ປະຊາຊົນ ອາເມຣິກັນ ຢ້ານວ່າປະເທດຂອງເຂົາເຈົ້າຈະວຸ້ນວາຍຈົນບໍ່ສາມາດຄວບຄຸມໄດ້ລຸນຫຼັງການພະຍາຍາມລອບສັງຫານທ່ານ ດໍໂນລ ທຣຳ, ດ້ວຍຄວາມເປັນຫ່ວງເພີ່ມຂຶ້ນທີ່ວ່າການເລືອກຕັ້ງໃນວັນທີ 5 ພະຈິກນີ້ຈະກໍ່ໃຫ້ມີຄວາມຮຸນແຮງທາງດ້ານການເມືອງຫຼາຍຂຶ້ນ, ການສຳຫຼວດຄວາມຄິດເຫັນໂດຍອົງການຂ່າວ Reuters/Ipsos ໄດ້ຄົ້ນພົບໃນວັນອັງຄານວານນີ້.
ການສຳຫຼວດຄວາມຄິດເຫັນສອງວັນພົບວ່າຜູ້ລົງແຂ່ງຂັນເອົາຕຳແໜ່ງປະທານາທິບໍດີສັງກັດພັກຣີພັບບລີກັນ ທ່ານ ດໍໂນລ ທຣຳ ມີຄະແນນນຳໜ້າປະທານາທິບໍດີ ສະຫະລັດ ສັງກັດພັກເດໂມແຄຣັດ ທ່ານ ໂຈ ໄບເດັນ 43 ຕໍ່ 41 ໃນໝູ່ຜູ້ມີສິດລົງຄະແນນສຽງ, ເຊິ່ງແມ່ນຂໍ້ໄດ້ປຽບທີ່ຢູ່ໃນໄລຍະຂອງຂໍ້ຜິດພາດ 3 ເປີເຊັນຂອງການສຳຫຼວດ, ທີ່ຊີ້ໃຫ້ເຫັນວ່າການພະຍາຍາມເອົາຊີວິດຂອງທ່ານ ທຣຳ ບໍ່ໄດ້ກໍ່ໃຫ້ເກີດການປ່ຽນແປງຄັ້ງໃຫຍ່ໃນຄວາມຄິດຂອງຜູ້ລົງຄະແນນສຽງ.
ແຕ່ຜູ້ລົງຄະແນນສຽງ 80 ເປີເຊັນ, ລວມທັງສ່ວນທີ່ຄ້າຍຄືກັນຂອງພັກເດໂມແຄຣັດ ແລະ ຣີພັບບລີກັນ ກ່າວວ່າເຂົາເຈົ້າເຫັນດີກັບຄຳເວົ້າທີ່ວ່າ “ປະເທດແມ່ນກຳລັງຈະບໍ່ສາມາດຄວບຄຸມໄດ້.” ການສຳຫຼວດ, ເຊິ່ງດຳເນີນຂຶ້ນທາງອອນໄລນ, ໄດ້ສຳຫຼວດຜູ້ໃຫຍ່ ອາເມຣິກັນ 1,202 ຄົນທົ່ວປະເທດ, ລວມທັງຜູ້ມີສິດລົງຄະແນນສຽງ 992 ຄົນ.
ທ່ານ ທຣຳ ໄດ້ລອດຈາກຄວາມຕາຍຢ່າງຫວຸດຫວິດໃນວັນເສົາທີ່ຜ່ານມາ ເວລາທີ່ລູກປືນຂອງຜູ້ອາດເປັນຜູ້ລອບສັງຫານໄດ້ເຈາະຫູຂອງທ່ານ ໃນເວລາທີ່ທ່ານເວົ້າຢູ່ໃນການຊຸມນຸມໂຄສະນາຫາສຽງໃນລັດ ເພັນຊິລເວເນຍ. ເລືອດໄດ້ໄຫຼຜ່ານໜ້າຂອງທ່ານ ແລະ ທ່ານໄດ້ຍົກກຳປັ້ນຂຶ້ນເທິງຟ້າຢ່າງກ້າຫານ, ໂດຍຮ້ອງຄຳເວົ້າອອກມາວ່າ ສູ້, ສູ້, ສູ້! ໃນເວລາທີ່ທ່ານຖືກຟ້າວພາລົງຈາກເວທີ. ຜູ້ເຂົ້າຮ່ວມການຊຸມນຸມຄົນນຶ່ງໄດ້ເສຍຊີວິດ ແລະ ອີກສອງຄົນໄດ້ຮັບບາດເຈັບສາຫັດ.
