ມີຜູ້ເສຍຊີວິດໄປຄົນນຶ່ງ ແລະບາດເຈັບອີກຫຼາຍຄົນ ໃນການປະທະກັນຄັ້ງ ໃໝ່ ທີ່ນະ ຄອນຫຼວງຂອງປະເທດລີເບຍ ເມື່ອວັນເສົາວານນີ້ ໃນຂະນະທີ່ພວກທະຫານແລະທະ ຫານບ້ານທີ່ສະໜັບສະໜຸນລັດຖະບານ ພະຍາຍາມ ຈະຟື້ນຟູຄວາມສະຫງົບ ລຸນຫຼັງທີ່ໄດ້ມີການປະທ້ວງຕໍ່ຕ້ານພວກທະຫານບ້ານ ທີ່ເຮັດໃຫ້ມີຜູ້ບາດເຈັບລົ້ມຕາຍໄປຈຳນວນນຶ່ງນັ້ນ.
ທ່ານ Ali Zidan ນາຍົກລັດຖະມົນຕີລີເບຍ ໄດ້ອອກຄໍາເຕືອນ ແກ່ກຸ່ມ ທະຫານບ້ານບໍ່ໃຫ້ເຂົ້າໄປໃນນະຄອນຫຼວງ Tripoli ແລະຮ້ອງຂໍໃຫ້ຢູ່ໃນຄວາມສະຫງົບ. ຕໍາຫຼວດໄດ້ວາງຂໍ້ຈໍາກັດ ໃນການເດີນທາງໄປຍັງຄຸ້ມ Gharghour ຂອງນະຄອນ Tripoli ຊຶ່ງເປັນທີ່ໝັ້ນ ຂອງພວກທະຫານບ້ານຊຶ່ງມາຈາກເຂດອື່ນຕັ້ງຄ້າຍຢູ່ນັ້ນ. ຮ້ານຄ້າຫຼາຍແຫ່ງໃນນະຄອນຫຼວງ Tripoli ໄດ້ປິດກິດຈະການ.
ເມື່ອວັນສຸກຜ່ານມານີ້ ຢ່າງໜ້ອຍມີຜູ້ເສຍຊີວິດ 43 ຄົນ ແລະອີກຫຼາຍ ກວ່າ 450 ບາດເຈັບ ເວລາ ພວກທະຫານບ້ານຈາກເມືອງ Misrata ລະດົມຍິງໃສ່ພວກປະທ້ວງ ທີ່ເດີນຂະບວນ ທວງໃຫ້ກຸ່ມທະຫານບ້ານຖອນອອກໄປຈາກນະຄອນຫຼວງ. ເຈົ້າໜ້າທີ່ເວົ້າວ່າ ຈໍານວນຜູ້ເສຍຊີ
ວິດອາດຈະເພີ້ມຂຶ້ນຕື່ມ.
ພວກທະຫານບ້ານດັ່ງກ່າວ ເປັນພວກທີ່ຍັງຫຼົງເຫຼືອຈາກການລຸກຮືຂຶ້ນໃນປີ 2011 ທີ່ໄດ້ໂຄ່ນລົ້ມຈອມຜະເດັດການ Moammar Gadhafi ແລະເປັນກອງກຳລັງທີ່ແຂງແຮງທີ່ສຸດ ໃນລີເບຍເວລານີ້.
ກະຊວງຕ່າງປະເທດສະຫະລັດ ໄດ້ປະນາມເຫດການຮຸນແຮງນີ້ ແລະຮຽກ ຮ້ອງໃຫ້ມີສະຕິຢັ້ງຄິດ ໂດຍກ່າວວ່າ ບໍ່ມີແຫ່ງຫົນໃດ ສໍາລັບການກໍ່ຄວາມ ຮຸນແຮງແບບນີ້ ຈະເກີດຂຶ້ນ ໃນລີເບຍຍຸກໃໝ່.
ທ່ານ Ali Zidan ນາຍົກລັດຖະມົນຕີລີເບຍ ໄດ້ອອກຄໍາເຕືອນ ແກ່ກຸ່ມ ທະຫານບ້ານບໍ່ໃຫ້ເຂົ້າໄປໃນນະຄອນຫຼວງ Tripoli ແລະຮ້ອງຂໍໃຫ້ຢູ່ໃນຄວາມສະຫງົບ. ຕໍາຫຼວດໄດ້ວາງຂໍ້ຈໍາກັດ ໃນການເດີນທາງໄປຍັງຄຸ້ມ Gharghour ຂອງນະຄອນ Tripoli ຊຶ່ງເປັນທີ່ໝັ້ນ ຂອງພວກທະຫານບ້ານຊຶ່ງມາຈາກເຂດອື່ນຕັ້ງຄ້າຍຢູ່ນັ້ນ. ຮ້ານຄ້າຫຼາຍແຫ່ງໃນນະຄອນຫຼວງ Tripoli ໄດ້ປິດກິດຈະການ.
ເມື່ອວັນສຸກຜ່ານມານີ້ ຢ່າງໜ້ອຍມີຜູ້ເສຍຊີວິດ 43 ຄົນ ແລະອີກຫຼາຍ ກວ່າ 450 ບາດເຈັບ ເວລາ ພວກທະຫານບ້ານຈາກເມືອງ Misrata ລະດົມຍິງໃສ່ພວກປະທ້ວງ ທີ່ເດີນຂະບວນ ທວງໃຫ້ກຸ່ມທະຫານບ້ານຖອນອອກໄປຈາກນະຄອນຫຼວງ. ເຈົ້າໜ້າທີ່ເວົ້າວ່າ ຈໍານວນຜູ້ເສຍຊີ
ວິດອາດຈະເພີ້ມຂຶ້ນຕື່ມ.
ພວກທະຫານບ້ານດັ່ງກ່າວ ເປັນພວກທີ່ຍັງຫຼົງເຫຼືອຈາກການລຸກຮືຂຶ້ນໃນປີ 2011 ທີ່ໄດ້ໂຄ່ນລົ້ມຈອມຜະເດັດການ Moammar Gadhafi ແລະເປັນກອງກຳລັງທີ່ແຂງແຮງທີ່ສຸດ ໃນລີເບຍເວລານີ້.
ກະຊວງຕ່າງປະເທດສະຫະລັດ ໄດ້ປະນາມເຫດການຮຸນແຮງນີ້ ແລະຮຽກ ຮ້ອງໃຫ້ມີສະຕິຢັ້ງຄິດ ໂດຍກ່າວວ່າ ບໍ່ມີແຫ່ງຫົນໃດ ສໍາລັບການກໍ່ຄວາມ ຮຸນແຮງແບບນີ້ ຈະເກີດຂຶ້ນ ໃນລີເບຍຍຸກໃໝ່.
