ການໂຈມຕີ ທີ່ນຳພາໂດຍສະຫະລັດ ຕໍ່ພວກກະບົດຮູຕີຂອງເຢເມນ ທີ່ໄດ້ຮັບການໜູນຫຼັງຈາກອີຣ່ານ ເພື່ອຍຸຕິການໂຈມຕີທາງທະເລຂອງພວກເຂົາທີ່ມີມາໄດ້ເວລາຫຼາຍເດືອນແລ້ວໃນທະເລແດງ ໄດ້ເພີ້ມທະວີການເຜີຍແຜ່ຂໍ້ມູນທີ່ບໍ່ຈິງຈາກລັດຖະບານຂອງປະເທດຕ່າງໆ ທີ່ມັກສະແດງການສະໜັບສະໜູນຂອງຕົນ ຕໍ່ປາແລສໄຕນ໌ ແລະຄັດຄ້ານອິສຣາແອລ.
ນັບແຕ່ເທີກີ ທີ່ເປັນພັນທະມິດໃນເນໂຕ້ (NATO) ໄປຈົນເຖິງອີຣ່ານ ແລະ ຣັດເຊຍ, ບັນດາເຈົ້າໜ້າທີ່ຂັ້ນສູງຂອງລັດຖະບານ ໄດ້ດຳເນີນການການໂຄສະນາຕ້ານສະຫະລັດ, ອ້າງເຫດຜົນທີ່ຜິດໆ ໃນການຖິ້ມໂທດໃສ່ ແລະໃຫ້ເຮັດໃຫ້ຄົນມີຄວາມເຫັນທີ່ບໍ່ຖືກຕ້ອງຕໍ່ສະພາບການດັ່ງກ່າວ.
ໃນວັນທີ 11 ມັງກອນຜ່ານມານີ້, ກອງບັນຊາການຂອງສະຫະລັດ ໃນພາກຕາເວັນອອກ ກາງ (CENTCOM) ປະກາດວ່າ ໂດຍໄດ້ຮັບການສະໜັບສະໜູນຈາກອອສເຕຣເລຍ, ການາດາ, ເນເທີແລນ ແລະ ບາຫ໌ເຣນ, ສະຫະລັດ ແລະອັງກິດໄດ້ດຳເນີນການບຸກໂຈມຕີຮ່ວມກັນ ຕໍ່ກຸ່ມກະບົດຮູຕີທີ່ໜູນຫຼັງໂດຍອີຣ່ານ.
CENTCOM ກ່າວວ່າ ຕົນໄດ້ແນເປົ້າໃສ່ລະບົບເຣດ້າ, ລະບົບປ້ອງກັນໄພທາງອາກາດ ແລະບ່ອນເກັບມ້ຽນ ແລະບ່ອນຍິງທີ່ພວກຮູຕີໃນເຢເມນໃຊ້ ເພື່ອແນເປົ້າໝາຍໃສ່ລະບົບທາງອາກາດທີ່ບໍ່ມີຄົນຂັບ, ເຮືອສຳລານ ແລະລູກສອນໄຟຂີປະນາວຸດຂອງພວກກໍາປັ່ນ ການຄ້າ.
ສະຫະລັດໄດ້ດຳເນີນການໂຈມຕີຕໍ່ມາ ຕໍ່ສະຖານທີ່ຕັ້ງເຣດ້າຂອງກຸ່ມຮູຕີໃນວັນທີ 13 ມັງກອນນີ້.
CENTCOM ກ່າວວ່າ ຕົນມີຈຸດປະສົງເພື່ອເຮັດໃຫ້ຂີດຄວາມສາມາດ ຂອງຮູຕີຫຼຸດລົງໃນການປະຕິບັດ "ການໂຈມຕີທີ່ຜິດກົດຫມາຍ ແລະແບບບໍ່ມີການໄຈ້ແຍກ ຕໍ່ກໍາປັ່ນຂອງສະ ຫະລັດ ແລະຂອງສາກົນ ແລະການຂົນສົ່ງການຄ້າຢູ່ໃນທະເລແດງ."
ແຕ່ຢ່າງໃດກໍຕາມ, ພວກຮູຕີໄດ້ສືບຕໍ່ບຸກໂຈມຕີການຂອງເຂົາຢ່າງບໍ່ຢຸດຢັ້ງ ເພື່ອແນເປົ້າ ໝາຍໃສ່ ແຕ່ບໍ່ປະສົບຜົນສໍາເລັດ ຕໍ່ກຳປັ່ນພິຄາດຂອງສະຫະລັດຢູ່ທະເລແດງໃນວັນທີ 14 ມັງກອນນີ້, ແລະໄດ້ໂຈມຕີຢ່າງສໍາເລັດຜົນ ຕໍ່ກໍາປັ່ນການຄ້າຂອງສະຫະລັດ ໃນວັນທີ 15 ມັງກອນຜ່ານມາ.
ວັນທີ 16 ມັງກອນຜ່ານມານີ້, ເຈົ້າໜ້າທີ່ສະຫະລັດຢືນຢັນວ່າ ການໂຈມຕີທາງອາກາດຂອງສະຫະລັດໄດ້ກຳຈັດລູກສອນໄຟຂີປະນາວຸດ 4 ລູກທີ່ກຸ່ມຮູຕີຈະໃຊ້ໃນການໂຈມຕີເພີ້ມອີກ.
ນັບຕັ້ງແຕ່ການລະເບີດຂຶ້ນຂອງສົງຄາມອິສຣາແອລ-ຮາມາສ ໃນເດືອນຕຸລາຜ່ານມາ, ພວກຮູຕີ ໄດ້ສະແດງໃຫ້ເຫັນຄວາມສາມັກຄີຂອງຕົນກັບປາແລສໄຕນ໌ ແລະຄັດຄ້ານອິສຣາແອລໂດຍການໂຈມຕີການຂົນສົ່ງທາງດ້ານການຄ້າຢູ່ໃນທະເລແດງ.
ພວກຮູຕີກ່າວອ້າງແບບຜິດໆວ່າ ກຳປັ່ນທີ່ເຂົາໂຈມຕີ — ຫຼື ຈີ້ເອົາ — ລ້ວນແຕ່ມີສ່ວນ ກ່ຽວພັນກັບ ຫຼື ຂົນສົ່ງຜ່ານໄປຫາອິສຣາແອລ.
ການໂຈມຕີຂອງຮູຕີຍັງໄດ້ເກີດຂຶ້ນຢູ່ໃນເຂດນ່ານນ້ຳສາກົນ ໂດຍໄດ້ລະເມີດສິດທິໃນການໄປຜ່ານແດນ ແລະການໃຊ້ເສັ້ນທາງທີ່ບໍລິສຸດ.
'ທະເລເລືອດ'
ສະຫະລັດ ແລະປະເທດພັນທະມິດໄດ້ອົດກັ້ນຕໍ່ການໂຈມຕີເປົ້າໝາຍພົນລະເຮືອນຕ່າງໆ ມາໄດ້ຫຼາຍເດືອນ ກ່ອນຈະທໍາການຕອບໂຕ້.
ແຕ່ຢ່າງໃດກໍ່ຕາມ ບັນດາຝ່າຍຄ້ານຂອງສະຫະລັດ- ແລະແມ່ນແຕ່ເທີກີທີ່ເປັນປະເທດພັັນ ທະມິດໃນເນໂຕ້ - ກໍຍັງໄດ້ພະຍາຍາມເຮັດໃຫ້ຄົນເບິ່ງຄືວ່າ ວໍຊິງຕັນ ແລະ ບັນດາພັນທະມິດຂອງປະເທດນີ້ເປັນຜູ້ຮຸກຮານ ທີ່ໄດ້ຕອບໂຕ້ຕໍ່ການເປັນປໍລະປັກຂອງພວກຮູຕີ.
"ສິ່ງທັງຫມົດທີ່ໄດ້ເຮັດໄປນັ້ນແມ່ນການໃຊ້ກໍາລັງທີ່ບໍ່ເໝາະສົມ." ນັ້ນຄືຄໍາເວົ້າຂອງປະທານາ ທິບໍດີເທີກີ, ທ່ານຣີເຊັບ ເອີດວານ ກ່າວ ໃນວັນທີ 12 ມັງກອນໃນການຕອບໂຕ້ ຕໍ່ການໂຈມຕີທີ່ນໍາພາໂດຍສະຫະລັດ.
