ລິ້ງ ສຳຫລັບເຂົ້າຫາ

logo-print

ກອງ​ປະຊຸມ​ຫຼວງ​ຂອງ ພັກການເມືອງສະຫະລັດ ຈັດຂຶ້ນເພື່ອຫຍັງ? (ວີດີໂອລາວ/ອັງກິດ)


ວີດີໂອພາສາລາວ ກ່ຽວກັບກອງປະຊຸມຫລວງ ຂອງພັກການເມືອງສະຫະລັດ

ທຸກໆ​ 4 ປີ ພັກ​ການ​ເມືອງ​ໃຫຍ່​ສອງ​ພັກ​ຂອງ​ສະຫະລັດ ຈະ​ຈັດ​ກອງ​ປະຊຸມ​ຫຼວງ​ຂຶ້ນ​ເພື່ອ​ແຕ່ງ​ຕັ້ງ​ເອົາ​ຜູ້ຕາງໜ້າ​ພັກ ​ເຂົ້າ​ແຂ່ງຂັນ​ເລືອກ​ຕັ້ງ​ປະທາ ນາທິບໍດີ ​ໃນ​ຕົ້ນ​ເດືອນ​ພະຈິກ. ກອງປະຊຸມ​ຫຼວງ​ຂອງພັກ​ຣີພັບ​ບລິ​ກັນ​ໄດ້ ​ເລີ່​ມຂຶ້ນ​ໃນ ວັນ​ທີ່ 27 ສິງຫາ ​​​ແລະ​ສິ້ນ​ສຸດ​ລົງ​ໃນ​ວັນ​ທີ 30 ທີ່​ເມືອງແທັມປາ ລັດ​ຟລໍຣິດາ. ສ່ວນ​ກອງ​ປະຊຸມ​ຫຼວງຂອງ​ພັກ​ເດ​ໂມ​ແດຣທ ​ແມ່ນ​ຈະ​ເລິ່ມຕົ້ນຂຶ້ນ ​ໃນວັນ​ທີ່ 3 ​ເດືອນ​ກັນຍາ ຄື​ສອງ​ມື້​ຕໍ່ໜ້ານີ້ ທີ່​ເມືອງ Charlotte ລັດ North Carolina. ໃນລາຍ​ງານ​ບົດ​ນີ້​ ກ່ຽວ​ກັບ​​ວິທີການ ​ເລືອກ​ຕັ້ງ​​ຂອງອະ​ເມ​ຣິກາ​ນັ້ນ Jeffrey Young ຜູ້​ສື່​ຂ່າວ​ວີ​ໂອ​ເອ ອະທິ ບາຍ​ເຖິງ​ບາດກ້າວ​ຕ່າງໆທີ່​ແຕ່​ລະ​ພັກປະຕິບັດ ​ເພື່ອນໍາ​ສະ​ເໜີ​ຜູ້​ສະໝັກ ເລືອກ​ຕັ້ງ​​ຂອງ​ຕົນ ຕໍ່​ປະຊາຊົນ​ຜູ້​ມີ​ສິດ​ປ່ອນ​ບັດ​ເລືອກ​ຕັ້ງ​​ໃນທົ່ວ​ປະ​ເທດ.

ເດືອນສິງຫາ ​ແລະ​ເດືອນ​ກັນຍາ ​ເປັນ​ເວລາ​ທີ່​ທັງ​ພັກ​ເດ​ໂມ​ແຄຣທ ​ແລະ ພັກ​ຣີພັບ​ບລິ​ກັນ ​ແຕ່ງ​ຕັ້ງ​ຜູ້​ສະ​ໜັກເລືອກ​ຕັ້ງ​ຂອງ​ພັກ​ຂອງ​ຕົນ​ຢາງ​ເປັນ ທາງ​ການ​ ສໍາລັບ​ເຂົ້າແຂ່ງຂັນ​ເລືອກຕັ້ງ​ປະທານາທິບໍດີໃນ​ເດືອນ​ພະຈິກ.

