ຕຳຫຼວດຮົງກົງໄດ້ປະທະກັນກັບພວກປະທ້ວງໃນເຊົ້າວັນ
ອາທິດມື້ນີ້ ໂດຍໃຊ້ Spray ໝາກເຜັດ ແລະໄມ້ຄ້ອນ ຢູ່
ໃນຄຸ້ມ Mong Kok ຂອງຮົງກົງ ບ່ອນທີ່ມີການປະທະກັນ
ຢ່າງຮຸນແຮງ ລະຫວ່າງພວກນັກສຶກສາຫົວນິຍົມປະຊາທິ
ປະໄຕ ແລະພວກຝ່າຍຄ້ານ ເກີດຂຶ້ນໃນມື້ກ່ອນນັ້ນ.
ໃນແລງວັນເສົາວານນີ້ ບັນດາຜູ້ນຳຂອງສະຫະພັນໃຫຍ່
ຂອງພວກນັກສຶກສາຮົງກົງ ໄດ້ຕົກລົງທີ່ຈະທຳການເຈລະ
ຈາຮອບໃໝ່ກັບເຈົ້າໜ້າທີ່ ຖ້າຫາກທາງລັດຖະບານຮັບ
ປະກັນ ທີ່ຈະໃຫ້ຕຳຫຼວດປົກປ້ອງພວກປະທ້ວງທີ່ຖືກພວກ
ແກ໊ງໂຈມຕີ ໃນເຂດ Mong Kok ໃນວັນສຸກຜ່ານມານັ້ນ.
ພວກຜູ້ນຳຝ່າຍປະທ້ວງຍັງກ່າວຕື່ມວ່າ ພວກພະນັກງານລັດຖະບານຈະໄດ້ຮັບອະນຸຍາດ
ໃຫ້ເຂົ້າໄປໃນໂຮງການໄດ້ໃນວັນຈັນມື້ອື່ນ.
ຫົວໜ້າບໍລິຫານຮົງກົງ ທ່ານ Leung Chun-ying ໄດ້ເຕືອນໃນວັນເສົາວານນີ້ວ່າ ຈະ
ມີການເຄື່ອນໄຫວທີ່ຈຳເປັນທຸກຢ່າງ ເພື່ອຮັບປະກັນໃຫ້ພະນັກງານລັດຖະບານກັບຄືນ
ໄປເຮັດການໄດ້ໃນສັບປະດານີ້.
ພວກປະທ້ວງ ຢູ່ຮົງກົງ ຖອນອອກຈາກ ບາງເຂດ, ວັນທີ 5 ຕຸລາ 2014.
ພວກປະທ້ວງຫຼາຍໝື່ນຄົນ ໄດ້ໂຮມຊຸມນຸມກັນຢູ່ຂ້າງນອກສຳນັກງານໃຫຍ່ຂອງລັດຖະ
ບານຮົງກົງ ໃນເວລາບໍ່ດົນຫຼັງຈາກຄຳຖະແຫຼງຂອງທ່ານ Leung ແລະປະຕິຍານວ່າ ຈະສືບຕໍ່ກົດດັນເພື່ອໃຫ້ມີບົດບາດ ຫຼາຍຂຶ້ນ ໃນການເລືອກເອົາພວກຜູ້ນຳຂອງເຂົາເຈົ້າ. ບັນດາຜູ້ນຳນັກສຶກສາກ່າວວ່າ ພວກເຂົາເຈົ້າເຕັມໃຈທີ່ຈະປ່ອຍໃຫ້ພວກພະນັກງານ ລັດຖະບານກັບຄືນໄປ ຍັງຫ້ອງການຂອງພວກເຂົາເຈົ້າໄດ້ ແຕ່ຈະສືບຕໍ່ການຍຶດຄອງເຂດການເງິນໃນໃຈກາງເມືອງ ຕໍ່ໄປ.
