ລິ້ງ ສຳຫລັບເຂົ້າຫາ

ວັນຈັນ, ໑໗ ກຸມພາ ໒໐໒໕

ເກີດເຫດການແທງກັນເສຍຊີວິດ 2 ຄົນ ຢູ່ທາງພາກໃຕ້ຂອງປະເທດ ເຢຍຣະມັນ


ຮູບພາບປະກອບ-ເຈົ້າໜ້າທີ່ຕໍາຫຼວດຄົນນຶ່ງ ຍ່າງຜ່ານຮ້ານອາຫານ ຢູ່ດ້ານນອກສະຖານີ ກຣາບຟິງ ໃກ້ກັບນະຄອນມູນິດຈ໌ຂອງ ເຢຍຣະມັນ, ວັນອັງຄານ ທີ 10 ພືດສະພາ ປີ 2016.
ຮູບພາບປະກອບ-ເຈົ້າໜ້າທີ່ຕໍາຫຼວດຄົນນຶ່ງ ຍ່າງຜ່ານຮ້ານອາຫານ ຢູ່ດ້ານນອກສະຖານີ ກຣາບຟິງ ໃກ້ກັບນະຄອນມູນິດຈ໌ຂອງ ເຢຍຣະມັນ, ວັນອັງຄານ ທີ 10 ພືດສະພາ ປີ 2016.

ໃນວັນພຸດມື້ນີ້, ມີປະຊາຊົນ 2 ຄົນ ລວມທັງເດັກນ້ອຍຜູ້ຊາຍ ອາຍຸ 2 ປີຄົນນຶ່ງ, ໄດ້ຖືກຂ້າຕາຍ ແລະອີກ 3 ຄົນໄດ້ຮັບບາດເຈັບ ຈາກການໂຈມຕີດ້ວຍການໃຊ້ມີດແທງຢູ່ລັດ ບາວາເຣຍ (Bavaria) ທີ່ຕັ້ງຢູ່ທາງພາກໃຕ້ຂອງເຢຍຣະມັນ.

ເຈົ້າໜ້າທີ່ຕຳຫຼວດ​ໄດ້​ຈັບໂ​ຕ​ຜູ້​ຕ້ອງ​ສົງ​ໄສ​ຄົນ​ນຶ່ງ​ເປັນ​ຊາວ​ອັ​ຟ​ກາ​ນິ​ສ​ຖານ ​ອາຍຸ 28 ປີ, ເຊິ່ງ​ຄາດ​ວ່າ ຄວນສົ່ງໂຕ​ອອກ​ຈາກ​ປະ​ເທດ.

ທ່ານ ໂຢອາຄິມ ເຮີແມນ (Joachim Herrmann), ເຈົ້າໜ້າທີ່ດ້ານຄວາມໝັ້ນຄົງສູງສຸດຂອງລັດ ບາວາເຣຍ ກ່າວວ່າ “ມີຜູ້​ເສຍ​ຊີວິດ 2 ຄົນ​ຈາກ​ການ​ໂຈມ​ຕີໃນ​ຄັ້ງ​ນີ້, ຄົນທີນຶ່ງ​ເປັນ​ເດັກນ້ອຍ​ຊາຍ​ອາຍຸ 2 ປີ ​ເຊື້ອສາຍໂມຣົກໂກ, ຄົນ​ທີສອງທີ່​ເສຍ​ຊີວິດ​ແມ່ນ​ຊາວ​ເຢຍຣະ​ມັນ ​ອາຍຸ 41 ປີ ເຊິ່ງບັງເອີນຜ່ານມາໃນ​ບ່ອນ​ເກີດ​ເຫດ. ພວກເຮົາຕັ້ງຂໍ້ສົງໄສວ່າ ຜູ້ຊາຍຄົນດັ່ງກ່າວນີ້ໄດ້ເຂົ້າຂັດຂວາງຢ່າງກ້າຫານ ເພື່ອປົກປ້ອງເດັກຄົນນ້ອຍອື່ນໆ, ແລ້ວຫັນມາຕໍ່ສູ້ກັບຜູ້ກໍ່ເຫດ ແລະຈາກນັ້ນ ຕົນເອງກໍໄດ້ຮັບບາດເຈັບສາຫັດຈາກຜູ້ກໍ່ເຫດ.”

ທ່ານ ໂຢອາຄິມ ເຮີແມນ ກ່າວ​ວ່າ ຜູ້ຄົນທີ່ຍ່າງຜ່ານມາຄົນອື່ນໆ​ ​ໄດ້​ໄລ່​ຈັບໂ​ຕ​ຜູ້​ຕ້ອງ​ສົງ​ໄສ​ຄົນ​ນີ້​ໄດ້ໃນ​ເວລາ 12 ນາທີ ລຸນຫຼັງເຫດການເກີດຂຶ້ນ.

ທ່ານ ເຮີແມນ ກ່າວ​ວ່າ ເຈົ້າໜ້າທີ່ຕຳຫຼວດ​ຈະ​ເຮັດ​ວຽກ​ໃນ​ບໍ່ເທົ່າໃດ​ມື້​ຂ້າງ​ໜ້ານີ້​ເພື່ອ​ຊອກ​ຫາ​ແຮງ​ຈູງ​ໃຈ​ຂອງ​ຜູ້ກໍ່ເຫດ, ທ່ານກ່າວຕື່ມວ່າ ຈົນເຖິງຂະນະນີ້ມີຄວາມ​ສົງ​ໄສວ່າ​ ຜູ້ກ່ຽວມີອາການປ່ວຍ​ທາງ​ຈິດ​.

ການ​ໂຈມ​ຕີ​ດັ່ງກ່າວນີ້ ​ເກີດ​ຂຶ້ນ​ກ່ອນ​ 12 ໂມງກາງຄືນ ​ຢູ່​ສວນ​ສາທາລະນະ​ແຫ່ງ​ນຶ່ງ​ໃນ​ເມືອງ ອັສຊັບຟ໌ເຟິນເບີກ (Aschaffenburg), ເຊິ່ງເປັນ​ເມືອງ​ທີ່​ມີ​ປະຊາຊົນ​ປະມານ 72,000 ຄົນ.

ອ່ານຂ່າວດ້ານລຸ່ມນີ້ເປັນພາສາອັງກິດ

Two people, including a two-year-old boy, were killed, and three others were injured in a stabbing attack in the southern German state of Bavaria Wednesday.

Police arrested a suspect, a 28-year-old asylum-seeker from Afghanistan who was supposed to be leaving the country.

Joachim Herrmann, Bavaria's Top Security Official

"Two people were killed in this attack. One was a 2-year-old boy of Moroccan descent. The second person killed was a 41-year-old German passer-by who happened to be at the scene. We currently assume that this man courageously intervened to protect the other children, turned against the perpetrator and was then fatally injured by the perpetrator himself."

Other passers-by chased the suspect, and he was arrested 12 minutes after the attack, said Bavaria's top security official, Joachim Herrmann.

Police will work over the coming days to identify his motive, Herrmann said, adding that suspicions so far point to psychiatric illness.

The attack occurred just before noon in a park in Aschaffenburg, a city of about 72,000 people.

ຟໍຣັມສະແດງຄວາມຄິດເຫັນ

XS
SM
MD
LG