ເຮືອຫຼາຍລຳທີ່ບັນທຸກ ສະມາຊິກເກືອບ 500 ຄົນຂອງຊາວມຸສລິມ
ໂຣຮິງຢາ ຊົນເຜົ່ານ້ອຍຂອງມຽນມາ ທີ່ໄດ້ຖືກປະຫັດປະຫານ ມາ
ເປັນເວລາອັນຍາວນານນັ້ນ ໄດ້ໄປຮອດຝັ່ງ ກ້ຳຕາເວັນຕົກ ຂອງ
ອິນໂດເນເຊຍແລ້ວ.
ບັນດາເຈົ້າໜ້າທີ່ກູ້ໄພ ກ່າວວ່າ ພວກຜູ້ຊາຍ ຜູ້ຍິງ ແລະເດັກນ້ອຍ
ເຫຼົ່ານັ້ນ ເດີນທາງໄປເຖິງ ແຂວງ Aceh ເໜືອຂອງອິນໂດເນເຊຍ
ຢ່າງປອດໄພ.
ຊາວມຸສລິມໂຣຮິງຢາ ໄດ້ທົນທຸກ ມາເປັນເວລາ ຫຼາຍທົດສະວັດ
ຢູ່ພາຍໃຕ້ການຈຳແນກກີດກັນຕໍ່ເຂົາເຈົ້າ ທີ່ໄດ້ຮັບການອະນຸໂລມຈາກ ລັດຖະບານມຽນມານັ້ນ.
ການໂຈມຕີຫຼາຍໆບັ້ນຕໍ່ຊາວໂຣຮິງຢາ ໂດຍຝຸງຊົນຊາວພຸດ ໃນໄລຍະ 3 ປີຜ່ານມາ ໄດ້ກໍ່ໃຫ້
ເກີດການຫລັ່ງໄຫລໜີ ອອກມາຢ່າງຫຼວງຫຼາຍທີ່ສຸດບັ້ນນຶ່ງ ຂອງພວກອົບພະຍົບທາງເຮືອ
ນັບຕັ້ງແຕ່ສົງຄາມຫວຽດນາມ ເປັນຕົ້ນມາ.
