ນັກທ່ອງທ່ຽວ ທີ່ໃຊ້ຈ່າຍເງິນຢ່າງບໍ່ອັ້ນຢູ່ໃນປະເທດຝຣັ່ງ. ແຕ່
ເລື່ອງນີ້ກໍາລັງປ່ຽນແປງໄປ ຄືໃນໄລຍະຫຼາຍເດືອນຂອງຊ່ວງ
ລະດູຮ້ອນປີນີ້ ວົງການອຸດສາຫະກໍາທ່ອງທ່ຽວຂອງຝຣັ່ງ ປາ
ກົດວ່າ ກໍາລັງພະຍາ ຍາມດຶງດູດເອົາລູກຄ້າຕ່າງຊາດໜ້າໃໝ່
ທີ່ກະເປົາເງິນໜັກ ມີອໍານາດຊື້ຢ່າງຫລວງຫລາຍອີກລາຍນຶ່ງ
ນັ້ນກໍຄືນັກທ່ອງທ່ຽວຊາວຈີນ. ດຽວນີ້ຊາວຝຣັ່ງກໍາລັງພາກັນ
ກັບຄືນເຂົ້າຫ້ອງຮຽນອີກ ເພື່ອຕັ້ງໜ້າຮຽນພາສາຈີນກັນ.
ຄູສອນ Meifen Chen ສາບານວ່າ ພາສາຈີນກາງ ແມນດາຣິນ
ຊຶ່ງເປັນພາສາທາງການຂອງຈີນນັ້ນ ຮຽນງ່າຍຫຼາຍ. ບາງເທື່ອ
ຄູ Chen ອາດຈະເວົ້າຖືກ ແຕ່ການເຂົ້າໄປຢ້ຽມຢາມຫ້ອງຮຽນ
ຂອງລາວ ກໍພາໃຫ້ຮູ້ສຶກຫວາດຫວັ່ນຢູ່.
ນັກຮຽນຂອງລາວຄົນນຶ່ງເປັນນັກຂ່າວ ອີກຜູ້ນຶ່ງແມ່ນພຽງແຕ່ສົນໃຈຢາກຮຽນຮູ້ ກ່ຽວກັບຈີນ.
ສ່ວນນັກຮຽນຄົນທີ່ສາມ Julie Antonello ເປັນເຈົ້າຂອງທຸລະກິດ ທີ່ມັກເດີນທາງໄປຈີນ
ເປັນປະຈໍາ. ນາງ ຈູລີ ກ່າວວ່າ ລາວກໍາລັງຮຽນພາສາຈີນກາງ ເພື່ອຮັບປະກັນວ່າ ຕົນຈະບໍ່ເສຍປຽບໃນການດໍາເນີນທຸລະກິດ.
“ແຕ່ນອກຈາກເລື້ອງນີ້ແລ້ວ ຂ້ອຍພຽງແຕ່ຢາກຮຽນຮູ້ປະເພນີຈີນ ເພາະວ່າຂ້ອຍທຽວ
ໄປຈີນເລື້ອຍໆ ເພາະສະນັ້ນ ຂ້ອຍກໍຢາກເຂົ້າໃຈພາສາຈີນ ເພື່ອພະຍາຍາມຊ່ວຍ
ເຫຼືອຕົນເອງໄດ້ ເວລາຈະຂີ່ລົດແທ໊ກຊີ້ ຫຼືໄປນັ່ງດື່ມກາເຟຕາມຮ້ານ ເປັນຕົ້ນ.”
ປັດຈຸບັນນີ້ ບໍ່ແມ່ນແຕ່ຊາວຝຣັ່ງໄປປະກອບທຸລະກິດໃນຈີນ ແຕ່ທຸລະກິດຈີນກໍກໍາລັງຫຼັ່ງໄຫຼເຂົ້າມາໃນຝຣັ່ງເຊັ່ນກັນ. ປັດຈຸບັນນີ້ ມີຊາວຈີນເຂົ້າໄປທ່ອງທ່ຽວໃນຝຣັ່ງ ປະມານເຄິ່ງລ້ານ
ຄົນທຸກໆປີ. ຜູ້ຈັດລາຍການທ່ອງທ່ຽວທັງຫຼາຍທໍານາຍວ່າ ຈໍານວນນັ້ນຈະຖີບຕົວສູງຂຶ້ນ ເປັນ ສອງລ້ານຄົນພາຍໃນປີ 2020.