"ໃນເວລານີ້, ພວກເຂົາກໍາລັງພະຍາຍາມເຮັດໃຫ້ທະເລແດງກາຍເປັນທະເລເລືອດ ແລະເຢເມນ ໂດຍທີ່ມີກຸ່ມຮູຕີ ແລະໂດຍການໃຊ້ກໍາລັງທະຫານທັງຫມົດຂອງຕົນ ເວົ້າວ່າ ຕົນກໍາ ລັງແລະຈະທໍາການຕອບໂຕ້ທີ່ຈໍາເປັນຢູ່ໃນຂົງເຂດນີ້ຕໍ່ສະຫະລັດ, ອັງກິດ.”
ທ່າທີຂອງທ່ານເອີດວານ ທີ່ເວົ້າວ່າ ສະຫະລັດຄວນຖືກຕ້ອງຕິ ວ່າເປັນຜູ້ເຮັດໃຫ້ຄວາມເຄັ່ງຕຶງຢູ່ທະເລແດງເພີ້ມຂຶ້ນນັ້ນ ແມ່ນໄດ້ຮັບຄວາມເຫັນພ້ອມນໍາຈາກອີຣ່ານ ແລະກຸ່ມເຮສໂບ ລາ, ກຸ່ມຫົວຮຸນແຮງທີ່ຢູ່ໃນເລບານອນ. ກຸ່ມເຮສໂບລາໄດ້ຮັບການສະຫນັບສະຫນູນ ຈາກອີຣ່ານມາໄດ້ຫຼາຍທົດສະວັດແລ້ວ ແລະໄດ້ເປັນເຄື່ອງມືໃນຄວາມຂັດແຍ້ງ ທີ່ເປັນຕົວແທນໃຫ້ແກ່ອີຣ່ານ ກັບອິສຣາແອລ ແລະການຂັດແຍ້ງກັນລະຫວ່າງອິສຣາແອລ-ເລບານອນ ທີ່ມີມາແຕ່ດົນນານແລ້ວ.
ເຊັ່ນດຽວກັນກັບກຸ່ມເຮສໂບລາ, ພວກຮູຕີແມ່ນເຄື່ອງມືໃນການແຜ່ອໍານາດຂອງອີຣ່ານອອກ ໄປສູ່ຂົງເຂດນັ້ນ. ທັງສອງກຸ່ມແມ່ນສ່ວນນຶ່ງຂອງແກນການຕໍ່ຕ້ານຂອງລັດອິສລາມທີ່ນັບມື້ນັບນັບມື້ນັບກະຈາຍກວ້າງອອກໄປ, ເຊິ່ງຈຳນວນນຶ່ງແມ່ນມີກຳລັງທະຫານບ້ານຂອງພວກຊີໄອຫຼາຍກວ່າ 100 ຄົນ ປະຕິບັດງານຢູ່ອັຟການິສຖານ, ອີຣັກ, ເລບານອນ, ປາແລັສໄຕນ໌, ເລບານອນ, ຊີເຣຍ ແລະ ເຢເມນ.
ທຳນຽບຂາວໄດ້ກ່າວຫາອີຣ່ານວ່າ “ມີສ່ວນຮ່ວມຢ່າງເລິກເຊິ່ງ” ໃນການບຸກໂຈມຕີຂອງກຸ່ມ ຮູຕີຢູ່ທະເລແດງ, ລວມທັງໂດຍຜ່ານການສະໜອງອາວຸດ ແລະຂໍ້ມູນລັບ.
