ທ່ານ John Brennan ຜູ້ອຳນວຍການຂອງອົງການສືບລັບຊີໄອເອຂອງສະຫະລັດ
ທີ່ກຳລັງຈະພົ້ນຈາກຕຳແໜ່ງ ໄດ້ປະຕິເສດຕໍ່ຄຳສະເໜີແນະຂອງ ທ່ານ Donald
Trump ປະທານາທິບໍດີທີ່ຖືກເລືອກໃໝ່ ທີ່ວ່າ ທ່ານເປັນຄົນທີ່ໃຫ້ຂໍ້ມູນແກ່ພວກນັກຂ່າວກ່ຽວກັບລາຍງານທີ່ບໍ່ໄດ້ຮັບການຢືນຢັນ ທີ່ຮວມທັງ ການກ່າວອ້າງວ່າ ຄະນະໂຄສະນາຫາສຽງຂອງທ່ານ Trump ໄດ້ຕິດຕໍ່ກັບໜ່ວຍປະຕິບັດງານຣັດເຊຍ.
ບົດຄວາມໃນໜັງສືພິມ Wall Street Journal ສະບັບທີ່ອອກໃນວັນຈັນວານນີ້
ໄດ້ອ້າງເອົາຄຳເວົ້າຂອງທ່ານ Brennan ທີ່ວ່າ “ທ່ານບໍ່ມີຜົນປະໂຫຍດຫຍັງເລີຍ”
ໃນການເຮັດໃຫ້ເອກກະສານດັ່ງກ່າວເປັນທີ່ສົນໃຈຫຼາຍຂຶ້ນແລະພວກເຈົ້າໜ້າທີ່ສືບລັບ
ໄດ້ ບອກທ່ານ Trump ກ່ຽວກັບເລື້ອງນີ້ ໃນການພົບປະເມື່ອວັນທີ 6 ມັງກອນ ເພາະວ່າ ພວກເຂົາເຈົ້າເຊື່ອວ່າ ທ່ານຈຳເປັນຕ້ອງໄດ້ຮູ້ເລື່ອງນີ້.
ທ່ານ Trump ຕຳນິຕິຕຽນປະຊາຄົມສືບລັບຢ່າງແຮງ ໃນຮອບຫຼາຍສັບປະດາທີ່
ຜ່ານມາ ຊຶ່ງຮວມທັງ ການຕໍ່ວ່າຕໍ່ຂານ ກັບໄປກັບມາ ນຳທ່ານ Brennan.
ທ່ານ Trump ໄດ້ຂຽນລົງທາງ Twitter ເມື່ອອາທິດແລ້ວນີ້ວ່າ “ອົງການສືບລັບ ບໍ່ຄວນ
ທີ່ຈະອະນຸຍາດໃຫ້ຂ່າວປອມແປງແບບນີ້ “ຮົ່ວໄຫຼ” ອອກໄປສູ່ສາທາລະນະໄດ້.
ນັ້ນແມ່ນການໂຈມຕີເທື່ອສຸດທ້າຍຕໍ່ຂ້າພະເຈົ້າ ພວກເຮົາຍັງອາໄສຢູ່ໃນສະໄໝ
Nazi ເຢຍຣະມັນບໍ”.
ທ່ານ Brennan ໄດ້ບອກກັບ ໜັງສືພິມ Wall Street Journal ວ່າ ປະທານາທິບໍ
ດີແມ່ນຄາດຫວັງວ່າ ຈະທ້າທາຍຜົນສະຫຼຸບຂອງປະຊາຄົມສືບລັບ ແຕ່ນັ້ນທ່ານຮັບເອົາການຍົກເວັ້ນ ທີ່ໄດ້ກ່າວຫາກ່ຽວກັບຄວາມບໍ່ຊື່ສັດ ຫຼືຂາດຄວາມມີກຽດສັກສີນັ້ນ.
ທ່ານ Brennan ໄດ້ກ່າວວ່າ “ຈົ່ງບອກໃຫ້ ພວກ 117 ຄອບຄົວຂອງເຈົ້າໜ້າທີ່ສືບລັບ
CIA ຊຶ່ງໄດ້ຈາລຶກໄວ້ໃນຝາຢ່າງມີກຽດຕິຍົດຂອງພວກເຮົາຢ່າງເປັນການຖາວອນນັ້ນແມະວ່າ ຄົນຮັກຂອງພວກເຂົາເຈົ້າ ທີ່ເສຍສະລະເລືອດເນື້ອເຊື້ອໄຂນັ້ນວ່າ ເປັນພວກ Nazis.”
ທ່ານ Brennan ໄດ້ກ່າວໃນການໃຫ້ສຳພາດ ໃນວັນອາທິດຜ່ານມານີ້ວ່າ ທ່ານ Trump ຂາດຄວາມເຂົ້າໃຈຢ່າງກ້ວາງຂວາງ ກ່ຽວກັບໄພຂົ່ມຂູ່ຂອງຣັດເຊຍ ທີ່ມີຕໍ່ໂລກ ແລະເວົ້າ
ດູຖູກຕາມໃຈມັກຂອງທ່ານນັ້ນ ທັງໃນການ “ປາກເວົ້າແລະຂຽນລົງໃນ Twitter”
ໂດຍເວົ້າວ່າ ນັ້ນມັນບໍ່ແມ່ນເພື່ອຜົນປະໂຫຍດຂອງສະຫະລັດ.
