ເບິ່ງວີດິໂອພາສາລາວ:
ຄະນະສະມາຊິກສະພາຜູ້ແທນທີ່ຖືກເລືອກຕັ້ງຊຸດໃໝ່ໃນຍຸກຫຼັງຜະເດັດການຕູນີເຊຍແລະ
ພວກໄປລົງຄະແນນສຽງຢູ່ໃນອີຈິບ ໃນທີ່ສຸດກໍໄດ້ປະກອບສ່ວນ ໃນການເລືອກຕັ້ງທີ່ເສ
ລີຍຸຕິທໍາ ຊຶ່ງເປັນຮູບເປັນຮ່າງບາງສ່ວນໃນຂະບວນການເຄຶ່ອນໄຫວລະດູບານໃໝ່ຊາດ
ອາຫຣັບນັ້ນ.
ການປະທ້ວງບັ້ນຕ່າງໆ ຊຶ່ງໄດ້ເລິ່ມຕົ້ນປະມານນຶ່ງປີຜ່ານມານັ້ນ ແມ່ນໄດ້ສັ່ນຄອນພວກ
ລັດຖະບານຜະເດັດການທັງຫລາຍທົ່ວຂົງເຂດຕາເວັນອອກ ກາງ ແລະອາຟຣິກາເໜືອ.
ການປະທະກັນຢູ່ຕາມຖະນົນຫົນທາງຍັງດຳເນີນສືບຕໍ່ມາ ແມ່ນແຕ່ຢູ່ໃນພວກປະເທດ
ບ່ອນທີ່ພວກຜູ້ປົກຄອງປະເທດມາເປັນເວລາດົນນານໄດ້ ຖືກໂຄ່ນລົ້ມໄປແລ້ວ ເຊັ່ນປະ
ເທດອີຈິບເປັນຕົ້ນນັ້ນ ໃນຊີເຣຍ ປາກົດເຫັນມີການປ່ຽນແປງໜ້ອຍດຽວ ແລະມີແຕ່
ເຫດການກໍ່ຄວາມຮຸນແຮງເພີ່ມ ຂຶ້ນ.
ສ່ວນທີ່ປະເທດອື່ນໆ ເຊັ່ນບາເຫຣນ ແມ່ນໄດ້ມີການປະທ້ວງຮຽກຮ້ອງປະ ຊາທິປະໄຕ
ຢູ່ຊໍ້າແລ້ວຊໍ້າເລົ່າ ທີ່ຕິດຕາມມາດ້ວຍຄໍາໝັ້ນສັນຍາຕ່າງໆນາໆ ຂອງລັດຖະບານ ແຕ່ກໍ
ປະຕິບັດແຕ່ພຽງໜ້ອຍດຽວ. ເມື່ອໝໍ່ໆມານີ້ກະສັດ ຂອງບາຫ໌ເຣນທີ່ປົກຄອງປະເທດ
ຢູ່ໃນເວລານີ້ ກ່າວວ່າ ຕົນຈະສຶກສາເບິ່ງການສະເໜີສະບັບໃໝ່ໂດຍຄະນະກໍາມະການ
ລັດຖະບານຊຸດນຶ່ງເພື່ອໃຫ້ມີເສລີພາບໃນການປາກເວົ້າ ແລະເສລີພາບໃນການໂຮມຊຸມ
ກັນໃຫ້ກວ້າງ ຂວາງອອກໄປອີກ.
ແຕ່ທ່ານ Said Bourmedouha ນັກຄົ້ນຄວ້າຂອງອົງການນີລະໂທດກໍາສາກົນທີ່ປະ
ເທດບາຫ໌ເຣນ ຍັງລັງເລໃຈບໍ່ຢາກສະເຫລີມສະຫລອງໄຊຊະນະດ້ານສິດທິມະນຸດໃດໆ
ໃນປະເທດຊາດຂອງລາວເອງເທື່ອ.
“ມີຫລາຍໆກໍລະນີ ຫລືຕົວຢ່າງທີ່ຂ້າພະເຈົ້າໝາຍເຖິງນັ້ນ ຄືພວກອົງການ
ສາກົນ ຫລຶອົງການທ້ອງຖິ່ນຕ່າງໆ ໄດ້ສະເໜີແນະແນວນັ້ນແນວນີ້ ແຕ່ກໍບໍ່
ເຄີຍທີ່ຈະຈັດຕັ້ງປະຕິບັດກັນ ແລະນັ້ນຈຶ່ງເປັນເຫດໃຫ້ປະຊາຊົນຍັງສົງໃສ
ກ່ຽວກັບຮູບການທັງໝົດວ່າລັດຖະບານຊຸດນີ້ແມ່ນຈະຈັດຕັ້ງປະຕິບັດຕາມຄໍາ
ຊີ້ແນະເຫລົ່ານັ້ນຫລືບໍ່”
ທີ່ກຸງວໍຊິງຕັນດີຊີ ຊຶ່ງຕັ້ງຫ່າງອອກໄປຫລາຍກວ່າ 10 ພັນຫລັກກິໂລແມດນັ້ນ ນາງ
Jessica Mazour ໄດ້ປະກອບສ່ວນເຂົ້າຮ່ວມໃນການປະທ້ວງເທື່ອທໍາອິດຂອງນາງ.
ຄືນາງພະຍາຍາມຈະຮວບຮວມເອົາພວກປະທ້ວງທີ່ເອີ້ນວ່າ Occupy ທັງຫລາຍທົ່ວ
ສະຫະລັດອະເມຣິກາໄປເຕົ້າໂຮມກັນຢູ່ລັດໄອໂອວາຂອງນາງ ບ່ອນທີ່ໃນເດືອນມັງ
ກອນຈະເລີ່ມມີການເລືອກເອົາຜູ້ສະໝັກເລືອກຕັ້ງປະທານາທິບໍດີສໍາລັບປີ 2012.
ນາງ ມາຊົວ ກ່າວວ່າ ພວກປະທ້ວງໃນພາກຕາເວັນອອກກາງ ໄດ້ດົນ ໃຈນາງບໍ່ໃຫ້ທໍ້
ຖອຍໃນການສະແຫວງຫາການປ່ຽນແປງໃນລັດຖະບານຂອງນາງເອງນັ້ນ.
“ທຸກໆຄັ້ງພວກລັດຖະບານມີແຕ່ພະຍາຍາມຫາທາງປິດປາກພວກເຮົາ ສະນັ້ນ
ພວກເຮົາກໍຈະພາກັນໂຮຮ້ອງໃຫ້ຟົດສະນັ່ນຂຶ້ນຕື່ມ ແລະຖ້າຫາກພວກເຮັດດັ່ງ
ນັ້ນໄດ້ ມັນອາດເຮັດໃຫ້ພວກເຂົາເຈົ້າຮູ້ສຶກຕົວໃນທີ່ສຸດ ວ່ານີ້ມັນສໍາຄັນຕໍ່ປະ
ຊາຊົນ”
ຂະການເຄຶ່ອນໄຫວ Occupy ຫລືເຂົ້າຍຶດຄອງນີ້ ບໍ່ມີເວທີປະຕິບັດການທີ່ຄັກແນ່ ແຕ່
ພວກປະທ້ວງຫລາຍຄົນຢູ່ໃນສະຫະລັດ ກ່າວວ່າ ພວກເຂົາເຈົ້າຕ້ອງການໂອກາດໃຫ້ມີ
ການວ່າຈ້າງເພີ່ມຂຶ້ນ ມີການກະຈາຍລາຍໄດ້ເທົ່າ ທຽມກັນຫລາຍຂຶ້ນ ພ້ອມທັງລົດຜ່ອນ
ອິດທິພົນຂອງພວກຮັ່ງມີຢູ່ໃນວົງການ ການເມືອງນັ້ນລົງ ຊຶ່ງເປັນຄວາມຮຽກຮ້ອງຕ້ອງ
ການທໍານອງດຽວກັນກວ່າ ຢູ່ໃນຂົງເຂດພາກຕາເວັນອອກກາງ.