ໂດຍອ້າງອີງເຖິງ “ສະຫະລັດແລະເຈົ້າໜ້າທີ່ຕາເວັນອອກກາງ,” ເວັບໄຊຂ່າວ Semafor ໄດ້ລາຍງານໃນວັນທີ 16 ມັງກອນຜ່ານມານີ້ວ່າ, “ພວກຜູ້ບັນຊາການ ແລະທີ່ປຶກສາ” ຈາກກອງກຳລັງພິທັກປະຕິວັດອິສລາມ (IRGC) ຂອງອີຣ່ານ “ໄດ້ໄປຢູ່ໃນພາກພື້ນດິນ ໃນເຢເມນ ແລະມີບົດບາດໂດຍກົງໃນການໂຈມຕີຂອງພວກກະບົດຮູຕີ ຕໍ່ການຈະລາຈອນທາງການຄ້າຢູ່ໃນທະເລແດງ.”
ນອກນັ້ນ, ໃນວັນທີ 16 ມັງກອນຜ່ານມານີ້, ອີຣ່ານໄດ້ກ່າວວ່າ ຕົນໄດ້ໂຈມຕີ "ສຳນັກງານ ສອດແນມ" ຕົ້ນຕໍແຫ່ງນຶ່ງຂອງອົງການສອດແນມໂມຊາດ (Mossad) ຂອງອິສຣາແອລ ທີ່ຢູ່ບໍ່ໄກຈາກສະຖານກົງສຸນສະຫະລັດປະຈຳເຂດເຄີດິສຖານ (Kurdistan) ຂອງອີຣັກ ທີ່ເປັນເຄິ່ງປົກຄອງຕົນເອງ ຊຶ່ງເຮັດໃຫ້ເກີດຄວາມຢ້ານກົວວ່າ ຈະມີການແຜ່ລາມຂອງສົງຄາມອິສຣາແອລ- ຮາມາສ ອອກໄປໃນຂົງເຂດນັ້ນເພີ້ມອີກ.
ນອກຈາກຄວາມທະເຍີທະຍານຂອງອີຣ່ານແລ້ວ ກໍຍັງມີການສະໜັບສະໜູນຢ່າງກວ້າງຂວາງຕໍ່ການຕໍ່ສູ້ຂອງປາແລັສໄຕນ໌ໃນໂລກຂອງພວກມຸສລິມ.
ທ່ານເອີດວານ ທີ່ເປັນແຊ້ມປຽນໃນເລື້ອງຂອງອິສລາມຜູ້ນຶ່ງໄດ້ອອກປາກອອກສຽງຕໍາໜິ ການດໍາເນີນຄວາມພະຍາຍາມໃນການເຮັດສົງຄາມຂອງອິສຣາແອລ ແລະເປັນຜູ້ສະຫນັບ ສະຫນູນຢ່າງເດັດດ່ຽວຕໍ່ການເປັນເອກະລາດຂອງປາແລສໄຕນ໌. ທ່ານເອີດວານ ໄດ້ເອີ້ນກຸ່ມ ຮາມາສ ຊຶ່ງເປັນກຸ່ມຫົວຮຸນແຮງທີ່ໄດ້ຮັບການໜູນຫຼັງຈາກອີຣ່ານ ທີ່ດໍາເນີນການຢູ່ເຂດ ກາຊາ ວ່າເປັນກຸ່ມປົດປ່ອຍຊາດ.
ກຸ່ມຮາມາສໄດ້ຈຸດປະກາຍສົງຄາມກັບອິສຣາແອລໃນປັດຈຸບັນ ໂດຍການໂຈມຕີຢ່າງຮ້າຍແຮງຢູ່ໃນພາກໃຕ້ຂອງອິສຣາແອລເມື່ອວັນທີ 7 ຕຸລາ 2023, ເຊິ່ງໄດ້ສັງຫານ 1,200 ຄົນ, ຊຶ່ງສ່ວນຫຼາຍແມ່ນພົນລະເຮືອນ. ກຸ່ມຮາມາສໄດ້ຈັບປະມານ 200 ຄົນໄປເປັນຕົວປະກັນໃນລະຫວ່າງການໂຈມຕີນັ້ນ. ພວກເຂົາເຈົ້າສ່ວນຫຼາຍແລ້ວຍັງບໍ່ສາມາດຕິດຕໍ່ພົວພັນ ກັບໃຜ ໄດ້ເລີຍ, ແລະຄອບຄົວກໍບໍ່ຮູ້ກ່ຽວກັບຊະຕາກໍາຂອງເຂົາເຈົ້າເລີຍ.
ເຊັ່ນດຽວກັນ ທ່ານເອີດວານ ຍັງໄດ້ຄັດຄ້ານການສົ່ງກຳປັ່ນບັນທຸກໂຈມຕີຂອງສະຫະລັດ 2 ກຸ່ມໄປຍັງທະເລເມດີແຕຣາເນຕາເວັນອອກ ເພື່ອແນໃສ່ສະກັດກັ້ນການກະທຳທີ່ເປັນປໍລະປັກຕໍ່ອິສຣາແອລ ໂດຍສະເພາະແມ່ນອີຣ່ານ ແລະກຸ່ມເຮສໂບລາ. ທ່ານເອີດວານກ່າວອ້າງວ່າ ແບບຜິດໆວ່າ ພວກເຂົາເຈົ້າຈະໄປ "ຕີເຂດກາຊາ."
ປະທານາທິບໍດີອີຣ່ານ ທ່ານອີບຣາຮີມ ເຣຊີ (Ebrahim Raisi) ກໍໄດ້ພະຍາຍາມໝູນໃຊ້ການກະທຳຂອງຮູຕີເຊັ່ນກັນ ເພື່ອເປັນການສະແດງເຖິງຄວາມສາມັກຄີ ກັບປາແລສໄຕນ໌, ໂດຍກ່າວອ້າງວ່າ ການໂຈມຕີຂອງສະຫະລັດໄດ້ຖືກ “ປະຕິເສດ ແລະຕຳໜິຕິຕຽນຈາກບັນ ດາປະເທດທີ່ສະແຫວງຫາເສລີພາບຂອງໂລກ.”
ຣັດເຊຍທີ່ເປັນພັນທະມິດຂອງອີຣ່ານ ກໍໄດ້ກ່າວຫາຝ່າຍຕາເວັນຕົກເຊັ່ນກັນວ່າເພີ່ມທະວີຄວາມເຄັ່ງຕຶງເພື່ອໃຫ້ບັນລຸ “ເປົ້າໝາຍໃນການທຳລາຍລ້າງຜານ” ຂອງຕົນ, ໂດຍກ່າວອ້າງວ່າ ການໂຈມຕີຂອງສະຫະລັດຕໍ່ພວກຮູຕີສະແດງໃຫ້ເຫັນເຖິງ “ການບໍ່ເຄົາລົບກົດໝາຍສາກົນຢ່າງສິ້ນເຊີງເລີຍ.”
ໃນທາງກົງກັນຂ້າມ, ລັດຖະບານຂອງເຢເມນທີ່ໄດ້ຮັບການຍອມຮັບຈາກສາກົນ ເຊິ່ງໄດ້ມີສ່ວນຮ່ວມກັບກຸ່ມຮູຕີໃນການຂັດແຍ້ງທີ່ແກ່ຍາວມາໄດ້ເກືອບໄດ້ນຶ່ງທົດສະວັດແລ້ວນັ້ນ ກັບຖິ້ມໂທດໃສ່ພວກຫົວຮຸນແຮງທີ່ສະຫນັບສະຫນູນໂດຍອີຣ່ານວ່າໄດ້ກະຕຸ້ນໃຫ້ມີການໂຈມຕີຢູ່ໃນດິນແດນຂອງເຢເມນ.
"ຈໍາເປັນ, ເໝາະສົມ, ແລະຖືກເປົ້າຫມາຍ"
ໃນວັນທີ 10 ມັງກອນຜ່ານມານີ້, ສະພາຄວາມໝັ້ນຄົງອົງການສະຫະປະຊາຊາດໄດ້ຮັັບ ຮອງ ເອົາມະຕິທີ່ກ່າວປະນາມໂດຍ "ຄໍາເວົ້າທີ່ແຮງທີ່ສຸດ" ຕໍ່ການໂຈມຕີຫຼາຍສິບເທື່ອຂອງກຸ່ມ ຮູຕີໃສ່ພວກເຮັດການຄ້າ ແລະກຳປັ່ນການຄ້າ ນັບແຕ່ວັນທີ 19 ພະຈິກຜ່ານມາ.
