ບັນດານັກວິທະຍາສາດດ້ານພືດຜົນ ຈາກທົ່ວໂລກ ໄດ້ໄປເຕົ້າ
ໂຮມກັນຢູ່ຟິລິບປິນ ໃນອາທິດທີສອງຂອງເດືອນຕຸລານີ້ ຢູ່ທີ່ສະ
ຖາບັນຄົ້ນຄວ້າເຂົ້າ ນາໆຊາດ ເພື່ອແລກປ່ຽນຄວາມຄິດຄວາມ
ເຫັນກັນ ກ່ຽວກັບວ່າ ເຮັດວິທີໃດ ຈຶ່ງຈະໃຫ້ພວກຕົ້ນເຂົ້າແລະ
ພືດຜົນຫຼັກຊະນິດອື່ນໆ ທີ່ຖືກນໍ້າຖ້ວມນັ້ນ ບໍ່ຕາຍແລະຢູ່ດົນໆ
ໄດ້. Simone Orendain ມີລາຍງານກ່ຽວກັບເລຶ່ອງນີ້ສໍາລັບ
ວີໂອເອ ຈາກເມືອງ Banos ປະເທດຟິລິບປິນ ຊຶ່ງທອງປານ ຈະນໍາມາສະເໜີທ່ານໃນອັນດັບຕໍ່ໄປ.
ຄວາມຈິງ ບັນດານັກວິທະຍາສາດປະຈໍາສະຖາບັນຄົ້ນຄວ້າເຂົ້ານານາຊາດ ຫຼື IRRI ໄດ້ຄົ້ນພົບວິທີນຶ່ງແລ້ວ ສໍາລັບເຮັດໃຫ້ຕົ້ນເຂົ້າ ປູກ ພັນຕ່າງໆ ຢູ່ຍືນແລະບໍ່ຕາຍ ເວລາຖືກນໍ້າຖ້ວມໝົດຕົ້ນແລະຈົມຢູ່ໃຕ້ນໍ້າເປັນເວລາດົນກວ່າສິບມື້. ຄືເມື່ອຫ້າປີຜ່ານມາແລ້ວ ພວກຊາວນາ ໃນຟິລິບປິນ ອິນໂດເນເຊຍ ແລະຫຼາຍໆປະເທດໃນຂົງເຂດເອເຊຍໃຕ້ ພາກັນເລີ່ມປູກເຂົ້າພັນຊະນິດຕ່າງໆທີ່ໄດ້ເອົາຜະສົມກັບເຊື້ອກໍາມະພັນຊະນິດ ນຶ່ງ ທີ່ເອີ້ນວ່າ SUB1 ຊຶ່ງເປັນເຊື້ອກໍາມະພັນທີ່ເຮັດໃຫ້ຕົ້ນເຂົ້າ ຢຸດເຊົາເຕີບໂຕເວລາຖືກນໍ້າຖ້ວມຈົນຈົມນໍ້ານັ້ນ ເພື່ອຮັກສາຄວາມຢູ່ລອດຂອງມັນເອງໄວ້.
ແຕ່ເຖິງປານນັ້ນ ທ່ານ Abdelbagi Ismail ຫົວໜ້ານັກວິທະຍາສາດປະຈໍາສະຖາບັນ IRRI ເວົ້າວ່າ ສະເພາະຢູ່ໃນຂົງເຂດເອເຊຍ ແລະອາຟຣິກາພຽງສອງແຫ່ງເທົ່ານັ້ນ ກໍ ຍັງມີເຂົ້າຖືກສູນເສຍ ຫຼືຖືກທໍາລາຍໄປ ຍ້ອນໄພນໍ້າຖ້ວມ ໃນພື້ນທີ່ເກືອບ ຮອດ 25 ລ້ານເຮັກຕ້າໃນທຸກໆປີ. ມີພື້ນທີ່ປູກເຂົ້າທັງໝົດປະມານ 150 ລ້ານເຮັກຕ້າ ຢູ່ໃນທົ່ວ ໂລກ.
