ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

WHO ວ່າ ມີ 346 ລ້ານຄົນ ຢູ່ໃນໂລກ ເປັນໂຣກເບົາຫວານ (ເບິ່ງວີດີໂອ)


WHO ວ່າ ມີ 346 ລ້ານຄົນ ຢູ່ໃນໂລກ ເປັນໂຣກເບົາຫວານ (ເບິ່ງວີດີໂອ)
WHO ວ່າ ມີ 346 ລ້ານຄົນ ຢູ່ໃນໂລກ ເປັນໂຣກເບົາຫວານ (ເບິ່ງວີດີໂອ)

ອົງການອະນາໄມໂລກ ຫລື WHO ປະ​ເມີນວ່າ ມີ 346 ລ້ານຄົນ ຢູ່ໃນໂລກ ທີ່ກໍາລັງທົນ ທຸກນໍາການເປັນ​ໂຣກເບົາຫວານ ແລະຄົນເຫລົ່ານີ້ສ່ວນໃຫຍ່ແມ່ນອາໃສຢູ່ປະເທດທີ່ມີລາຍ ​ໄດ້ຕໍ່າຫາປານກາງ. ອົງການ WHO ຄາດຄະ​ເນວ່າ ຖ້າສະພາບການໃນປັດຈຸບັນນີ້ ຫາກ ມີທ່າອ່ຽງ ເປັນໄປຢູ່ແບບນີ້ສືບຕໍ່ໄປ ຈໍານວນຄົນທີ່ເສຍຊີວິດຍ້ອນພະຍາດນີ້ກໍ​ອາດສາມາດ ເພີ້ມຂຶ້ນເປັນສອງເທົ່າ ພາຍ​ໃນປີ 2030 ແລະພວກນັກຊ່ຽວຊານດ້ານການແພດເຕືອນວ່າ ມັນອາດກາຍເປັນ​ໂຣກລະບາດ​ອີກໂຣກນຶ່ງຂອງໂລກ ທີ່ພາໃຫ້ມີຜົນເສຍຫາຍທາງສຸຂະພາບ ແລະເສດຖະກິດຢ່າງໜັກໜ່ວງໄດ້. ຜູ້ສື່ຂ່າວວີໂອເອ Zulima Palacio ມີລາຍລະອຽດກ່ຽວ ກັບ​ເລື້ອງນີ້ ຊຶ່ງທອງ​ປານຈະນໍາມາສະເໜີທ່ານ ​ໃນ​ອັນ​ດັບ​ຕໍ່​ໄປ.


ເບິ່ງວີດີໂອ ລາຍງານພາສາອັງກິດ:

ຟັງລາຍງານພາສາລາວ:

ດຣ. ຊູ ເຄີກແມນ (Sue Kirkman) ແຫ່ງສະມາຄົມເບົາຫວານອາເມຣິກັນກ່າວວ່າ:

ພວກເຮົາມັກຈະຄິດກັນວ່າ ​ໂຣກລະບາດ​ແມ່ນເປັນພວກພະຍາດທີ່ຕິດຕໍ່ໃສ່
ກັນໄດ້ ແຕ່ວ່າ ​ເວລານີ້ ພວກເຮົາກໍາລັງ​ມີ​ໂຣກເບົາຫວານທີ່ລະບາດໄປທົ່ວ
ທຸກມຸມໂລກ
.”

ດຣ. ຊູ ເຄີກແມນ ເປັນຜູ້ວ່າການແທນຫົວໜ້າເຈົ້າໜ້າທີ່ການແພດສໍາລັບສະມາຄົມ
ເບົາຫວານອາເມຣິກັນ. ທ່ານນາງເວົ້າວ່າ ມີຫລາຍລ້ານຄົນ ທີ່ດໍາລົງຊີວິດຢູ່ກັບ​ໂຣກ
ເບົາຫວານ ປະເພດ 2 ຊຶ່ງເປັນປະ​ເພດທີ່ຜູ້ຄົນ ມັກເປັນກັນຫລາຍທີ່ສຸດນັ້ນ ​ໂດຍທີ່
ບໍ່ໄດ້ຮັບການວິນິດ​ໄສ​. ດຣ. ເຄີກແມນ ກ່າວຕື່ມວ່າ:

ຢູ່ສະຫະລັດ ຢ່າງໜ້ອຍ 1 ໃນ 4 ຄົນໃດ​ທີ່ເປັນ​ໂຣກເບົາຫວານປະເພດ 2 ນັ້ນ
ບໍ່ໄດ້ຮັບການວິນິດ​ໄສ. ພວກເຮົາບໍ່ຮູ້ຢ່າງຄັກແນ່ວ່າ ຢູ່ໃນທົ່ວໂລກນັ້ນ ແມ່ນມີ
ຫລາຍປານໃດ ແຕ່ກໍສັນນິຖານວ່າ ​ໂຕ​ເລກ​ອາດ​ສູງ​ກ່ວາ​ນັ້ນຢູ່ໃນຫລາຍໆ ປະເທດ.