ກ່ອນໜ້ານັ້ນ ນຶ່ງມື້, ພວກຮູຕີໄດ້ທຳການໂຈມຕີຄັ້ງໃຫຍ່ທີ່ສຸດຢູ່ທະເລແດງ ເທົ່າທີ່ມີມາ ຮອດປັດຈຸບັນນີ້ ຊຶ່ງສ້າງສະຖານະການທີ່ຫົວໜ້າປ້ອງກັນປະເທດຂອງອັງກິດເອີ້ນວ່າ “ບໍ່ຍືນຍົງ.”
ມະຕິຂອງສະຫະປະຊາຊາດໄດ້ຮຽກຮ້ອງໃຫ້ພວກຮູຕີຍຸຕິການໂຈມຕີດັ່ງກ່າວໃນທັນທີ ແລະ ໃຫ້ປ່ອຍກຳປັ່ນການຄ້າ Galaxy Leader ທີ່ຕິດທຸງບາຮາມາສ ແລະ ລູກເຮືອຂອງມັນ ທີ່ ພວກຮູຕີໄດ້ຈີ້ເອົາໄປໃນເດືອນພະຈິກຜ່ານມານັ້ນ.
ມະຕິດັ່ງກ່າວຍັງໄດ້ຢືນຢັນສິດເສລີພາບໃນການເດີນເຮືອ ແລະ ເສລີພາບຂອງພວກເຮັດ ການຄ້າ ແລະ ກໍາປັ່ນການຄ້າພາຍໃຕ້ກົດໝາຍສາກົນ. ມັນໄດ້ຮັບຮູ້ກ່ຽວກັບສິດຂອງປະເທດສະມາຊິກຂອງສະຫະປະຊາຊາດພາຍໃຕ້ກົດຫມາຍສາກົນ "ໃນການປ້ອງກັນກໍາປັ່ນຂອງເຂົາເຈົ້າບໍ່ໃຫ້ຖືກໂຈມຕີ, ລວມທັງການບ່ອນທໍາລາຍສິດແລະເສລີພາບໃນການເດີນເຮືອ ອີກດ້ວຍ."
ພວກຮູຕີໄດ້ປະຕິເສດບໍ່ຍອມຍຸຕິການໂຈມຕີຂອງພວກເຂົາ ໂດຍເອີ້ນມະຕິຂອງອົງການສະຫະປະຊາຊາດວ່າ ເປັນ "ເກມທາງດ້ານການເມືອງ" ແລະໄດ້ເຮັດໃຫ້ຄົນເບິ່ງການໂຈມຕີໃສ່ກໍາປັ່ນພົນລະເຮືອນ ຄືວ່າມັນເປັນ "ການປ້ອງກັນທີ່ຖືກຕ້ອງຊອບທໍາ."
ການໂຈມຕີຂອງສະຫະລັດກັບອັງກິດໄດ້ເກີດຂຶ້ນບໍ່ດົນຫຼັງຈາກນັ້ນ, ແລະນາຍົກລັດຖະມົນຕີອັງກິດ, ທ່ານຣີຊີ ຊູນາກ (Rishi Sunak) ໄດ້ພັນລະນາການຕອບໂຕ້ດັ່ງກ່າວວ່າ "ຈຳເປັນ, ເໝາະສົມ, ແລະຖືກເປົ້າໝາຍ", ໂດຍໃຫ້ເຫດຜົນວ່າ ການໂຈມຕີທີ່ເພີ່ມທະວີຂຶ້ນຂອງ ກຸ່ມຮູຕີກໍາລັງ "ເຮັດໃຫ້ຊີວິດຂອງຜູ້ບໍລິສຸດຕົກຢູ່ໃນຄວາມສ່ຽງ ... ລົບກວນເສດຖະ ກິດໂລກ, ... ເຮັດໃຫ້ຂົງເຂດນັ້ນຂາດສະຖຽນລະພາບ.”
ການຕອບໂຕ້ແບບຈຳກັດຂອງສະຫະລັດກັບອັງກິດ ໂດຍນຳໃຊ້ອາວຸດນຳວິຖີທີ່ແມ້ນຢໍາ, ໃຫ້ໄປຖືກພຽງແຕ່ຊັບສິນທາງທະຫານທີ່ໃຊ້ໃນການໂຈມຕີຕໍ່ກຳປັ່ນພົນລະເຮືອນເທົ່ານັ້ນ.
