ເມື່ອເວົ້າເຖິງເລື້ອງການປົກປ້ອງສິດເສລີພາບ ໃນການສະແດງ
ຄວາມຄິດເຫັນ ທາງອິນເຕີແນັດ ຫຼື online ຂ່າວຄາວກໍແມ່ນວ່າ
ບໍ່ຄ່ອຍດີປານໃດ. ເປັນເວລາ 5 ປີ ລຽນຕິດ ທີ່ສິດເສລີພາບ ໃນ
ການຊົມໃຊ້ເຄືອຂ່າຍອິນເຕີແນັດທົ່ວໂລກ ຫຼື World Wide Web
ສຳຫລັບຫຼາຍລ້ານຄົນ ໄດ້ຕົກຕ່ຳລົງ ໃນຂະນະທີ່ ລັດຖະບານ
ໃນທົ່ວໂລກ ສືບຕໍ່ ຈຳກັດຮັດແຄບການສະແດງອອກ ຊຶ່ງຄວາມ
ຄິດເຫັນ ກວດກາເວັບໄຊຕ໌ຕ່າງໆ ແລະປາບປາມໂດຍການທັບ
ມ້າງເຄື່ອງມື ທີ່ໄດ້ອອກແບບມາ ເພື່ອປົກປ້ອງຄວາມເປັນສ່ວນ
ຕົວຂອງຜູ້ຊົມໃຊ້.
ອັນນັ້ນເປັນບົດສະລຸບຂອງລາຍງານສະບັບໃໝ່ ທີ່ມີຊື່ວ່າ
ສິດເສລີພາບ ໃນການຊົມໃຊ້ອິນເຕີແນັດ ປີ 2015 ຫຼື “Freedom on the Net 2015,”
ທີ່ໄດ້ນຳເຜີຍແຜ່ ໃນວັນພຸດມື້ນີ້ ໂດຍອົງການ Freedom House ຊຶ່ງເປັນອົງການບໍ່ຫວັງ
ຜົນກຳໄລ ສົ່ງເສີມ ປະຊາທິປະໄຕ ແລະ ສິດເສລີພາບໃນການສະແດງຄວາມຄິດເຫັນ
ຢູ່ໃນທົ່ວໂລກ. ມັນເປັນການສຳຫລວດປະຈຳປີ ຄັ້ງທີ 6 ຂອງລັດຖະບານ ໃນ 65 ປະເທດ
ແລະ ນະໂຍບາຍຕ່າງໆ ກ່ຽວກັບເລື້ອງການກວດກາເນື້ອໄນ ທີ່ນຳອອກເຜີຍແຜ່ ອອນລາຍ
ການຕິດຕາມເບິ່ງ ທາງອີເລກໂທຣນິກ ແລະ ວິທີການທີ່ພວກເຂົາ ອາດຈະລົງໂທດພົນລະ
ເມືອງຂອງພວກຕົນ ຍ້ອນກິດຈະກຳຕ່າງໆ ທາງອິນເຕີແນັດ ຂອງພວກເຂົານັ້ນ ທີ່ທາງການ
ບໍ່ເຫັນດີນຳ.
ທ່ານນາງ Laura Reed ນັກຄົ້ນຄວ້າວິເຄາະຂໍ້ມູນ ກ່ຽວກັບໂຄງການສຳຫລວດ ສິດ
ເສລີພາບ ທາງອິນເຕີແນັດ ຂອງອົງການ Freedom House ເວົ້າວ່າ “ສິດເສລີພາບ
ທາງອິນເຕີແນັດ ຢູ່ໃນທົ່ວໂລກ ແມ່ນຍັງສືບຕໍ່ຊຸດໂຊມລົງ. ການຫລຸດລົງນີ້ ພວກເຮົາ
ໄດ້ເຫັນໃນໄລຍະ 5 ປີ ຜ່ານມາ ແຕ່ດຽວນີ້ ພວກເຮົາໄດ້ພົບເຫັນ ຫຼາຍຂຶ້ນຕື່ມອີກ
ຊຶ່ງມາຈາກ ກົດໝາຍຕ່າງໆ ທີ່ໄດ້ຖືກຮັບຜ່ານນັ້ນ.”
