ສະມາຊິກສະພາຕໍ່າສະຫະລັດ ທີ່ສັງກັດພັກຣີພັບບລິກັນ ແລະ
ເດໂມແຄຣັດ ຮ່ວມກັນໃນວັນອັງຄານວານນີ້ ຮັບຜ່ານຮ່າງກົດ
ໝາຍ ທີ່ຊອກຫາຊ່ອງທາງເພື່ອ ປະຕິເສດບໍ່ໃຫ້ລັດຖະບານພຽງ
ຢາງ ໄດ້ຮັບເງິນຕາ ທີ່ຕົນຕ້ອງການໃຊ້ ໃນໂຄງ ການອາວຸດນິວ
ເຄລຍ ໂດຍທຳການລົງໂທດໜັກຂື້ນ.
ຮ່າງກົດໝາຍທີ່ຮ້ອງວ່າ ຮ່າງຂໍ້ບັງຄັບໃນການລົງໂທດຕໍ່ເກົາຫລີ
ເໝືອ ແມ່ນເບິ່ງ ກັນວ່າ ເປັນການຕອບໂຕ້ຕໍ່ເກົາຫລີເໝືອ ທີ່ໄດ້
ປະກາດໃນອາທິດແລ້ວນີ້ ກ່ຽວ ກັບການທົດລອງລະເບີດໄຮ
ໂດຣເຈັນ ຊຶ່ງເປັນອາວຸດນິວເຄລຍທີ່ໃຊ້ຄວາມຮ້ອນ ທີ່ສາມາດ
ສ້າງຄວາມເສຍຫາຍຢ່າງຮ້າຍແຮງໄດ້ນັ້ນ. ການກ່າວອ້າງດັ່ງ
ກ່າວໄດ້ ກໍ່ໃຫ້ເກີດມີຄວາມສົງໄສ ໃນຂະນະທີ່ບັນດາຜູ້ຊ່ຽວຊານຢູ່ນອກປະເທດ ກ່າວວ່າ ເກົາຫລີເໜືອ ໄດ້ທຳການທົດລອງລະເບີດປະລະມານູຢ່າງແທ້ຈິງເປັນເທຶ່ອທີສີ່ ທີ່ມີຄວາມ
ແຮງນ້ອຍກວ່ານິວເຄລຍ.
ແຕ່ວ່າ ຄວາມສົງໄສເຫລົ່ານັ້ນບໍ່ໄດ້ຢຸດຢັ້ງສະພາຕໍ່າສະຫະລັດ ຈາກການຮັບຜ່ານຮ່າງ
ກົດໝາຍລົງໂທດ ດ້ວຍການລົງຄະແນນສຽງ 418 ຕໍ່ 2.
ໃນການອະພິປາຍກັນກ່ອນການລົງຄະແນນສຽງນັ້ນ ປະທານຄະນະກຳມະການ ກິດຈະ
ການຕ່າງປະເທດຂອງສະພາຕ່ຳ ທີ່ພັກຣີພັບບລິກັນ ທ່ານ Ed Royce ກ່າວວ່າ ການທົດ
ລອງປະລະມານູ ຄັ້ງທີສີ່ຂອງເກົາຫລິເໜືອ ພຽງຢ່າງດຽວນັ້ນກໍໄດ້ສ້າງຄວາມເປັນຫ່ວງ
ພຽງພໍໃຫ້ແກ່ສະຫະລັດແລະພັນທະມິດ. ທ່ານRoyce ກ່າວວ່າ ໄພຂົ່ມຂູ່ຈາກຄວາມ
ກ້າວໜ້າໃນດ້ານນິວເຄລຍຂອງເກົາຫລີເໜືອແມ່ນຮັບເອົາບໍ່ໄດ້ ແລະສະພາຄວນເປັນ
ຜູ້ນຳພາ.
ຄວາມສຳຄັນທີ່ຮ່າງກົດໝາຍສະບັບນີ້ຈະເຮັດກໍແມ່ນແນໃສ່ເພື່ອກົດດັນທາງດ້ານ ການ
ເງິນແລະເສດຖະກິດ ເພື່ອໂດດດ່ຽວທ່່ານກິມຈົງອຸນແລະເຈົ້າໜ້າທີ່ອະວຸໂສ ຂອງທ່ານບໍ່
ໃຫ້ສາມາດເຂົ້າເຖິງຊັບສິນທີ່ເຂົາເຈົ້າມີຢູ່ໃນທະນາຄານຕ່າງປະເທດ ແລະເງິນຕາທີ່ຊ່ອຍ
ຄ້ຳຈຸນການປົກຄອງຂອງພວກເຂົານັ້ນ.
