັບປຸງກົດໝາຍທີ່ໄດ້ປະກາດໃຊ້ເປັນຄັ້ງທຳອິດເມື່ອ 20 ປີກ່ອນ. ພວກນັກວິຈານກ່າວ ວ່າ ຂໍ້ສະເໜີດັ່ງກ່າວຈະຈຳກັດສື່ມວນຊົນ ແລະ ການສະແດງອອກຢ່າງເສລີ.
ຟໍຣັມສະແດງຄວາມຄິດເຫັນ