ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ນາຍົກ​ຂອງອິນ​ເດຍ ທ່ານ Modi ພົບປະກັບ ປະທານາທິບໍດີ ໂອບາມາ ທີ່ທຳນຽບຂາວ


ນາຍົກລັດຖະມົນຕີຄົນ​ໃໝ່​ຂອງອິນ​ເດຍ ທ່ານ Narendra Modi
ຈະ​ຢ້ຽມຢາມທຳນຽບຂາວ ​ໃນ​ວັນ​ຈັນ​ມື້​ນີ້ ສຳ​ຫລັບ​ມື້​ທຳອິດ​ຂອງ
ການ​ພົບ​ປະກັນ ເປັນ​ເວລາ​ສອງ​ມື້ ​ກັບ​ປະທານາທິບໍດີສະຫະລັດ
ທ່ານ Barack Obama.

ຜູ້ນຳ​ຄົນໃໝ່​ຂອງ​ອິນ​ເດຍ ​ໄດ້​ຖືກ​ຕ້ອນຮັບ ປານ​ດາລາທີ່​ມີ​ຊື່​ສຽງ​
ເມື່ອ​ວັນ​ອາທິດ​ວາ​ນນີ້ ຢູ່ທີ່​ນະຄອນນິວຢອກ ​ໃນ​ຂະນະ​ທີ່​ ຊາວ​
ອິນ​ເດຍ ສັນຊາດ​ອາ​ເມ​ຣິ​ກັນ ຈຳນວນ​ຫລວງຫຼາຍ ພາກັນ​ຮ້ອງ​
ໂຮ​ຊົມ​ເຊີຍ​ທ່ານ Modi ​ໃນ​ລະຫວ່າງ​ການ​ຢ້ຽມຢາມ​ສະຫະລັດ
ຄັ້ງທຳ​ອິດຂອງ​ທ່ານ.

ພາບສະທ້ອນຈາກແກ້ວປ້ອງກັນ ນາຍົກລັດຖະມົນຕີອິນເດຍ ທ່ານ Narendra Modi ທີ່ກຳລັງກ່າວຄຳປາໄສ ລະຫວ່າງການຮັບຕ້ອນ ໂດຍປະຊາຄົມຊາວອິນເດຍ ເພື່ອເປັນກຽດ ເນື່ອງໃນການເດີນທາງ ມາຢ້ຽມຢາມສະຫະລັດ ທີ່ ເດີ່ນກິລາ Madison Square Garden, ວັນທີ 28 ກັນຍາ 2014.
ພາບສະທ້ອນຈາກແກ້ວປ້ອງກັນ ນາຍົກລັດຖະມົນຕີອິນເດຍ ທ່ານ Narendra Modi ທີ່ກຳລັງກ່າວຄຳປາໄສ ລະຫວ່າງການຮັບຕ້ອນ ໂດຍປະຊາຄົມຊາວອິນເດຍ ເພື່ອເປັນກຽດ ເນື່ອງໃນການເດີນທາງ ມາຢ້ຽມຢາມສະຫະລັດ ທີ່ ເດີ່ນກິລາ Madison Square Garden, ວັນທີ 28 ກັນຍາ 2014.

ຊາວ​ອິນ​ເດຍສັນຊາດ​ອາ​ເມ​ລຣິກັນ ຫຼາຍກວ່າ 18,000 ຄົນ​
ໄດ້ໃຫ້ການຕ້ອນຮັບ ນາຍົກລັດຖະມົນຕີອິນ​ເດຍຄົນໃໝ່​ ຢ່າງ​
ຕື່ນ​ເຕັ້ນໃນ​ຂະນະ​ທີ່ ​ທ່ານ​ກ່າວ​ຄຳ​ປາໄສເທິງ​ເວທີ ​ທີ່​ໝຸນ​ອ້ອມ​
ໄປຮອບ​ທິດ​ຢູ່​ທີ່​ເດີ່ນ​ກິລາ Madison Square Garden ນັ້ນ.

ທ່ານ Modi ​ໄດ້​ໃຫ້​ຄວາມ​ໝັ້ນ​ໃຈ​ຕໍ່​ຊາວ​ອິນ​ເດຍ​ເຫລົ່າ​ນັ້ນວ່າ
ລັດຖະບານ​ຂອງ​ທ່ານ “ຈະ​ບໍ່​ທຳ​ສິ່ງ​ໃດໆ” ທີ່ຈະ​ເຮັດ​ໃຫ້ເຂົາ
​ເຈົ້າຜິດຫວັງ. ຜູ້ນຳ​ອິນ​ເດຍກ່າວ​ວ່າ ມີ “ບັນຍາກາດ​ທີ່​ເຕັມ​
ໄປ​ດ້ວຍ​ຄວາມ​ຫວັງ ​ແລະ ຄວາມ​ກະຕືລື​ລົ້ນ”
ໃນ​ປະ​ເທດ​
ຂອງ​ທ່ານ.

modiusvisit29september14
please wait

No media source currently available

0:00 0:01:51 0:00

XS
SM
MD
LG