ເບິ່ງວີດີໂອ ພາສາລາວ:
ກ່ອນຮອດວັນແຫ່ງຄວາມຮັກ ຫລື Valentine’s Day ນັ້ນ, ຊາວອາເມຣິກັນ ພາກັນຊື້ເຂົ້າໜົມໂຊໂຄແລັດ ຄິດເປັນມູນຄ່າ ປະມານ 700 ລ້ານໂດລາ ຊຶ່ງເປັນເຂົ້າໜົມທີ່ມີລົດອັນຫອມຫວານ, ກົມກ່ອມຄ້າຍນໍ້ານົມ ແລະເຕັມໄປດ້ວຍທາດໄຂມັນນັ້ນ ເພື່ອມອບໃຫ້ເປັນຂອງຂວັນແກ່ກັນແລະກັນ. ຫາກແຕ່ວ່າ ການສຶກສາຄົ້ນຄວ້າເມື່ອໝໍ່ໆມານີ້ ໄດ້ສະແດງ
ໃຫ້ເຫັນວ່າ ໂຊໂຄແລັດທີ່ເປັນສີຄໍ້າຫລືດໍາ ສາມາດມີຜົນດີຕໍ່ຫົວໃຈຂອງທ່ານໄດ້.
ພວນນັກຄົ້ນຄວ້າໄດ້ພົບວ່າ ໂຊໂຄແລັດດໍາ ແລະຢາແອສປີຣິນ ມີຜົນກະທົບຕໍ່ເລືອດໃນ
ລັກສະນະດຽວກັນ ຄືມັນເຮັດໃຫ້ເລືອດແຫລວຂຶ້ນແລະໄຫລວຽນໄດ້ງ່າຍຂຶ້ນ ເຖິງແມ່ນ
ວ່າເສັ້ນເລືອດຈະຕີບຕັນຢູ່ບາງບ່ອນກໍຕາມ ແລະເພາະສະນັ້ນ ມັນສາມາດເຮັດໃຫ້ຄວາມ
ສ່ຽງຕໍ່ການເປັນໂຣກຫົວໃຈວາຍ ຫລືຫົວໃຈຫລົ້ມແຫລວ ຫລຸດລົງໄດ້.
ແຕ່ວ່າສໍາລັບພວກທີ່ມັກໂຊໂຄແລັດຢູ່ທຸກແຫ່ງຫົນ ຜົນປະໂຫຍດຕໍ່ສຸຂະພາບແຮ່ງດີຫລາຍ
ກວ່ານັ້ນອີກ. ນັກຊ່ຽວຊານດ້ານໂພສະນາການ ແທມມີ ໂຣເບີດສ໌ (Tammy Roberts) ອະທິບາຍວ່າ:
“ການສຶກສາຄົ້ນຄວ້າໄດ້ສະແດງໃຫ້ເຫັນວ່າ ພວກເຮົາໄດ້ຮັບທາດ flavinoids ຫລື ທາດຕ້ານທານ ອອກຊີແດັນທ໌ ທີ່ພາໃຫ້ເປັນມະເຮງນັ້ນ ຈາກໂຊໂຄແລັດດໍາ.”
ທາດ Flavinoids ແມ່ນທາດບໍາລຸງ ທີ່ພົບເຫັນຢູ່ນໍາຕົ້ນໄມ້ຫລາຍຊະນິດ. ມັນຊ່ວຍປ້ອງ
ກັນຕົ້ນໄມ້ ໄວ້ຈາກພະຍາດແລະແມງໄມ້. ເມື່ອພວກເຮົາກິນອາຫານທີ່ມີທາດ flavinoids
ໃນລະດັບສູງ, ທາດບໍາລຸງເຫລົ່ານີ້ ຈະໄປກະຕຸ້ນລະບົບພູມຕ້ານທານໃນຮ່າງກາຍຂອງເຮົາ
ໃຫ້ຜະລິດທາດເເອັນໄຊມ໌-- ຊຶ່ງເປັນທາດໂປຣຕິນ-- ທີ່ຊ່ວຍຫລຸດຄວາມສ່ຽງຕໍ່ການເປັນ
ໂຣກມະເຮັງບາງປະເພດ, ພະຍາດຫົວໃຈ ແລະພະຍາດອື່ນບາງຊະນິດ ທີ່ເກີດມາຈາກ
ຄວາມແກ່ຊະລານັ້ນ ລົງ.
ໄດ້ມີການສຶກສາຄົ້ນຄວ້າ 21 ບັ້ນ ທີ່ມີຜູ້ເຂົ້າຮ່ວມຫລາຍກວ່າ 2600 ຄົນ ທີ່ສັນນິຖານ
ເບິ່ງຜົນກະທົບຂອງໂຊໂຄແລັດດໍາຕໍ່ຫົວໃຈ. ການສຶກສາເຫລົ່ານັ້ນໄດ້ສະແດງໃຫ້ເຫັນວ່າ
ການກິນໂຊໂຄແລັດສີດໍາ ເຮັດໃຫ້ຄວາມດັນເລືອດຫລຸດລົງ ແລະເພີ້ມຄວາມສາມາດຂອງ
ທາດອິນຊູລິນ ໃນການຄວບຄຸມທາດນໍ້າຕານໃນເລືອດ.
ທ່ານນາງແທມມີ ໂຣເບີດສ໌ ເວົ້າວ່າ ທາດ flavinoids ຍັງໄດ້ພົບຢູ່ໃນໝາກໄມ້ຊະນິດນຶ່ງ
ທີ່ມີລົດຊາດແຊບດີ ເມື່ອເຄືອບດ້ວຍໂຊໂຄແລັດດໍາ ນັ້ນກໍຄື ...ໝາກສະຕໍເບີຣີ.
ເບິ່ງວີດິໂອລາຍງານຂ່າວເປັນພາສາອັງກິດ
ທ່ານນາງ ແທມມີ ໂຣເບີດເວົ້າວ່າ “ຜົນປະໂຫຍດຕໍ່ຮ່າງກາຍຂອງໝາກສະຕໍເບີຣີທີ່ໂອບ
ດ້ວຍໂຊໂຄແລັດກໍຄືວ່າ ທັງໂຊໂຄແລັດແລະໝາກສຕໍເບີຣີ ແມ່ນມີທາດຕ້ານອັອກຊີແດັນຢູ່,
ແລະທາດຕ້ານອັອກຊີແດນ ແມ່ນສໍາຄັນຕໍ່ການທໍາງານຂອງລະບົບພູມຕ້ານທານ ແລະ
ປ້ອງກັນການຖືກຕິດເຊື້ອໂຣກ.”
ທ່ານນາງ ແທມມີ ໂຣເບີດສ໌ກ່າວເພີ້ມອີກວ່າ ຂອງຂວັນທີ່ດີທີ່ສຸດໃນວັນແຫ່ງຄວາມຮັກຫລື
Valentine’d Day ນັ້ນ ກໍຄືການລວມເອົາໝາກໄມ້ ແລະໂຊໂຄແລັດໃສ່ກັນ. ທ່ານນາງກ່າວ ດັ່ງນີ້:
“ເມື່ອທ່ານເອົາກະຕ່າ ທີ່ເຕັມໄປດ້ວຍໝາກໄມ້ ແລະມີໂຊໂຄແລັດນໍາໜ້ອຍນຶ່ງ ເປັນຂອງ
ຂວັນໃນວັນແຫ່ງຄວາມຮັກ ແກ່ຄົນຮັກຂອງທ່ານນັ້ນ ທີ່ຈິງແລ້ວ ແມ່ນເປັນການສະແດງ
ອອກເຖິງຄວາມຮັກອັນປະເສີດທີ່ສຸດຂອງທ່ານ ເພາະວ່າທ່ານເອົາທາດຕ້ານອັອກຊີແດັນທ໌
ຢ່າງຫລວງຫລາຍ ແລະໄວຕາມິນຊີ ໃຫ້ພວກເຂົາເຈົ້າ ໂດຍມີໂຊໂຄແລັດຕື່ມນໍາ ພໍແຕ່
ເຮັດໃຫ້ມັນໜ້າຕື່ນເຕັ້ນເທົ່ານັ້ນ.”
ແຕ່ຢ່າລືມວ່າ ຕ້ອງແມ່ນໂຊໂຄແລັດດໍາ ຫລື dark chocolate ເທົ່ານັ້ນໃຫ້ຄົນຮັກຂອງທ່ານ
ແລະບໍ່ຕ້ອງລໍຖ້າຮອດວັນ Valentine ປີໜ້າ ໃຫ້ມື້ໃດກໍໄດ້ ທີ່ທ່ານຢາກສະແດງຄວາມຮັກ
ຂອງທ່ານ.
ເບິ່ງວີດີໂອລາຍງານກ່ຽວກັບຮ້ານຂາຍໂຊໂກແລັດຂອງສອງເອື້ອຍນ້ອງ ນາມສະກຸນ Park:
