ນັກເປົ່າແກ ທຣຳເປັດ ດົນຕີ ແຈັສ ທ່ານ ຣອຍ ຮາໂກຣວ໌ (Roy Hargrove) ໄດ້ເສຍ
ຊີວິດແລ້ວ ຍ້ອນໂຣກຫົວໃຈວາຍ ລວມອາຍຸໄດ້ 49 ປີ, ຫຼັງຈາກໄດ້ຕໍ່ສູ້ມາເປັນເວລາ
ດົນນານກັບໂຣກໝາກໄຂ່ຫຼັງ.
ຜູ້ຈັດການຂອງທ່ານ, ທ່ານ ແລຣີ ໂຄລຕີເອີ (Larry Clothier), ໄດ້ປະກາດເຖິງການ
ເສຍຊີວິດຂອງຜູ້ຊະນະລາງວັນແກຣມມີ ສອງຄັ້ງທີ່ວ່ານັ້ນ ໃນວັນເສົາວານນີ້. ທ່ານ
ຮາໂກຣວ໌ ໄດ້ເສຍຊີວິດໃນວັນສຸກທີ່ຜ່ານມາ, ອີງຕາມການກ່າວຂອງ ທ່ານ.
ທ່ານ ຮາໂກຣວ໌ ໄດ້ຖືກຄົ້ນພົບໂດຍນັກເປົ່າແກດົນຕີແຈັສ ທີ່ມີຊື່ສຽງ ທ່ານ ວິນຕັນ ມາ
ຊາລິສ (Winton Marsalis) ໃນເວລາເຂົ້າຮຽນຢູ່ໂຮງຮຽນມັດທະຍົມສິລະປະ ການ
ສະແດງ ໃນນະຄອນ ດາລັສ ລັດ ເທັກຊັສ. ທ່ານໄດ້ຮຽນດົນຕີ ຢູ່ມະຫາວິທະຍາໄລ
ດົນຕີ ເບີກລີ (Berklee) ໃນນະຄອນ ບັອສຕັນ ກ່ອນຍ້າຍໄປໂຮງຮຽນ ນິວ ສກູລ
(New School) ຂອງນະຄອນ ນິວຢອກ ແລະ ຮ່ວມການແດງຢູ່ສະໂມສອນດົນຕີ
ແຈັສ.
ທ່ານ ຮາໂກຣວ໌ ໄດ້ຮັບຄວາມນັບຖືວ່າເປັນນຶ່ງ ໃນນັກເປົ່າແກດົນຕີແຈັສທີ່ເກັ່ງທີ່ສຸດ
ໃນຍຸກໄສໄໝຂອງທ່ານ. ປະເພດການສະແດງຂອງທ່ານລວມມີ ທຳນອງທີ່ເປັນແນວ
ລາຕິນ ແລະ ອາຟຣິກັນ, ຟັ້ງ, R&B ແລະ ຮິບຮັອບ. ທ່ານໄດ້ເປັນທີ່ຮູ້ຈັກໃນດ້ານທັກ
ສະການສະແດງສົດຂອງທ່ານ.
ທ່ານ ໂຄລຕີເອີ ໄດ້ກ່າວໃນຖະແຫຼງການສະບັບນຶ່ງວ່າ ທ່ານ ຮາໂກຣວ໌ “ໄດ້ເປັນທີ່ຮູ້
ຈັກຫຼາຍເທົ່າໆກັບໄຟ ທີ່ໄຫຼລົ້ນ ແລະ ຮຸນແຮງ ຄືກັບບົດເພງທີ່ມ່ວນອອນຊອນ ແລະ
ເປັນເອກກະລັກຂອງທ່ານ. ຫຼາຍຄັ້ງ, ສຽງຂອງທ່ານໄດ້ພິສູດໃຫ້ເຫັນ ແລະ ເປັນທີ່ນັບ
ຖື ສຳລັບຄວາມຮັກຢ່າງເລິກເຊິ່ງໃນດ້ານເພງ. ຄຸນນະສົມບັດທີ່ບໍ່ເຫັນແກ່ຕົວຂອງທ່ານ
ໄດ້ປົກຄຸມໄປທົ່ວວົງການເພງທຸກໆແຫ່ງ.”