ພ້ອມກັບລາຍໄດ້ທີ່ຖີບຕົວສູງຂຶ້ນໃນຈີນນັ້ນ ຊາວຈີນຖານະປານກາງ ເຊັ່ນ ກຸ່ມຄູສອນພາສາກຸ່ມນີ້ ມີເງິນພໍທີ່ຈະໄປທ່ຽວຕ່າງປະເທດໄດ້. ຄູສອນພາສາອັງກິດ Chester ຄືຊື່ແບບຕາເວັນຕົກຂອງລາວ ກໍາລັງເພີດເພີນກັບການ ທ່ອງທ່ຽວປາຣີ ເພາະມີພາສາທີ່
ລາວເຂົ້າໃຈ.
“ພວກເຮົາເຫັນປ້າຍຕ່າງໆເປັນພາສາຈີນ ຢູ່ທຸກຫົນແຫ່ງ ຕາມຮ້ານຄ້າຮ້ານ ອາຫານ...”
ເຫດຜົນນຶ່ງ ກໍຄືພວກນັກທ່ອງທ່ຽວຊາວຈີນເປັນຄົນມັກເລາະຊື້ເຄຶ່ອງຂອງຂະໜາດໜັກ
ແມ່ນແຕ່ພວກທີ່ມີງົບປະມານຈໍາກັດກໍຕາມ ເຊັ່ນນັກສຶກສາມະຫາໄລ Wang Yi.
“ຂ້ອຍກໍາລັງຈະໄປເບິ່ງຍ່ານຖະໜົນ Champs Elysee ວ່າມີຫຍັງໜ້າສົນໃຈ ເປັນຕາ
ຊື້ບໍ່.”
ຊາວຈີນເປັນນັກເລາະຊື້ເຄຶ່ອງຂອງລາຍໃຫຍ່ທີ່ສຸດຂອງຝຣັ່ງ ໂດຍປະກອບເປັນເຖິງ
ນຶ່ງສ່ວນສີ່ ຂອງທຸລະກິດປອດພາສີທັງໝົດ ອິງຕາມກຸ່ມປະເມີນສະຖິຕິການເລາະຊື້
ເຄຶ່ອງ Global Blue. ຫ້າງສັບພະສິນຄ້າໃຫຍ່ໆ ເຊັ່ນ Galeries Lafayette ຈ້າງພະນັກງານບໍລິການ ທີ່ເວົ້າພາສາຈີນໄດ້.
Anne Kiefer ຊໍານານດ້ານຈັດການທ່ອງທ່ຽວແບບຫຼູຫຼາ. ພວກລູກຄ້າຂອງລາວ ມີໂຮມທັງ
ນັກທຸລະກິດຈີນ ແລະເຈົ້າໜ້າທີ່ລັດຖະບານຈີນ ທີ່ລໍ້າລວຍ.
“ເວລາຊາວຈີນມາທ່ຽວປາຣີ ພວກເຂົາເຈົ້າຈະໃຊ້ຈ່າຍເງິນຊື້ເຄຶ່ອງຂອງກັບບ້ານຫຼາຍ
ກວ່າ 60 ເປີເຊັນຂອງເງິນທີ່ຫອບມານໍານັ້ນ ເພາະສະນັ້ນ ການເລາະຊື້ເຄຶ່ອງ ຫລືຊອບປິ້ງ
ນັບວ່າເປັນສ່ວນສໍາຄັນຂອງການທ່ອງທ່ຽວຂອງພວກເຂົາເຈົ້າ.”