​ໂຣກເບົາຫວານປະເພດ 2 ເຮັດໃຫ້ຄວາມສາມາດຂອງຮ່າງກາຍ ໃນການນໍາໃຊ້ທາດ
ອິນຊູລິນ ຊຶ່ງເປັນທາດໂຮໂມນທີ່ຄວບຄຸມລະດັບນໍ້າຕານໃນເລືອດນັ້ນ ເຊື່ອມລົງ.
ພະຍາດນີ້ສາມາດທີ່ຈະທໍາລາຍຫົວໃຈ, ຕາ, ໝາກໄຂ່ຫລັງ, ແລະເສັ້ນປະສາດ​ໄດ້.

ອີງຕາມສູນຄວບຄຸມແລະປ້ອງກັນພະຍາດຂອງສະຫະລັດ ຫລື CDC ຄ່າໃຊ້ຈ່າຍທີ່
ກ່ຽວຂ້ອງກັບ​ໂຣກເບົາຫວານໃນສະຫະລັດແມ່ນປະມານ 174 ພັນລ້ານໂດລາ ຕໍ່ປີ,
ຊຶ່ງສ່ວນໃຫຍ່ແມ່ນຄ່າໃຊ້ຈ່າຍໃນການປິ່ນປົວອາການ​ແຊກ​ຊ້ອນ ແລະການເສຍອົງຄະ
ທີ່ສືບເນື່ອງມາຈາກພະຍາດນີ້.

ດຣ. ອອລໄບຣທ໌ ຫົວໜ້າພະແນກເບົາຫວານຂອງສູນຄວບຄຸມ ແລະປ້ອງກັນພະຍາດຂອງສະຫະລັດ ຫລື CDC
ດຣ. ອອລໄບຣທ໌ ຫົວໜ້າພະແນກເບົາຫວານຂອງສູນຄວບຄຸມ ແລະປ້ອງກັນພະຍາດຂອງສະຫະລັດ ຫລື CDC

ດຣ. ແອນ ອອລໄບຣທ໌ ຫົວໜ້າ
ພະແນກເບົາຫວານຂອງ CDC
ໃຫ້ຄໍາເຫັນວ່າ:

ການປະ​ເມີນອັດຕາຄົນທີ່
ເປັນໂຣກເບົາຫວານໃນສະ
ຫະລັດ​ເວລານີ້ ກໍຄື: 1 ​ໃນ
10 ຄົນໃດ; ເມື່ອພວກເຮົາ
ມອງໄປໃນອານາຄົດ ເຖິງ
ປີ 2050 ນັ້ນ ອັດຕານີ້ ອາດ
ສູງເຖິງ 1 ໃນ 3 ຄື​ໃນ 3 ຄົນໃດ ແມ່ນມີຜູ້ 1 ອາດເປັນພະຍາດເບົາຫວານ.

ດຣ. ອອລໄບຣທ໌ ກ່າວຕໍ່ໄປວ່າ ມີຫລາຍກວ່າ 50 ລ້ານຄົນເປັນ​ໂຣກເບົາຫວານຢູ່ອິນ
ເດຍຕິດຕາມມາດ້ວຍ 40 ລ້ານຄົນຢູ່ຈີນ ແລະປະມານ 26 ລ້ານຄົນ ຢູ່ສະຫະລັດ. ​
ເກືອບ 90% ຂອງຄົນເປັນພະຍາດນີ້ ແມ່ນເປັນໂຣກເບົາຫວານປະເພດ 2 ແລະມີສ່ວນ
ພົວພັນຢ່າງ​ໃກ້ຊິດກັບອາການອ້ວນພີຈົນເກີນໄປ, ອາຍຸແກ່, ແລະກັບປະເດັນດ້ານຊົນ
ຊາດ ແລະຊົນເຜົ່າ. ທ່ານນາງກ່າວຕໍ່​ໄປ​ວ່າ:

ມັນເປັນການສໍາຄັນຫລາຍ ທີ່ພວກເຮົາຈະຕ້ອງຊີ້ໃຫ້ເຫັນວ່າ ພວກຄົນ ທີ່ມີ
ເຊື້ອສາຍເອເຊຍ, ໂດຍສະເພາະແມ່ນເອເຊຍຕາເວັນອອກສ່ຽງໃຕ້ນັ້ນ ​ແມ່ນມັກ
​ເປັນໂຣກເບົາຫວານ ​ໃນ​ລະດັບ​ທີ່​ມີ​ນໍ້າໜັກ​ຕໍ່າ​ກ່ວາ ຄື ພວກເຂົາ​ເຈົ້າ​ມີ​ຄວາມ
​ຫລໍ່​ແຫລມ​ຕໍ່​ການ​ເປັນ​ໂຣກ​ເບົາຫວານ ເຖິງ​ແມ່ນ​ບໍ່​ຕຸ້ຍ​ພີ ຫລືບໍ່ມີນໍ້າໜັກຫລາຍ
ກໍ​ຕາມ.

