ເບິ່ງວີດີໂອ ພາສາລາວ:
ກໍເຊັ່ນດຽວກັນກັບກ້າມເນື້ອຂອງຮ່າງກາຍເຮົາ ທີ່ຫົດໂຕລົງຍ້ອນບໍ່ມີອາຫານບໍາລຸງພຽງພໍ
ນັ້ນ ການສຶກສາຄົ້ນຄວ້າໃໝ່ທີ່ເຮັດຂຶ້ນກັບພວກຄົນທີ່ມີອາຍຸ 65 ປີ ຂຶ້ນໄປນັ້ນ ເວົ້າວ່າ
ສະໝອງຂອງຄົນເຮົາ ຈະເລີ້ມຫົດຕົວລົງ ເວລາຮ່າງ ກາຍຂອງເຮົາບໍ່ໄດ້ຮັບໄວຕາມິນ ບີ
12 ຢ່າງພຽງພໍ. ດຣ. ໄມເກິ້ລ ຢໍເຈິລເສິນ (Michael Yochelson) ຊຶ່ງເປັນນັກຊ່ຽວຊານ
ດ້ານສະໝອງແລະປະສາດ ແລະເປັນຫົວໜ້າເຈົ້າໜ້າທີ່ການແພດ ທີ່ໂຮງໝໍຟື້ນຟູຮ່າງກາຍ
ແຫ່ງຊາດ ທີ່ນະຄອນຫລວງວໍຊີງຕັນ ກ່າວວ່າ:
“ໄວຕາມິນ ບີ 12 ເປັນສ່ວນປະກອບສໍາຄັນອັນນຶ່ງຂອງສານເຄມີທີ່ສົ່ງສັນ ຍານທາງປະສາດຢູ່ໃນສະໝອງ ແລະເປັນພາກສ່ວນນຶ່ງຂອງສານບໍາລຸງ ທີ່ຈໍາເປັນຕໍ່ແຊລຂອງສະໝອງ ຂອງເສັ້ນປະສາດ ຫລື ເຊລຂອງເສັ້ນປະ
ສາດ ຢູ່ໃນສະໝອງ.”
ດຣ. ໄມເກິ້ລ ຢໍເຈິລເສິນ (Michael Yochelson) ເປັນນັກຊ່ຽວຊານດ້ານສະໝອງແລະປະສາດ ແລະຫົວໜ້າເຈົ້າໜ້າທີ່ການແພດ ທີ່ໂຮງໝໍຟື້ນຟູຮ່າງ ກາຍແຫ່ງຊາດ ທີ່ນະຄອນ
ຫລວງວໍຊີງຕັນ.
ດຣ. ໄມເກິ້ລ ຢໍເຈິລເສິນ ອະທິບາຍວ່າ ການກ່ຽວພັນກັນລະຫວ່າງການຂາດໄວຕາມິນ ບີ 12 ແລະການຫລຸດລົງຂອງບໍລິມາດຂອງສະໝອງ ແມ່ນເປັນເລື້ອງສໍາຄັນທີ່ຄວນຮູ້ໄວ້ ເພາະໄວຕາມິນຊະນິດນີ້ ມີບົດບາດສໍາຄັນຍິ່ງຕໍ່ປະສາດຮັບຮູ້ແລະເຂົ້າໃຈຕ່າງໆ.
ດຣ. ມາທາ ແຄລ ມໍຣິສ
(Martha Claire Morris)
ຊຶ່ງເປັນຜູ້ນຶ່ງທີ່ຮ່ວມຂຽນລາຍ
ງານກ່ຽວກັບການຄົ້ນຄວ້ານີ້
ໄດ້ໂອ້ລົມກັບພວກເຮົາ ຜ່ານ
ສະໄກ້ພ໌ (Skype) ທາງອິນ
ເຕີເນັດ. ທ່ານນາງເວົ້າວ່າ:
“ພວກເຮົາໄດ້ພົບເຫັນຫລັກ
ຖານ ທີ່ສະແດງໃຫ້ເຫັນວ່າ
ການຂາດໄວຕາມິນ ບີ
12 ແມ່ນມີການກ່ຽວເນື່ອງ
ກັບການເຮັດໃຫ້ສະໝອງມີ
ຂະໜາດນ້ອຍລົງ ແລະກ່ຽວພັນກັບການມີລະດັບຄວາມໜາແໜ້ນເພີ້ມຂຶ້ນສູງຜິດ
ປົກກະຕິຂອງພາກສ່ວນ ທີ່ເປັນສີຂາວ ຢູ່ໃນຮູບຂອງສະໝອງ. ພວກເຮົາຍັງພົບ
ອີກວ່າ ການຂາດໄວຕາມິນບີ 12 ມີການກ່ຽວພັນກັບລະດັບທີ່ຕໍ່າລົງ ໃນຄວາມ
ສາມາດຂອງສະໝອງໃນການຮັບຮູ້ແລະເຂົ້າໃຈນັ້ນ ຢູ່ໃນການຄົ້ນຄວ້າອັນນີ້.”