“ກອງ​ປະຊຸມແຫ່ງ​ຊາດທຸກໆ​ສີ່​ປີ ຄັ້ງ​ທີ່ 45 ຂອງ​ພັກ​ເດ​ໂມ​ແຄຣທ ບັດ​ນີ້​ຈະເລິ່ມຂຶ້ນ​ຢ່າງ​ເປັນ​ທາງ​ການ​ແລ້ວ”

ນັ້ນ​ຄື​ສຽງ​ປະກາດ​ໄຂ​ກອງ​ປະຊຸມ​ຫລວງ​ຄັ້ງ​ທີ 45 ຂອງ​ພັກເດ​ໂມ​ແຄຣທ ​ເມື່ອ​ປີ 2008.

ທຸກໆ​ສີ່​ປີ​ໃດ ທັງ​ສອງພັກ​ການ​ເມືອງຂອງ​ສະຫະລັດ​ຈັດ​ກອງ​ປະຊຸມ​ຫຼວງຂຶ້ນ ​ແລະ​ປະຕິບັດ​ຂັ້ນ​ຕອນຕ່າງໆ ທີ່​ເລືອກ​ເອົາ​ຜູ້​ສະໝັກ​ເລືອກ​ຕັ້ງປະທານາທິບໍ ດີຂອງ​ຕົນ ຢ່າງ​ເປັນ​ທາງການ.

ກອງ​ປະຊຸມ​ຫຼວງ​ເລິ່ມຕົ້ນ ​ດ້ວຍການ​ເຂົ້າ​ປະ​ຈໍາ​ບ່ອນ​ນັ່ງ​ຂອງ​ຄະນະຜູ້ແທນ ພັກ​ຈາກແຕ່​ລະ​ລັດ​. ພວກ​ຜູ້​ແທນ​ເຫຼົ່າ​ນີ້ ​ແມ່ນ​ຖືກ​ເລືອກ​ຂຶ້ນມາ​ ຈາກ​ຜົນ​ຂອງການ​ເລືອກ​ຕັ້ງຂັ້ນ​ຕົ້ນ​ຂອງ​ພັກຢູ່​ໃນ​ລັດ​ຂອງ​ເຂົາ​ເຈົ້າ ​ແລະປະຕິ​ຍານ​ວ່າ ຈະ​ລົງມະຕິ​ເອົາ​ຜູ້​ສະໝັກ​ທີ່​ໄດ້​ຮັບ​ໄຊຊະນະ​ໃນ​ການ​ເລືອກ​ຕັ້ງ​ຂັ້ນ​ຕົ້ນ​ນັ້ນ ຊຶ່ງ​ໃນ​ບາງ​ລັດ​ເອີ້ນ​ວ່າ primary elections ​ແລະ​ບາງ​ລັດ​ເອີ້ນ​ວ່າ caucuses ຊຶ່ງ​ມີ​ຂັ້ນ​ຕອນ​ທີ່​ແຕກ​ຕ່າງ​ກັນ. ຢູ່​ໃນ​ກອງ​ປະຊຸມ​ຫລວງ​ນັ້ນ ຄະນະ​ຜູ້​ແທນຈາກ​ແຕ່​ລະ​ລັດ ຈະ​ພາກັນ​ຮ້ອງ​ອອກ​ມາ​ວ່າ “​ເອົາ” ​ເວລາ​ຖືກ​ຖາມ​ວ່າ ຈະ​ເລືອກ​ເອົາ​ຜູ້​ສະໝັກ​ຄົນ​ນັ້ນ​ຄົນ​ນີ້​ບໍ່?

