ການດຳເນີນຄະດີຂອງບຸກຄົນສຳຄັນດ້ານສື່ສັງຄົມທ່ານ ຈິມມີ ລາຍ ສຳລັບ “ການສົມຮູ້ຮ່ວມຄິດເພື່ອລວມຫົວກັບກຳລັງຕ່າງປະເທດ” ແລະ “ການສົມຮູ້ຮ່ວມຄິດເພື່ອເຜີຍແຜ່ການຍຸແຍ່” ແມ່ນມີກຳນົດທີ່ຈະແກ່ຍາວດົນກວ່າ ທີ່ໄດ້ວາງແຜນໄວ້ໃນເບື້ອງຕົນ 80 ວັນ. ມາຮອດວັນພະຫັດວານນີ້, ເຊິ່ງເປັນວັນທີ 73 ຂອງການດຳເນີນຄະດີ, ມີພະຍານພຽງ 6 ຈາກ 14 ຄົນໄດ້ມີແຜນທີ່ຈະໃຫ້ປາກຄຳ.
ທ່ານ ລາຍ, ອາຍຸ 76 ປີ, ຜູ້ກໍ່ຕັ້ງບໍລິສັດ Next Media ຂອງ ຮົງກົງ ແລະ ສາມບໍລິສັດທີ່ເປັນເຈົ້າຂອງໂດຍໜັງສືພິມ Apple Daily, ເຊິ່ງໄດ້ປິດການປະຕິບັດການເກືອບສາມປີແລ້ວ, ໄດ້ຖືກຕັ້ງຂໍ້ຫາພາຍໃຕ້ກົດໝາຍຄວາມໝັ້ນຄົງແຫ່ງຊາດຂອງ ຈີນ ສະບັບຂອງ ຮົງກົງ.
ທ່ານ ລາຍ ແລະ ໜັງສືພິມຂອງທ່ານໄດ້ສະໜັບສະໜູນການເຄື່ອນໄຫວສະໜັບສະໜູນປະຊາທິປະໄຕໃນປີ 2019, ເຊິ່ງກົດໝາຍທີ່ເປັນບັນຫານັ້ນໄດ້ຖືກໃຊ້ເພື່ອປາບປາມ.
ຖ້າຖືກພົບວ່າມີຄວາມຜິດ, ທ່ານອາດຖືກຕັດສິນໂທດຂັງຄຸກຕະຫຼາດຊີວິດ. ທ່ານ ລາຍ, ຜູ້ທີ່ຍັງມີສັນຊາດ ອັງກິດ, ໄດ້ສາລະພາບວ່າບໍ່ມີຄວາມຜິດຕໍ່ທຸກຂໍ້ກ່າວຫາ.
ການດຳເນີນຄະດີ, ເຊິ່ງດຳເນີນໂດຍຜູ້ພິພາກສາສາມຄົນທີ່ຖືກແຕ່ງຕັ້ງພາຍໃຕ້ກົດໝາຍຄວາມໝັ້ນຄົງແຫ່ງຊາດ, ໄດ້ເລີ່ມຂຶ້ນເມື່ອວັນທີ 18 ທັນວາ, ຫຼັງຈາກທ່ານ ລາຍ ຖືກຈັບກຸມ, ແລະ ໄດ້ດຳເນີນການຊ້າກວ່າທີ່ຄາດໄວ້.
ໃນລະຫວ່າງການສອບປາກຄຳໂດຍຝ່າຍຈຳເລີຍໃນອາທິດນີ້, ທ່ານ ແຊນ ຊີ-ວາ (Chan Tsz-Wah) ຜູ້ທີ່ຖືກຕັ້ງຂໍ້ຫາພ້ອມກັບທ່ານ ລາຍ ແຕ່ຕອນນີ້ເປັນພະຍານສຳລັບການດຳເນີນຄະດີ, ໄດ້ຍອມຮັບວ່າລາວໄດ້ໃຫ້ການເທັດຕໍ່ບັນດາເຈົ້າໜ້າທີ່ໃນລະຫວ່າງການສຳພາດກັບຕຳຫຼວດໃນເດືອນຕຸລາ 2020, ໂດຍເວົ້າວ່າລາວໄດ້ພະຍາຍາມທີ່ຈະແຍກຕົນເອງອອກຈາກທ່ານ ລາຍ ແລະ ຜູ້ຊ່ວຍສ່ວນຕົວຂອງລາວ.
ບັນດາຜູ້ຊ່ຽວຊານດ້ານກົດໝາຍກວ່າການຍອມຮັບດັ່ງກ່າວຈະເຮັດໃຫ້ທຸກຝ່າຍພິຈາລະນາການໃຫ້ປາກຄຳຂອງທ່ານ ແຊນ ດ້ວຍຄວາມລະມັດລະວັງ, ເຊິ່ງອາດແກ່ຍາວເວລາການຖາມຄຳຖາມທ່ານ.
ທະນາຍຄວາມ ຮົງກົງ ທ່ານ ແຟຣັງກີ ຊິວ ໄດ້ກ່າວຕໍ່ວີໂອເອວ່າ “ສະນັ້ນເວົ້າໂດຍທົ່ວໄປແລ້ວ, ແມ່ນກະທັ້ງຖ້າສານຟັງ ແລະ ຮັບເອົາການໃຫ້ການຂອງລາວ, ມັນຈະເຮັດໃຫ້ຄຳເວົ້າຂອງລາວມີນ້ຳໜັກຫຼາຍປານໃດແມ່ນອີກບັນຫານຶ່ງ.”
ຟໍຣັມສະແດງຄວາມຄິດເຫັນ