ທະຫານປະມານ 3 ໝື່ນຄົນ ຍ່າງສວນສະໜາມຢ່າງສະງ່າຜ່າເຜີຍ ຜ່ານສຸສານຂອງປະທານໂຮ່ຈີມິນ ຜູ້ສ້າງຕັ້ງປະເທດຫວຽດນາມ ພ້ອມກັບມີເຮລີຄອບເຕີທີ່ເຮັດຈາກຣັດເຊຍ 10ລໍາ ບິນຜ່ານໄປໂດຍສະແດງທຸງຊາດ ແລະປ້າຍທີ່ມີ ຮູບຄ້ອນຕີແລະກ່ຽວ ຊຶ່ງເປັນເຄື່ອງໝາຍຂອງຄອມມິວ ນິສ ໂບກປີວສະບັດຢູ່ເທິງຟ້າ.
ການສະແດງດັ່ງກ່າວນີ້ໄດ້ມວ້ນທ້າຍລົງ ດ້ວຍການຈູດບັ້ງໄຟດອກຢູ່ບ່ອນດຽວ ທີ່ສະໜາມ ກິລາໝີດິ່ງ ແທນທີ່ຈະມີການຈູດຢູ່ 29 ບ່ອນ ດັ່ງທີ່ໄດ້ມີການວາງແຜນໄວ້ໃນເບື້ອງຕົ້ນ ລຸນຫລັງທີ່ເກີດເຫດບັ້ງໄຟດອກລະເບີດ. ເຈົ້າໜ້າທີ່ຫວຽດນາມ ກ່າວໃນວັນສຸກຜ່ານມານີ້ວ່າ ເງິນສໍາລັບບັ້ງໄຟດອກທີ່ປະຢັດໄວ້ນັ້ນ ຈະຖືກນໍາໄປໃຊ້ເຂົ້າໃນການໃຫ້ຄວາມຊ່ວຍເຫລືອແກ່ພວກປະສົບໄພນໍ້າຖ້ວມ ໃນພາກກາງຂອງຫວຽດນາມ ທີ່ໄດ້ເຮັດໃຫ້ 50 ກວ່າຄົນເສຍຊີວິດໃນຮອບ ສັບປະດາທີ່ຜ່ານມາ.
ລົດບັນທຸກທີ່ຂົນດິນລະເບີດ ເພື່ອນໍາໄປໃຊ້ໃນການສະແດງ ຈູດບັ້ງໄຟດອກໄດ້ລະເບີດຂຶ້ນ ຢູ່ໃກ້ໆສະໜາມກິລາດັ່ງກ່າວ ໃນອາທິດແລ້ວນີ້ ເຮັດໃຫ້ມີຜູ້ເສຍຊີວິດ 4 ຄົນ ຮວມທັງ ຊາວເຢຍຣະມັນ 2 ຄົນ.