ພວກນັກວິທະຍາສາດເວົ້າວ່າ ໂຣກອ້ວນພີຈົນເກີນໄປ ແລະການຂາດການອອກກໍາລັງ
ກາຍ ແມ່ນມີ​ສ່ວນປະກອບເຮັດໃຫ້ຈໍານວນກໍລະນີຄົນທີ່ເປັນໂຣກເບົາຫວານເພີ້ມຂຶ້ນ. ​
ເຊ່ນ​ດຽວ​ກັນ ການວິໄຈພົບພະຍາດນີ້ແຕ່ຫົວທີ ຊ່ວຍ​ໃຫ້​ຄົນ​ປ່ວຍມີອາຍຸຍືນຫລາຍຂຶ້ນ.

ດຣ. ເມີລີນ ສະເຕເຕນ (Myrlene Staten) ຊຶ່ງເປັນທີ່ປຶກສາອະ​ວຸ​ໂສ​ປະ​ຈໍາພະແນກ
ຄົ້ນຄວ້າໂຣກເບົາຫວານທີ່ສະຖາບັນສຸຂະພາບແຫ່ງຊາດຂອງສະຫະລັດ ໃຫ້ຄໍາເຫັນວ່າ:

ເດັກນ້ອຍທີ່ເປັນໂຣກອ້ວນພີຈົນເກີນໄປ ມັກຈະເປັນພະຍາດເບົາຫວານອີກດ້ວຍ
ເດັກນ້ອຍທີ່ເປັນໂຣກອ້ວນພີຈົນເກີນໄປ ມັກຈະເປັນພະຍາດເບົາຫວານອີກດ້ວຍ

ສິ່ງທີ່ໜ້າເປັນຫ່ວງຢ່າງໃຫຍ່ ອັນນຶ່ງ
ກ່ຽວກັບ ​ໂຣກເບົາຫວານໃນທຸກມື້ນີ້
ກໍຄືວ່າ ​ເມື່ອ 30 ປີກ່ອນນີ້ ໂຣກເບົາ
ຫວານປະເພດ 2 ບໍ່ໄດ້ເກີດກັບເດັກ
ນ້ອຍ​ເລີຍ ຫລືຖ້າມີ ກໍຫາຍາກຫລາຍ.
ແຕ່ວ່າມາບັດນີ້ ຍ້ອນວ່າເດັກນ້ອຍ
ໃນອາເມຣິກາອ້ວນພີຫລາຍຂຶ້ນ, ພວກ
ເຮົາກໍເລີ້ມປາກົດເຫັນໂຣກເບົາຫວານ
ປະເພດ 2 ຢູ​ໃນໝູ່ເດັກນ້ອຍ ໂດຍສະ
ເພາະແມ່ນໃນໝູ່​ພວກເດັກນ້ອຍທີ່
ເປັນຊົນຊາດສ່ວນນ້ອຍ ຊຶ່ງສ່ວນໃຫຍ່
ກໍແມ່ນ ຊາວອາເມຣິກັນ-ອາຟຣິກາ ແລະອາເມຣິກັນເຊື້ອສາຍຮິສເປັນນິກ ຫລືສະເປນນັ້ນ.

ບໍ່ມີວິທີໃດທີ່ຈະປົວໂຣກເບົາຫວານໄດ້ ແຕ່ພວກທ່ານໝໍແນະນໍາວ່າ ການ​ປັບປ່ຽນແບບແຜນ
ການດໍາລົງຊີວິດ -- ເຊັ່ນວ່າ ຮັກສານໍ້າໜັກໃຫ້ຢູ່ໃນລະດັບທີ່ເຮັດໃຫ້ຮ່າງກາຍສົມບູນດີ ໂດຍ
ການກິນອາຫານໃຫ້ຖືກຕ້ອງ ແລະອອກກໍາລັງກາຍເລື້ອຍໆນັ້ນ ​ແມ່ນເປັນວິທີທີ່ດີທີ່ສຸດ
ໃນການປິ່ນປົວ ແລະປ້ອງກັນພະຍາດນີ້.

XS
SM
MD
LG