ບໍລິສັດເທັກໂນໂລຈີຍັກໃຫຍ່ຂອງສະຫະລັດ Google ໄດ້ກ້າວໄປ ຂ້າງໜ້າບາດກ້າວນຶ່ງ ໃນການດຳເນີນຄວາມພະຍາຍາມເພື່ອໃຫ້ມີລົດທີ່ຂັບ ໄປເອງແລ່ນຢູ່ຕາມທ້ອງຖະໜົນ ໂດຍການເປີດໂຕລົດ ຕົ້ນແບບຂັບເອງ ທີ່ບໍ່ຕ້ອງໃຊ້ມືຄວບຄຸມ ເມື່ອທ້າຍເດືອນພຶດສະພາຜ່ານມານີ້. Google ກ່າວວ່າ ມື້ນຶ່ງຂ້າງໜ້າ ລົດຂອງຕົນແມ່ນຈະຂັບໄປເອງ ໄດ້ດີກ່ວາ ຫລາຍໆຄົນທີ່ຂັບລົດ ຢູ່ໃນປັດຈຸບັນນີ້. George Putic ຜູ້ສື່ຂ່າວວີໂອເອ ມີລາຍງານຊຶ່ງດາຣາຈະນຳມາສະເໜີທ່ານ.
ເບິ່ງວີດີໂອລາຍງານນີ້ ເປັນພາສາລາວ:
ລົດຂັບເອງຂອງບໍລິສັດ Google ບໍ່ແມ່ນສິ່ງທີ່ຫາເບິ່ງໄດ້ຍາກ ຢູ່ຕາມທ້ອງຖະໜົນຂອງຫລາຍໆລັດ ທາງພາກຕາເວັນຕົກຂອງອາເມຣິກາ ເຊັ່ນລັດແຄລິຟໍເນຍກັບເນວາດາ ຊຶ່ງ
ພວກຜູ້ແທນຂອງລັດເຫລົ່ານີ້ ແມ່ນເປີດກວ້າງຫລາຍກ່ວາພວກຜູ້ແທນລັດອື່ນໆ ຕໍ່ແນວຄິດ ຂອງການໃຊ້ລົດທີ່ບໍ່ມີຄົນຂັບ ຫລືຄົນຂັບນັ່ງໄປຊື່ໆ ໂດຍບໍ່ຄວບຄຸມພວງມາໄລລົດ.
ກ່ອນໜ້ານີ້ Google ແມ່ນໄດ້ເອົາລົດທຳມະດາ ທີ່ບໍລິສັດສ້າງລົດ ຜະລິດອອກມາຂາຍທີ່
ມີ ພວງມາໄລແລະເບຣກກັບຄັນເລ່ງນັ້ນ ມາຫັນປ່ຽນເປັນລົດທີ່ຂັບເອງ ໂດຍທີ່ຜູ້ທີ່ນັ່ງຢູ່
ບ່ອນຄົນຂັບ ສາມາດຄວບຄຸມພວງມາໄລ ເວລາໃດກໍໄດ້.
ຄົນຂັບບໍ່ຕ້ອງຈັບພວງມາໄລ
ແຕ່ວ່າລົດຂັບເອງຕົ້ນແບບ ທີ່ Google ເອົາມາເປີດຕົວໃນເດືອນແລ້ວນີ້ແມ່ນລົດຂະໜາດ ນ້ອຍໆສອງບ່ອນນັ່ງ ທີ່ເປັນແນວຄິດໃໝ່ຢ່າງສິ້ນເຊີງ ໂດຍບໍ່ເປີດໃຫ້ຜູ້ໂດຍສານສາມາດ ຄວບຄຸມທິດທາງ ຄວາມໄວ ຫລືວ່າ ເບຣກໄດ້ເລີຍ.
ຫລັງຈາກທີ່ປ້ອນຂໍ້ມູນກ່ຽວກັບຈຸດໝາຍປາຍທາງທີ່ຈະໄປນັ້ນ ລົງໃນຄອມພິວເຕີ້ຢູ່ໃນລົດ ແລ້ວ ຜູ້ໂດຍສານກໍຈະສາມາດນັ່ງໄປເສີຍໆ ຊົມວິວຕາມທາງ ຫລືຕິດຕາມເບິ່ງການຂັບໄປ ຂອງລົດ ຢູ່ໃນໜ້າຈໍນັ້ນໄດ້. ຄວາມໄວທີ່ແລ່ນໄດ້ສູງສຸດຂອງລົດນີ້ແມ່ນ 40 ຫລັກຕໍ່ຊົ່ວໂມງ ຫລື ປະມານ 10 ໄມລ໌.
ໃນວີດີໂອທີ່ Google ນໍາອອກເຜີຍແຜ່ສຳຫລັບໂອກາດນີ້ ຜູ້ອຳນວຍການພະແນກລົດຂັບເອງຂອງບໍລິສັດ ທ່ານ Chris Urmson ໄດ້ເນ້ນໜັກວ່າ ລົດຄັນໃໝ່ນີ້ເປັນພຽງຕົ້ນແບບເທົ່ານັ້ນ.
ທ່ານ Urmson ເວົ້າວ່າ: “ມັນສະໜອງໂອກາດໃຫ້ພວກເຮົາໄດ້ສຳຫລວດເບິ່ງວ່າການມີລົດ ທີ່ຂັບໄປເອງໄດ້ນັ້ນ ແທ້ໆແລ້ວ ມັນໝາຍຄວາມວ່າແນວໃດ? ແຕ່ວ່າ ໃນໄລຍະ
ເວລາ ອັນສັ້ນໆກ່ວາເກົ່າ ທີ່ພວກເຮົາໄດ້ເຮັດວຽກພັດທະນາມັນຂຶ້ນມານັ້ນ ບັດນີ້ ພວກເຮົາມີຕົ້ນ ແບບທີ່ໃຊ້ງານໄດ້ແລ້ວ ແລະມັນກໍເປັນເລື້ອງທີ່ໜ້າຕື່ນເຕ້ນຫລາຍ.”
