ລິ້ງ ສຳຫລັບເຂົ້າຫາ

ຊາວເຢຍລະມັນ ພາກັນ ປະທ້ວງ ຕໍ່ຕ້ານນາຍທຶນ (ວີດິໂອ)


ໃນວັນເສົາວານນີ້ ພວກປະທ້ວງຕໍ່ຕ້ານນາຍທຶນ ໄດ້ປະທະ
ກັບຕໍາຫລວດ ຢູ່ ນະຄອນ Frankfurt ຊຶ່ງເປັນສູນກາງ
ການເງິນ ແລະທີ່ຕັ້ງຂອງທະນາຄານກາງ ຢູໂຣບ.

ຕໍາຫລວດປາບການຈາລະຈົນ ໃນນະຄອນ Frankfurt
ໄດ້ໃຊ້ສະເປໝາກເຜັດ ສີດໃສ່ພວກປະທ້ວງ ແລະກໍໄດ້
ຈັບກຸມພວກປະທ້ວງຈໍານວນ​ນຶ່ງ ທີ່ໄດ້ແກວ່ງກ້ອນຫີນ
ແລະລະເບີດຄວັນ​ໄຟ ໃສ່ຕໍາຫລວດ.

ການປະທ້ວງໄດ້ເລີ້ມຕົ້ນຂຶ້ນຢ່າງສັນຕິ ໃນວັນສຸກຜ່ານມາ ແຕ່
ວ່າ ໄດ້ມີການປະທະກັນບາງຄັ້ງຄາວ ໃນຂະນະທີ່ມີຫລາຍໆ
ພັນຄົນພາກັນເດີນຂະບວນ ເພື່ອປະທ້ວງມາດຕະການປະຫຍັດມັດທະຍັດຂອງສະຫະ
ພາບຢູໂຣບ. ພວກເຂົ້າຮ່ວມປະທ້ວງພາກັນຖືປ້າຍ ແລະຮ້ອງຄໍາຂວັນປະນາມໃນສິ່ງທີ່
ພວກເຂົາເຈົ້າເຫັນວ່າ ເປັນການໂລບມາກຂອງພວກນາຍທຶນ ຢູ່ບົນຫລັງຄວາມທຸກຈົນ
ຂອງພວກອອກແຮງງານ. ຜູ້​ປະ​ທ້ວງ​ຄົນ​ນຶ່ງເວົ້າວ່າ:

“ພວກເຮົາພາກັນເດີນຂະບວນປະທ້ວງຕໍ່ຕ້ານອໍານາດທີ່ບໍ່ມີການຄວບຄຸມ
ແລະບໍ່ມີປະຊາທິປະໄຕຂອງຕະຫລາດການເງິນທີ່ກໍາລັງທໍາລາຍມວນມະນຸດ.”


ບັນດາຜູ້ຈັດຕັ້ງຂະບວນການເຄື່ອນໄຫວດັ່ງກ່າວ ທີ່ຊື່ວ່າ “Blockupy” ໄດ້ຮຽກຮ້ອງໃຫ້
ມີການປະທ້ວງ ເພື່ອອັດຕັນທາງເຂົ້າໄປຫາທະນາຄານກາງຂອງຢູໂຣບຊຶ່ງເປັນນຶ່ງໃນ
ອົງການສະໜັບສະໜຸນຫລັກ ຕໍ່ມາດຕະການປະຫຍັດມັດທະຍັດ ທີ່ແນໃສ່ຕັດຮອນ
ໜີ້ສິນຂອງລັດຖະບານລົງ ຢູ່​ໃນທົ່ວ 27 ປະເທດຂອງກຸ່ມອີ​ຢູ.

ຜູ້ເດີນຂະບວນອີກຜູ້ນຶ່ງກ່າວວ່າ “ຂ້ອຍມີຄົນຕາຍຜູ້ນຶ່ງຢູ່ໃນນີ້ ເພື່ອເປັນສັນຍາ
ລັກສະແດງໃຫ້ເຫັນວ່າ ມາດຕະການປະຫຍັດມັດທະຍັດນັ້ນຂ້າ​ຄົນ​ໄດ້ ໂດຍ
ສະເພາະແມ່ນຢູ່ໃນລະບົບສາທາລະນະສຸກຂອງ Greece. ພວກເຮົາຍັງຄາດ
ອີກວ່າ ຈະມີຜົນກະທົບເຊັ່ນດຽວກັນ ຢູ່ໃນສະເປນ.”


ບັນດາຜູ້ນໍາສະຫະພາບຢູໂຣບກໍາລັງດິ້ນຮົນ ​ເພື່ອ​ຫາ​ທາງຟື້ນຟູເສດຖະກິດທີ່ຝືດເຄືອງ
ຂອງ​ຢູ​ໂຣບຄືນ ແລະຫລຸດຜ່ອນອັດຕາການຫວ່າງງານ ທີ່ສູງ ເປັນພິເສດສໍາລັບພວກຄົນ
ໜຸ່ມນັ້ນ ລົງ.

ເບິ່ງວີດິໂອກ່ຽວກັບຂ່າວນີ້:

XS
SM
MD
LG