ພວກຄັດຄ້ານລັດຖະບານຄິວບາຫລາຍຄົນ ໄດ້ຖືກຈັບໃນນະ
ຄອນຮາວານາໃນວັນພະຫັດວານນີ້ ທີ່ເຂົ້າໄດ້ຮ່ວມການປະ
ທ້ວງ ເນື່ອງໃນວັນສິດທິມະນຸດສາກົນ. ມີພຽງບໍ່ເທົ່າໃດຄົນທີ່
ສາມາດໄປເຖິງບ່ອນທີ່ໄດ້ມີການວາງແຜນໄວ້ເພື່ອທຳການ
ປະທ້ວງໂດຍບໍ່ໄດ້ຮັບອະນຸຍາດ. ພວກເຂົາເຈົ້າ ພາກັນຮ້ອງ
ໂຮຂຶ້ນວ່າ “ເສລີພາບ” ແລະ “ສິດທິມະນຸດໝັ້ນຍືນ” ແລະເຂົາ
ເຈົ້າກໍໄດ້ລົບກວນການສັນຈອນໄປມາໜ້ອຍໜຶ່ງ ກ່ອນທີ່ຖືກ
ເຈົ້າໜ້າທີ່ຈັບໂຕໄປ.
ສ່ວນຢູ່ແຫ່ງອື່ນໆໃນວັນພະຫັດວານນີ້ ຊາວຟິລິບປິນຫລາຍ
ກວ່າ 1000 ຄົນ ໄດ້ໂຮມຊຸມນຸມກັນຢູ່ນະຄອນຫຼວງມານິລາ
ຖືປ້າຍຊື່ບັນດາວິລະຊົນສິດທິມະນຸດ ທີ່ໄດ້ຫາຍສາບສູນໄປຖືກຕິດຄຸກ ຫລືເສຍຊີວິດ.
ນາງ Christina Palaby ພ້ອມດ້ວຍກຸ່ມປົກປ້ອງສິດທິມະນຸດ Karapatan ກ່າວວ່າ ລັດ
ຖະບານຂອງ ທ່ານ Benigno Aquino ບໍ່ໄດ້ແກ້ໄຂບັນຫາສິດທິມະນຸດແຕ່ຢ່າງໃດເລີຍ.
ນາງ “Palaby ກ່າວວ່າ ບໍ່ມີແມ່ນແຕ່ເຈົ້າໜ້າທີ່ຂັ້ນສູງຜູ້ໜຶ່ງ ຫລືຜູ້ໃດຜູ້ໜຶ່ງຈາກກອງທັບ
ຟິລິບປິນ ໄດ້ຖືກຕັດສິນລົງໂທດ. ນັ້ນແມ່ນບົ່ງບອກໃຫ້ເຫັນເຖິງການຕັດສິນໃຈທາງການ
ເມືອງຂອງລັດຖະບານ.
ແລະ ກະສັດຈໍແດນ Abdullah ທີ 2 ໄດ້ເຕືອນວ່າ ສິດທິມະນຸດ ຂອງຊາວປາແລສໄຕນ໌
ຕ້ອງຢູ່ໃນພາກສ່ວນຍຸດທະສາດ ຕໍ່ຕ້ານການກໍ່ການຮ້າຍຂອງໂລກ.
ເຈົ້າໜ້າທີ່ສູງສຸດ ດ້ານສິດທິມະນຸດ ຂອງສະຫະປະຊາຊາດ ໄດ້ເຕືອນວ່າ “ຍັງມີການທ້າທາຍຫລາຍຢ່າງຢູ່” ເພື່ອຄໍ້າປະກັນສິດເສລີພາບ ຄວາມຍຸຕິທຳ ແລະສັນຕິພາບຢູ່ໃນທົ່ວໂລກ.
ຂ້າຫລວງ ໃຫຍ່ດ້ານສິດທິມະນຸດ ສະຫະປະຊາຊາດ ທ່ານ Zeid Ra’ad Al Hussein ກ່າວວ່າ ຄຳປະກາດວ່າດ້ວຍສິດທິມະນຸດ ແລະຂໍ້ຕົກລົງທີ່ຕິດຕາມ ມາ “ໄດ້ມີບົດບາດສຳຄັນ ໃນການຄ້ຳປະກັນໃຫ້ມີການເຄົາລົບແລະຮັບຮູ້ເລື້ອງ ສິດທິມະນຸດທີ່ດີຂື້ນ ໃນລະຍະຫ້າທົດສະວັດທີ່ວຸ້ນວາຍຜ່ານມານີ້.
