ຈະມີ ການປະທ້ວງ ຢູ່ໃນທົ່ວໂລກ ກ.ໝ. ຕໍ່ຕ້ານ ພວກຮັກ ຮ່ວມເພດ ຂອງຣັດເຊຍ (ສະໄລດ໌/ວີດີໂອ)

ພວກເດີນຂະບວນ​ຢູ່​ໃນທົ່ວ​ໂລກ ໄດ້​ວາງ​ແຜນທີ່ຈະທຳການປະ
ທ້ວງໃນ​ວັນ​ພຸດ​ມື້​ນີ້ ​ກົດໝາຍ​ຕໍ່ຕ້ານພວກຮັກຮ່ວມເພດຂອງຣັດ
ເຊຍໃນ​ຂະນະ​ທີ່​ບັນດາ​ນັກ​ກິລາຈາກປະເທດຕ່າງໆຕຽ​ມ​ໂຕເຂົ້າ​
ແຂ່ງຂັນ​ ກິລາ​ໂອ​ລິ​ມປິກ ລະດູ​ໜາວ​ ທີ່​ເມືອງ Sochi.

ບັນດາ​ນັກ​ເຄື່ອ​ນ​ໄຫວຮັກຮ່ວມເພດ ພາກັນ​ວາງ​ແຜນ​ເຕົ້າ​ໂຮມ​
ກັນຢູ່​ໃນ 19 ​ຫົວ​ເມືອງ​ ທົ່ວ​ໂລກ ຮວມ​ທັງນະຄອນ New York,
London, Paris ​ແລະ St. Peterburg ​ໃນ​ຄວາມ​ພະຍາຍາມ
ເພື່ອຊັກ​ຊວນ​ບັນດາບໍລິສັດທີ່​ໃຫ້ຄວາມ ອຸບປະຖໍາການ​ແຂ່ງຂັນ
​ກິລາໂອລິມປິກ ພາກັນອອກ​ມາ​ກ່າວ​ຕໍ່ຕ້ານ​ກົດໝາຍດັ່ງກ່າວ ທີ່​
ຫ້າມ​ບໍ່ໃຫ້​ເຜີຍແຜ່​ ໃນອັນ​ທີ່​ຮ້ອງ​ວ່າ “ການ​ໂຄສະນາ​ຊວນ​ເຊື່ອ
ຂອງພວກ ຮັກຮ່ວມເພດ” ​ແກ່​ພວກ​ທີ່ບໍ່​ເຖິງ​ກະສຽນ.



ຮວມ​ຢູ່​ໃນ​ບັນດາ​ບໍລິສັດທີ່​ໃຫ້ຄວາມອຸບປະຖໍາ ທີ່ພວກ​ເດີນຂະບວນພາກັນ​ແນເປົ້າໝາຍ
ໃສ່ ແມ່ນບໍລິສັດ Coca-Cola, McDonald’s ​ແລະ Samsung.

ໃນຂະນະດຽວ​ກັນ ບັນດາ​ເຈົ້າ​ໜ້າ​ທີ່ຣັດ​ເຊຍ ຢູ່ໃນທ່າກຽມພ້ອມລະດັບສູງເພື່ອ ຮັບມືກັບ
ການໂຈມ​ຕີ ທີ່ອາດ​ມີຂຶ້ນ ຈາກ​ພວກ​ກໍ່​ການ​ຮ້າຍ ​ໃນ​ຂະນະ​ທີ່ພິທີ​ເປີດ​ການ​ແຂ່ງຂັນ ໃນ
​ທ້າຍ​ອາທິດ​ນີ້ ພວມຫຍັບໃກ້ເຂົ້າມາທຸກຂະນະ.



​ໃນ​ວັນ​ອັງຄານ​ວານ​ນີ້ ຫົວໜ້າຄະນະ​ກໍາມະການກິລາ​ໂອ​ລິ​ມປິກສາກົນໄດ້ໄວ້ອາ​ ໄລຕໍ່​ບັນ
ດາ​ຜູ້​ເຄາະ​ຮ້າຍ​ ຈາກ​ການວາງ​ລະ​ເບີດ​ສະຫລະ​ຊີບຫວ່າງມໍ່ໆ​ມາ​ນີ້ ​ໃນ​ເມືອງ Volgograd
ຂອງຣັດ​ເຊຍ.

​ໃນລະຫວ່າງພິທີ ​ຊຶ່ງຈັດຂຶ້ນ ຢູ່​ໝູ່ບ້ານໂອ​ລິ​ມປິກ ໃນ​ເມືອງ Sochi ໃນ​ວັນ​ອັງ ຄານວານນີ້
ທ່ານ Thomas Bach ຮ້ອງ​ພິທີ​ນີ້​ວ່າ ເປັນການ “​ປະນາມຕໍ່​ພວກ​ທີ່​ມີ​ແນວ​ຄິດກົງກັນຂ້າມ
​ກັບຈິດ​ໃຈ​ຂອງ​ຄວາມເປັນນໍ້ານຶ່ງໃຈດຽວ ​ແລະຄວາມປຸ້ມລຸມສາມັກຄີ​ ຂອງໂລກ” ​ໃນການ​
ແຂ່ງ​ຂັນ​ກິລາໂອລິມປິກ ທີເມືອງ Sochi.

ເບິ່ງວີດີໂອກ່ຽວຂ້ອງ: