ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ຝ່າຍ​ຂວາ​ຈັດ ໄດ້​ຮັບ​ໄຊ​ຊະ​ນະ​ຄັ້ງ​ປະ​ຫວັດ​ສາດ ໃນ​ການ​ເລືອກ​ຕັ້​ງ​ຮອບ​ທຳ​ອິດ​ຂອງ ຝ​ຣັ່ງ


ຜູ້​ຂວາ​ຈັດ​ຂອງ ຝ​ຣັ່ງ, ທ່ານ​ນາງ ມາ​ຣີນ ເລີ ເພັນ, ຊ້າຍ, ກ່າວ​ຄຳ​ປາ​ໄສ​ຕໍ່​ຜູ້​ສະ​ໜັບ​ສະ​ໜູນຫຼັງ​ຈາກ​ສະ​ຖານ​ທີ່​ປ່ອນ​ບັດ​ໄດ້​ປິດ​ລົງ ໃນ​ລະ​ຫວ່າ​ງ​ການ​ເລືອກ​ຕັ້ງ​ສະ​ພາ​ແຫ່ງ​ຊາດ ຢູ​ໂຣບ, ນະ​ຄອນຫຼວງ ປາ​ຣີ, ຝ​ຣັ່ງ, 9 ມິ​ຖຸ​ນາ 2024.
ຜູ້​ຂວາ​ຈັດ​ຂອງ ຝ​ຣັ່ງ, ທ່ານ​ນາງ ມາ​ຣີນ ເລີ ເພັນ, ຊ້າຍ, ກ່າວ​ຄຳ​ປາ​ໄສ​ຕໍ່​ຜູ້​ສະ​ໜັບ​ສະ​ໜູນຫຼັງ​ຈາກ​ສະ​ຖານ​ທີ່​ປ່ອນ​ບັດ​ໄດ້​ປິດ​ລົງ ໃນ​ລະ​ຫວ່າ​ງ​ການ​ເລືອກ​ຕັ້ງ​ສະ​ພາ​ແຫ່ງ​ຊາດ ຢູ​ໂຣບ, ນະ​ຄອນຫຼວງ ປາ​ຣີ, ຝ​ຣັ່ງ, 9 ມິ​ຖຸ​ນາ 2024.

ທ່ານ​ນາງ ມາ​ຣີນ ເລີ​ ເພັນ, ນັກ​ການ​ເມືອງ​ຂວາ​ຈັດຂອງ​ພັກ ການ​ຊຸ​ມ​ນຸມ​ແຫ່ງ​ຊາດຫຼື RN, ໄດ້​ຮັບ​ໄຊ​ຊະ​ນະ​ຄັ້​ງ​ປະ​ຫວັດ​ສາດ​ໃນ​ຮອບ​ທຳ​ອິດ​ຂອງ​ການ​ເລືອກ​ຕັ້ງ​ສະ​ພາ​ແຫ່ງ​ຊາດ ຝ​ຣັ່ງ, ແຕ່​ຜົນ​ອອກ​ມາ​ສຸດ​ທ້າຍ​ຈະ​ຂຶ້ນ​ກັບ​ການ​ສ້າງ​ພັນ​ທ​ະ​ມິດ​ທີ່​ໃຊ້​ເວ​ລາຫຼາຍ​ວັນ ກ່​ອນ​ການ​ເລືອກ​ຕັ້ງ​ຂັ້ນ​ຊີ້​ຂາດ​ຂອງ​ອາ​ທິດ​ໜ້າ.

ພັກ RN ແລະ ພັນ​ທ​ະ​ມິດ​ໄດ້​ຮັບ 33 ເປີ​ເຊັນ​ຂອງ​ຄະ​ແນນ​ສຽງ, ຕາມ​ດ້ວຍ​ກຸ່ມ​ປີກ​ຊ້າຍ​ດ້ວຍ 28 ເປີ​ເຊັນ ແລະ ພັກ​ເປັນ​ກາງ​ຂອງ​ປະ​ທາ​ນາ​ທິ​ບໍ​ດີ ເອັມ​ມາ​ນູ​ແອ​ລ ມາກ​ຣົງ ໄດ້​ຮັບ​ພຽງ 20 ເປີ​ເຊັນ, ຜົນ​ຄະ​ແນ​ນ​ສຸດ​ທ້າຍ​ຈາກ​ກະ​ຊວງ​ພາຍ​ໃນ​ໄດ້​ສະ​ແດງ​ໃຫ້​ເຫັນ​ໃນ​ວັນ​ຈັນ​ມື້ນີ້.

ນັ້ນ​ແມ່ນ​ຄວາມ​ລົ້ມ​ແຫຼວ​ຄັ້ງ​ໃຫຍ່​ສຳ​ລັບ ທ່ານ ມາກ​ຣົງ ຜູ້​ທີ່​ໄດ້​ຮຽກ​ຮ້ອງ​ການ​ເລືອກ​ຕັ້ງ​ກະ​ທັນ​ຫັນ ຫຼັງ​ຈາກ​ພັກ​ຂອງ​ທ່ານໄດ້​ຜ້າຍ​ແພ້​ໃຫ້​ພັກ RN ໃນ​ການ​ເລືອກ​ຕັ້ງ​ສະ​ພາ ຢູ​ໂຣບ ໃນ​ເດືອນ​ທີ່​ຜ່ານ​ມາ.

ແຕ່ບໍ່​ວ່າ​ພັກ RN ທີ່​ຕໍ່​ຕ້ານ​ຄົນ​ເຂົ້າ​ເມືອງ ແລະ ມີ​ຄວາມ​ສົງ​ໄສ​ຕໍ່​ທະ​ວີບ​ຢູ​ໂຣບ ຈະ​ສາ​ມາດ​ຕັ້ງ​ລັດ​ຖະ​ບານ​ຂຶ້ນ​ມາ​ໄດ້​ບໍ່​ນັ້ນ​ ຈະ​ຂຶ້ນ​ກັບ​ການ​ເລືອ​ກ​ຕັ້ງ​ຮອບ​ຕັດ​ສິນ​ຂອງ​ອາ​ທິດ​ໜ້າ ແລະ ພັກ​ອື່ນໆ​ຈະ​ປະ​ສົບ​ຄວາມ​ສຳ​ເລັດ​ໃນ​ການ​ເອົາ​ຊະ​ນະ​ທ່ານ​ນາງ ເລີ​ ເພັນ ແນວ​ໃດ ດ້ວຍ​ການ​ຊ່ວຍ​ກັນ​ສະ​ໜັບ​ສະ​ໜູນ​ຜູ້​ລົງ​ແຂ່ງ​ຂັນ​ທີ່​ດີ​ທີ່​ສຸດ​ໃນ​ເຂດ​ເລືອກ​ຕັ້ງ​ຕ່າງໆ​ທົ່ວ​ ຝ​ຣັ່ງ.

ບັນ​ດາ​ຜູ້​ນຳ​ຂອງ​ພັກ ແນວ​ໜ້າ​ຄວາມ​ນິ​ຍົມ​ໃໝ່ ທີ່​ເປັນ​ປີກ​ຊ້າຍ ແລະ ພັນ​ທະ​ມິດ​ເປັນ​ກາງ​ຂອງ​ທ່ານ ມາກ​ຣົງ ໄດ້​ເຮັດ​ໃຫ້​ກະ​ຈ່າງ​ແຈ້ງວ່າ​ເຂົາ​ເຈົ້າ​ຈະ​ຖອນ​ຜູ້​ລົງ​ແຂ່ງ​ຂັນ​ຂອງ​ເຂົາ​ເຈົ້າ​ໃນ​ເຂດ​ຕ່າງໆ​ອອກ ບ່ອນ​ທີ່​ຜູ້​ລົງ​ແຂ່ງ​ຂັນ​ອີກ​ຄົນ​ນຶ່ງ ມີ​ຕຳ​ແໜ່ງ​ດີກວ່າ​ທີ່​ຈະ​ເອົາ​ຊະ​ນະ​ພັກ RN ໃນ​ການ​ເລືອກ​ຕັ້ງ​ຂັ້ນ​ຊີ້​ຂາດ​ຂອງວັນ​ອາ​ທິດ​ໜ້າ.

ພັກ RN ​ທີ່​ຖືກ​ຕັດ​ຂາດ​ສຳ​ລັບຫຼາຍ​ຄົນ​ໃນ ຝ​ຣັ່ງ, ຕອນນີ້​ແມ່ນ​ໄດ້​ຫຍັບ​ໃກ້​ເຂົ້າ​ອຳ​ນາດກວ່າ​ທີ່​ເຂົາ​ເຈົ້າ​ເຄີຍມີ​ມາ​ກ່ອນ. ທ່ານ​ນາງ ເລີ​ ເພັນ ໄດ້​ພະ​ຍາ​ຍາມ​ທີ່​ຈະ​ສະ​ສາງ​ຮູບ​ພາບ​ຂອງ​ພັກ​ການ​ເມືອງ​ນຶ່ງ​ທີ່​ເປັນ​ທີ່​ຮູ້​ຈັກ​ສຳ​ລັບ​ການ​ແບ່ງ​ແຍກ​ເຊື້ອ​ຊາດ​ຜິວ​ພັນ ແລະ ຕໍ່​ຕ້ານ​ຊາວ​ຢິວ, ເຊິ່ງ​ເປັນ​ກົນ​ລະ​ຍຸດ​ທີ່​ໄດ້​ຜົນ​ທ່າມ​ກາງ​ຜູ້​ລົງ​ຄະ​ແນນ​ສຽງ​ທີ່​ບໍ່​ພໍ​ໃຈ​ກັບ​ທ່ານ ມາ​ກ​ຣົງ, ຄ່າ​ຄອງ​ຊີບ​ສູງ ແລະ ຄວາມ​ເປັນ​ຫ່ວງ​ຍິ່ງ​ຂຶ້ນ ກ່ຽວ​ກັບ ຄົນ​ເຂົ້າ​ເມືອງ.

ອ່ານ​ຂ່າວນີ້​ເປັນ​ພາ​ສາ​ອັງ​ກິດ

Marine Le Pen's far-right National Rally (RN) party scored historic gains to win the first round of France's parliamentary election, but the final outcome will depend on days of alliance-building before next week's run-off vote.

The RN and allies had 33% of the vote, followed by a leftwing bloc with 28% and President Emmanuel Macron's centrists with just 20%, official results from the interior ministry showed on Monday.

That was a huge setback for Macron who had called the snap election after his ticket was trounced by the RN in European Parliament elections last month.

But whether the anti-immigrant, eurosceptic RN will be able to form a government will depend on next week's decisive round and how successfully other parties manage to thwart Le Pen by rallying round the best-placed rival candidates in constituencies across France.

Leaders of both the leftwing New Popular Front and Macron's centrist alliance made clear on Sunday night they would withdraw their own candidates in districts where another candidate was better placed to beat the RN in next Sunday's runoff.

A longtime pariah for many in France, the RN is now closer to power than it has ever been. Le Pen has sought to clean up the image of a party known for racism and antisemitism, a tactic that has worked amid voter anger at Macron, the high cost of living and growing concerns over immigration.

ຟໍຣັມສະແດງຄວາມຄິດເຫັນ

XS
SM
MD
LG