ປາ, ຊີ້ນ, ຜະລິດຕະພັນທີ່ເຮັດດ້ວຍນົມ ແລະອາຫານຕ່າງໆ ທີ່ບັນຈຸທາດໂປຣເຕອິນຢູ່
ຫລາຍນັ້ນ ແມ່ນເປັນແຫລ່ງໄວຕາມິນ ບີ 12 ທີ່ດີ. ດຣ. ໄມເກິ້ລ ຢໍເຈິລເສິນ ນັກຊ່ຽວ
ຊານດ້ານສະໝອງ ໃຫ້ຂໍ້ສັງເກດວ່າ ອາຫານທີ່ ມາຈາກພືດຜັກ ແລະອາຫານທີ່ມີທາດ
ຄາໂບໄຮເດຣດ ຫລືທາດແປ້ງສູງນັ້ນ ໂດຍທົ່ວໄປແລ້ວ ແມ່ນບໍ່ມີໄວຕາມິນ ບີ 12.
ທ່ານເຊື່ອວ່າ ປະຊາຊົນໃນທົ່ວໂລກ ຄວານກິນຢາໄວຕາມິນ ບີ 12 ເສີມ ຈະເປັນເມັດ, ສັກໃສ່, ຫລືສີດເຂົ້າທາງດັງກໍດີ ເພື່ອປ້ອງກັນບໍ່ໃຫ້ການທໍາງານຂອງສະໝອງເຊື່ອມໂຊມ
ລົງ ດັ່ງທີ່ອະທິບາຍຢູ່ໃນການສຶກສາຄົ້ນຄວ້ານີ້. ທ່ານກ່າວຕໍ່ໄປວ່າ:
“ບົດຮຽນອັນສໍາຄັນທີ່ພວກເຮົາຖອດຖອນໄດ້ຈາກຜົນການຄົ້ນພົບນີ້ ກໍຄື ພວກເຮົາຄວນໄປກວດຮ່າງກາຍເບິ່ງວ່າ ມີການຂາດໄວຕາມິນ ບີ 12 ນີ້ຫລືບໍ່ ຕັ້ງແຕ່ຫົວທີ ເພາະວ່າ ຖ້າຫາກວ່າ ມີຄວາມຫວັງໃນການປິ່ນປົວໄດ້ຢ່າງສໍາເລັດຜົນແລ້ວ ມັນກໍຄວນຈະເປັນການປິ່ນປົວແຕ່ໄວໆ ກ່ອນທີ່ຜູ້ໃດຜູ້ນຶ່ງຈະເລີ້ມມີອາການສະພາບເຊື່ອມໂຊມລົງທາງດ້ານຄວາມສາມາດໃນການໃຊ້ສະໝອງ.”
ດຣ. ໄມເກິ້ລ ຢໍເຈິລເສິນ ເວົ້າວ່າ ການສຶກສາຄົ້ນຄວ້າໃໝ່ນີ້ ຄວນເປັນພື້ນ ຖານໃຫ້ແກ່ການຄົ້ນຄວ້າຕື່ມອີກ ໃນກຸ່ມຊາວໜຸ່ມ ໂດຍສະເພາະແລ້ວແມ່ນຢູ່ໃນທະວີບອາຟຣິກາ, ເຂດເອເຊຍໃຕ້ ແລະ ພາກກາງຂອງທະວີບອາເມຣິກາ, ຊຶ່ງເປັນພວກຂົງເຂດທີ່ມີຄົນ ຂາດແຄນ
ໄວຕາມິນບີ 12 ສູງທີ່ສຸດນັ້ນ.
ເບິ່ງວີດິໂອລາຍງານຂ່າວພາສາອັງກິດ