ພວກຮູຕີໄດ້ຢືນຢັນວ່າ ການໂຈມຕີເຫຼົ່ານັ້ນ ໄດ້ສັງຫານນັກລົບຂອງເຂົາ 5 ຄົນ ແລະເຮັດໃຫ້ບາດເຈັບອີກ 6 ຄົນ. ບໍ່ມີລາຍງານກ່ຽວກັບຄວາມເສຍຫາຍຕໍ່ພົນລະເຮືອນ ຫຼືໂຄງລ່າງພື້ນຖານຂອງພົນລະເຮືອນແຕ່ຢ່າງໃດ.
ທັງຍັງບໍ່ໄດ້ມີຄວາມພະຍາຍາມແນໃສ່ພວກຜູ້ນໍາຂັ້ນອະວຸຂອງໂສຮູຕີເລີຍ ຫລື ຖ້າບໍ່ດັ່ງນັ້ນແລ້ວ ກໍຈະຍົກເລີກການຢຸດຍິງລະຫວ່າງພວກຮູຕີທີ່ຄວບຄຸມປະມານ 1/3 ຂອງອານາເຂດ ທີ່ມີພົນລະເມືອງຫລາຍທີ່ສຸດຂອງເຢເມນ, ແລະແນວໂຮມທີ່ນຳພາໂດຍຊາອຸດີ ທີ່ ໃຫ້ການສະໜັບສະໜູນ ແກ່ລັດຖະບານເຢເມນທີ່ໄດ້ຖືກຮັບຮູ້ຈາກສາກົນ.
ການຢຸດຍິງທີ່ໄດ້ຮັບການໄກ່ເກ່ຍໂດຍສະຫະປະຊາຊາດນັ້ນ ທີ່ໄດ້ຖືກຕັດອອກໃນເດືອນເມສາປີ 2022 ຫຼັງຈາກມີການຕໍ່ສູ້ກັນຫຼາຍປີນັ້ນ ຍັງຄົງຢູ່ໃນພື້ນຖານທີ່ມີຄວາມສັ່ນຄອນ.
ເອົາສິ່ງທີ່ເຂົາຢາກໄດ້ ໃຫ້ໄປຢູ່ໃນກໍາມືຂອງເຂົາພໍດີເລີຍບໍ່?
ທ່ານອີບຣາຮີມ ຈາລາລ (Ibrahim Jalal), ນັກຄົ້ນຄວ້າດ້ານຄວາມໝັ້ນຄົງ, ການຂັດແຍ້ງແລະການປ້ອງກັນຊາດຂອງເຢເມນ ແລະເປັນນັກຄົ້ນຄວ້າທີ່ບໍ່ໄດ້ປະຈໍາຢູ່ທີ່ສະຖາບັນພາກຕາເວັນອອກກາງຂອງວໍຊິງຕັນໃຫ້ເຫດຜົນວ່າ ໃນຂະນະທີ່ສະຫະລັດຊອກຫາວິທີທາງຫຼຸດຜ່ອນຄວາມເຄັ່ງຕຶງກັບຝ່າຍຮູຕີ, ແຕ່ຮູຕີມີເຈດຕະນາທີ່ຈະກະຕຸ້ນໃຫ້ເກີດການຕອບໂຕ້ດ້ວຍການໃຊ້ອາວຸດຈາກວໍຊິງຕັນ ເພື່ອຍົກສູງບົດບາດທາງດ້ານການເມືອງຂອງເຂົາ.
ທ່ານໃຫ້ເຫດຜົນວ່າ “ການແຊກແຊງຂອງສາກົນຈະເຮັດໃຫ້ພວກເຂົາສາມາດລະດົມປະຊາ ຊົນໃຫ້ສະໜັບສະໜູນເຂົາເພີ້ມອີກ ສໍາລັບການສູ້ລົບ ຢູ່ພາຍໃນປະເທດທີ່ຍັງບໍ່ທັນສິ້ນສຸດ ລົງເທື່ອ ພ້ອມທັງເພີ່ມທະວີຖານສະໜັບສະໜູນທີ່ໂດ່ງດັງຢູ່ຕ່າງປະເທດ ທັງຢູ່ໃນໂລກອາຣັບ ແລະອິສລາມອີກດ້ວຍ.”