ທ່ານ Ismail ເວົ້າວ່າ ຍ້ອນຜົນລະປູກທີ່ສູນເສຍໄປໃນອັດຕານຶ່ງສ່ວນເຈັດ ຂອງເຂົ້າທີ່ປູກທັງໝົດນັ້ນ ພວກນັກວິທະຍາສາດຈຶ່ງຢາກຄົ້ນພົບວິທີ ທີ່ຈະ ເຮັດໃຫ້ຕົ້ນເຂົ້າທີ່ຈົມຢູ່ໃຕ້ນໍ້ານັ້ນ ຢູ່ໄດ້ເປັນເວລາດົນນານກ່ວາເກົ່າແລະບັດນີ້ກໍພາກັນສຶກສາເບິ່ງຢ່າງໃກ້ຊິດ ວຽກງານຂອງພວກນັກຄົ້ນຄວ້າ ທີ່ສຶກສາເບິ່ງວີທີ ວ່າພືດຜົນຕ່າງໆສາມາດຢູ່ລອດໄດ້ແນວໃດ ໂດຍປາດສະຈາກອ໊ອກຊິເຈັນ?
ທ່ານ ອີສເມລ ເວົ້າວ່າ: “ເວລານີ້ ເຊື້ອກໍາມະພັນເຂົ້າ ທີ່ເອີ້ນວ່າ SUB1 ນັ້ນ ສາ ມາດປົກປ້ອງຕົ້ນເຂົ້າໄວ້ໄດ້ ດົນເຖິງສອງອາທິດ ແຕ່ບາງເທື່ອນໍ້າຈະຖ້ວມຢູ່ ຮອດ 25 ມື້ ສະນັ້ນເຮົາກໍຈະສູນເສຍຕົ້ນເຂົ້າໄປ ແມ່ນແຕ່ຕົ້ນເຂົ້າທີ່ໄດ້ຜະສົມ ກັບເຊື້ອ SUB1 ແລ້ວກໍຕາມ. ດັ່ງນັ້ນ ພວກເຮົາຈຶ່ງຢາກສຶກສາຄົ້ນຄວ້າເບິ່ງວ່າ ເຮົາຈະສາມາດມີວິທີເພີ່ມຄວາມຕ້ານທານນໍ້າຖ້ວມ ແກ່ຕົ້ນເຂົ້າທີ່ຈົມນໍ້າ ໃຫ້ຢູ່ໄດ້ຕື່ມໄປອີກ ດົນກ່ວານຶ່ງອາທິດ ຕໍ່ຈາກສອງອາທິດຂອງເຊື້ອກໍາມະພັນ SUB1 ນັ້ນ. ຂໍ້ມູນໃດໆທີ່ໄດ້ມາຈາກການສຶກສາຄົ້ນຄວ້າເຫລົ່ານີ້ ກໍອາດຈະຊ່ວຍພວກເຮົາໄດ້.”
ທ່ານ ອີສເມລ ເວົ້າອີກວ່າ ເວລານີ້ ສະຖາບັນຄົ້ນຄວ້າເຂົ້ານານາຊາດ ຫຼື IRRI ຊຶ່ງວຽກງານແມ່ນສຸມໃສ່ການຮຽນຮູ້ວີທີ ຕົ້ນເຂົ້າປັບຕົວເຂົ້າກັບສະ ພາບນໍ້າຖ້ວມໄດ້ແບບໃດນັ້ນ ກໍາລັງເນັ້ນໜັກໃສ່ສາມດ້ານດ້ວຍກັນ. ຄື ນຶ່ງ ນັກວິທະຍາສາດຢາກຊ່ວຍເຫຼືອພວກຕົ້ນເຂົ້າທີ່ຖືກນໍ້າຖ້ວມນັ້ນໃຫ້ເຕີບໃຫຍ່ຢ່າງເປັນປົກກະຕິໄດ້. ສອງ ສຶກສາເບິ່ງເຊື້ອພັນເຂົ້າອື່ນໆທີ່ສາມາດທົນນໍ້າຖ້ວມໄດ້ຄືກັນກັບເຊື້ອພັນ SUB1 ແລະສາມ ເພື່ອຜະສົມພັນເຂົ້າ ຊະນິດຕ່າງໆ ທີ່ສາມາດທົນນໍ້າຖ້ວມເຄິ່ງຕົ້ນຫຼືຖ້ວມໝົດຕົ້ນນັ້ນໄດ້ ຍ້ອນວ່າ ພື້ນດິນທີ່ຖືກນໍ້າຖ້ວມຈະບໍ່ສາມາດລະບາຍຫຼືດູດຊຶມເອົານໍ້າຈົນແຫ້ງຢ່າງສິ້ນເຊີງ ໃນລະຫວ່າງລະດູຝົນ.
ຂະນະນີ້ ບັນດານັກຄົ້ນຄວ້າ ຍັງພະຍາຍາມຮຽນຮູ້ວີທີທີ່ຈະເຮັດໃຫ້ພືດພັນສາມາດຮູ້ ສຶກເຖິງລະດັບອ໊ອກຊິເຈັນທີ່ຕໍ່າໄດ້ ເພື່ອຈະສົ່ງສັນຍານໃຫ້ມັນ ປັບປ່ຽນໃນຕົວມັນເອງ ໃຫ້ສາມາດຢູ່ລອດຈາກນໍ້າຖ້ວມໄດ້.
ນັກວິທະຍາສາດ Laurentius Voesenek ປະຈໍາມະຫາວິທະຍາໄລ Utrecht University ໃນປະເທດ Netherlands ທໍາການຄົ້ນຄວ້າພືດພັນປ່າ ທີ່ຢູ່ໃນສະພາບແວດລ້ອມທີ່ຖືກນໍ້າຖ້ວມເຄິ່ງຕົ້ນ ຫຼືໃນເຂດທີ່ມີນໍ້າຖ້ວມຢູ່ເລື້ອຍໆ ໂດຍສຸມໃສ່ການຮຽນຮູ້ຄຸນນະສົມບັດພື້ນຖານ ທີ່ຊ່ວຍໃຫ້ພືດທົນທານນໍ້າຖ້ວມ. ວຽກງານຂອງທ່ານ Voesenek ກໍແມ່ນກ່ຽວກັບແກັສ ethylene ຊຶ່ງເປັນແກັສທີ່ປ່ອຍອອກ ຈາກຕົ້ນພືດເວລາຖືກນໍ້າຖ້ວມ.
ທ່ານ Voesenek ເວົ້າວ່າ: “ພວກແກັສທີ່ເກີດຈາກຕົ້ນພືດນັ້ນ ຈະສາມາດ ລະ ບາຍອອກຈາກຕົ້ນພືດໄດ້ຢ່າງຊ້າໆທີ່ສຸດເທົ່ານັ້ນ. ສະນັ້ນ ຖ້າຫາກຕົ້ນພືດຜະລິດແກັສດັ່ງກ່າວນີ້ໄປເລື້ອຍໆ ແກັສນີ້ກໍຈະສະສົມຂຶ້ນ ແລະນັ້ນກໍຈະ ເປັນສັນຍານທີ່ໝັ້ນໃຈໄດ້ ວ່າມັນຈະບອກໃຫ້ຕົ້ນພືດຮູ້ວ່າ ຕົນຖືກນໍ້າຖ້ວມ ຢູ່ ຕົນກໍາລັງມີບັນຫາຄວາມຢູ່ລອດ ແລະຕ້ອງເຮັດຢ່າງໃດຢ່າງນຶ່ງ ຊຶ່ງກໍຄື ມັນຕ້ອງໄດ້ປັບປ່ຽນໄປສູ່ເຊື້ອພັນທີ່ມີຢູ່ໃນຕົວຂອງມັນ ທີ່ອາດສາມາດປ້ອງກັນບໍ່ໃຫ້ ມັນຕາຍໄດ້.”
ນອກນີ້ແລ້ວ ບັນດານັກວິທະຍາສາດຍັງແລກປ່ຽນຂໍ້ມູນກັນ ກ່ຽວກັບວຽກງານການສຶກ ສາຂອງຕົນ ກ່ຽວກັບພວກພືດປູກທີ່ຖືກນໍ້າຖ້ວມຂັງດົນ ຊຶ່ງທ່ານ ອີສເມລ ເວົ້າວ່າ ມີຄວາມສໍາຄັນຕໍ່ການສຶກສາກ່ຽວກັບວ່າ ສິ່ງໃດທີ່ຈະຊ່ວຍໃຫ້ຊາວນາໃຊ້ດິນປຽກຊຸ່ມ ຫຼືດິນປູກເຂົ້າທີ່ຖືກນໍ້າຖ້ວມນັ້ນໄດ້ ສໍາລັບປູກພືດທີ່ເປັນອາຫານຫຼັກຊະນິດອື່ນໆ ເຊັ່ນເຂົ້າສາລີ ເຂົ້າວີທ ແລະເຂົ້າ barley ເປັນຕົ້ນ.
ໂຮມກັນຢູ່ຟິລິບປິນ ໃນອາທິດທີສອງຂອງເດືອນຕຸລານີ້ ຢູ່ທີ່ສະ
ຖາບັນຄົ້ນຄວ້າເຂົ້າ ນາໆຊາດ ເພື່ອແລກປ່ຽນຄວາມຄິດຄວາມ
ເຫັນກັນ ກ່ຽວກັບວ່າ ເຮັດວິທີໃດ ຈຶ່ງຈະໃຫ້ພວກຕົ້ນເຂົ້າແລະ
ພືດຜົນຫຼັກຊະນິດອື່ນໆ ທີ່ຖືກນໍ້າຖ້ວມນັ້ນ ບໍ່ຕາຍແລະຢູ່ດົນໆ
ໄດ້. Simone Orendain ມີລາຍງານກ່ຽວກັບເລຶ່ອງນີ້ສໍາລັບ
ວີໂອເອ ຈາກເມືອງ Banos ປະເທດຟິລິບປິນ ຊຶ່ງທອງປານ ຈະນໍາມາສະເໜີທ່ານໃນອັນດັບຕໍ່ໄປ.
ຄວາມຈິງ ບັນດານັກວິທະຍາສາດປະຈໍາສະຖາບັນຄົ້ນຄວ້າເຂົ້ານານາຊາດ ຫຼື IRRI ໄດ້ຄົ້ນພົບວິທີນຶ່ງແລ້ວ ສໍາລັບເຮັດໃຫ້ຕົ້ນເຂົ້າ ປູກ ພັນຕ່າງໆ ຢູ່ຍືນແລະບໍ່ຕາຍ ເວລາຖືກນໍ້າຖ້ວມໝົດຕົ້ນແລະຈົມຢູ່ໃຕ້ນໍ້າເປັນເວລາດົນກວ່າສິບມື້. ຄືເມື່ອຫ້າປີຜ່ານມາແລ້ວ ພວກຊາວນາ ໃນຟິລິບປິນ ອິນໂດເນເຊຍ ແລະຫຼາຍໆປະເທດໃນຂົງເຂດເອເຊຍໃຕ້ ພາກັນເລີ່ມປູກເຂົ້າພັນຊະນິດຕ່າງໆທີ່ໄດ້ເອົາຜະສົມກັບເຊື້ອກໍາມະພັນຊະນິດ ນຶ່ງ ທີ່ເອີ້ນວ່າ SUB1 ຊຶ່ງເປັນເຊື້ອກໍາມະພັນທີ່ເຮັດໃຫ້ຕົ້ນເຂົ້າ ຢຸດເຊົາເຕີບໂຕເວລາຖືກນໍ້າຖ້ວມຈົນຈົມນໍ້ານັ້ນ ເພື່ອຮັກສາຄວາມຢູ່ລອດຂອງມັນເອງໄວ້.
ແຕ່ເຖິງປານນັ້ນ ທ່ານ Abdelbagi Ismail ຫົວໜ້ານັກວິທະຍາສາດປະຈໍາສະຖາບັນ IRRI ເວົ້າວ່າ ສະເພາະຢູ່ໃນຂົງເຂດເອເຊຍ ແລະອາຟຣິກາພຽງສອງແຫ່ງເທົ່ານັ້ນ ກໍ ຍັງມີເຂົ້າຖືກສູນເສຍ ຫຼືຖືກທໍາລາຍໄປ ຍ້ອນໄພນໍ້າຖ້ວມ ໃນພື້ນທີ່ເກືອບ ຮອດ 25 ລ້ານເຮັກຕ້າໃນທຸກໆປີ. ມີພື້ນທີ່ປູກເຂົ້າທັງໝົດປະມານ 150 ລ້ານເຮັກຕ້າ ຢູ່ໃນທົ່ວ ໂລກ.
ທ່ານ Ismail ເວົ້າວ່າ ຍ້ອນຜົນລະປູກທີ່ສູນເສຍໄປໃນອັດຕານຶ່ງສ່ວນເຈັດ ຂອງເຂົ້າທີ່ປູກທັງໝົດນັ້ນ ພວກນັກວິທະຍາສາດຈຶ່ງຢາກຄົ້ນພົບວິທີ ທີ່ຈະ ເຮັດໃຫ້ຕົ້ນເຂົ້າທີ່ຈົມຢູ່ໃຕ້ນໍ້ານັ້ນ ຢູ່ໄດ້ເປັນເວລາດົນນານກ່ວາເກົ່າແລະບັດນີ້ກໍພາກັນສຶກສາເບິ່ງຢ່າງໃກ້ຊິດ ວຽກງານຂອງພວກນັກຄົ້ນຄວ້າ ທີ່ສຶກສາເບິ່ງວີທີ ວ່າພືດຜົນຕ່າງໆສາມາດຢູ່ລອດໄດ້ແນວໃດ ໂດຍປາດສະຈາກອ໊ອກຊິເຈັນ?
ທ່ານ ອີສເມລ ເວົ້າວ່າ: “ເວລານີ້ ເຊື້ອກໍາມະພັນເຂົ້າ ທີ່ເອີ້ນວ່າ SUB1 ນັ້ນ ສາ ມາດປົກປ້ອງຕົ້ນເຂົ້າໄວ້ໄດ້ ດົນເຖິງສອງອາທິດ ແຕ່ບາງເທື່ອນໍ້າຈະຖ້ວມຢູ່ ຮອດ 25 ມື້ ສະນັ້ນເຮົາກໍຈະສູນເສຍຕົ້ນເຂົ້າໄປ ແມ່ນແຕ່ຕົ້ນເຂົ້າທີ່ໄດ້ຜະສົມ ກັບເຊື້ອ SUB1 ແລ້ວກໍຕາມ. ດັ່ງນັ້ນ ພວກເຮົາຈຶ່ງຢາກສຶກສາຄົ້ນຄວ້າເບິ່ງວ່າ ເຮົາຈະສາມາດມີວິທີເພີ່ມຄວາມຕ້ານທານນໍ້າຖ້ວມ ແກ່ຕົ້ນເຂົ້າທີ່ຈົມນໍ້າ ໃຫ້ຢູ່ໄດ້ຕື່ມໄປອີກ ດົນກ່ວານຶ່ງອາທິດ ຕໍ່ຈາກສອງອາທິດຂອງເຊື້ອກໍາມະພັນ SUB1 ນັ້ນ. ຂໍ້ມູນໃດໆທີ່ໄດ້ມາຈາກການສຶກສາຄົ້ນຄວ້າເຫລົ່ານີ້ ກໍອາດຈະຊ່ວຍພວກເຮົາໄດ້.”
ທ່ານ ອີສເມລ ເວົ້າອີກວ່າ ເວລານີ້ ສະຖາບັນຄົ້ນຄວ້າເຂົ້ານານາຊາດ ຫຼື IRRI ຊຶ່ງວຽກງານແມ່ນສຸມໃສ່ການຮຽນຮູ້ວີທີ ຕົ້ນເຂົ້າປັບຕົວເຂົ້າກັບສະ ພາບນໍ້າຖ້ວມໄດ້ແບບໃດນັ້ນ ກໍາລັງເນັ້ນໜັກໃສ່ສາມດ້ານດ້ວຍກັນ. ຄື ນຶ່ງ ນັກວິທະຍາສາດຢາກຊ່ວຍເຫຼືອພວກຕົ້ນເຂົ້າທີ່ຖືກນໍ້າຖ້ວມນັ້ນໃຫ້ເຕີບໃຫຍ່ຢ່າງເປັນປົກກະຕິໄດ້. ສອງ ສຶກສາເບິ່ງເຊື້ອພັນເຂົ້າອື່ນໆທີ່ສາມາດທົນນໍ້າຖ້ວມໄດ້ຄືກັນກັບເຊື້ອພັນ SUB1 ແລະສາມ ເພື່ອຜະສົມພັນເຂົ້າ ຊະນິດຕ່າງໆ ທີ່ສາມາດທົນນໍ້າຖ້ວມເຄິ່ງຕົ້ນຫຼືຖ້ວມໝົດຕົ້ນນັ້ນໄດ້ ຍ້ອນວ່າ ພື້ນດິນທີ່ຖືກນໍ້າຖ້ວມຈະບໍ່ສາມາດລະບາຍຫຼືດູດຊຶມເອົານໍ້າຈົນແຫ້ງຢ່າງສິ້ນເຊີງ ໃນລະຫວ່າງລະດູຝົນ.
ຂະນະນີ້ ບັນດານັກຄົ້ນຄວ້າ ຍັງພະຍາຍາມຮຽນຮູ້ວີທີທີ່ຈະເຮັດໃຫ້ພືດພັນສາມາດຮູ້ ສຶກເຖິງລະດັບອ໊ອກຊິເຈັນທີ່ຕໍ່າໄດ້ ເພື່ອຈະສົ່ງສັນຍານໃຫ້ມັນ ປັບປ່ຽນໃນຕົວມັນເອງ ໃຫ້ສາມາດຢູ່ລອດຈາກນໍ້າຖ້ວມໄດ້.
ນັກວິທະຍາສາດ Laurentius Voesenek ປະຈໍາມະຫາວິທະຍາໄລ Utrecht University ໃນປະເທດ Netherlands ທໍາການຄົ້ນຄວ້າພືດພັນປ່າ ທີ່ຢູ່ໃນສະພາບແວດລ້ອມທີ່ຖືກນໍ້າຖ້ວມເຄິ່ງຕົ້ນ ຫຼືໃນເຂດທີ່ມີນໍ້າຖ້ວມຢູ່ເລື້ອຍໆ ໂດຍສຸມໃສ່ການຮຽນຮູ້ຄຸນນະສົມບັດພື້ນຖານ ທີ່ຊ່ວຍໃຫ້ພືດທົນທານນໍ້າຖ້ວມ. ວຽກງານຂອງທ່ານ Voesenek ກໍແມ່ນກ່ຽວກັບແກັສ ethylene ຊຶ່ງເປັນແກັສທີ່ປ່ອຍອອກ ຈາກຕົ້ນພືດເວລາຖືກນໍ້າຖ້ວມ.
ທ່ານ Voesenek ເວົ້າວ່າ: “ພວກແກັສທີ່ເກີດຈາກຕົ້ນພືດນັ້ນ ຈະສາມາດ ລະ ບາຍອອກຈາກຕົ້ນພືດໄດ້ຢ່າງຊ້າໆທີ່ສຸດເທົ່ານັ້ນ. ສະນັ້ນ ຖ້າຫາກຕົ້ນພືດຜະລິດແກັສດັ່ງກ່າວນີ້ໄປເລື້ອຍໆ ແກັສນີ້ກໍຈະສະສົມຂຶ້ນ ແລະນັ້ນກໍຈະ ເປັນສັນຍານທີ່ໝັ້ນໃຈໄດ້ ວ່າມັນຈະບອກໃຫ້ຕົ້ນພືດຮູ້ວ່າ ຕົນຖືກນໍ້າຖ້ວມ ຢູ່ ຕົນກໍາລັງມີບັນຫາຄວາມຢູ່ລອດ ແລະຕ້ອງເຮັດຢ່າງໃດຢ່າງນຶ່ງ ຊຶ່ງກໍຄື ມັນຕ້ອງໄດ້ປັບປ່ຽນໄປສູ່ເຊື້ອພັນທີ່ມີຢູ່ໃນຕົວຂອງມັນ ທີ່ອາດສາມາດປ້ອງກັນບໍ່ໃຫ້ ມັນຕາຍໄດ້.”
ນອກນີ້ແລ້ວ ບັນດານັກວິທະຍາສາດຍັງແລກປ່ຽນຂໍ້ມູນກັນ ກ່ຽວກັບວຽກງານການສຶກ ສາຂອງຕົນ ກ່ຽວກັບພວກພືດປູກທີ່ຖືກນໍ້າຖ້ວມຂັງດົນ ຊຶ່ງທ່ານ ອີສເມລ ເວົ້າວ່າ ມີຄວາມສໍາຄັນຕໍ່ການສຶກສາກ່ຽວກັບວ່າ ສິ່ງໃດທີ່ຈະຊ່ວຍໃຫ້ຊາວນາໃຊ້ດິນປຽກຊຸ່ມ ຫຼືດິນປູກເຂົ້າທີ່ຖືກນໍ້າຖ້ວມນັ້ນໄດ້ ສໍາລັບປູກພືດທີ່ເປັນອາຫານຫຼັກຊະນິດອື່ນໆ ເຊັ່ນເຂົ້າສາລີ ເຂົ້າວີທ ແລະເຂົ້າ barley ເປັນຕົ້ນ.