ທ່ານ Chris Urmson ກ່າວຕໍ່ໄປວ່າ Google ຢາກຈະພັດທະນາ ເທັກໂນໂລຈີນີ້ ໄປຮອດຂັ້ນທີ່ວ່າ ຜູ້ຄົນສາມາດເອີ້ນເອົາລົດຂັບເອງນີ້ ໃຫ້ມາຕ້ອນຮັບເອົາ ແລ້ວພາເດີນທາງໄປໃສມາໃສກໍໄດ້ທີ່ເຂົາເຈົ້າ ຢາກໄປ ແລະພໍສົ່ງລົງແລ້ວ ລົດຂັບເອງນັ້ນກໍຈະໄປຕ້ອນເອົາຜູ້ໂດຍ ສານຄົນຕໍ່ໄປທີ່ເອີ້ນມາ ຄືກັນກັບລົດແທັກຊີ້.
ລົດທີ່ຂັບໄປໄດ້ເອງເຄິ່ງນຶ່ງ
ມີທາງເປັນໄປໄດ້ຫລາຍວ່າ ພາຍໃນປີ 2020 ລົດທີ່ຂັບໄປເອງໄດ້ເຄິ່ງນຶ່ງ ຈະມີໃຫ້ເຫັນຢູ່ທົ່ວໄປ ຕາມຄວາມເຫັນຂອງທ່ານ Zoran Filipi ອາຈານສອນວິຊາວິສະວະກຳຍານຍົນ ທີ່ມະຫາວິທະຍາໄລ Clemson ທີ່ກ່າວຕໍ່ ວີໂອເອ ຜ່ານທາງ Skype.
ທ່ານ Zoran Filipi ເວົ້າວ່າ: “ພວກເຮົາຈະສາມາດມ່ວນຊື່ນກັບການເຮັດກິດຈະກຳອື່ນໆໄດ້ ໃນຂະນະທີ່ຂີ່ລົດໄປ ແລະທີ່ສຳຄັນຫລາຍອີ່ຫລີນັ້ນ ກໍຄືວ່າ ເດັດຂາດ ພວກເຮົາແມ່ນຈະ ປອດໄພຢູ່ໃນທ່າມກາງການຈະລາຈອນ.”
ທ່ານ Filipi ເວົ້າຕື່ມວ່າ ພວກເຮົາຈະບໍ່ຕ້ອງມີພາລະໃນການຂັບລົດ ໃນລະຫວ່າງທີ່ເດີນທາງ ຢູ່ເທິງທາງຫລວງ ແຕ່ຈະສາມາດຄວບຄຸມລົດໄດ້ ເວລາໃກ້ຈະໄປຮອດຈຸດໝາຍປາຍທາງແລ້ວ.
ບໍລິສັດ Google ມີແຜນການຈະຜະລິດ ຕົ້ນແບບລົດຂັບເອງນີ້ ອອກມາປະມານ 100 ຄັນ ຊຶ່ງບາງຄັນ ຈະມີພວງມາໄລໄວ້ໃຫ້ຄົນຄວບຄຸມນຳດ້ວຍນັ້ນ ອອກມາແລ່ນທົດລອງ ຢູ່ບົນຖະໜົນລັດ ແຄລິຟໍເນຍ ຊຶ່ງຖ້າຫາກວ່າສຳເລັດຜົນ ພວກເຮົາກໍອາດຈະມຸ່ງໜ້າໄປສູ່ອະນາຄົດ ໃນລົດ ທີ່ບໍ່ມີຄົນຂັບກໍໄດ້.
Google Unveils Prototype Self-Driving Car
U.S. technology giant Google made a step forward in its push for self-driving cars by unveiling a prototype without any manual controls. Google says someday its vehicles will be better drivers than many humans who drive today’s cars. VOA’s George Putic reportsໃ
Google's self-driving cars are not a rare sight in western states like California and Nevada, whose legislators are more open to the idea of vehicles with only passive human control.
So far, Google has been converting standard, mass-produced cars, with regular steering wheels and pedals, where a person in the driver’s seat could take over at any time.
The subcompact two-seater, presented this week, is a totally new concept, without a possibility for the passengers to control direction, speed or braking.
After entering the destination in the on-board computer, humans can only sit and observe the scenery, or watch the car’s progress on the electronic display. The top speed is limited to 40 kilometers per hour.
In the video Google released for the occasion, the company’s director for self-driving cars, Chris Urmson, emphasized that the new vehicle is only a prototype.
“They are a chance for us to explore what does it really mean to have a self-driving vehicle. But in a smaller amount of time we've been working on it now, we have functional prototypes, and it's exciting.”
Urmson says Google wants to develop the technology up to the point where people would be able to call up a car and have it take them where they want to go. The car would then go to the next caller.
It is very likely that by 2020, semi-autonomous-drive vehicles will be common, says Zoran Filipi, Professor of Automotive Engineering at Clemson University. He spoke to VOA via Skype.
“We’ll be able to enjoy other activities while in the car, and, very importantly, we’ll be absolutely in traffic.”
Filipi says we’ll be relieved of some burden of driving on the freeway but will be able to resume control as we approach our destination.
Google plans to build about a hundred of these prototypes, some with manual controls, and test them on California roads. If all goes well, we could be speeding down the road to the future in driverless cars.