ທ່ານເຈີຣອລ ຟາຍເອີສໄຕນ໌ (Gerald Feierstein), ອະດີດເອກອັກຄະລັດຖະທູດສະຫະ ລັດປະຈໍາເຢເມນ ໄດ້ກ່າວເຕືອນວ່າ ບໍ່ໃຫ້ເອົາ “ສິ່ງທີ່ພວກຮູຕີຢາກໄດ້ແທ້ໆ” ໄປໃຫ້ພວກ ເຂົາໂດຍຜ່ານການຕອບໂຕ້ທາງທະຫານ.
ທ່ານຟາຍເອີສໄຕນ໌ ກ່າວຕໍ່ອົງການຂ່າວຣອຍເຕີ້ສ (Reuters) ວ່າ ໂດຍທີ່ຕົກເປັນເປົ້າໝາຍການໂຈມຕີຂອງວໍຊິງຕັນມັນໄດ້ຍົກສູງພາບພົດຂອງກຸ່ມຮູຕີ, ເຮັດໃຫ້ພວກເຂົາເຂົ້າໄປຢູ່ໃນ "ການເປັນພັນທະມິດອັນດັບນຶ່ງຂອງອີຣ່ານຢູ່ໃນ 'ແກນ' ຂອງການຕໍ່ຕ້ານ'.”
ບັນດາເຈົ້າໜ້າທີ່ສະຫະລັດກ່າວຕໍ່ໜັງສືພິມ New York Times ວ່າ ການໂຈມຕີດັ່ງກ່າວໄດ້ຖືກດັດປັບຢ່າງລະມັດລະວັງ ເພື່ອເປັນການສົ່ງຄຳເຕືອນແຕ່ບໍ່ໄດ້ຂະຫຍາຍການຂັດ ແຍ້ງ ໃຫ້ແຜ່ລາມອອກໄປ.
ແຕ່ຢ່າງໃດກໍ່ຕາມ ທ່ານນາງເອລີຊາເບັດ ເຄນໂດລ (Elisabeth Kendall), ຜູ້ຊ່ຽວຊານດ້ານ ບັນຫາໃນຕາເວັນອອກກາງຂອງມະຫາວິທະຍາໄລອອກຝອດ (Oxford) ກ່າວຕໍ່ ໜັງສືພິມຝຣັ່ງ 24 ເວັ້ນເສຍແຕ່ວ່າ ການໂຈມຕີທາງອາກາດໄປຖືກພື້ນຖານໂຄງລ່າງດ້ານການທະຫານທີ່ຈໍາເປັນຢ່າງຫຼວງຫຼາຍແທ້ໆ ໃນການດໍາເນີນການໂຈມຕີຢູ່ທະເລແດງ, ການຕອບໂຕ້ຂອງສະຫະລັດກັບອັງກິດອາດຈະເປັນ "ການຊ່ວຍພວກເຂົາຊໍ້າໄປ."
ທ່ານນາງກ່າວວ່າ "[ການໂຈມຕີ] ຈະເຮັດໃຫ້ພວກເຂົາຄຽດແຄ້ນ, ໂກດແຄ້ນຕໍ່ພວກນີ້ ແລະເປັນການປ້ອນສິ່ງທີ່ເຮັດໃຫ້ເຂົາ ສາມາດເວົ້າໄດ້ຫລາຍຂຶ້ນວ່າ ເຂົາເປັນຜູ້ປົກປ້ອງຜູ້ທີ່ຖືກກົດຂີ່ຂົ່ມເຫັງ, ໂດຍສະເພາະແມ່ນພວກທີ່ຢູ່ໃນເຂດກາຊາ, ຕໍ່ຕ້ານຈັກກະພັດຕາເວັນຕົກ - ອາເມຣິກາ, ອິສຣາແອລ ແລະພັນທະມິດຂອງພວກເຂົາ,".