ທ່ານ Zaid Jelani ໄດ້ຕິດຕາມເບິ່ງຢ່າງໃກ້ຊິດເບິ່ງການລຸກຮືຂຶ້ນຢູ່ໃນທົ່ວໂລກ ໃນຖານະ
ເປັນນັກເຄຶ່ອນໄຫວທາງອິນເທີເນທປະຈໍາອົງການຄິດ ເພື່ອຄວາມກ້າວໜ້າ ຫລື Think
Progress ທີ່ມີສໍານັກງານຕັ້ງຢູ່ວໍຊິງຕັນດີຊີນັ້ນ ກ່າວວ່າ
“ສິ່ງທີ່ວ່າດີທີ່ສຸດທີ່ພວກເຮົາເວົ້າໄດ້ກ່ຽວກັບປີ 2011 ນັ້ນກໍແມ່ນວ່າທີ່ຈິງແລ້ວ
ມັນເປັນການລຸກຮືຂຶ້ນເພື່ອປະຊາທິປະໄຕຂອງໂລກ ມັນເປັນເລຶ່ອງຂອງພວກ
ຄົນທົ່ວຫົນແຫ່ງໃນທົ່ວໂລກພາກັນກ່າວວ່າ ພວກຜູ້ນໍາຂອງພວກເຂົາເຈົ້າບໍ່ໄດ້
ປະຕິບັດງານເພື່ອເຂົາເຈົ້າ ສັງຄົມກໍບໍ່ເຮັດຫຍັງເພື່ອ ພວກເຂົາເຈົ້າ ຊຶ່ງຊີວິດ
ຂອງພວກເຂົາເຈົ້າແມ່ນພວມພັງທະລາຍລົງໄປ ເນຶ່ອງຈາກສະພາບການເສດ
ຖະກິດທີ່ຂີ້ຮ້າຍຫລາຍ. ພວກຄົນພາກັນເວົ້າວ່າ ວິທີທາງທີ່ຈະເຮັດໃຫ້ຄວາມ
ຮຽກຮ້ອງນີ້ສໍາເລັດລົງໄດ້ກໍດ້ວຍການອອກໄປ ໂຮມກັນຢູ່ຕາມຖະນົນຫົນທາງ
ທີ່ຈິງແລ້ວໂດຍການຫຼັ່ງໄຫຼໄປ ໃຫ້ການສະໜັບສະໜຸນຂອງປະຊາທິປະໄຕຂັ້ນ
ຮາກຫຍ້າ ຈາກການເອົາ ມາຕະການຂອງປະຊາຊົນ ຈາກການຄັດຄ້ານຂອງພົນ
ລະເຮືອນແລະການ ເມືອງ ແລະດ້ວຍການຊົມໃຊ້ແບບນັ້ນ ແລະດໍາເນີນການເກີນ
ໄປກວ່າການປ່ອນບັດເລືອກຕັ້ງເພື່ອທີ່ໃຫ້ຄວາມຕອ້ງການເຫລົ່ານັ້ນຖືກແກ້ໄຂ”
ພວກປະທ້ວງກ່າວວ່າ ເຖິງແມ່ນວ່າການປຸກເຕັ້ນເພື່ອໂຮມຊຸມນຸມປະທ້ວງ ຢູ່ຂ້າງນອກ ຖືກ
ພວກເຈົ້າໜ້າທີ່ມ້າງລົງ ແລະພວກປະທ້ວງປະເຊີນກັບການກວາດລ້າງ ເພື່ອຄວາມປອດໄພ
ຊໍ້າແລ້ວຊໍ້າອີກ ສື່ສັງຄົມທີ່ເປັນແຮງ ຂັບດັນຫລໍ່ລ້ຽງ ໃນການຕໍ່ສູ້ເພື່ອໃຫ້ໄດ້ມາຊຶ່ງສິດທິມະ
ນຸດເພີ່ມຂຶ້ນ ຂອງ ພວກເຂົາເຈົ້າໃນເວລານີ້ ແມ່ນຍັງໄກຢູ່ ແລະມັນອາດແກ່ຍາວໄປກາຍປີ
ໜ້າກໍໄດ້.
ເບິ່ງວີດີໂອລາຍງານຂ່າວເປັນພາສາອັງກິດ
