ລິ້ງ ສຳຫລັບເຂົ້າຫາ

ຊາວເຢຍຣະມັນປະທ້ວງ ຕໍ່ຕ້ານພະລັງງານນີວເຄລຍ

  • ສິງ ບູຣົມມະວົງ

ນາຍົກລັດຖະມົນຕີ Angela Merkel ແຫ່ງເຢຍຣະມັນ ຢືນຢູ່ຂ້າງຂວາ ຮອງນາຍົກ Guido Westerwelle ວັນທີ 12 ມີນາ 2011



















ຕໍ່ໜ້າ​ຄວາມ​ເປັນ​ຫ່ວງ​ກັງວົນ​ທີ່​ກໍາ​ລັງ​ເພີ່ມ​ທະວີຂຶ້ນ​ກ່ຽວ​ກັບ​ຄວາມສ່ຽງ​ທີ່​ເກີດຈາກ​ໂຮງ​ໄຟຟ້າ​
ນີວ​ເຄລຍທີ່​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກ​ ຍ້ອນໄພ​ແຜ່ນດິນ​ໄຫວ​ທີ່​ຮ້າຍ​ແຮງ​ໃນ​ຍີ່ປຸ່ນ​ນັ້ນ
ປະຊາຊົນ​ເຢຍຣະມັນ​ຫລາຍພັນ​ຄົນໄດ້ພາກັນທໍາ​ການ​ປະ​ທ້ວງ​ຕໍ່ຕ້ານ​ແຜນການ​ຂອງ​ລັດຖະ
ບານ​ທີ່​ຈະຂະຫຍາຍ​ການ​ກາງ​ຕໍ່​ພະລັງ​ນີວ​ເຄລຍຂອງ​ຕົນ​ ໃນ​ຖານະ​ເປັນ​ແຫລ່ງພະລັງ​ງານ​ອີກ​ອັນ​ນຶ່ງ​ນັ້ນ.

ພວກ​ຜູ້​ຈັດການ​ປະ​ທ້ວງ​ກ່າວ​ວ່າ ປະຊາຊົນ​ຫລາຍ​ໝື່ນ​ຄົນ​ໄດ້​ພາກັນ​ຢືນ​ແລນ​ແຖວ​ກັນ​ເປັນ​ສາຍ​ໂສ້​ຍາວ 45 ຫລັກ​ກິ​ໂລ​ແມັດ ​ໃນ​ວັນ​ເສົາ​ວານ​ນີ້​ ​ລະຫວ່າງ​ໂຮງ​ໄຟຟ້າ​ນີວ​ເຄລຍ​ແຫ່ງ​ນຶ່ງ​ທີ່​ເມືອງ Neckarwestheimແລະ​ເມືອງ Stuggart ​ໃນ​ພາກໃຕ້​ຂອງ​ປະ​ເທດ ທີ່​ເປັນ​ສູນ​ກາງອຸດສາ​ຫະກໍາ​ແຫ່ງ​ນຶ່ງຂອງເຢຍຣະ​ມັນນັ້ນ.

ພວກ​ນັ​ກ​ເຄື່ອນ​ໄຫວ​ທີ່​ບ່ອນຊຸມນຸມ​ປະ​ທ້ວງ​ ໄດ້​ພາກັນ​ສະ​ແດງ​ການ​ຄັດຄ້ານ​ຢ່າງ​ແຂງ​ແຮງ​ຕໍ່​ການ​ຕັດສິນໃຈ​ຂອງ​ເຢຍຣະມັນ​ໃນ​ປີ​ແລ້ວ​ນີ້​ ທີ່ຈະຮັກສາ​ໂຮງ​ໄຟຟ້ານີວ​ເຄລຍ 17 ​ແຫ່ງ​ຂອງ​ຕົນໄວ້ ໃຫ້​ແລ່ນ​ຕໍ່​ໄປ​ໃນ​ເວລາ​ສະ​ເລ່ຍຕື່ມ​ອີກ 12 ປີ.

ໃນວັນ​ເສົາວານ​ນີ້ ພວກ​ສະມາຊິກ​ພັກ​ສັງ​ຄົມ​ນິຍົມ​ປະຊາທິປັດຝ່າຍ​ຄ້ານ ​ໄດ້​ໃຊ້​ເຫດການ​ທີ່​ເກີດ​ຂຶ້ນໃນ​ຍີ່ປຸ່ນ​ນັ້ນ ​ຮຽກຮ້ອງ​ໃຫ້​ມີ​ການ​ປ່ຽນ​ແປງ​ໃນນະ​ໂຍບາຍນີວ​ເຄລຍຂອງ​ເຢຍຣະມັນ​.

ນາຍົກລັດຖະມົນຕີ Angela Merkel ​ໄດ້​ໂຕ້​ແຍ້​ງ​ເຫັນດີ​ນໍາ​ການ​ໃຊ້​ພະ​ລັງ​ງານ​ນີວ​ເຄລຍນີ້.

XS
SM
MD
LG