ການຍິງກັນດັ່ງກ່າວໄດ້ນຳເອົາຄວາມຊົງຈຳເກົ່າ ກ່ຽວກັບ ຊ່ວງເວລາທີ່ວຸ້ນວາຍທາງການເມືອງກັບຄືນມາເຊັ່ນຊຸມປີ 1960, ເວລາທີ່ປະທານາທິບໍດີສັງກັດພັກເດໂມແຄຣັດ ທ່ານ ຈອນ ເອັຟ ເຄັນເນດີ ຖືກລອບສັງຫານໃນປີ 1963, ຕາມດ້ວຍການສັງຫານຜູ້ລົງແຂ່ງຂັນເອົາຕຳແໜ່ງປະທານາທິບໍດີສັງກັດພັກເດໂມແຄຣັດ ທ່ານ ໂຣເບີດ ເອັຟ. ເຄັນເນດີ ໃນປີ 1968.
ຜູ້ລົງຄະແນນສຽງປະມານ 84 ເປີເຊັນໃນການສຳຫຼວດນັ້ນເວົ້າວ່າ ເຂົາເຈົ້າເປັນຫ່ວງວ່າພວກຫົວຮຸນແຮງຈະກໍ່ຄວາມຮຸນແຮງຫຼັງຈາກການເລືອກຕັ້ງ, ເຊິ່ງເພີ່ມຂຶ້ນຈາກຜົນຂອງການສຳຫຼວດໂດຍອົງການຂ່າວ Reuters/Ipsos ທີ່ໄດ້ດຳເນີນຂຶ້ນໃນເດືອນພຶດສະພາທີ່ຜ່ານມາ ທີ່ສະແດງໃຫ້ເຫັນວ່າ ຜູ້ລົງຄະແນນສຽງ 74 ເປີເຊັນມີຄວາມຢ້ານກົວນັ້ນ.
ອ່ານຂ່າວນີ້ເປັນພາສາອັງກິດ
Americans fear their country is spiraling out of control following an assassination attempt on Donald Trump, with worries growing that the Nov. 5 election could spark more political violence, a Reuters/Ipsos poll that closed on Tuesday found.
The two-day poll found Republican presidential candidate Trump opening a marginal lead among registered voters - 43% to 41% - over Democratic U.S. President Joe Biden, an advantage that was within the poll's 3 percentage point margin of error, suggesting the attempt on Trump's life had not sparked a major shift in voter sentiment.
But 80% of voters - including similar shares of Democrats and Republicans - said they agreed with a statement that "the country is spiraling out of the control." The poll, which was conducted online, surveyed 1,202 U.S. adults nationwide, including 992 registered voters.
Trump narrowly avoided death on Saturday when a would-be assassin's bullet grazed his ear as he spoke at a campaign rally in Pennsylvania. Blood trickled across his face and he defiantly pumped his fist in the air, mouthing the words "Fight! Fight! Fight!" as he was rushed offstage. A rally attendee was slain and two others seriously injured.
The shooting brought back memories of turbulent political periods such as the 1960s, when Democratic President John F. Kennedy was assassinated in 1963, followed by the killing of Democratic presidential candidate Robert F. Kennedy in 1968.
Some 84% of voters in the poll said they were concerned that extremists will commit acts of violence after the election, an increase from the results of a Reuters/Ipsos poll conducted in May that showed 74% of voters having that fear.
ຟໍຣັມສະແດງຄວາມຄິດເຫັນ