ທ່ານ Ali Bongo Ondimba ໄດ້ສາບານໂຕ ເຂົ້າຮັບຕຳແໜ່ງເປັນປະທານາທິບໍດີ ຂອງປະເທດ Gabon ສະໄໝທີສອງ ຕື່ມອີກ 7 ປີ ຫຼັງຈາກທີ່ໄດ້ຮັບໄຊຊະນະອີກເທື່ອ ໜຶ່ງ ດ້ວຍຄະແນນສຽງ ທີ່ລື່ນກັນພຽງໜ້ອຍດຽວ ໃນການເລືອກຕັ້ງ ທີ່ມີການໂຕ້ຖຽງ ກັນນັ້ນ.
ຢູ່ທີ່ພິທີສາບານໂຕເຂົ້າຮັບຕຳແໜ່ງ ໃນວັນອັງຄານວານນີ້ ທ່ານ Bongo ໄດ້ປະຕິຍານ ວ່າ ຈະປົກປ້ອງລັດຖະທຳມະນູນ ແລະ ຈະໃຫ້ຄວາມເປັນທຳແກ່ທຸກຄົນ. ທ່ານໄດ້ຮຽກ ຮ້ອງໃຫ້ມີການປຶກສາຫາລືກັນດ້ານການເມືອງ ແຕ່ຜູ້ສະໝັກຝ່າຍຄ້ານ ທ່ານ Jean Ping ໄດ້ປະຕິ ເສດ ຕໍ່ຂໍ້ສະເໜີນັ້ນ ໂດຍກ່າວຫາພັກລັດຖະບານ ຂອງທ່ານ Bongo ວ່າ ສໍ້ໂກງ ຄະແນນສຽງ.
ໄຊຊະນະຂອງທ່ານ Bongo ດ້ວຍຄະແນນສຽງ ທີ່ໜ້ອຍກວ່າ 6,000 ຄະແນນ ໄດ້ເກີດ ມີການຮຽກຮ້ອງໃຫ້ກວດສອບຄືນ ກ່ຽວກັບໄຊຊະນະຂອງປະທານາທິບໍດີ ທີ່ໄດ້ສ້າງຄວາມບໍ່ພໍໃຈ ເຊິ່ງຄອບຄົວຂອງປະທາ ນາທິບໍດີ ໄດ້ປົກຄອງປະເທດ ທີ່ມີການຜະລິດ ນ້ຳມັນ ໃນເຂດພາກກາງ ຂອງທະວີບອາຟຣິກາ ມາໄດ້ 49 ປີແລ້ວ. ສິດມອບໝາຍອັນ ທີສອງ ຂອງທ່ານ Bongo ກໍໄດ້ຖືກຕ້ອນຮັບແບບບໍ່ພໍໃຈຈາພສະຫະພາບອາ ຟຣິກາ ແລະ ອົງການສະຫະປະຊາຊາດ ໃນຂະນະດຽວກັນ ສະຫະພາບຢູໂຣບ ກໍໄດ້ສະແດງຄວາມເສຍໃຈ ທີ່ການນັບຄະແນນສຽງ ບໍ່ມີຄວາມໂປ່ງໃສ.
ສານລັດຖະທຳມະນູນຂອງປະເທດ Gabon ໃນວັນເສົາຜ່ານມາ ໄດ້ປະຕິເສດບໍ່ຮັບ ເອົາຄຳຮ້ອງຂອງທ່ານ Ping ໃຫ້ນັບຄະແນນຄືນໃໝ່ ແລະ ໃຫ້ລົງນາມຮັບຮອງເອົາ ຜົນການນັບຄະແນນດັ່ງກ່າວນັ້ນ.
ສະຫະລັດ ໄດ້ຮັບຮູ້ເຖິງການຕັດສິນຂອງສານດັ່ງກ່າວ. ແຕ່ແນວໃດກໍຕາມສະຫະລັດ ໄດ້ຮຽກຮ້ອງ ໃຫ້ສານລະບຸລາຍລະອຽດ ກ່ຽວກັບການດຳເນີນງານຂອງສານ ຕໍ່ສາທາ ລະນະ.
ການປະທ້ວງທີ່ຮຸນແຮງ ໄດ້ລະເບີດຂຶ້ນ ທົ່ວ Gabon ໃນເວລາ ຜົນການເລືອກຕັ້ງຂັ້ນຕົ້ນ ໄດ້ຖືກປະກາດອອກມາ ເມື່ອວັນທີ 27 ສິງຫາ. ຢ່າງນ້ອຍ 6 ຄົນ ໄດ້ຖືກຂ້າຕາຍ ໃນການ ປະທະກັນ ລະຫວ່າງ ພວກປະທ້ວງ ແລະ ກຳລັງຮັກສາຄວາມປອດໄພ.
ອ່ານຂ່າວນີ້ຕື່ມ ເປັນພາສາອັງກິດ