ຂັ້ນ​ຕອນ​ຕໍ່​ໄປ ກໍ​ຄື​ການ​ປະກາດ​ຮັບຮອງ​ເອົາ​ອັນ​ທີ່​ເອີ້ນ​ກັນ​ວ່າ ຄື​ຫຼັກ​ນະ​ໂຍ ບາຍຂອງ​ພັກ ຊຶ່ງ​ເປັນ​ຫຼັກການ​ແລະ​ທ່າ​ທີຕ່າງ​ໆ​ ທີ່​ພັກຈະ​ຍຶດໝັ້ນ​ແລະ​ເຜີຍ​ແຜ່​ເພື່ອ​ຫາ​ສຽງ​ສະໜັບສະໜຸນ ​ໃນ​ການ​ເລືອກ​ຕັ້ງຈະມາ​ເຖິງ​ນີ້. ບາງ​ເທື່ອ​ກໍ​ອາດ​ມີ​ການ​ຖົກ​ຖຽງ​ກັນ​ຢ່າງ​ໃຫຍ່​ກ່ຽວ​ກັບ​ຫຼັກການ​ເຫລົ່າ​ນັ້ນ ​ຖ້າ​ຫາກເປັນ​ບັນຫາທີ່​ຄະນະ​ຜູ້​ແທນ​ມີ​ຄວາມ​ເຫັນ​ຂັດ​ແຍ້​ງກັນ.

ການ​ຄັດ​ເລືອກ​ຢ່າງ​ເປັນ​ທາງ​ການເອົາຜູ້​ສະໝັກ​ເລືອກ​ຕັ້ງ​ປະທານາທິບໍດີ ຂອງ​ແຕ່​ລະ​ພັກ ​ແມ່ນ​ເລິ່ມຕົ້ນ​ດ້ວຍ​ການສະ​ເໜີ​ຊື່​ພວກ​ທີ່​ສະໝັກຢ່າງ​ເປັທາງ​ການ​ ​ຊຶ່ງ​ໂດຍ​ປົກກະຕິ​ແລ້ວ ຈະ​ແມ່ນ​ສອງມື້​ກ່ອນ​ວັນສຸດ​ທ້າຍ​ຂອງ​ກອງ​ປະຊຸມຫຼວງ. ຜູ້​ປະກາດ​ສະ​ເໜີ​ຊື່ ຈະ​ແມ່ນ​ປະທານ​ກອງ​ປະຊຸມ​ ​ເຊ່ນທ່ານ​ນາງ Nancy Pelosi ປະທານ​ກອງ​ປະຊຸມຫລວງ​ຂອງ​ພັກ​ເດ​ໂມ​ແຄຣທ ທີ່​ປະກາດ​ສະ​ເໜີ​ຊື່ ທ່າ​ນບາຣັກ ໂອ​ບາ​ມາ ​ເມື່ອ 4 ປີ​ກ່ອນ.

”ຜູ້​ສ​ະໝັກ​ຄົນ​ຕໍ່​ໄປ​ທີ່​ຖືກ​ສະ​ເໜີ​ຊື່​ໃນແລງ​ມື້​ນີ້ສໍາລັບ​​ເລືອກ​ຕັ້ງ​​ເປັນປະທາ ນາທິບໍດີສະຫະລັດ ​ໄດ້​ແກ່​ສະມາຊິກ​ສະພາ​ສູງ ບາຣັກ ​ໂອ​ບາ​ມາ ຈາກ​ລັດ ອິລລິນອຍ​ສ໌”

ຫຼັງ​ຈາກສະ​ເໜີ​ຊື່​ຜູ້​ສະໝັກ​ແລ້ວ ຂັ້ນ​ຕອນຕໍ່​ໄປ ຄື​ອັນ​ທີ່​ເອີ້ນວ່າ Roll Call of the States ຄື​ການ​ຖາມຄະນະ​ຜູ້​ແທນ​ລັດ​ວ່າ ​ພວກ​ເຂົາ​ເຈົ້າ​ເລືອກ​ເອົາ​ຜູ້​ໃດ? ເຖິງ​ແມ່ນເປັນທີ່​ຮູ້​ກັນ​ດີ​ຢູ່​ແລ້ວ​ວ່າ ຜູ້​ໃດ​ຈະ​ຖືກ​ແຕ່ງ​ຕັ້ງ​ກໍ​ຕາມ ​ແຕ່ ຄະນະ​ຜູ້​ແທນລັດ ກໍ​ຕ້ອງ​ອອກ​ມາ​ປະກາດ​ໃຫ້​ຮູ້ວ່າ ຜູ້​ສະໝັກ​ແຕ່ລະຄົນ​ໄດ້​ຄະ​ແນນ​ເທົ່າ​ໃດ​ຈາກ​ພວກ​ເຂົາ​ເຈົ້າ ດັ່ງຕົວຢ່າງ​ຂອງ​ລັດ​ຮາ​ວາຍ ​ໃນ​ປີ 2008.

“ພວກ​ເຮົາ​ພູມ​ໃຈ​ ລົງ​ຄະ​ແນນ​ສຽງ 26 ສຽງ​ໃຫ້​ແກ່​ປະທານາທິບໍດີ​ສະຫະ ລັດ​ຄົນຕໍ່​ໄປ ຄືສະມາຊິກ​ສະພາ​ສູງ ບາຣັກ ​ໂອ​ບາ​ມາ ​ແລະ​ສຽງ​ນຶ່ງ​ໃຫ້​ແກ່​ສະມາຊິກສະພາ​ສູງ ຮິ​ລ​ແລຣີ ຄລິນ​ຕັນ.”

​ການ​ຄັດ​ເລືອກ​ເອົາ​ຜູ້ເຂົ້າ​ແຂ່ງຂັນ​ປະທານາທິບໍດີຂອງ​ແຕ່ລະພັກ​ນັ້ນ​ເປັນ​ຂັ້ນ​ຕອນ​ທີ່​ງ່າຍ​ຫຼາຍ ຄື​ຜູ້​ສະໝັກຄົນ​ໃດໄດ້​ຮັບ​ຄະ​ແນນສຽງຈາກ​ຄະນະ​ຜູ້​ແທນ ລັດ ​ຫຼາຍ​ກວ່າ​ໝູ່​ ກໍ​ແມ່ນ​ຜູ້​ນັ້ນ.

ປົກກະຕິ​ແລ້ວ ຜູ້​ສະໝັກ​ເຂົ້າ​ຄອງ​ທໍານຽບຂາວ​ທີ່​ບໍ່​ຖືກ​ຄັດ​ເລືອກ ກໍ​ຈະໃຫ້​ຄໍາ​ໝັ້ນ​ສັນຍາ​ຢູ່​ທີ່​ກອງ​ປະຊຸມ​ຫຼວງວ່າ ຈະໃຫ້ການ​ສະໜັບສະໜຸນ​ແກ່​ຜູ້​ທີ່​ ​ພັກຄັດ​ເລືອກ​ເອົາ​ນັ້ນ ດັ່ງທີ່​ທ່ານ​ມິດ ຣອມນີ ຜູ້​ສະ​ໜັກ​ເລືອກ​ຕັ້ງ​ປະທານາ ທິບໍດີ​ປີນີ້ ​ໄດ້​ຮັບປາກ​ວ່າ​ຈະ​ສະໜັບສະໜຸນ​ຜູ້​ສະໝັກເລືອກ​ຕັ້ງທີ່​ພັກຣີພັບ​ບລິ​ການ​ຄັດ​ເລືອກ​ເອົາ ​ເມື່ອ 4 ປີ​ກ່ອນ.

ທ່ານ ມິດ ຣອມນີ ກ່າວ​ວ່າ: “ພວກ​ເຮົາ​ມີ​ຄໍາ​ແນະນໍາ​ສໍາລັບ​ຊາວ​ອາ​ເມ​ຣິກັນ​ທຸກໆ​ຄົນ ທີ່​ຢາກ​ໃຫ້​ມີການ​ປ່ຽນ​ແປງ​ໃນ​ວໍ​ຊິງ​ຕັນ ​ຄື​ເອົາພວກ​ຫົວເສລີ​ນິຍົມ ທີ່​ມັກລັດຖະບານ​ໃຫຍ່​ໆ​ນັ້ນ ​ອອກ​ໄປ​​ເສຍ ​ແລະ​ຈົ່ງ​ເລືອກ​ເອົາ John McCain ​ແລະ ​ເຊຣາ ​ເພຣິນ!

ເບິ່ງວີດີໂອພາສາອັງກິດ:


ສໍາລັບ​ສອງ​ພັກ​ການ​ເມືອງ​ໃຫຍ່​ນັ້ນ ຄໍ່າ​ຄືນສຸດ​ທ້າຍຂອງ​ກອງ​ປະຊຸມ​ຫລວງ ​ເຂົ້າ​ເຖິງ​ຈຸດ​ສຸດ​ຍອດ ດ້ວຍ​ການ​ກ່າວ​ຄໍາ​ປາໄສ​ຕອບ​ຮັບ​ການ​ແຕ່ງ​ຕັ້ງຂອງ​ຜູ້​ທີ່​ພັກ​ຄັດ​ເລືອກເອົາ. ນີ້​ຄື​ທ່ານ​ໂອ​ບາ​ມາ ​ເມື່ອ 4 ປີ​ກ່ອນ:

ທ່ານ​ໂອ​ບາ​ມາ​ກ່າວ​ວ່າ “ຂ້າພະ​ເຈົ້າຂໍ​ນ້ອມຮັບ​ເອົາ ​ການ​ແຕ່ງ​ຕັ້ງຂອງ​ທ່ານ ໃຫ້ເປັນ​ຜູ້​ສະໝັກ​ເລືອກ​ຕັ້ງປະທານາທິບໍດີ​ສະຫະລັດອາ​ເມຣິກາ ດ້ວຍ​ຄວາມ​ຂອບ​ໃຈ​ແລະຮູ້​ບຸນຄຸນ ຢ່າງ​ສຸດ​ຊື້​ງ ​ແລະ​ຄວາມ​ອ່ອນ​ນ້ອມຖ່ອມ​ໂຕ​ຢ່າງໃຫຍ່.”

ກອງ​ປະຊຸມ​ຫຼວງສິ້ນ​ສຸດ​ລົງດ້ວຍບັນຍາກາດ​ອັນ​ມ່ວນ​ຊື່ນ ​ໂດ​ຍການ​ຫວ່ານ​ເສດ​ເຈ້ຍ​ທີ່​ມີ​ສີສັນ​ ຈາກ​ເພດານລົງ​ສູ່​ພື້ນ​ບໍລິ​ເວນ​ກອງ​ປະຊຸມ ​ແລະ​ສຽງໂຮ່​ຮ້ອງ​ສະໜັບສະໜຸນດັງ​ຟົດ​ສະ​ນັ່ນ. ​ຕອນ​ເຊົ້າຂອງ​ມື້​ຕໍ່​ມາ ຜູ້​ສະໝັກ​ແຕ່ລະ​ຄົນ​ກໍ​ເລີ່​ມ​ເຂົ້າສູ່​ການໂຄສະນາ​ຫາ​ສຽງ​ຕັ້ງ​ທີ່​ໜັກໜ່ວງ​ໃນ​ໄລຍະ​ສອງ​ເດືອນ ​ໄປ​ຈົນ​ເຖິງວັນປ່ອນ​ບັດ​ເລືອກ​ຕັ້ງ​ ຄື​ວັນ​ອັງຄານ​ທໍາ​ອິດ​ຂອງ​ເດືອນ​ພະຈິກ ​ແລະ​ຜູ້​ນຶ່ງ​ໃນຈໍານວນ​ນັ້ນ ກໍ​ແມ່ນຈະ​ໄດ້​ເຂົ້າຄອງ​ທໍານຽບຂາວ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG