ທ່ານ Fethullah Gulen ອີມາມ ຫຼື ຜູ້ສອນສາສະໜາອິສລາມ ຜູ້ຊຶ່ງອາໄສຢູ່ໃນສະຫະ ລັດ ໄດ້ປະນາມການອອກປະກາດໝາຍຈັບ ໃນເທີກີ ທີ່ກ່າວຫາທ່ານວ່າເປັນຫົວໜ້າວາງແຜນການກໍ່ລັດຖະປະຫານທີ່ລົ້ມແຫລວໃນເທີກີ ເມື່ອເດືອນແລ້ວນີ້.
ອີມາມ Gulen ໄດ້ກ່າວຢູ່ໃນຖະແຫລງການຂອງຕອນແລງວັນພະຫັດວານນີ້ວ່າ “ມັນໄດ້ມີການບັນທຶກໄວ້ເປັນຢ່າງດີ ທີ່ວ່າລະບົບສານເທີີກີ ປາດສະຈາກຄວາມ ຍຸຕິທຳ ທີ່ເປັນເອກກະລາດ ເພາະສະນັ້ນການອອກໝາຍຈັບດັ່ງກ່າວນີ້ ແມ່ນຕົວຢ່າງ ອີກອັນນຶ່ງຂອງ ປະທານາທິບໍດີ Recep Tayyip Erdogan ທີ່ຊັກຈູງໃຫ້ເກີດການມີອຳນາດແບບພະເດັດການ ແລະຫ່າງໄກອອກໄປຈາກປະຊາທິປະໄຕ.”
ອີມາມ Gulen ກ່າວວ່າ “ການອອກໝາຍຈັບຈາກສານເທີກີ ບໍ່ໄດ້ປ່ຽນແປງຫຍັງໝົດກ່ຽວກັບສະຖານະຫລືມຸມມອງຂອງຂ້າພະເຈົ້າ.”
ລັດຖະບານເທີກີໄດ້ກ່າວວ່າ ອີມາມ Gulen ອະດີດພັນທະມິດຂອງ ທ່ານ Erdogan ເປັນຫົວໜ້າວາງແຜນຫັກ ຂອງການກໍ່ລັດຖະປະຫານ ທີ່ຖືກເມີນເສີຍຈາກບັນດາພວກເຈົ້າໜ້າທີ່ທະຫານ ແລະໄດ້ຮ້ອງໃຫ້ສະຫະລັດ ສົ່ງໂຕທ່ານໄປຍັງນະຄອນ Ankara ເທິກີ ເຖິງຢ່າງໃດກໍດີ ຍັງບໍ່ໄດ້ຍື່ນການຮ້ອງຮຽນຢ່າງເປັນທາງການເທື່ອ.
ອີມາມ Gulen ໄດ້ປະຕິເສດຕໍ່ການພົວພັນໃດໆ ຫລືຮູ້ຈັກກ່ອນໜ້າຂອງ ຄວາມພະຍາ ຍາມໃນການກໍ່ລັດຖະປະຫານທາງທະຫານໃນວັນທີ 15 ເດືອນກໍລະກົດ ແລະໄດ້ປະນາມເລື້ອງດັ່ງກ່າວ.
ທ່ານ Erdogan ກ່າວຕໍ່ບັນດາຜູ້ນຳຂອງຫ້ອງການໆຄ້າໃນນະຄອນ Ankara ເທີກີ ໃນຕອນເຊົ້າວັນພະຫັດວານນີ້ວ່າ ລັດຖະບານຂອງທ່ານໄດ້ “ຕັດສິນທີ່ຈະຕັດການພົວພັນທຸລະກິດທັງໝົດກັບອົົງການຈັດຕັ້ງດັ່ງກ່າວ ທີ່ຖືວ່າມີເລືອດຕິດຢູ່ໃນມືຂອງພວກເຂົາເຈົ້າ.”
ທ່ານຍັງກ່າວອີກວ່າ “ທຸກໆເຊັນ” ທີ່ເຂົ້າສູ່ການເຄື່ອນໄຫວຂອງ Fethullah Gulen ທີ່ເປັນອົງການກໍ່ການຮ້າຍ FETO-Futullah ກໍຄື “ລູກປືນຢູ່ໃນເລົ່າປືນທີ່ຈະຍິງຕ້ານຕໍ່ປະເທດນີ້.”
ມີຫລາຍກວ່າ 60,000 ຄົນຢູ່ໃນກອງທະຫານ ກົມຍຸຕິທຳ ຂ້າລັດຖະກອນ ແລະນັກປັນຍາຊົນ ໄດ້ຖືກກັກຂັງ ຖືກໄລ່ອອກ ຫລືຢູ່ພາຍໃຕ້ການສືບສວນສອບສວນ ຫລັງຈາກ ວັນທີ 15 ເດືອນກໍລະກົດ ທີ່ເຮັດໃຫ້ເກີດມີຄວາມຢ້ານກົວວ່າ ທ່ານ Erdogan ກຳລັງໃຊ້ເຫດ ການເພື່ອທັບມ້າງຜູ້ທີ່ບໍ່ເຫັນດີ.