ນອກນີ້ແລ້ວ ນາງ Keifer ຍັງເຮັດວຽກກັບໂຮງແຮມລະດັບສູງຫຼາຍໆແຫ່ງໃນປາຣີ ເພື່ອ
ຊ່ວຍເຫຼືອພະນັກງານໃຫ້ເຂົ້າໃຈເຖິງຄວາມຕ້ອງການແທ້ໆຂອງລູກຄ້າຊາວຈີນທັງຫຼາຍຂອງເຂົາເຈົ້າ ນັ້ນນໍາ.
“ແລະນອກນີ້ ຂ້ອຍຍັງສອນບັນດາເຈົ້າຂອງຫຼືຜູ້ຈັດການໂຮງແຮມ ໃຫ້ຮຽນຮູ້ ເຂົ້າໃຈເຖິງນໍ້າໃຈ ແນວຄິດ ແລະວັດທະນະທໍາ ເຊ່ນວ່າ ຊາວຈີນມີອຸບປະນິໄສຢ່າງໃດ ແລະສິ່ງໃດແດ່ທີ່ພວກເຂົາເຈົ້າຫວັງຢາກໄດ້ ຈາກເຈົ້າຂອງຫຼືຜູ້ຈັດການໂຮງແຮມ.”
ຄວາມສົນໃຈຮຽນຮູ້ພາສາຈີນກໍກໍາລັງຖີບຕົວສູງຂຶ້ນນັບມື້. ມີນັກຮຽນຝຣັ່ງ ປະມານ 30,000 ຄົນ ທີ່ກໍາລັງຮຽນພາສາຈີນກາງ ເຮັດໃຫ້ພາສາຈີນກາຍເປັນພາສາທີ່ຄົນນິຍົມຫລາຍກວ່າພາສາຣັດເຊຍແລະ ປໍຈຸກີສ ໄປແລ້ວ. ໂຮງຮຽນວິຊາທຸລະກິດຝຣັ່ງບາງແຫ່ງ ບັງຄັບໃຫ້ຮຽນພາສາຈີນກາງ.
Meifen Chen ຄູສອນພາສາອິດສະຫຼະ ກ່າວວ່າ ຈໍານວນນັກຮຽນຂອງລາວ ເພີ່ມສູງຂຶ້ນ
ໃນໄລຍະບໍ່ເທົ່າປີຜ່ານມາ.
“ຄວາມສົນໃຈນັບວ່າໃຫຍ່ຫລວງຫຼາຍ. ປັດຈຸບັນນີ້ ຈີນກາຍເປັນປະເທດທີ່ເປີດກວ້າງ
ຫຼາຍຂຶ້ນໄປນັບມື້ ເປັນອໍານາດເສດຖະກິດອັນດັບສອງ. ໃນຮູບການນີ້ ມັນຈຶ່ງສໍາຄັນ
ທີ່ສຸດທີ່ຕ້ອງຮຽນປາກເວົ້າພາສາຈີນ. ໃນໂລກທຸລະກິດ ສໍາລັບທຸລະກິດການທ່ອງ
ທ່ຽວ ການປາກເວົ້າພາສາຈີນໄດ້ ຈະຊ່ວຍໃຫ້ຊາວຕາເວັນຕົກທັງຫຼາຍ ສາມາດສ້າງ
ມິດຕະພາບກັບຊາວຈີນໄດ້ງ່າຍຂຶ້ນ.”
ຄູ Chen ເວົ້າວ່າ ຫ້ອງຮຽນພາສາຂອງລາວກໍບໍ່ຍາກໄປໝົດທຸກຢ່າງ. ພໍຮຽນໄປແລ້ວ
ນັກຮຽນທຸກໆຄົນຂອງລາວ ຈະມັກແລະຊາບຊຶ້ງໃນພາສາຈີນໄປຕາມໆກັນ ໂດຍປາດສະ
ຈາກຂໍ້ຍົກເວັ້ນໃດໆ.
