ປະທານາທິບໍດີ ອິນໂດເນເຊຍ ທ່ານ Joko Widodo ໄດ້ຕັ້ງລັດຖະມົນຕີໃໝ່ 13 ທ່ານ ຢູ່ໃນລັດຖະບານຂອງທ່ານໃນວັນພຸດມື້ນີ້ ຮວມທັງອະດີດນາຍພົນທີ່ຖືກກ່າວຫາວ່າລະເມີດສິດທິມະນຸດລະຫວ່າງການຍຶດຄອງຕີມໍຕາເວັນອອກຂອງ ອິນໂດເນເຊຍ ໃນຊຸມປີ 1990.
ທ່ານ Wiranto ເຂົ້າຮັບຕຳແໜ່ງເປັນລັດຖະມົນຕີຫົວໜ້າຮັກສາຄວາມປອດໄພ ແທນທ່ານ Luhut Pandjaitan ຜູ້ທີ່ໄດ້ຖືກແຕ່ງຕັ້ງໃຫ້ເປັນລັດຖະມົນຕີຮັບຜິດ ຊອບກິດຈະ ກຳການເດີນເຮືອທາງທະເລ. ທ່ານ Wiranto ໄດ້ເປັນຜູ້ບັນຊາການທະຫານໃນປີ 1999 ເວລາທະຫານ ແລະກຳລັງຮັກສາຄວາມປອດໄພໄດ້ ໂຈມຕີກວດລ້າງຢ່າງນອງເລືອດ ເວລາຕີມໍຕາເວັນອອກ ໄດ້ລົງຄະແນນສຽງແຍກໂຕອອກເປັນເອກກະລາດ. ທ່ານໄດ້ຖືກຟ້ອງໂດຍສານສະຫະປະຊາຊາດ ຮັບຜິດຊອບກ່ຽວກັບການກໍ່ໂທດກຳຕ້ານມະນຸດຊາດ ແຕ່ຍັງບໍ່ທັນໄດ້ຖືກດຳເນີນຄະດີເທື່ອ.
ການເຂົ້າຮັບໜ້າທີ່ໃໝ່ຂອງທ່ານ Pandjaitan ມີຂຶ້ນໃນຂະນະທີ່ຄວາມເຄັ່ງຕຶງຢູ່ໃນຂົງ ເຂດເອເຊຍປາຊິຟິກ ພວມເພີ້ມທະວີຂຶ້ນ ຍ້ອນການອ້າງເອົາກຳມະສິດເກືອບທັງໝົດ ຂອງຈີນ ຢູ່ທະເລຈີນໃຕ້.
ສະມາຊິກຄະນະບໍລິຫານອີກຄົນນຶ່ງ ທີ່ຖືກແຕ່ງຕັ້ງໂດຍ ປະທານນາທິບໍດີ Widodo ໄດ້ແກ່ທ່ານນາງ Sri Mulyani Indrawati ນັກປະຕິຮູບ ແລະຜູ້ອຳນວຍການບໍລິຫານທະ
ນາຄານໂລກຄົນປັດຈຸບັນ ທີ່ຈະຮັບໜ້າທີ່ເປັນລັດຖະມົນຕີການເງິນ. ທ່ານນາງ Indrawati ໄດ້ຮັບເຂົ້າຮັບຕຳແໜ່ງແຕ່ປີ 2005 ຫາປີ 2010 ເວລາທ່ານນາງໄດ້ຖືກຍ້ອງ ຍໍ ໃນການນຳພາເສດຖະກິດອິນໂດເນເຊຍ ອອກຈາກວິກິດການດ້ານການເງິນໂລກໃນປີ 2008.
